భారతదేశ ప్రత్యక్ష పన్నుల వ్యవస్థలో ఒక కీలక సంస్కరణ అయిన 'ఆదాయపు పన్ను చట్టం- 2025' నేటి నుంచి అమలులోకి వచ్చింది. ఆరు దశాబ్దాల కాలం నాటి 'ఆదాయపు పన్ను చట్టం- 1961' స్థానంలో వచ్చిన ఈ కొత్త చట్టం.. దేశ ఆదాయపు పన్ను నిబంధనలను సరళీకరించటంతో పాటు ఆధునికీకరించడానికి చేసిన సమగ్ర ప్రయత్నంగా ఉంది. పన్ను విధానంలో ఎలాంటి మార్పులు చేయకుండానే సులభమైన భాష, క్రమబద్ధీకరించిన నిర్మాణం, చదవటానికి అర్థమయ్యే రీతిలో దీనిని రూపొందించారు. ఇది పన్ను చెల్లింపుదారులకు స్పష్టతను ఇస్తూ నిబంధనల అమలును మరింత సులభతరం చేస్తుంది.

ఈ బిల్లుకు 2025 ఆగస్టు 12న పార్లమెంటు ఆమోదం లభించింది. అనంతరం 2025 ఆగస్టు 21న భారత గౌరవ రాష్ట్రపతి ఆమోదం తెలపటంతో ‘ఆదాయపు పన్ను చట్టం-2025'గా (గెజిట్ నోటిఫికేషన్.. ఆదాయపు పన్ను చట్టం- 2025) అవతరించింది.

కొత్త చట్టంలోని నిబంధనలను అమలులోకి తీసుకురావడానికి సీబీడీటీ (సెంట్రల్ బోర్డ్ ఆఫ్ డైరెక్ట్ టాక్సెస్) 2026 మార్చి 20న 'ఆదాయపు పన్ను నిబంధనలు- 2026'ను నోటిఫై (గెజిట్ నోటిఫికేషన్.. ఆదాయపు పన్ను నిబంధనలు- 2026) చేసింది.

వీటికి అనుగుణంగా కొత్త ఫా‌మ్‌లను కూడా నోటిఫై చేశారు. నిబంధనల అమలును మరింత సులభతరం చేసేందుకు ఈ ఫా‌మ్‌లను సరళీకరించి, ప్రామాణికం చేయడంతో పాటు వాటి ప్రక్రియను పునర్వ్యవస్థీకరించారు.

2026 ఏప్రిల్ 1 నుంచి అమలులోకి వచ్చిన 'ఆదాయపు పన్ను చట్టం- 2025'.. భారత పన్ను పరిపాలనలో ఒక నూతన అధ్యాయాన్ని సృష్టించడమే కాకుండా 'వికసిత్ భారత్' దిశగా ఒక ముఖ్యమైన పురోగతిగా నిలుస్తుంది.

***