ত্রাইবেল এফিয়র্স মন্ত্রালয়
ভারত ত্রাইবস ফেস্ত ২০২৬দা পাংথোকখিবা ভন ধন কনক্লেবনা সস্তেনেবল ত্রাইবেল লাইবলুহুদসশিংগী মতাংদা সরকারগী ফিরেপ অদু উৎখ্রে
এম.ও.এস., শ্রী দুর্গাদাস উইকেনা কনক্লেব হৌদোকখ্রে; আর্তিসানশিংগী ৱারী শাখ্রে অমসুং মাইনর ফোরেস্ত প্রদ্যুসকী ভেল্যু এদিসনগী মতাংদা মীৎয়েং চংখ্রে
থাগৎখিবা:
29 MAR 2026 8:24PM by PIB Imphal
সস্তেনেবল লাইবলিহুদস ফোর ত্রাইবেল ইন্দিয়া'’ হায়বা থিমদা ভন ধন কনক্লেব অসি ঙসি ভারত ত্রাইবস ফেস্ত ২০২৬কী শরুক অমা ওইনা ন্যু দিল্লীগী সুন্দর নর্সররীদা ত্রাইবেল এফিয়র্সকী রাজ্য মন্ত্রী শ্রী দুর্গাদাস উইকেনা হৌদোকখ্রে। কনক্লেব অসি ত্রাইবেল এফিয়র্স মন্ত্রালয়গী মখাদা লৈবা ত্রাইফেদনা শীনখি।
থৌরম অদুদা, মন্ত্রীনা ভারত ত্রাইবস ফেস্ত বজারদা তোঙান তোঙানবা স্তোলশিং য়েংখি অমসুং ত্রাইবেল আর্তিসানশিংগা ৱারী শানখি। মহাক্না মখোয়গী হৈশিংবশিংবু থাগৎপা ফোংদোকখি অমসুং ভারতকী মঙাল লৈরবা ত্রাইবেল হেরিতেজ অসি ঙাক-শেন্দুনা মখোয়গী কৈথেল পাকথোক চাউথোকহনবদা মখোয়বু পুক্নিং থৌগৎখি।
মীয়াম তিনখিবা অদুদা ৱা ঙাংলদুনা শ্রী উইকেনা হায়খি মদুদি ইকাই খুম্নরবা প্রধান মন্ত্রী শ্রী নরেন্দ্র মোদীগী লুচিং মখাদা সরকারনা ত্রাইবেল কম্ম্যুনিতীশিংবু সস্তেনেবল লাইবলিহুদকী খুদোংচাবশিং, ওন্তপ্রিন্যুওরশিপ প্রোমোসন, অমসুং মাইনর ফোরেস্ত প্রদ্যুস (এম.এফ.পি.)গী ভেল্যু এদিসন হেনগৎহনবগী খুত্থাংদা ভন ধন ইনিসিয়েতিব অসিনা ত্রাইবেল কম্ম্যুনিতীশিংগীদমক ইনকম অমসুং মার্কেত লিঙ্কেজ মপাঙ্গল কনখৎহনবদা অচৌবা থৌদাং লৌরি হায়না মহাক্না অকনবা ৱাফম থমখি।
হৌদোকপগী মীফম অদুদা ত্রাইফেদকী মেনেজিং দাইরেক্তর শ্রী এম. রাজামুরগান, আই.পি.এসনা হৌদোকপগী ৱারোল পীবা, ত্রাইবেল এফিয়র্স মন্ত্রালয়গী এদিস্নেল সেক্রেতরী শ্রী মনিশ থাকুরনা মরুওইবা ৱারোল পীবা অমসুং পদ্ম শ্রী মনা ফংলবা শ্রী চৈত্রাম দেবচান্দ পৱারনা পীখিবা ৱাখল্লোনশিং য়াওখি। কনক্লেব অসিদা পোলিসী মেকরশিং, এক্সপর্তশিং, একাদেমিকশিং, অমসুং ত্রাইবেল ওন্তপ্রিন্যুওরশিংবু ত্রাইবেলশিংগী পুন্সি মহিং মপাঙ্গল কনখৎহন্নবা খন্ন-নৈনবগীদমক পুনশিনখি।
শ্রী মনীশ থাকুরনা ইনোবেসন, কনভর্জেন্স অমসুং মার্কেত ইন্তিগ্রেসনগী মরুওইবা অদু সস্তেনেবল লাইবলিহুদ ইকোসিস্তেম শেমগৎপদা পনখি। পদ্ম শ্রী চৈত্রম দেবচান্দ পৱারনা কেপাসিতী বিল্দিং, ত্রেদিস্নেল নোলেজ সিস্তেমশিং ঙাক-শেন্দুনা থম্নবা অমসুং রিয়ুজ অমসুং রিসাইকলিংগুম্বা সস্তেনেবল প্রেক্তিসশিং প্রমোৎ তৌবগী তঙাইফদবা অদুদা অকনবা ৱাফম থমখি।
কনক্লেব অসিনা পীরিবা অসিদা মীৎয়েং থম্বা থিমেতিক সেসন মরি য়াওই:
- কম্ম্যুনিতী এঙ্গেজমেন্ত অমসুং গ্রাসরুৎ সোলুসনশিং
- লিগেল ফ্রেমৱার্কশিং অমসুং ওপরেস্নেল চেলেঞ্জশিং
- ভন ধন বিকাস কেন্দ্র (ভি.দি.ভি.কে.) গী ভেল্যু চেনশিং মপাঙ্গল কনখৎহনবা
- দোমেস্তিক অমসুং ইন্তর্নেস্নেল মার্কেৎ এক্সেস পাকথোক চাউথোকহনবা
থৌরম অসিদা কেন্দ্রগী মন্ত্রালয়শিং, রাজ্য সরকারশিং, ভি.দি.ভি.কে.শিং, প্রাইবেৎ সেক্তর স্তেকহোল্দরশিং, এন.জি.ও.শিং অমসুং ইন্তরনেস্নেল ওর্গনাইজেসনশিংনা শরুক য়াখি।
ত্রাইফেদনা মাইনর ফোরেস্ত প্রদ্যুস অমসুং ত্রাইবেল প্রদক্তশিংগী ত্রেদ প্রমোৎ তৌদুনা ত্রাইবেল কম্ম্যুনিতীশিংগী সোসিও-ইকোনোমিক দিবেলপমেন্তদা মরু ওইবা থৌদাং অমা লৌরি। প্রধান মন্ত্রী জনজাতিয় বিকাস মিসন (পি.এম.জে.ভি.এম.) গী মখাদা লৈবাক শিনবা থুংনা ত্রাইবেল মেম্বর লাখ ১২.৪৮ হেনবদা কান্নবা পীরিবা ভন ধন বিকাস কেন্দ্র ৪,১৭২ অয়াবা পীখ্রে। মসিগী মথক্তা, পি.এম.জন্মান স্কিমগী মখাদা, পি.ভি.তি.জি. ভি.দি.ভি.কে. ৫৪০ অয়াবা পীখ্রে, মসিনা চাউরাক্না মেম্বর লাখ ০.৪৬দা কান্নবা ফংহল্লে।
ভন ধন কনক্লেবনা ত্রাইবেলশিংগী পুন্সি মহিং মপাঙ্গল কনখৎহন্দুনা অমসুং ত্রাইবেলগী পোত্থোক পুথোক্লিবশিংবু চাউখৎলক্লিবা কৈথেলশিংগা পুনশিন্নদুনা ইনক্লুসিব অমসুং সস্তেনেবল গ্রোথকীদমক সরকারগী অচেৎপা ফিরেপ অদু অমুক হন্না ফোংদোকখি।
ত্রাইবেল এফিয়র্স মন্ত্রালয় অমসুং ত্রাইফেদনা ত্রাইবেল কম্ম্যুনিতীশিংবু সস্তেনেবল লাইবলিহুদশিং, ত্রেদিস্নেল নোলেজশিং ঙাক-শেন্দুনা থম্নবা অমসুং কৈথেলগা মরী হেনগৎহন্নবগীদমক পায়খৎলিবা খোঙথাংশিংগী খুত্থাংদা মপাঙ্গল কনখৎহন্নবা মখোয়গী ফিরেপ অদু অমুক হন্না ফোংদোকখি।
২০২৬গী এপ্রিল ৫ ফাওবা চৎথগদবা ভারত ত্রাইবস ফেস্ত ২০২৬তা শরুক য়ানবা অমসুং ত্রাইবেল ইন্দিয়াগী ফজরবা নাৎ অমসুং এন্তর্প্রাইজেস অদু একপরিয়েন্স তৌনবা ভিজিস্তরশিংবু পুক্নিং থৌগৎলি।
***
(রিলিজ আই.দি.: 2247017)
ভিজিতর কাউন্তর : 3