بھارت کے بندرگاہی ڈھانچے کو وسعت دینے اور بحری لاجسٹکس کو مضبوط بنانے کی سمت میں ایک بڑے قدم کے طور پر، بندرگاہوں، جہاز رانی اور آبی گزرگاہوں کے عزت مآب وزیر نے نیو منگلور پورٹ اتھارٹی (این ایم پی اے) کی جانب سے برتھ نمبر 9 کو سرکاری نجی شراکتداری (پی پی پی) کی بنیاد پرڈی بی ایف او ٹی ماڈل کے تحت مائع بلک کارگو کی ہینڈلنگ کے لیے دوبارہ تیار کرنے کی تجویز کو منظوری دے دی ہے۔ اس پر عمل درآمد کی منظوری 25 مارچ 2026 کو دی گئی ہے۔

اس منصوبے کے تحت پرانے ڈھانچے کو ہٹا کر برتھ نمبر 9 کی جامع از سر نو تعمیر کی جائے گی تاکہ خام تیل، پیٹرولیم مصنوعات (پی او ایل) اور ایل پی جی جیسے مائع بلک کارگو کو سنبھالا جا سکے۔ جدید کاری کے حصے کے طور پر، برتھ کے ڈرافٹ کو موجودہ 10.5 میٹر سے بڑھا کر 14 میٹر کر دیا جائے گا، جس میں مستقبل کی ضروریات کے پیش نظر 19.8 میٹر تک کی گنجائش رکھی گئی ہے، جس سے بندرگاہ 2,00,000 ڈی ڈبلیو ٹی تک کے جہازوں بشمول ویری لارج گیس کیریئرز (وی ایل جی سی) کی آمد و رفت کے قابل ہو جائے گی۔

اس منصوبے کی اہمیت پر روشنی ڈالتے ہوئے، بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال نے کہا، ’’یہ کایاپلٹ کا منصوبہ وزیراعظم نریندر مودی جی کی دور اندیش قیادت کا عکاس ہے، جن کے دور میں بھارت کا بحری ڈھانچہ بے مثال رفتار سے جدید بنایا جا رہا ہے۔ پرانی سہولیات کو عالمی معیار کے بحری ڈھانچے سے بدل کر، کارگو ہینڈلنگ کی گنجائش کو 10.90 ایم ٹی پی اے تک بڑھا کر اور وی ایل جی سی سمیت بڑے جہازوں کی ہینڈلنگ کو ممکن بنا کر، ہم اپنی بندرگاہوں کو مستقبل کی توانائی اور تجارتی ضروریات کو پورا کرنے کے لیے تیار کر رہے ہیں اور ساتھ ہی ایک عالمی بحری لیڈر کے طور پر بھارت کے کردار کو مزید مضبوط کر رہے ہیں۔‘‘

438.29 کروڑ روپے کی تخمینہ لاگت کے ساتھ، اس از سر نو تعمیر کا کام ایک نجی کنسیشنر کے سپرد کیا جائے گا جس کا انتخاب کھلے مسابقتی بولی کے عمل (سنگل اسٹیج، ٹو اینویلپ سسٹم) کے ذریعے کیا جائے گا۔ اس منصوبے کی گنجائش 10.90 ایم ٹی پی اے ہوگی اور کنسیشنر آپریشنز کے پانچویں سال تک 7.63 ایم ٹی پی اے کے کم از کم گارنٹی شدہ کارگو (ایم جی سی) کا پابند ہوگا۔ تعمیراتی مدت 2 سال ہے، جبکہ کنسیشن کی کل مدت بشمول تعمیر 30 سال ہوگی۔

توقع ہے کہ یہ منصوبہ اہم تزویراتی اور آپریشنل فوائد فراہم کرے گا۔ یہ تقریباً 50 سال پرانے ڈھانچے کو جدید بحری انفراسٹرکچر سے بدل دے گا جسے 50 سالہ ساختی مدت کے لیے ڈیزائن کیا گیا ہے، جو طویل مدتی پائیداری اور لچیلے پن کو یقینی بنائے گا۔ بڑھی ہوئی گنجائش مائع بلک کارگو، خاص طور پر توانائی کی اشیاء کے لیے بڑھتی ہوئی علاقائی طلب کو پورا کرنے کے حوالے سے بندرگاہ کی صلاحیت کو مضبوط کرے گی۔

بڑے جہازوں اور وی ایل جی سیز (وی ایل جی سی) کی ہینڈلنگ کو ممکن بنا کر، یہ منصوبہ بڑے پیداواری لاگت  کو بہتر بنائے گا، لاجسٹکس کی لاگت کو کم کرے گااور بندرگاہ کی مجموعی مسابقت میں اضافہ کرے گا۔ میکانائزیشن کے ذریعے آپریشنل کارکردگی میں نمایاں بہتری آئے گی، جس میں اعلیٰ صلاحیت کے میرین ان لوڈنگ آرمز (ایم یو ایل اے) اور خودکار مورنگ سسٹم  کی تنصیب شامل ہے۔

اس منصوبے میں جدید حفاظتی اور تعمیل کے نظام بھی شامل ہیں، جن میں آگ بجھانے کا جدید ڈھانچہ، نائٹروجن جنریشن اسکڈز  اور مربوط کنٹرول سسٹم شامل ہیں تاکہ خطرناک مائع کارگو کی محفوظ ہینڈلنگ کو یقینی بنایا جا سکے۔

مالی نقطۂ نظر سے، یہ منصوبہ کارگو کے حجم سے منسلک مقررہ رائلٹی کی ادائیگیوں اور لازمی ایم جی سی  وعدوں کے ذریعے پورٹ اتھارٹی کے لیے مستحکم اور مسلسل آمدنی کے ذرائع کو یقینی بنائے گا۔

تزویراتی طور پر، یہ از سر نو تعمیر کرناٹک اور کیرالہ کے اندرونی علاقوں  کے لیے ایک اہم بحری گزرگاہ کے طور پر نیو منگلور پورٹ کی حیثیت کو مزید مضبوط کرے گی، جس سے تجارت میں آسانی، صنعتی ترقی میں تعاون اور توانائی کی سپلائی چین کے لچیلے پن میں اضافہ ہوگا۔

******

ش ح۔ک  ح۔ ش ا

U. No. 5106