భారతీయ రైల్వే కుటుంబంలో లోకో పైలట్లు అత్యంత ముఖ్యమైన సభ్యులు. ప్రయాణికులనూ, సరుకునూ సురక్షితంగా, సమర్థంగా రవాణా చేయడంలో వారిది కీలక పాత్ర. లోకో పైలట్లకు మెరుగైన పని పరిస్థితులను కల్పించేందుకు భారతీయ రైల్వే కట్టుబడి ఉంది. ఖాళీల సంఖ్యను బట్టి ఎప్పటికప్పుడు అసిస్టెంట్ లోకో పైలట్ల నియామకాలను భారతీయ రైల్వే చేపడుతోంది. రైళ్ల కార్యకలాపాలనూ, సిబ్బంది ఉద్యోగ విరమణలనూ దృష్టిలో ఉంచుకుని.. కొత్త పోస్టుల భర్తీకి చర్యలు తీసుకుంటోంది.

2004-05 నుంచి 2013-14 వరకు, అలాగే 2014-15 నుంచి 2025-26 వరకు భారతీయ రైల్వేలో జరిగిన నియామకాల వివరాలిలా ఉన్నాయి: -

భారతీయ రైల్వే పరిమాణం, విస్తృతి, కార్యకలాపాల ప్రాధాన్యం దృష్ట్యా.. ఖాళీలు ఏర్పడటం, వాటిని భర్తీ చేయడమన్నది నిరంతర ప్రక్రియ. సాధారణ కార్యకలాపాలు, సాంకేతిక మార్పులు, యంత్రీకరణ, వినూత్న పద్ధతులకు అనుగుణంగా తగిన సంఖ్యలో, సమర్థమైన మానవ వనరులను రైల్వే సమకూర్చుకుంటుంది. కార్యకలాపాలు, సాంకేతిక అవసరాలకు అనుగుణంగా నియామక సంస్థలకు రైల్వే శాఖ పంపే ప్రతిపాదనల ఆధారంగా ప్రధానంగా ఈ ఖాళీల భర్తీ జరుగుతుంది.

ఆర్ఆర్‌బీ పరీక్షలు సాంకేతికంగా క్లిష్టమైనవి. వీటి నిర్వహణకు భారీగా మానవ వనరుల సమీకరణ, వనరుల వినియోగం, సిబ్బందికి శిక్షణ అవసరమవుతాయి. ఈ సవాళ్లన్నింటినీ అధిగమించి, నిర్ణీత మార్గదర్శకాలను పాటిస్తూ అత్యంత పారదర్శకంగా రైల్వే శాఖ ఈ నియామక ప్రక్రియను విజయవంతంగా పూర్తి చేసింది. ఈ మొత్తం ప్రక్రియలో ఎక్కడా పేపర్ లీకేజీలు లేదా ఇతర అక్రమాలకు తావులేకుండా నిష్పక్షపాతంగా పరీక్షలు జరిగాయి.

అంతేకాకుండా వ్యవస్థాగతమైన సంస్కరణలో భాగంగా.. గ్రూప్ ‘సి’ లోని వివిధ కేటగిరీల పోస్టుల భర్తీ కోసం రైల్వే మంత్రిత్వ శాఖ 2024 నుంచి వార్షిక క్యాలెండర్‌ను విడుదల చేసే విధానాన్ని ప్రవేశపెట్టింది. వార్షిక క్యాలెండరును ప్రవేశపెట్టడం ద్వారా కింది విధాలుగా అభ్యర్థులకు ప్రయోజనం కలుగుతోంది:

·        అభ్యర్థులకు మరిన్ని అవకాశాలు,

·        ఏటా అర్హత పొందుతున్న వారికి అవకాశాలు,

·        పరీక్షల్లో కచ్చితత్వం,

·        వేగవంతంగా ప్రక్రియ, శిక్షణ, నియామకాలు

ప్రస్తుతం 2024, 2025, 2026 వార్షిక క్యాలెండర్ ప్రకారం 1,54,213 నాన్ గెజిటెడ్ సిబ్బంది ఖాళీల భర్తీకి భారతీయ రైల్వే నియామక ప్రక్రియ చేపట్టింది.

2024 జనవరి నుంచి డిసెంబర్ మధ్య కాలంలో మొత్తం 92,116 ఖాళీల భర్తీ కోసం పది ఏకీకృత ఉద్యోగ ప్రకటనలు విడుదలయ్యాయి. ఇందులో అసిస్టెంట్ లోకో పైలట్లు (ఏఎల్పీలు), టెక్నీషియన్లు, రైల్వే రక్షణ దళంలో (ఆర్పీఎఫ్)లో సబ్ ఇనిస్పెక్టర్లు - కానిస్టేబుళ్లు, జూనియర్ ఇంజినీర్లు (జేఈలు), డిపో మెటీరియల్ సూపరింటెండెంట్ (డీఎంఎస్), కెమికల్ - మెటలర్జికల్ అసిస్టెంట్ (సీఎంఏ), పారామెడికల్ విభాగాలు, నాన్ టెక్నికల్ పాపులర్ విభాగాలు (అండర్ గ్రాడ్యుయేట్), మంత్రిత్వ శాఖ - ప్రత్యేక విభాగాలు, లెవెల్-1 విభాగంలోని అసిస్టెంట్లు, ట్రాక్ నిర్వాహకులు, పాయింట్స్‌మెన్ పోస్టులు ఉన్నాయి.

92,116 పోస్టుల భర్తీ కోసం మొదటి దశ/ ఒకే దశ కంప్యూటర్ ఆధారిత పరీక్షలు పూర్తయ్యాయి. వివరాలిలా ఉన్నాయి:-  

ఏఎల్పీ, జేఈ/డీఎంఎస్/సీఎంఏ, నాన్-టెక్నికల్ పాపులర్ విభాగాల్లోని (గ్రాడ్యుయేట్, అండర్-గ్రాడ్యుయేట్) పోస్టులకు సంబంధించి రెండో దశ కంప్యూటర్ ఆధారిత పరీక్షలు కూడా పూర్తయ్యాయి. వివరాలు కింది విధంగా ఉన్నాయి: -  

ఏఎల్పీ, నాన్-టెక్నికల్ పాపులర్ విభాగాల్లో (గ్రాడ్యుయేట్) పోస్టుల కోసం నిర్వహించే కంప్యూటర్ ఆధారిత ఆప్టిట్యూడ్ పరీక్ష (సీబీఏటీ), అలాగే నాన్-టెక్నికల్ పాపులర్ విభాగాల్లోనూ (గ్రాడ్యుయేట్, అండర్ గ్రాడ్యుయేట్), మంత్రిత్వ శాఖలూ ప్రత్యేక విభాగాల్లోనూ పోస్టుల కోసం కంప్యూటర్ ఆధారిత నైపుణ్య పరీక్షలు కూడా విజయవంతంగా పూర్తయ్యాయి. ఆ వివరాలాలా ఉన్నాయి:  

టెక్నీషియన్లు, జూనియర్ ఇంజినీర్లు, పారామెడికల్ విభాగాలు, సబ్-ఇన్‌స్పెక్టర్లు, కానిస్టేబుళ్లు (ఆర్పీఎఫ్), అసిస్టెంట్ లోకో పైలట్ల వంటి వివిధ పోస్టుల కోసం 43,000కు పైగా అభ్యర్థులతో జాబితాలు ఖరారయ్యాయి. వీరిలో అత్యధికులు భద్రతా విభాగాలకు చెందినవారు.

అంతేకాకుండా 2025 సంవత్సరపు వార్షిక క్యాలెండర్ ప్రకారం 50,970 ఖాళీల భర్తీ కోసం తొమ్మిది ఏకీకృత ఉద్యోగ ప్రకటనలు వెలువడ్డాయి. వాటి వివరాలిలా ఉన్నాయి:

19,595 పోస్టులకు మొదటి దశ/ ఒకే దశ కంప్యూటర్ ఆధారిత పరీక్షలు (సీబీటీలు) పూర్తయ్యాయి. వివరాలిలా ఉన్నాయి:-