مشن سکشم آنگن واڑی اور پوشن 2.0 خواتین اور بچوں کی ترقی کی وزارت (ایم او ڈبلیو سی ڈی) کے تحت ایک جامع اسکیم ہے جس کا مقصد تغذیہ کی خدمات کو مضبوط بنانا اور ملک میں تغذیہ کی کمی کے چیلنج سے نمٹنا ہے۔  یہ ایک مرکز کی مالی امداد سے چلنی والی اسکیم ہے جس میں مختلف سرگرمیوں کے نفاذ کی ذمہ داری ریاستوں اور مرکز کے زیر انتظام علاقوں پر عائد ہوتی ہے۔  اس مشن میں مستفیدین ملک میں 6 سال سے کم عمر کے بچے، حاملہ خواتین، دودھ پلانے والی مائیں اور نوعمر لڑکیاں (امنگوں والے اضلاع اور شمال مشرقی خطے میں 14-18 سال کی عمر) شامل ہیں۔

’پوشن ٹریکر‘ ڈیجیٹل ایپلی کیشن کو آنگن واڑی مراکز (اے ڈبلیو سیز) آنگن واڑی ورکرز (اے ڈبلیو ڈبلیوز) اور مستفیدین میں طے شدہ اشارے پر تمام سرگرمیوں کی نگرانی اور ٹریکنگ کے لیے آئی سی ٹی پر مبنی گورننس ٹول کے طور پر شروع کیا گیا ہے۔  اس نے آنگن واڑی خدمات کے لیے تقریبا حقیقی وقت میں ڈیٹا اکٹھا کرنے کی سہولت فراہم کی ہے۔  اس نے فزیکل رجسٹروں میں دستی ڈیٹا اندراج کو آسان بنا کر اور آپریشنل چیلنجوں کو کم کرکے انتظامی کام کو کافی حد تک کم کر دیا ہے۔  مشن پوشن 2.0 کے تحت دستیاب خدمات سے متعلق ڈیٹا درج کرنے کے لیے فرنٹ لائن کارکنان اسمارٹ فون سے لیس ہیں۔  ملک بھر کے تمام اے ڈبلیو ڈبلیو کو انٹرنیٹ کنیکٹوٹی چارجز کے طور پر 2000 روپے سالانہ کی رقم فراہم کی جاتی ہے۔

اے ڈبلیو ڈبلیو کی حمایت کرنے اور نیٹ ورک سے متعلق مسائل جیسے انٹرنیٹ کنیکٹوٹی کم یا نہ ہونے کے لیے، پوشن ٹریکر ایپلی کیشن کو خاص طور پر آف لائن موڈ میں ڈیٹا انٹری میں مدد کے لیے ڈیزائن کیا گیا ہے۔  روزانہ کی سرگرمیوں کی رپورٹنگ جیسے-اے ڈبلیو سیز کا کھلنا، بچوں کی روزانہ حاضری، ٹی ایچ آر اور گرم پکے ہوئے کھانے (ایچ سی ایم) کی تقسیم، اے ڈبلیو سی (پری اسکول کی تعلیم، ذاتی حفظان صحت کے سیشن) وغیرہ میں کی جانے والی سرگرمیاں سرور کی دستیابی سے مبراء آف لائن موڈ میں دستیاب ہیں ۔  اس سے مستفیدین کے لیے آنگن واڑی خدمات سے فائدہ اٹھانے کے لیے زندگی گزارنے میں آسانی پیدا ہوتی ہے اور بلا رکاوٹ خدمات کی فراہمی کو یقینی بنانے کے لیے اے ڈبلیو ڈبلیو کے لیے کاروبار کرنے میں آسانی پیدا ہوتی ہے۔

بلاک اور ڈسٹرکٹ کوآرڈینیٹر پوشن ٹریکر ایپلی کیشن کے مؤثر استعمال اور تکنیکی خرابیوں کے حل کے لیے اے ڈبلیو ڈبلیو اور سپروائزرز کو زمینی سطح پر مدد فراہم کرتے ہیں۔

محکمۂ ٹیلی مواصلات (ڈی او ٹی) مستحکم براڈ بینڈ/انٹرنیٹ کنیکٹوٹی کو مزید یقینی بنا رہا ہے اور دیہی اور دور دراز علاقوں میں ٹیلی کام کی رسائی میں عدم مساوات کو دور کر رہا ہے اور ملک میں ڈیجیٹل بھارت ندھی (ڈی بی این) کے ذریعے ڈیجیٹل فرق کو ختم کر رہا ہے۔  اہم اقدامات میں شامل ہیں:

1. بھارت نیٹ پروجیکٹ گرام پنچایتوں (جی پیز) اور دیہاتوں (مانگ پر) کو براڈ بینڈ فراہم کرتا ہے۔
2. دور دراز کے علاقوں جیسے شمال مشرق، جزائر، ایل ڈبلیو ای (بائیں بازو کی انتہا پسندی)-متاثرہ علاقے، امنگوں والے اضلاع اور سرحدی گاؤں میں تیز رفتار انٹرنیٹ/براڈ بینڈ اور موبائل خدمات (بشمول 4 جی) کے لیے مختلف اسکیمیں
3. مزید برآں، ترمیم شدہ بھارت نیٹ پروگرام (اے بی پی) کے تحت اسکولوں، پی ایچ سیز، آنگن واڑی مراکز، پنچایت دفاتر وغیرہ سمیت سرکاری اداروں کا احاطہ کرنے کو ترجیح دی گئی ہے۔

یہ معلومات خواتین اور بچوں کی ترقی کی وزیر مملکت محترمہ ساوتری ٹھاکر نے لوک سبھا میں ایک سوال کے جواب میں فراہم کیں۔

*****

 (ش ح ۔  ک ح۔ع ن)

U. No.4986

 

(ریلیز آئی ڈی: 2245931) وزیٹر کاؤنٹر : 13