ہندوستان کا صحتی بیمے کا شعبہ مسلسل مضبوط ترقی کا مشاہدہ کر رہا ہے، جو تقریباً 9فیصد  کی شرح سے بڑھ رہا ہے، 2024-25 میں مجموعی صحتی بیمہ پریمیم کی مالیت 1.2 لاکھ کروڑ سے تجاوز کر گئی۔ یہ ترقی بڑھتی ہوئی بیداری، حفظانِ صحت کی مالی اعانت تک بہتر رسائی، اور طبی اخراجات کے خلاف مالی تحفظ کی بڑھتی ہوئی مانگ کی عکاسی کرتی ہے۔

کارکردگی کو بڑھانے اور پالیسی ہولڈرز کی بروقت مدد کو یقینی بنانے کے لیے، انشورنس ریگولیٹری اینڈ ڈیولپمنٹ اتھارٹی آف انڈیا (آئی آر ڈی اے آئی) نے غیر نقدی صحتی بیمے کے دعووں کی کارروائی کے لیے مخصوص ٹائم لائنز مقرر کی ہیں۔

غیر نقدی تصفیے کے لیے لیا گیا وقت

آئی آر ڈی اے آئی کی جانب سے درج ذیل ٹائم لائنیں مقرر کی گئی ہیں:-

i۔ غیر نقدی پیشگی منظوری- ایک گھنٹے کے اندر۔

Ii۔حتمی اجازت - 3 گھنٹے کے اندر۔

ان ٹائم لائنوں کا مقصد تاخیر میں کمی لانا اور اس امر کو یقینی بنانا ہے کہ مریضوں کو بروقت طبی نگہداشت تک رسائی حاصل ہو۔

صحتی بیمہ پریمیم میں اضافہ:

ہیلتھ انشورنس پریمیم میں اضافے کی وجہ عمر بڑھنے والے پالیسی ہولڈرز، زیادہ کوریج، بہتر خصوصیات، اور دیگر عوامل ہیں۔

آئی آر ڈی اے آئی کے 2024 کے ضوابط بتاتے ہیں کہ انشورنس پروڈکٹس کی قیمتیں منصفانہ ہیں، تمام متعلقہ خطرے والے عوامل کی بنیاد پر، اور قابل عمل اور قدر پر مبنی رہتی ہیں، جس میں قابل اعتماد ڈیٹا اور کسٹمر فیڈ بیک کا استعمال کرتے ہوئے مقررہ تخمینہ کار  کی طرف سے وقتاً فوقتاً جائزہ لیا جاتا ہے۔

صحتی دعوؤں کا تصفیہ

سال 2022-23، 2023-24 اور 2024-25 کے لیے دعوؤں کی ادائیگی کا تناسب (دعوے کی تعداد کے لحاظ سے) ذیل میں دکھایا گیا ہے:

مزید، آئی آر ڈی اے آئی کے بیما بھروسہ پورٹل کے مطابق، مالی سال 2024-25 کے دوران، 1,37,361 عام اور صحت بیمہ کی شکایات رپورٹ ہوئیں، جن میں سے 1,27,755 (93فیصد) مالی سال 2024-25 کے دوران ہی نمٹائی گئیں۔

دعوؤں کی عدم اجازت یا تردید کی مثالیں بڑی حد تک مخصوص پالیسی کی شرائط اور حدود سے منسوب ہیں۔ دعووں کی اجازت یا تردید کی کچھ وجوہات میں بیمہ کی رقم سے زیادہ ہونا، شریک ادائیگی کی شق، پالیسیوں میں ذیلی حدود، ٹاپ اپ پالیسیوں میں کٹوتی، کمرے کے کرایے کی حد، متناسب چارجز، غیر طبی اخراجات وغیرہ شامل ہیں۔

مزید برآں، آئی آر ڈی اے آئی کی جانب سے وضاحت کو بڑھانے، دعووں کی کارروائی کو ہموار کرنے، اور پالیسی ہولڈر کے اعتماد کو مضبوط کرنے کے لیے کئی اقدامات کیے گئے ہیں۔ خلاصہ یہ کہ ایک شفاف اور قابل اعتماد ہیلتھ انشورنس ماحولیاتی نظام کو فروغ دینے کے لیے تمام اسٹیک ہولڈرز کی جانب سے ایک متوازن، باخبر نقطہ نظر اہم ہوگا۔

**********

 (ش ح –ا ب ن)

U.No:4958