ভারতনা পায়খৎলিবা থবকশিং মপাঙ্গল কনখৎহন্নবগী মায়কৈদা মরু ওইবা খোঙথাং অমা ওইনা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ২০৩১দগী ২০৩৫ ফাওবগী মতমগীদমক ভারতকী নেস্নেল দিতর্মাইন্দ কন্ত্রিব্যুসন (এন.দি.সি.) অয়াবা পীখ্রে, মসিনা য়ু.এন.এফ.সি.সি.সি. অমসুং মাগী পেরিস এগ্রীমেন্তগী মখাদা লৈবাক্কী পান্দম হেনগৎহল্লি অমরোমদনা সস্তেনেবল দিবেলপমেন্ত অমসুং ক্লাইমেৎ জস্তিসকী মাগী ফিরেপ চেৎশিলহল্লি।

২০৩১-৩৫ ফাওবগী ভারতকী এন.দি.সি. অসি ২০৪৭ ফাওবগী পান্দম খক্তা নত্তনা, লাক্কদৌরিবা চারোন-শুরোনশিংগীদমক চাউখৎপা, অমসুং ক্লাইমেৎ রেসিলিয়েন্ত ভারত অমা শেমগৎনবা ঙসি থবক পায়খৎনবা অচেৎপা ফিরেপ অমা ওইরিবা ভিক্সিৎ ভারতকী ভিজন অসিনা লমজিংলি। ভারতকী মথং মথং লাক্লিবা ক্লাইমেৎ তাগেৎশিং অসি ভারতকী মমাংগী কম্মিৎমেন্তশিংদা য়ুম্ফম ওইদুনা শেমগৎপনি, মসিগী মনুংদা কয়া অমা হান্ননা মাংজৌননা ফংখ্রে, মসিনা ক্লাইমেৎ এক্সনদা লৈবাক অসিনা লেপ্পা লৈতনা হোৎনবগী রেকোর্দ অদু উৎলি। ক্বালিতীগী ওইবা পান্দম মঙা অসিনা নুমিৎ খুদিংগী পুন্সিদা অমসুং লৈঙাক্কী পথাপশিংদা সস্তেনেবিলিতী য়াওহন্নবা, ক্লাইমেৎ-রেসিলিয়েন্ত দিবেলপমেন্ত পাথশিং প্রমোৎ তৌনবা, অমসুং খুন্নাইগী সেক্সন খুদিংমক্কীদমক অচুম্বা অমসুং ইনক্লুসিব ত্রাঞ্জিসন অমা ওইহন্নবা পান্দম থম্লি।

ঙন্না মাইপাকপদগী হৌরগা হেন্না ৱাংবা পান্দম:

পোজিতিব ক্লাইমেৎ এক্সনগী মায়কৈদা ভারতনা লৌখৎলিবা থৌদাংশিং অদুগী মতুং ইন্না, ভারতনা মতম মতমগী ওইনা গ্রীন হাউস গ্যাস থাদোকপা হন্থহন্নবা মাংজিল থারি অমসুং ২০২২দা অপদেৎ তৌরবা মতুংদা, ২০৩১-৩৫গীদমক মাগী পান্দমশিং লাউথোকখ্রে, মসিনা ২০৭০ ফাওবদা নেৎ জিরো ফংহন্নবা পান্দম অদুগী মায়কৈদা মরুওইবা খোঙথাং অমনি। ভারতকী অশেংবা ক্লাইমেৎ কম্মিৎমেন্তশিং হায়বদি ২০১৫দা পীখিবা এন.দি.সি.না ২০৩০ ফাওবগী মনুংদা জি.দি.পি.গী ইমিসন ইন্তেনসিতীদা ৩৩-৩৫% হন্থহন্নবা অমসুং নন-ফোসিল রিসোর্সশিংদা য়ুম্ফম ওইবা ইলেক্ত্রিক পাৱর ইনস্তোল তৌরবা কেপাসিতীদা ৪০%গী শিয়রগা লোয়ননা মপাঙ্গল কনবা য়ুম্ফম অমা থোনখি। হায়রিবা অনিমক অসি চহি ১১ অমসুং চহি ৯গী মমাংদা ফংবা ঙমখি, মসিনা ক্লাইমেৎ গভর্নান্সকীদমক্তা থাজবা য়াবা অমসুং এক্সন-ওরিয়েন্তেদ এপ্রোচ অমা উৎলি।

ঐখোয়গী ইমিসন ইন্তেন্সিতী অসি ২০০৫দগী ২০২০ ফাওবদা ৩৬% হন্থখ্রে, অমসুং ২০৩৫ ফাওবদা ফংনবা পান্দম অসি হৌজিক ৪৭%দা হেনগৎখ্রে। ইনস্তোল তৌরবা ইলেক্ত্রিক পাৱর কেপাসিতীদা নন-ফোসিল ফ্যুএল ইনর্জী রিসোর্সশিংগী শরুক হেনগৎহন্নবা এন.দি.সি.গী অপদেৎ তৌরবা পান্দমগী মায়কৈদা, লৈবাক অসিনা চহি মঙাগী মমাংদা পান্দম অসি মায় পাক্না ফংদুনা নন-ফোসিল কেপাসিতী (ফেব্রুৱারী ২০২৬) গী ৫২.৫৭% ফংলে। হৌজিক্তি ২০৩৫ ফাওবদা ইনস্তোল তৌরবা ইলেক্ত্রিক পাৱর কেপাসিতীদা নন-ফোসিল ফ্যুএল বেজ ইনর্জী রিসোর্সশিংগী শরুক ৬০% ওইহন্নবা পান্দমসু মখা তানা হেনগৎহনখ্রে। ফোরেস্ত অমসুং ত্রী কভরগী খুত্থাংদা অহেনবা কার্বোন সিঙ্ক শেমগৎনবা এন দি সিগী পান্দমদা মখা তানা, ভারতনা ২০২১ ফাওবদা সি.ও.২গী চাংগা মান্নবা তন বিল্লিয়ন ২.২৯ শেমখ্রে। ফোরস্তেসন অমসুং ইকোসিস্তেম অমুক হন্না শেমগৎনবা হোৎনবনা খুঙ্গংগী পুন্সি মহিংদা মতেং পাংদুনা ভারতকী কার্বোন সিঙ্ক পান্দমদা মখা তানা মতেং পাংলি। ঐখোয়গী ফোরেস্তেসনগী থবকশিং অসি ফুদ এন্দ এগ্রিকলচর ওর্গনাইজেসন (এফ.এ.ও.) গুম্বা ইন্দিপেন্দেন্ত এজেন্সীশিংনা শকখঙখি। ফোরেস্ত এরিয়াদা নেৎ গেনগী মতুং ইন্না ভারতনা অহুমশুবদা অমসুং ফোরেস্তকী মখাদা লৈরিবা এরিয়াগী মতুং ইন্না তরুকশুবদা লৈরি। মসিগী খুমাং চাউশিল্লকপা অসিনা ভারতনা জি.দি.পি.গী অৱাংবা গ্রোথ রেৎ লৈরিঙৈদা ইকোনোমী অমসুং ইকোলোজীগী মরক্তা বেলেন্স অমা ঙাক্না চৎলি হায়বসিগী খুদম্নি। হৌজিক, ঐখোয়না ২০৩৫ ফাওবদা কার্বোন সিঙ্ক অমা শেমগৎনবা পান্দম অসি ২০০৫গী থাক অদুদগী ২০৩৫ ফাওবদা কার্বোন এক্বিভেলেন্ত তন বিল্লিয়ন ৩.৫-৪.০ ফাওবগী পান্দম অদু হেন্না হেনগৎহন্নবা হোৎনখি।

ভারতকী ক্লাইমেৎ এক্সন অসি তুংকোইনা চৎথদুনা অমসুং অচৌবা ওইদুনা লাক্লি। মসিগী ত্রেক রেকোর্দনা ঐখোয়গী পান্দমশিং অসি মতমগী মাংওইননা ফংলিবা অদু ময়েক শেংনা উৎলি। মসিনা তুংগী অচেৎপা থৌদাংশিং অদু পাংথোকপা ঙম্বগী ঐখোয়গী তৌবা ঙম্বদা থাজবা পীরক্লি অমসুং এম্বিসিওস ওইবা ক্লাইমেৎ এক্সনগীদমক ভারতনা কত্থোক্লিবা অদু উৎলি।

ক্লীন ইনর্জী অমসুং গ্রীন গ্রোথ খোঙজেল য়াংশিনহল্লি

ভারতকী ক্লাইমেৎ স্ত্রেতেজী অসি অচৌবা স্কেল রিন্যুএবল ইনর্জী পাকথোক চাউথোকহনবা, বেতরী স্তোরেজ সিস্তেমশিং, অমসুং গ্রীন ইনর্জী কোরিদোরশিং, ক্লিনর মেন্যুফেকচরিং, লৈবাক শিনবা থুংনা থাজবা য়াবা অমসুং তুং কোইনা চৎকদবা ইনফ্রাস্ত্রকচর ফংহনবা য়াওনা খোঙথাং কয়া অমা পায়খৎলি।

মসিনা ইনস্তিত্যুস্নেল কেপাসিতী, ইন্নোবেসন ইকোসিস্তেমশিং অমসুং লোকেল লেবেল এদাপ্তেসনগী খোঙথাংশিং মপাঙ্গল কনখৎহন্নবা, গ্রীন হাইদ্রোজেন মিসন, পি.এম. সুর্য়া ঘর: মুফত বিজলী য়োজনা; প্রদক্সন লিঙ্ক ইন্সেন্তিব (পি.এল.আই.) স্কিমশিং, পি.এম.-কুসুম (প্রধান মন্ত্রী কিসান উর্জা সুরক্ষা ইভাম উত্তান মহাভিয়ান), কার্বোন কেপচর, য়ুতিলাইজেসন অমসুং স্তোরেজ (সি.সি.য়ু.এস.)দা শাহৌ পীবা অমসুং ন্যুক্লিয়র ইনর্জী য়াওরি। মখা তানা ভারতনা, ইন্তর্নেস্নেল সোলর এলাইন্স (আই এস এ), কোলিসন ফোর দিজাস্তর রেসিলিয়েন্ত ইনফ্রাস্ত্রকচর ( সি দি আর আই), গ্লোবেল বাইও-ফুয়েল এলাইন্স ( জি বি এ) অমসুং লিদরশিপ গ্রুপ ফোর ইন্দস্ত্রী ত্রাঞ্জিসন (লিদ-আই তি) অসিনচিংবা ইনিসিয়েতিবশিংগী খুত্থাংদা ইন্তর্নেস্নেল থাক্তা পার্তনরশিপ শেমদুনা ভারতনা পোজিতিব ওইবা ক্লাইমেৎ এক্সন এজেন্দা অমা চংশিল্লি।

ক্লাইমেৎ এদাপ্তেসন হেনগৎহল্লি

ভারতকী ক্লাইমেৎ এপ্রোচ অসি মিতিগেসন এক্সনশিংগী ৱাংমদা লৈ অমসুং স্কেল-অপ এদাপ্তেসন এক্সনশিংদা মীৎয়েং থম্লি। ক্লাইমেৎ চেঞ্জগী ইম্পেক্তশিং অসি হান্ননা থোক্লে হায়বা খঙলদুনা, ভারতনা মসিগী শেন্মিৎলোনগী মরুওইবা এক্তরশিংদা এদাপ্তেসন অমসুং দিজাস্তর রেসিলিয়েন্সতা অকনবা মীৎয়েং থম্লি। এদাপ্তেসনগী পান্দমশিং ফংনবগী মায়কৈদা লৌখৎকদবা মরুওইবা খোঙথাং খরদি মেংগ্রুব রিস্তোরেসন, কোস্তেল রিগুলেসন অমসুং ক্লাইমেৎ রেসিলিয়েন্ত ইনফ্রাস্ত্রকচরগী খুত্থাংদা খুদোংথিনিংঙাই ওইবা কোস্তলাইনশিং ঙাক-শেনবা; সাইক্লোন অমসুং নোংলৈ নুংশিৎকীদমক অঙন্না ৱার্নিং পীনবা সিস্তেমশিং; হিমালয়ান স্তেৎশিংদা গ্লেসিয়র মোনিতরিং, বাইওদাইভর্সিতী কঞ্জার্বেসন, অমসুং সস্তেনেবল লাইবলিহুদশিংগীদমক পান্দম থম্লবা প্রোগ্রামশিং; লেন্দস্লাইদ অমসুং গ্লেসিএল লেক আউৎবর্স্ত ফ্লদশিংদগী লাকপা খুদোংচাদবশিং থেংননবা ক্লাইমেৎ রেসিলিয়েন্ত ইনফ্রাস্ত্রকচর; অমসুং স্তেৎ শিনবা থুংনা হীত এক্সন প্লানশিং ইমপ্লিমেন্ত তৌবা; কম্ম্যুনিতি বেজ দিজাস্তর প্রিপারেন্স অমসুং রেসিলিয়েন্স প্রোগ্রামশিংনচিংবা।

মসিগী ক্লাইমেৎ এক্সন ফ্রেমৱার্ক্কী মখাদা, ভারতকী এন.দি.সি. অসি ক্লাইমেৎ চেঞ্জকী নেস্নেল এক্সন প্লান (এন.এ.পি.সি.সি.) অমসুং মসিগী নেস্নেল মিসন মাপন, লোয়ননা ক্লাইমেৎ চেঞ্জকী স্তেত এক্সন প্লান (এস.এ.পি.সি.সি.) ফ্রেমৱার্ক অসি সেন্ত্রেল অমসুং রাজ্য সরকারশিংগী তোঙান তোঙানবা স্কিমশিং অমসুং প্রোগ্রামশিংগা লোইননা ইমপ্লিমেন্ত তৌদুনা ক্লাইমেৎ রেসিলিয়েন্ত অমসুং লো কার্বোন দিবেলপমেন্তকীদমক্তা কোওর্দিনেতেদ, অপুনবা সরকারগী এপ্রোচ অমা লৈহল্লগনি।

ভারতকী ক্লাইমেৎ এক্সন অসি জল জীবন মিসন, নেস্নেল মিসন ওন সস্তেনেবল এগ্রিকলচর, সস্তেনেবল হেবিতেৎ, এম.আই.ঐচ.তি.আই. (মেংগ্রুভ ইনিসিয়েতিব ফোর শোরলাইন হেবিতেৎ এন্দ তেঞ্জিবেল ইনকম), নেস্নেল দিজাস্তর মেনেজমেন্ত প্লান, সোইল হেল্থ কার্দ অমসুং প্রধান মন্ত্রী কৃশি সিঞ্চায়ী য়োজনা (পি.এম.কে.এস.ৱাই.) অসিনচিংবা স্কিমশিং অমসুং প্রোগ্রামশিংগী খুত্থাংদা লোকেল লেবেলদা ইমপ্লিমেন্ত তৌরি।

পিপল-সেন্ত্রিক এপ্রোচ

ভারতকী ক্লাইমেৎ ইসুশিং অসি 'লাইফস্তাইল ফোর এনভাইরনমেন্ত' (লাইফ) গী প্রিন্সিপল অদুদা য়ুম্ফম ওইরি, মসিনা সস্তেনেবল লিভিংবু মাস মুভমেন্ত অমা ওইনা ওন্থোক্লি অমসুং 'এক পের মা কে নাম'গুম্বা ইনিসিয়েতিবশিংনা ত্রী প্লান্তেসনবু মীয়ামনা থৌনা পীবা ক্লাইমেৎ এক্সন অমা ওইনা ওন্থোক্লি।

এন.দি.সি.গী এপ্রোচ (২০৩১-৩৫)

২০৩১দগী ২০৩৫ ফাওবগী ভারতকী এন.দি.সি. শেমগৎপদা, সরকারনা অহানবা গ্লোবেল স্তোক্তেক (জি.এস.তি.) গী ফলশিং, কমন বত দিফরেন্সিএতেদ রেস্পোন্সিবিলিতিজ অমসুং রেস্পেক্তিভ কেপাসিতীজ (সি.বি.দি.আর.-আর.সি.) গী প্রিন্সিপল, অমসুং ইক্বিতী অসি পেরিস এগ্রীমেন্তকী পান্দম অমসুং অশাংবা মতমগী পান্দমগা চুনবা মওংদা নেস্নেল রিয়েলিতিশিং, দিবেলপমেন্তগী মরুওইবশিং, ইনর্জী সেক্যুরিতী অমসুং ক্লাইমেৎ এক্সনদা হেন্না চাউবা পান্দমগী তঙাই ফদবা অসি য়েংলগা খন্নখি।

ভারতকী মথং-মনাও নাইনা লৌখৎলিবা ক্লাইমেৎ কম্মিৎমেন্তশিং অসি স্তেকহোল্দরশিংগা পাক-শন্না খন্ন-নৈনখিবা অমসুং নীতি আয়োগকী ৱার্কিং গ্রুপ ১০না নৈনখিবা অদুগী মহৈনি। হায়রিবা গ্রুপ ১০ অসিদা সেন্ত্রেল মিনিস্ত্রীশিং, দোমেন এক্সপর্তশিং, ইন্দস্ত্রীগী বোদীশিং, সিবিল সোসাইতী ওর্গনাইজেসনশিং অসিনচিংবা য়াওরি। ইনর্জী, ইন্দস্ত্রী, ত্রান্সপোর্ত, লৌউ-শিংউ, ঈশিং অমসুং অর্বান দিবেলপমেন্তকী সেক্তর-স্পিসিফিক ইনপুতশিং অসি কুপ্না য়েংশিনখি। মসিনা রিভাইস তৌরবা পান্দমশিং অসি চাউই, ফংহনবা ঙম্বা ওই অমসুং দোমেস্তিক কেপাসিতীশিংদা য়ুম্ফম ওই হায়বা অসিসু থাজবা পীখি। থৌওং অসিনা নেস্নেল দিবেলপমেন্তগী অহানবা থাকশিং অসি ক্লাইমেৎকী পান্দমশিংগা লোয়ননা মান্নহন্দুনা সরকার অমসুং খুন্নাই পুম্নমক্কী ওইবা থৌওং অমা লৈহনখি। কন্সলতেতিব এপ্রোচ অসিনা ইনক্লুসিব অমসুং পার্তিসিপেতিব ক্লাইমেৎ পোলিসী মেকিংদা ভারতকী অচেৎপা ফিরেপ অদু উৎলি। মসিগা লোয়ননা গ্রোথ, লাইবলিহুদ অমসুং ইনর্জী অমসুং ফুদ সেক্যুরিতী ঙাকথোক্লি।

ভারতকী মথং-মনাও নাইনা লৌখৎলিবা ক্লাইমেৎ কম্মিৎমেন্তশিংনা নহারোল অমসুং নুপীশিংগীদমক অনৌবা খুদোংচাবশিং পুথোক্লগনি। মসিনা মখোয়বু গ্রীন ত্রাঞ্জিসনগী মরুওইবা পার্তনর ওইহল্লগনি।

মপাঙ্গল কনবা পোলিসী দিরেক্সন, তেক্নোলোজিকেল ইন্নোবেসন, অমসুং মীয়ামগী শরুক য়াবগা লোয়ননা, ভারতনা ইকোনোমিক গ্রোথ অমসুং এনভাইরনমেন্ত রেস্পোন্সিবলিতী অসি অমগা অমগা চৎমিন্নবা য়াই হায়বা উৎলি।

মন্ত্রীমন্দলনা ২০৩১দগী ২০৩৫ ফাওবগী মতমগী ভারতকী নেস্নেল দিতর্মাইন্দ কন্ত্রিব্যুসনগী অয়াবা পীখিবা অসি ভারতকী কার্বোন য়াম্না হন্থবা, ক্লাইমেৎ রেসিলিয়েন্ত ওইবা তুংলমচৎ অমগী মায়কৈদা চংশিল্লিবা খোঙচৎতা মরুওইবা মাইলস্তোন অমনি। মসিনা ক্লাইমেৎ এক্সনদা মালেমগী লুচিংবা অমা ওইনা মসিগী থৌদাং অদু হেন্না মপাঙ্গল কনখৎহল্লি।

***