মেঘালয়া রাজ্যদা শিল্লোং-নোংস্তোইন-তুরা রোদ কোরিদোর ফগৎহনবা অমসুং পাকথোক চাউথোকহনবনা হৌজিক লৈরিবা সব-স্তেন্দর্দ স্ত্রেচশিং অসি NH-106 অমসুং NH-127Bগী সেক্সনশিংদা পেবদ শোল্দরশিং য়াওবা লেন অনিগী কেরিয়েজৱে অমা ওইহন্দুনা চৎপগী মতম য়াম্না হন্থহনখ্রে। মমাংদদি, কোরিদোর অসিদা অথাপ্পা লম্বীশিং, অথেকপা গোলাইশিং, য়াম্না ঙম্বা লম্বেলশিং, অমসুং অখুবা থোংশিং লৈরম্মি, মসিনা তোইনা লম্বি চিনবা অমসুং গারিশিং চত্থোক-চৎশিন তৌবদা খোঙজেল তপথহন্নবগী মরম অমা ওইরম্মি। লম্বী পাকথোকপা অমসুং জিওমেত্রিক দিজাইন ফগৎলকপনা মরম ওইদুনা, হৌজিক্তি গারীশিংনা মায়কৈ অনিমক্তা কোম্না চৎপা ঙম্মি, মসিনা মরম ওইদুনা গারীগী খোংজেল চাংচত্তা হেঙ্গৎহল্লি।

অৱাং-নোংপোক্কী অখন্নবা ইনফ্রাস্ত্রকচর দিবেলপমেন্ত স্কিম - রোদ ইনফ্রাস্ত্রকচর নত্তনা (NESIDS-OTRI)গী মখাদা “মিজোরামগী থেঞ্জোলদা হেলীপোর্ত অমসুং হেলীপেদশিং শেমগৎপা” হায়রিবা প্রোজেক্ত অসি লুপা ক্রোর 12.00গী শেনফমগা লোয়ননা 13.10.2025দা অয়াবা পীখ্রে।  মিজোরমগী রাজ্য সরকারনা প্রোজেক্ত অসিগী মতাংদা এক্সিকিউতিং এজেন্সী খনবগীদমক তেন্দর অমা ফোংখ্রে।

পঞ্চায়তি রাজ মন্ত্রালয়না AI-ইনেবল ভোইস-তু-তেক্স মিতিং সমরাইজেশন তুল অমা ওইরিবা সভাসার অসি ওগস্ত 14, 2025দা হৌদোকখ্রে। সভাসার প্লেতফোর্ম অসিনা গ্রাম সভাগী থবক থৌরমশিংবু মওং চুম্না লৌশিনবা অমসুং ৱারোলশিং অদুবু সম্লপ্না পীবা ঙমহল্লি অমসুং গ্রাম সভাগী মীফমশিংদা অমসুং শরুক য়াবগী চাং/মখলগুম্বা মরুওইবা পেরামিতরশিং য়েংশিনবদা মতেং পাংই। সভাসার অসি ত্রিপুরা য়াওনা রাজ্য/UT পুম্নমক্তা ফংহল্লে অমসুং গ্রাম পঞ্চায়তশিংনা রুতিন গ্রাম সভা অমসুং পঞ্চায়ত মীফমশিংগীদমক তপ্না তপ্না শিজিন্নবা হৌরে।

পাইলোত ইমপ্লিমেন্তেসনগী শরুক অমা ওইনা, ত্রিপুরাগী গ্রাম পঞ্চায়ৎ 1,194  পুম্নমকপু 2025গী ওগস্ত 15দা স্পিসিয়েল গ্রাম সভাগীদমক খুৎলাই অসি শীজিন্ননবা পুক্নিং থৌগৎখি, অমসুং নুমিৎ অদুদা গ্রাম পঞ্চায়ত 1,047না থৌরম অদুদা সভাসার মায় পাক্না শীজিন্নখি।

NERদা মন্ত্রালয়না সেঙ্কসন তৌরবা প্রোজেক্তশিং অসি য়েংশিন্নবা অমসুং মতম চানা লোইশিনবা ঙম্নবা MDoNERনা খোংথাং কয়া অমা লৌখৎখ্রে। MDoNERনা NERগী রাজ্য 8 অসিদা ফিল্দ লেবেল তেক্নিকেল সপোর্ত য়ুনিত (FTSU) থাখ্রে, মখোয়না রাজ্যগী প্লানিং দিপার্তমেন্তশিং অমসুং প্রোজেক্ত ইমপ্লিমেন্তিং এজেন্সীশিংগা ৱারী শানগনি, মখোয়না MDoNERগী প্রোজেক্তশিংগী দেতাবেজ, অতোপ্পা প্রোজেক্তশিং য়াওনা রোদ প্রোজেক্তশিং, চাং নাইনা প্রোগ্রেস রিপোর্তশিং থাগৎলগনি অমসুং প্রোজেক্তশিং অদুগী থবক পায়খৎপগী মতাংদা MDoNERদা ফীদবেক পীগনি। FTSU শিংনা MDoNERগী স্কিমশিংগী মখাদা অয়াবা পীরবা প্রোজেক্তশিংগী ফিল্দ ইন্সপেক্সনসু পাংথোকই, অতোপ্পা প্রোজেক্তশিংগী মনুংদা লম্বীগী প্রোজেক্তশিংসু য়াওরি।

মসিগী মথক্তা, প্রোজেক্তশিং অসি MDoNER অমসুং নোর্থ ইস্তর্ন কাউন্সিল (NEC) গী ওফিসিয়েলশিংনা চাং নাইনা মোনিতর তৌই অমসুং য়েংশিল্লি। প্রোজেক্তশিং অসি পায়খৎপগী খোংজেল য়েংশিন্নবা মন্ত্রালয়না ইন্দিয়াগী অৱাং নোংপোক লমদমগী রাজ্য সরকারশিংগা চাং নাইনা মীফম পাংথোক্লি। প্রোজেক্ত ক্বালিতী মোনিতরশিং/থর্দ পার্তী তেক্নিকেল ইন্সপেক্সন এজেন্সীশিং (PQM/TPTI) অসি MDoNERগী মোনিতরিং মেকানিজম মপাঙ্গল কনখৎহন্নবা হৌদোকখ্রে।

মসিগী পাউ অসি অৱাং নোংপোক লমদমগী চাউখৎ থৌরাং মন্ত্রালয়গী রাজ্য মন্ত্রী, দা. সুকান্তা মজুমদারনা ঙসি লোক সভাদা ৱাহং অমগী অইবা পাউখুম ওইনা হায়খি।

***