કેન્દ્રીય યુવા બાબતો અને રમતગમત મંત્રી ડૉ. મનસુખ માંડવિયાએ બુધવારે રિયાધમાં એશિયન લેક્રોસ ગેમ્સમાં ગોલ્ડ મેડલ વિજેતા પ્રદર્શન બાદ ભારતીય પુરૂષ અને મહિલા લેક્રોસ ટીમોનું સન્માન કર્યું હતું, અને તેમને સખત મહેનત ચાલુ રાખવા અને લોસ એન્જલસ 2028 ઓલિમ્પિક માટે ક્વોલિફાય થઈને ઈતિહાસ રચવાનું લક્ષ્ય રાખવા આગ્રહ કર્યો હતો.

એથ્લેટ્સ સાથે વાતચીત કરતા, માનનીય મંત્રીએ લેક્રોસ જેવી ઉભરતી રમતોમાં નિશ્ચય, એક્સપોઝર (પ્રદર્શનની તક) અને સતત પ્રયત્નોના મહત્વ પર ભાર મૂક્યો હતો. “લેક્રોસ એ ભારત માટે આગામી મોટી રમત છે. આ તમારું પ્રથમ મોટું આંતરરાષ્ટ્રીય એક્સપોઝર હતું અને તમે પહેલેથી જ મેડલ ઘરે લાવ્યા છો. હવે ધ્યાન વધુ મહેનત કરવા, વધુ એક્સપોઝર મેળવવા અને LA 2028માં ક્વોલિફિકેશનનું લક્ષ્ય રાખીને દેશને ગૌરવ અપાવવા પર હોવું જોઈએ,” તેમ માંડવિયાએ જણાવ્યું હતું.

તેમણે ઉમેર્યું હતું કે સરકાર, ખેલો ઇન્ડિયા જેવી પહેલો દ્વારા, એથ્લેટ્સને ટેકો આપવાનું ચાલુ રાખશે, પરંતુ ભારપૂર્વક જણાવ્યું હતું કે જુસ્સો અને ખંત ચાવીરૂપ છે.

ભારતે આ ફેબ્રુઆરીમાં સાઉદી અરેબિયાના રિયાધમાં યોજાયેલી એશિયન લેક્રોસ ગેમ્સમાં શાનદાર પ્રદર્શન કર્યું હતું, જેમાં સિક્સેસ (Sixes) ફોર્મેટમાં પુરૂષ અને મહિલા બંને ઈવેન્ટ્સમાં ગોલ્ડ મેડલ મેળવ્યા હતા. ભારતીય પુરુષો અને મહિલાઓએ તેમની અંતિમ મેચમાં અનુક્રમે ઈરાક અને પાકિસ્તાનને હરાવ્યા હતા.

ભારતીય મહિલા લેક્રોસ ટીમે માત્ર 2024માં જ તેની આંતરરાષ્ટ્રીય કારકિર્દીની શરૂઆત કરી હતી, જ્યારે પુરૂષોની ટીમે 2025 માં તેનું અનુસરણ કર્યું હતું, જે આ સફળતાને વધુ નોંધપાત્ર બનાવે છે. ભારતની જીતની એક વિશિષ્ટ વિશેષતા એ હતી કે દેશભરમાંથી વૈવિધ્યસભર પ્રતિનિધિત્વ જોવા મળ્યું હતું, જેમાં રાજસ્થાન, મહારાષ્ટ્ર, હરિયાણા, ગુજરાત, તમિલનાડુ, ઓડિશા, આસામ, જમ્મુ અને કાશ્મીર, આંધ્રપ્રદેશ, તેલંગાણા અને ઉત્તર પ્રદેશ સહિતના વિવિધ રાજ્યોના એથ્લેટ્સ આવ્યા હતા.

એશિયા-પેસિફિક લેક્રોસ યુનિયન હેઠળ આયોજિત એશિયન લેક્રોસ ગેમ્સ, લોસ એન્જલસ 2028 ઓલિમ્પિકમાં આ રમતનો સમાવેશ થાય તે પહેલા પ્રદેશમાં સ્પર્ધાત્મક માર્ગો વિકસાવવાના વ્યાપક પ્રયાસનો એક ભાગ છે. ભારતની આગામી મુખ્ય જવાબદારીઓમાં એપ્રિલમાં ચીનના ચેંગડુમાં ત્રીજી એશિયન લેક્રોસ ગેમ્સ અને આ ઓક્ટોબરમાં ઓસ્ટ્રેલિયામાં એશિયા-પેસિફિક સિક્સેસ લેક્રોસ ચેમ્પિયનશિપનો સમાવેશ થાય છે, જે LA 2028 માટે ક્વોલિફિકેશન પાથવે તરીકે કામ કરશે.

 

Felicitated our lacrosse teams for their commendable performance at the Asian Lacrosse Games 2026 in Riyadh.

Under the leadership of PM Shri @narendramodi Ji, Bharat’s steady rise in emerging sports is a matter of immense pride, reflecting the expanding depth and strength of our… pic.twitter.com/Z9nQUTNlDH

— Dr Mansukh Mandaviya (@mansukhmandviya) March 25, 2026

SM/IJ/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(રીલીઝ આઈડી: 2244966) મુલાકાતી સંખ્યા : 22