રાષ્ટ્રીય જૈવવિવિધતા સત્તામંડળ (NBA) એ સ્નાતક/અનુસ્નાતક અભ્યાસ કરી રહેલા વિદ્યાર્થીઓ માટે, NBA કાર્યક્રમો સાથે સક્રિય જોડાણ દ્વારા હેન્ડ્સ-ઓન (પ્રાયોગિક), પ્રોજેક્ટ-આધારિત શિક્ષણ પ્રદાન કરવા માટે ટૂંકા ગાળાના ઇન્ટર્નશિપ પ્રોગ્રામ (3 મહિના સુધીના) ની શરૂઆત કરી છે.

આ કાર્યક્રમ ક્ષમતા નિર્માણ કરવા, પર્યાવરણીય જાગૃતિ ઊંડી બનાવવા અને જૈવવિવિધતા સંરક્ષણ તથા કુદરતી સંસાધન વ્યવસ્થાપન ક્ષેત્રોમાં યુવાનો માટે રોજગારીની તકોમાં નોંધપાત્ર વધારો કરવા અને તેમને જૈવવિવિધતાના એમ્બેસેડર તરીકે વિકસાવવા માટે તૈયાર કરવામાં આવ્યો છે.

NBA એક વર્ષના સમયગાળા માટે નિયમિત જૈવવિવિધતા સંરક્ષણ ઇન્ટર્નશિપ પ્રોગ્રામ (BSIP) પણ ચલાવે છે અને તેને વધુ બે વર્ષ સુધી લંબાવી શકાય છે. ચાલુ વર્ષમાં BSIP ના છઠ્ઠા ચક્રમાં 24 BSIP ઇન્ટર્ન્સની પસંદગી કરવામાં આવી છે અને તેમને જૈવવિવિધતા સંરક્ષણ પ્રાયોગિક રીતે શીખવા અને રાજ્ય જૈવવિવિધતા બોર્ડ (SBBs) / કેન્દ્રશાસિત પ્રદેશ જૈવવિવિધતા પરિષદો (UTBCs) ને તેમની કામગીરીમાં મદદ કરવા માટે વિવિધ SBBs અને UTBCs માં મૂકવામાં આવ્યા છે.

વર્ષભરના કાર્યક્રમ દરમિયાન, SBBs/UTBCs ને ફાળવવામાં આવેલા ઇન્ટર્ન્સ, SBBs/UTBCs ની નિયમિત પ્રવૃત્તિઓ કરવા ઉપરાંત મીટિંગોમાં ભાગ લે છે, કાર્યક્રમોનું આયોજન કરે છે અને ફિલ્ડ અભ્યાસ કરે છે. NBA રસ ધરાવતા ઇન્ટર્ન્સને વધુ બે વર્ષ સુધી ઇન્ટર્નશિપ ચાલુ રાખવા અને જૈવવિવિધતા સંરક્ષણમાં તેમના જ્ઞાન અને કૌશલ્યને ઊંડું કરવાની તક પૂરી પાડે છે.

એક વર્ષનો BSIP નિયમિત કાર્યક્રમ પર્યાવરણ, વન અને આબોહવા પરિવર્તન મંત્રાલય (MoEFCC), NBA અને સંયુક્ત રાષ્ટ્ર વિકાસ કાર્યક્રમ (UNDP) ની સક્રિય ભાગીદારીમાં શરૂ કરવામાં આવ્યો હતો, જેથી પ્રાયોગિક ફિલ્ડ જોડાણ દ્વારા પ્રશિક્ષિત યુવા વ્યાવસાયિકોની કેડર વિકસાવવામાં આવે. અખિલ ભારતીય સ્પર્ધાત્મક પ્રક્રિયા દ્વારા પસંદ કરાયેલા, ઇન્ટર્ન્સને જૈવવિવિધતા સંરક્ષણ પહેલને સમર્થન આપવા અને SBBs અને UTBCs ને મદદ કરવા માટે રાજ્યો અને કેન્દ્રશાસિત પ્રદેશોમાં તૈનાત કરવામાં આવે છે.

પ્રથમ BSIP ચક્ર (2019-20) નું ઉદ્ઘાટન 22 મે 2020 ના રોજ આંતરરાષ્ટ્રીય જૈવવિવિધતા દિવસ દરમિયાન કેન્દ્રીય પર્યાવરણ, વન અને આબોહવા પરિવર્તન મંત્રી દ્વારા કરવામાં આવ્યું હતું. NBA હાલમાં આ ઇન્ટર્નશિપને ટેકો આપવા માટે અંદાજે એક કરોડ રૂપિયાનું રોકાણ કરે છે, જે મજબૂત રાષ્ટ્ર નિર્માણ અને ભવિષ્યના જૈવવિવિધતા એમ્બેસેડરોની મજબૂત કેડરના વિકાસમાં યોગદાન આપે છે.

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(રીલીઝ આઈડી: 2244850) મુલાકાતી સંખ્યા : 23