ಭಾರತೀಯ ರೈಲ್ವೆ ಮಾರ್ಚ್ 22, 2026 ರಂದು ದೆಹಲಿ-ಹೌರಾ ಹೈ-ಡೆನ್ಸಿಟಿ ಕಾರಿಡಾರ್‌ ನ ಪ್ರಯಾಗ್‌ ರಾಜ್ (ಹೊರತುಪಡಿಸಿ) - ಕಾನ್ಪುರ್ (ಹೊರತುಪಡಿಸಿ) ವಿಭಾಗದಲ್ಲಿ (190 ರೂಟ್ ಕಿಲೋಮೀಟರ್‌ ಗಳು) ಕವಚ್ ಸ್ವಯಂಚಾಲಿತ ರೈಲು ರಕ್ಷಣೆ (ಎ.ಟಿ.ಪಿ) ವ್ಯವಸ್ಥೆಯನ್ನು ಯಶಸ್ವಿಯಾಗಿ ನಿಯೋಜಿಸಿದೆ. ಕವಚ್ ವ್ಯವಸ್ಥೆಯನ್ನು ರೈಲು ಸಂಖ್ಯೆ 14163 ಮೂಲಕ ಅಳವಡಿಸಲಾಯಿತು. ಕವಚ್ ವ್ಯವಸ್ಥೆಯ ಕಾರ್ಯಕ್ಷಮತೆಯನ್ನು ನಿರ್ಣಯಿಸಲು ಜನರಲ್ ಮ್ಯಾನೇಜರ್ ಸುಬೇದರ್‌ ಗಂಜ್‌ ನಿಂದ ಮನೌರಿ ನಿಲ್ದಾಣದವರೆಗೆ ರೈಲು ಸಂಖ್ಯೆ 14163 ರಲ್ಲಿ ಪಾದಚಾರಿ ತಪಾಸಣೆ ನಡೆಸಿದರು.  ಈ ಸಂದರ್ಭದಲ್ಲಿ ಪಿ.ಎಚ್‌.ಒ.ಡಿಗಳು, ಡಿ.ಆರ್‌.ಎಂ/ಪ್ರಯಾಗರಾಜ್, ಪ್ರಧಾನ ಕಚೇರಿ ಅಧಿಕಾರಿಗಳು ಮತ್ತು ವಿಭಾಗೀಯ ಅಧಿಕಾರಿಗಳು ಸೇರಿದಂತೆ ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು.

ಮೊದಲ ಹಂತದಲ್ಲಿ, ಎಂಟು ಜೋಡಿ ರೈಲುಗಳಲ್ಲಿ ಕವಚ್ ಅನ್ನು ಸಕ್ರಿಯಗೊಳಿಸಲಾಗುತ್ತದೆ: ಅವುಗಳೆಂದರೆ , 14113/14114, 14163/14164, 12307/12308, 12417/12418, 22437/22438, 15003/15004, 20433/20434, ಮತ್ತು 12403/12404. ಹೆಚ್ಚುವರಿ ರೈಲುಗಳು ಮತ್ತು ವಂದೇ ಭಾರತ್ ಅನ್ನು ಹಂತಹಂತವಾಗಿ ಈ ಪಟ್ಟಿಯಲ್ಲಿ ಸೇರಿಸಲಾಗುವುದು.

ಈ ಕಾರ್ಯಾರಂಭವು 160 ಕಿಮೀ/ಪಿ.ಹೆಚ್ ವೇಗದಲ್ಲಿ ರೈಲುಗಳನ್ನು ಓಡಿಸುವಲ್ಲಿ ಮತ್ತು ರೈಲ್ವೆ ಸುರಕ್ಷತೆಯನ್ನು ಹೆಚ್ಚಿಸುವಲ್ಲಿ ಮತ್ತು ಕಾರ್ಯಾಚರಣೆಯ ದಕ್ಷತೆಯನ್ನು ಸುಧಾರಿಸುವಲ್ಲಿ ಮಹತ್ವದ ಮೈಲಿಗಲ್ಲನ್ನು ಗುರುತಿಸುತ್ತದೆ.

ಕಾರ್ಯಾರಂಭ ಮಾಡುವ ಮೊದಲು, ವ್ಯಾಪಕ ಮತ್ತು ಕಠಿಣ ಪ್ರಯೋಗಗಳನ್ನು ಯಶಸ್ವಿಯಾಗಿ ನಡೆಸಲಾಯಿತು.  ಪ್ರಾಯೋಗಿಕ ಓಟಗಳಲ್ಲಿ 8, 16 ಮತ್ತು 22 ಎಲ್.ಎಚ್.ಬಿ. ಕೋಚ್ ಕಾನ್ಫಿಗರೇಶನ್‌ಗಳನ್ನು ಹೊಂದಿರುವ ವಾಪ್-7 ಲೋಕೋಮೋಟಿವ್‌ಗಳು ಮತ್ತು 20-ಕೋಚ್ ವಂದೇ ಭಾರತ್ ರೇಕ್ ಸೇರಿವೆ, ಇದು ವಿವಿಧ ಕಾರ್ಯಾಚರಣೆಯ ಪರಿಸ್ಥಿತಿಗಳಲ್ಲಿ ವ್ಯವಸ್ಥೆಯ ವಿಶ್ವಾಸಾರ್ಹತೆಯನ್ನು ಖಚಿತಪಡಿಸುತ್ತದೆ. ವಾಪ್-7 ಎಂಬುದು ರಾಜಧಾನಿ, ಶತಾಬ್ದಿ ಮತ್ತು ಡುರೊಂಟೊ ಎಕ್ಸ್‌ಪ್ರೆಸ್‌ನಂತಹ ಪ್ರೀಮಿಯಂ ಸೇವೆಗಳನ್ನು ಒಳಗೊಂಡಂತೆ ಪ್ರಯಾಣಿಕ ರೈಲುಗಳನ್ನು ಸಾಗಿಸಲು ಭಾರತೀಯ ರೈಲ್ವೆ ಬಳಸುವ ಉನ್ನತ-ಕಾರ್ಯಕ್ಷಮತೆಯ ವಿದ್ಯುತ್ ಲೋಕೋಮೋಟಿವ್ ಆಗಿದೆ.

ನಿಯಮಿತ ಸೇವೆಯ ಸಮಯದಲ್ಲಿ ಸ್ಥಿರ ಮತ್ತು ವಿಶ್ವಾಸಾರ್ಹ ಕಾರ್ಯಕ್ಷಮತೆಯನ್ನು ಪ್ರದರ್ಶಿಸಿದ ರೈಲು ಸಂಖ್ಯೆ 15003/15004 (ಚೌರಿ ಚೌರಾ ಎಕ್ಸ್‌ಪ್ರೆಸ್) ಅನ್ನು ಬಳಸಿಕೊಂಡು ಪ್ರಯಾಣಿಕರ ಪ್ರಯೋಗಗಳನ್ನು ಸಹ ನಡೆಸಲಾಯಿತು.

20,000 ಕಿಲೋಮೀಟರ್‌ ಗಳಿಗಿಂತ ಹೆಚ್ಚು ಪ್ರಯಾಣಿಕರ ಪ್ರಾಯೋಗಿಕ ಓಟಗಳನ್ನು ಇದುವರೆಗೆ ಯಶಸ್ವಿಯಾಗಿ ಪೂರ್ಣಗೊಳಿಸಲಾಗಿದೆ, ಎಲ್ಲಾ ವ್ಯವಸ್ಥೆ, ಕ್ರಮ ಪದ್ದತಿಗಳ ಮೌಲ್ಯೀಕರಣಗಳು ತೃಪ್ತಿಕರವೆಂದು ಕಂಡುಬಂದಿದೆ.

ಕವಚ್ ವ್ಯವಸ್ಥೆಯು ಈ ಕೆಳಗಿನ ವೈಶಿಷ್ಟ್ಯಗಳ ಮೂಲಕ ರೈಲ್ವೆ ಸುರಕ್ಷತೆಯನ್ನು ಗಮನಾರ್ಹವಾಗಿ ಹೆಚ್ಚಿಸುತ್ತದೆ:

• ಸ್ವಯಂಚಾಲಿತ ರೈಲು ರಕ್ಷಣೆ (ಎಟಿಪಿ)
• ಅಪಾಯದಲ್ಲಿ ಸಿಗ್ನಲ್ ಹಾದುಹೋಗುವುದನ್ನು ತಡೆಗಟ್ಟುವುದು (ಸ್ಪಾಡ್)
• ಮಾನವ ದೋಷದ ಸಂದರ್ಭದಲ್ಲಿ ಸ್ವಯಂಚಾಲಿತ ತಡೆ ಅಳವಡಿಕೆ (ಬ್ರೇಕ್ ಅಪ್ಲಿಕೇಶನ್)

ಕವಚ್ ಎಂಬುದು ಮೇಕ್ ಇನ್ ಇಂಡಿಯಾ ಉಪಕ್ರಮದ ಅಡಿಯಲ್ಲಿ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಲಾದ ಸ್ವಯಂಚಾಲಿತ ರೈಲು ರಕ್ಷಣಾ ವ್ಯವಸ್ಥೆಯಾಗಿದ್ದು, ಸುರಕ್ಷತೆಯನ್ನು ಬಲಪಡಿಸಲು ಮತ್ತು ರೈಲು ಕಾರ್ಯಾಚರಣೆಗಳನ್ನು ಆಧುನೀಕರಿಸಲು ಭಾರತೀಯ ರೈಲ್ವೆಯಾದ್ಯಂತ ಹಂತಹಂತವಾಗಿ ನಿಯೋಜಿಸಲಾಗುತ್ತಿದೆ.

ಇದಕ್ಕೂ ಮೊದಲು, ವ್ಯಾಪಕ ಮತ್ತು ವಿಸ್ತಾರವಾದ ಪ್ರಯೋಗಗಳ ನಂತರ, ಕವಚ್ ಆವೃತ್ತಿ 4.0 ಅನ್ನು 1,452 ರೂಟ್ ಕಿಲೋಮೀಟರ್‌ ಗಳಲ್ಲಿ ಯಶಸ್ವಿಯಾಗಿ ನಿಯೋಜಿಸಲಾಗಿದೆ, ಇದು ಅತಿ ಸಾಂದ್ರತೆಯ ದೆಹಲಿ-ಮುಂಬೈ ಮತ್ತು ದೆಹಲಿ-ಹೌರಾ ಮಾರ್ಗಗಳನ್ನು ಒಳಗೊಂಡಿದೆ.

ಭಾರತೀಯ ರೈಲ್ವೆ ಆಧುನಿಕ ಸುರಕ್ಷತಾ ತಂತ್ರಜ್ಞಾನಗಳನ್ನು ಅಳವಡಿಸಿಕೊಳ್ಳಲು ಮತ್ತು ಸುರಕ್ಷತಾ ಚೌಕಟ್ಟನ್ನು ಬಲಪಡಿಸಲು, ಪ್ರಯಾಣಿಕರಿಗೆ ಸುರಕ್ಷಿತ, ಹೆಚ್ಚು ವಿಶ್ವಾಸಾರ್ಹ ಮತ್ತು ಪರಿಣಾಮಕಾರಿ ರೈಲು ಕಾರ್ಯಾಚರಣೆಗಳನ್ನು ಖಚಿತಪಡಿಸಿಕೊಳ್ಳಲು ಬದ್ಧವಾಗಿದೆ.

ಮುಂದಿನ ಹಂತದಲ್ಲಿ ಘಾಜಿಯಾಬಾದ್ - ತುಂಡ್ಲಾ ವಿಭಾಗದಲ್ಲಿ 160 ಕಿಮೀ / ಗಂಟೆ ರೈಲುಗಳನ್ನು ಓಡಿಸಲು ಅನುಕೂಲವಾಗುವಂತೆ ಕವಚ್ ವ್ಯವಸ್ಥೆಯನ್ನು ಮಿಷನ್ ರಫ್ತಾರ್‌ ನ ಉದ್ದೇಶಗಳಲ್ಲಿ ಒಂದಾಗಿ ಅಲ್ಲಿ ಕೂಡ ಪರಿಚಯಿಸಲಾಗುವುದು.

 

*****

(ಪ್ರಕಟಣೆ ಐ.ಡಿ.: 2244215) ವಿಸಿಟರ್ ಕೌಂಟರ್ : 16