ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਦੇ ਮਾਰਗਦਰਸ਼ਨ ਵਿੱਚ ਸਥਾਪਿਤ, RRU ਦਾ ਮੁੱਖ ਉਦੇਸ਼ SSB ਦੁਆਰਾ ਕਰਵਾਏ ਜਾਣ ਵਾਲੇ ਮੌਜੂਦਾ ਅਤੇ ਭਵਿੱਖ ਦੇ ਕੋਰਸਾਂ ਨੂੰ ਮਾਨਤਾ ਦੇਣਾ ਹੈ

RRU ਪੇਸ਼ੇਵਰ ਵਿਕਾਸ ਦੇ ਉੱਚਤਮ ਮਿਆਰਾਂ ਨੂੰ ਯਕੀਨੀ ਬਣਾਉਣ ਲਈ, SSB ਕਰਮਚਾਰੀਆਂ ਨੂੰ ਆਪਣੀਆਂ ਅਤਿ-ਆਧੁਨਿਕ ਪ੍ਰਯੋਗਸ਼ਾਲਾਵਾਂ ਅਤੇ ਖੇਤਰ-ਅਧਾਰਿਤ ਵਰਕਸ਼ਾਪਾਂ ਰਾਹੀਂ ਵਿਵਹਾਰਕ ਸਿਖਲਾਈ ਪ੍ਰਦਾਨ ਕਰੇਗਾ

ਇਸ ਪਹਿਲਕਦਮੀ ਨਾਲ ਸੀਮਾ ਨਿਗਰਾਨੀ ਅਤੇ ਅੰਦਰੂਨੀ ਸੁਰੱਖਿਆ ਚੁਣੌਤੀਆਂ ਲਈ ਤਕਨਾਲੋਜੀ-ਅਧਾਰਿਤ ਹੱਲਾਂ 'ਤੇ ਧਿਆਨ ਕੇਂਦ੍ਰਿਤ ਕਰਦੇ ਹੋਏ ਸੀਮਾ ਸੁਰੱਖਿਆ ਬਲ (SSB)  ਲਈ ਸਿਖਲਾਈ ਪਾਠਕ੍ਰਮ ਨੂੰ ਆਧੁਨਿਕ ਬਣਾਉਣ ਦੀ ਉਮੀਦ ਹੈ

ਇਸ ਪਹਿਲ ਦਾ ਉਦੇਸ਼ ਦੋਵੇਂ ਸੰਸਥਾਵਾਂ ਦੀਆਂ  ਪ੍ਰਤਿਭਾਵਾਂ ਦਾ ਲਾਭ ਲੈ ਕੇ, SSB ਦੇ ਅੰਦਰ ਨਿਰੰਤਰ ਪੇਸ਼ੇਵਰ ਵਿਕਾਸ ਲਈ ਇੱਕ ਮਜ਼ਬੂਤ ​​ਈਕੋਸਿਸਟਮ ਤਿਆਰ ਕਰਨਾ ਹੈ

ਭਾਰਤ ਦੇ ਅੰਦਰੂਨੀ ਸੁਰੱਖਿਆ ਢਾਂਚੇ ਨੂੰ ਮਜ਼ਬੂਤ ​​ਕਰਨ ਦੀ ਦਿਸ਼ਾ ਵਿੱਚ ਹਾਲ ਹੀ ਵਿੱਚ ਚੁੱਕੇ ਗਏ ਕਦਮਾਂ ਵਿੱਚ, ਰਾਸ਼ਟਰੀਯ ਰਕਸ਼ਾ ਯੂਨੀਵਰਸਿਟੀ (RRU) ਅਤੇ ਸਸ਼ਤਰ ਸੀਮਾ ਬਲ (SSB) ਅਕੈਡਮੀ ਨੇ ਆਪਣੇ ਸਿਖਲਾਈ ਅਦਾਰਿਆਂ ਦੇ ਨਾਲ, ਵਿਸ਼ੇਸ਼ ਸੁਰੱਖਿਆ ਕੋਰਸਾਂ ਨੂੰ ਐਫਿਲੀਏਟ ਅਤੇ ਮਾਨਤਾ ਦੇਣ ਲਈ ਅੱਜ ਅਧਿਕਾਰਤ ਤੌਰ 'ਤੇ ਇੱਕ ਸਮਝੌਤਾ ਪੱਤਰ (MoU) 'ਤੇ ਹਸਤਾਖਰ ਕੀਤੇ ਹਨ। ਰਸਮੀ ਹਸਤਾਖਰ ਸਮਾਰੋਹ ਦਿੱਲੀ ਵਿਖੇ SSB ਹੈੱਡਕੁਆਰਟਰ ਵਿੱਚ ਹੋਇਆ, ਜਿਸ ਵਿੱਚ RRU ਦੇ ਪ੍ਰੋ-ਵਾਈਸ ਚਾਂਸਲਰ ਪ੍ਰੋਫੈਸਰ (ਡਾ.) ਕਲਪੇਸ਼ ਐੱਚ. ਵਾਂਡ੍ਰਾ; RRU ਵਿਖੇ ਐਫਿਲੀਏਸ਼ਨ ਅਤੇ ਮਾਨਤਾ ਦੇ ਡੀਨ ਸ਼੍ਰੀ ਅਵਿਨਾਸ਼ ਖਰੇਲ; ਅਤੇ SSB ਦੇ ਡਾਇਰੈਕਟਰ ਜਨਰਲ (DG) ਸ਼੍ਰੀ ਸੰਜੈ ਸਿੰਘਲ ਅਤੇ ਉਨ੍ਹਾਂ ਦੇ ਹੋਰ ਅਧਿਕਾਰੀਆਂ ਨੇ ਸ਼ਿਰਕਤ ਕੀਤੀ।

ਇਹ ਰਣਨੀਤਕ ਭਾਈਵਾਲੀ ਇੱਕ ਰਸਮੀ ਢਾਂਚਾ ਤਿਆਰ ਕਰਦੀ ਹੈ ਜਿੱਥੇ RRU, ਰਾਸ਼ਟਰੀ ਮਹੱਤਵ ਦੀ ਇੱਕ ਸੰਸਥਾ, SSB ਅਕੈਡਮੀ ਵਿੱਚ ਆਯੋਜਿਤ ਕੀਤੇ ਗਏ ਵੱਖ-ਵੱਖ ਸਿਖਲਾਈ ਪ੍ਰੋਗਰਾਮਾਂ ਲਈ ਅਕਾਦਮਿਕ ਮਾਨਤਾ ਪ੍ਰਦਾਨ ਕਰੇਗਾ। ਸਮਝੌਤੇ ਦੀਆਂ ਸ਼ਰਤਾਂ ਦੇ ਤਹਿਤ, ਦੋਵੇਂ ਸੰਸਥਾਵਾਂ ਨੇ ਫੈਕਲਟੀ ਮੁਹਾਰਤ, ਸਿੱਖਿਆ ਸ਼ਾਸਤਰੀ ਸਾਧਨਾਂ ਅਤੇ ਵਿਸ਼ੇਸ਼ ਸਿਖਲਾਈ ਸਹੂਲਤਾਂ ਸਮੇਤ ਸੰਸਾਧਨਾਂ ਦੇ ਵਿਆਪਕ ਅਦਾਨ-ਪ੍ਰਦਾਨ ਲਈ ਵਚਨਬੱਧਤਾ ਪ੍ਰਗਟਾਈ ਹੈ। ਇਸ ਸਹਿਯੋਗ ਦਾ ਉਦੇਸ਼ ਰਾਸ਼ਟਰੀ ਸੁਰੱਖਿਆ ਵਿੱਚ ਅਕਾਦਮਿਕ ਖੋਜ ਅਤੇ ਸੀਮਾ ਸੁਰੱਖਿਆ ਬਲਾਂ ਦੀਆਂ ਵਿਵਹਾਰਕ ਅਤੇ ਜ਼ਮੀਨੀ ਜ਼ਰੂਰਤਾਂ ਵਿਚਕਾਰ ਪਾੜੇ ਨੂੰ ਪੂਰਾ ਕਰਨਾ ਹੈ।

ਇਸ ਪ੍ਰੋਗਰਾਮ ਦੌਰਾਨ, ਪ੍ਰੋਫੈਸਰ (ਡਾ.) ਕਲਪੇਸ਼ ਐੱਚ. ਵਾਂਡ੍ਰਾ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਇਹ ਸਹਿਯੋਗ ਪਹਿਲਾਂ ਤੋਂ ਹੀ ਨਤੀਜੇ ਦੇ ਰਿਹਾ ਹੈ, ਉਨ੍ਹਾਂ ਨੇ ਇਹ ਨੋਟ ਕਰਦੇ ਹੋਏ ਦੱਸਿਆ ਕਿ RRU ਨੇ ਹਾਲ ਹੀ ਵਿੱਚ ਐੱਸਐੱਸਬੀ ਅਧਿਕਾਰੀਆਂ ਲਈ ਇੱਕ ਵਿਸ਼ੇਸ਼ "ਸਮਾਰਟ ਬੌਰਡਰ ਮੈਨੇਜਮੈਂਟ" ਕੋਰਸ ਆਯੋਜਿਤ ਕਰਵਾਇਆ ਹੈ। ਪੇਸ਼ੇਵਰ ਵਿਕਾਸ ਦੇ ਉੱਚਤਮ ਮਿਆਰਾਂ ਨੂੰ ਯਕੀਨੀ ਬਣਾਉਣ ਲਈ, RRU, SSB ਕਰਮਚਾਰੀਆਂ ਨੂੰ ਆਪਣੀਆਂ ਅਤਿ-ਆਧੁਨਿਕ ਪ੍ਰਯੋਗਸ਼ਾਲਾਵਾਂ ਅਤੇ ਖੇਤਰ-ਅਧਾਰਿਤ ਵਰਕਸ਼ਾਪਸ ਰਾਹੀਂ ਵਿਵਹਾਰਕ ਸਿਖਲਾਈ ਪ੍ਰਦਾਨ ਕਰੇਗਾ। ਇਸ ਪਹਿਲਕਦਮੀ ਤੋਂ SSB ਲਈ ਸਿਖਲਾਈ ਪਾਠਕ੍ਰਮ ਨੂੰ ਆਧੁਨਿਕ ਬਣਾਉਣ ਦੀ ਉਮੀਦ ਹੈ, ਜਿਸ ਵਿੱਚ ਸੀਮਾ ਨਿਗਰਾਨੀ ਅਤੇ ਅੰਦਰੂਨੀ ਸੁਰੱਖਿਆ ਚੁਣੌਤੀਆਂ ਲਈ ਤਕਨਾਲੋਜੀ-ਅਧਾਰਿਤ ਸਮਾਧਾਨਾਂ 'ਤੇ ਕੇਂਦ੍ਰਿਤ ਕੀਤਾ ਗਿਆ ਹੈ।

SSB ਦੇ ਡਾਇਰੈਕਟਰ ਜਨਰਲ ਸ਼੍ਰੀ ਸੰਜੈ ਸਿੰਘਲ ਨੇ ਬਲ ਲਈ ਜ਼ਰੂਰੀ ਵਿਦਿਅਕ ਬੁਨਿਆਦੀ ਢਾਂਚਾ ਪ੍ਰਦਾਨ ਕਰਨ ਲਈ ਆਰਆਰਯੂ ਦੀਆਂ ਸਮਰੱਥਾਵਾਂ ‘ਤੇ ਦ੍ਰਿੜ੍ਹ ਵਿਸ਼ਵਾਸ ਪ੍ਰਗਟ ਕੀਤਾ। ਉਨ੍ਹਾਂ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਇਸ ਭਾਈਵਾਲੀ ਵਿੱਚ ਅਧਿਕਾਰੀਆਂ ਨੂੰ ਸੀਮਾ ਪ੍ਰਬੰਧਨ ਅਤੇ ਅੰਦਰੂਨੀ ਸੁਰੱਖਿਆ ਦੇ ਵਿਕਸਿਤ ਹੋ ਰਹੇ ਦ੍ਰਿਸ਼ ਦੇ ਅਨੁਕੂਲ ਤਿਆਰ ਕਰਨ ਲਈ ਉਨ੍ਹਾਂ ਦਾ "ਅਪਸਕਿਲਿੰਗ ਅਤੇ ਰੀ-ਸਕਿਲਿੰਗ" 'ਤੇ ਬਹੁਤ ਜ਼ਿਆਦਾ ਧਿਆਨ ਕੇਂਦ੍ਰਿਤ ਕੀਤਾ ਜਾਵੇਗਾ। ਇਸ ਪਹਿਲ ਦਾ ਉਦੇਸ਼ ਦੋਵੇਂ ਸੰਸਥਾਵਾਂ ਦੀਆਂ ਪ੍ਰਤਿਭਾਵਾਂ ਦਾ ਲਾਭ ਲੈ ਕੇ, ਸਸ਼ਤਰ ਸੀਮਾ ਬਲ ਦੇ ਅੰਦਰ ਨਿਰੰਤਰ ਪੇਸ਼ੇਵਰ ਵਿਕਾਸ ਲਈ ਇੱਕ ਮਜ਼ਬੂਤ ​​ਈਕੋਸਿਸਟਮ ਬਣਾਉਣਾ ਹੈ।

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਦੇ ਮਾਰਗਦਰਸ਼ਨ ਹੇਠ ਸਥਾਪਿਤ, ਇਸ ਯੂਨੀਵਰਸਿਟੀ ਦਾ ਮੁੱਖ ਉਦੇਸ਼ ਰਾਸ਼ਟਰੀ ਸੁਰੱਖਿਆ ਅਤੇ ਪੁਲਿਸਿੰਗ ਦੇ ਖੇਤਰ ਵਿੱਚ ਇੱਕ ਪ੍ਰਮੁੱਖ ਅਕਾਦਮਿਕ ਅਤੇ ਖੋਜ ਈਕੋਸਿਸਟਮ ਵਜੋਂ ਕੰਮ ਕਰਨਾ ਹੈ। ਇਸ ਲਈ ਇਹ ਮਾਹਿਰਾਂ ਦੇ ਇੱਕ ਗਲੋਬਲ ਨੈੱਟਵਰਕ ਦੀ ਵਰਤੋਂ ਕਰਦੇ ਹੋਏ ਇੱਕ ਅਨੁਸ਼ਾਸਿਤ ਢਾਂਚੇ ਦੇ ਅੰਦਰ ਵਿਸ਼ੇਸ਼ ਪੇਸ਼ੇਵਰ ਸਿੱਖਿਆ ਪ੍ਰਦਾਨ ਕਰਦਾ ਹੈ।

ਇਸ MoU ਦੇ ਤਹਿਤ, ਰਾਸ਼ਟਰੀਯ ਰਕਸ਼ਾ ਯੂਨੀਵਰਸਿਟੀ (RRU) SSB ਦੁਆਰਾ ਕਰਵਾਏ ਗਏ ਮੌਜੂਦਾ ਅਤੇ ਭਵਿੱਖ ਦੇ ਕੋਰਸਾਂ ਨੂੰ ਮਾਨਤਾ ਪ੍ਰਦਾਨ ਕਰੇਗਾ। ਇਸ ਦੇ ਨਤੀਜੇ ਵਜੋਂ, RRU ਦੇ ਕੋਰਸਾਂ ਦੇ ਸੰਯੁਕਤ ਮਾਨਤਾ ਅਤੇ ਪ੍ਰਮਾਣੀਕਰਣ ਦਿਸ਼ਾ-ਨਿਰਦੇਸ਼ਾਂ ਦੇ ਅਧਾਰ ‘ਤੇ ਸਬੰਧਿਤ ਇੱਕ ਉਮੀਦਵਾਰਾਂ ਨੂੰ ਸਰਟੀਫਿਕੇਟ/ਡਿਪਲੋਮਾ/ਪੀਜੀ ਡਿਪਲੋਮਾ/ਐਡਵਾਂਸਡ ਡਿਪਲੋਮਾ/ਬੈਚਲਰ ਡਿਗਰੀ/ਮਾਸਟਰ ਦੀ ਡਿਗਰੀ ਪ੍ਰਦਾਨ ਕੀਤੀ ਜਾ ਸਕਦੀ ਹੈ।

ਇਸ ਸਾਂਝੇਦਾਰੀ ਵਿੱਚ ਲਾਗੂ ਕਰਨ ਲਈ ਇੱਕ ਤਰਕਸ਼ੀਲ ਢਾਂਚਾ ਸ਼ਾਮਲ ਹੈ:

ਕੋਰਸ ਅਸੈੱਸਮੈਂਟ: RRU ਸਿਖਲਾਈ ਦੇ ਘੰਟਿਆਂ ਅਤੇ ਅਕਾਦਮਿਕ ਕ੍ਰੈਡਿਟ ਦੀ ਸਮੱਗਰੀ ਦੀ ਸਮਾਨਤਾ ਨਿਰਧਾਰਿਤ ਕਰਨ ਲਈ SSB ਪ੍ਰਤਿਸ਼ਠਾਨਾਂ ਵਿੱਚ ਮੌਜੂਦਾ ਪਾਠਕ੍ਰਮ ਦਾ ਮੁਲਾਂਕਣ ਕਰੇਗਾ। 

ਪਾਠਕ੍ਰਮ ਵਿੱਚ ਵਾਧਾ: ਦੋਵੇਂ ਸੰਸਥਾਵਾਂ ਵਿਸ਼ੇਸ਼ ਡਿਗਰੀਆਂ ਜਾਂ ਡਿਪਲੋਮਾ ਲਈ "ਐਡੀਸ਼ਨਲ ਕ੍ਰੈਡਿਟ" ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਵਾਧੂ ਕੋਰਸ ਸਮੱਗਰੀ ਜਾਂ ਸਿਲੇਬਸ ਨੂੰ ਡਿਜ਼ਾਈਨ ਕਰਨ ਵਿੱਚ ਸਹਿਯੋਗ ਕਰਨਗੀਆਂ। 

ਮਾਨਕੀਕ੍ਰਿਤ ਮੁਲਾਂਕਣ: RRU ਕਾਨੂੰਨਾਂ ਦੁਆਰਾ ਲੋੜੀਂਦੇ ਉੱਚ ਮਿਆਰਾਂ ਨੂੰ ਬਣਾਈ ਰੱਖਣ ਲਈ ਹਰੇਕ ਮਾਨਤਾ ਪ੍ਰਾਪਤ ਕੋਰਸ ਲਈ ਇੱਕ ਮਜ਼ਬੂਤ ​​ਮੁਲਾਂਕਣ ਪ੍ਰਕਿਰਿਆ ਅਤੇ ਗ੍ਰੇਡਿੰਗ ਵਿਧੀ ਸਥਾਪਿਤ ਕੀਤੀ ਜਾਵੇਗੀ।

ਸਿੱਖਿਆਤਮਕ ਸੰਪੂਰਨਤਾ ਦੇ ਉੱਚਤਮ ਮਿਆਰਾਂ ਨੂੰ ਬਣਾਈ ਰੱਖਣ ਲਈ, ਇਹ ਸਾਂਝੇਦਾਰੀ ਮੌਜੂਦਾ ਅਤੇ ਐਡੀਸ਼ਨਲ ਕੋਰਸ ਸਮੱਗਰੀ ਦੋਵਾਂ ਦੀ ਸਮੇਂ-ਸਮੇਂ 'ਤੇ ਜਾਂਚ ਅਤੇ ਪ੍ਰਮਾਣਿਕਤਾ ਨੂੰ ਲਾਜ਼ਮੀ ਬਣਾਉਂਦੀ ਹੈ। ਇਹ ਯਕੀਨੀ ਬਣਾਉਂਦੀ ਹੈ ਕਿ ਪਾਠਕ੍ਰਮ ਗਤੀਸ਼ੀਲ ਬਣਿਆ ਰਹੇ ਅਤੇ ਉੱਭਰਦੇ ਸੁਰੱਖਿਆ ਖ਼ਤਰਿਆਂ ਪ੍ਰਤੀ ਜਵਾਬਦੇਹ ਰਹੇ। ਇਸ ਤੋਂ ਇਲਾਵਾ, ਇਸ ਦੇ ਤਹਿਤ ਸਸ਼ਤਰ ਸੀਮਾ ਬਲ ਅਕੈਡਮੀ ਵਿੱਚ ਇੱਕ ਸਮਰਪਿਤ RRU ਡੈਸਕ ਦੀ ਸਥਾਪਨਾ ਕੀਤੀ ਜਾਵੇਗੀ। ਇਹ ਪ੍ਰਸ਼ਾਸਕੀ ਹੱਬ ਡੇਟਾ ਦਾ ਪ੍ਰਬੰਧਨ ਕਰੇਗਾ, ਰੋਜ਼ਾਨਾ ਸੰਚਾਰ ਨੂੰ ਸੁਚਾਰੂ ਬਣਾਏਗਾ, ਅਤੇ ਮਾਨਤਾ ਪ੍ਰਕਿਰਿਆ ਦੇ ਪ੍ਰਭਾਵਸ਼ਾਲੀ ਲਾਗੂਕਰਨ ਦੀ ਨਿਗਰਾਨੀ ਕਰੇਗਾ, ਜਿਸ ਨਾਲ ਯੂਨੀਵਰਸਿਟੀ ਅਤੇ ਅਰਧ ਸੈਨਿਕ ਬਲ ਵਿਚਕਾਰ ਨਿਰਵਿਘਨ ਤਾਲਮੇਲ ਯਕੀਨੀ ਬਣੇਗਾ।

ਇਹ ਸਹਿਯੋਗ ਗ੍ਰਹਿ ਮੰਤਰਾਲੇ ਦੇ "ਏਕੀਕ੍ਰਿਤ ਸਿਖਲਾਈ" ਦ੍ਰਿਸ਼ਟੀਕੋਣ ਦੀ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਨ ਕਦਮ ਹੈ, ਜੋ ਸਿਧਾਂਤਕ ਖੋਜ ਅਤੇ ਵਿਵਹਾਰਕ ਸੀਮਾ ਪ੍ਰਬੰਧਨ ਵਿਚਕਾਰ ਪਾੜੇ ਨੂੰ ਪੂਰਾ ਕਰਦਾ ਹੈ। ਇਹ ਸਮਝੌਤਾ ਪੱਤਰ SSB ਕਰਮਚਾਰੀਆਂ ਦੁਆਰਾ ਕੀਤੀ ਗਈ ਸਖ਼ਤ ਸਿਖਲਾਈ ਨੂੰ ਪ੍ਰਮਾਣਿਤ ਕਰਕੇ, ਉਨ੍ਹਾਂ ਨੂੰ ਕਰੀਅਰ ਵਿੱਚ ਤਰੱਕੀ ਦੇ ਮੌਕੇ ਅਤੇ ਅਕਾਦਮਿਕ ਮਾਨਤਾ ਪ੍ਰਦਾਨ ਕਰਦਾ ਹੈ ਜੋ ਰਾਸ਼ਟਰੀ ਸਿੱਖਿਆ ਨੀਤੀ ਦੇ ਅਨੁਸਾਰ ਹੈ।

ਇੱਕ ਪ੍ਰਮੁੱਖ ਅੰਦਰੂਨੀ ਸੁਰੱਖਿਆ ਯੂਨੀਵਰਸਿਟੀ ਅਤੇ ਇੱਕ ਫਰੰਟਲਾਈਨ ਸੀਮਾ ਸੁਰੱਖਿਆ ਬਲ ਦੇ ਦਰਮਿਆਨ ਇਹ ਤਾਲਮੇਲ ਭਾਰਤ ਦੇ ਸੁਰੱਖਿਆ ਢਾਂਚੇ ਨੂੰ ਪੇਸ਼ੇਵਰ ਬਣਾਉਣ ਦੀ ਦਿਸ਼ਾ ਵੱਲ ਇੱਕ ਰਣਨੀਤਕ ਕਦਮ ਨੂੰ ਦਰਸਾਉਂਦਾ ਹੈ। ਰਣਨੀਤਕ ਸਿਖਲਾਈ ਨੂੰ ਨੈਸ਼ਨਲ ਕ੍ਰੈਡਿਟ ਫ੍ਰੇਮਵਰਕ (NCrF) ਨਾਲ ਇਕਸਾਰ ਕਰਕੇ, ਇਹ ਸਮਝੌਤਾ ਪੱਤਰ ਇਹ ਯਕੀਨੀ ਬਣਾਉਂਦਾ ਹੈ ਕਿ SSB ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਦਾ ਸਮਰਪਣ ਦੇਸ਼ ਭਰ ਵਿੱਚ ਮਾਨਤਾ ਪ੍ਰਾਪਤ ਰਸਮੀ ਅਕਾਦਮਿਕ ਪ੍ਰਾਪਤੀਆਂ ਵਿੱਚ ਪ੍ਰਤੀਬਿੰਬਤ ਕੀਤਾ ਜਾਵੇ।

****

ਆਰਕੇ/ਪੀਆਰ/ਪੀਐੱਸ/ਏਕੇ