وزیر اعظم جناب نریندر مودی نے آج اندرا گاندھی نیشنل سینٹر فار دی آرٹس (آئی جی این سی اے) کے ٹرسٹیز سے ملاقات کی تاکہ ہندوستان کی متنوع ثقافت کو مزید مقبول بنانے سے متعلق مختلف پہلوؤں پر تبادلہ خیال کیا جا سکے۔ آئی جی این سی اے ٹرسٹ کے چیئرمین  جناب  رام بہادر رائے اور ممبر سکریٹری ڈاکٹر سچیدانند جوشی نے ٹرسٹ کے 14 ارکان کے ساتھ ادارہ کے 39 ویں یوم تاسیس کی تقریبات سے قبل وزیر اعظم سے ملاقات کی۔

وفد سے خطاب کرتے ہوئے عزت مآب وزیر اعظم نے یگ یگین بھارت میوزیم کا حوالہ دیا اور کہا کہ جو کبھی طاقت کا مرکز تھا اب ثقافت کے مرکز میں تبدیل ہو گیا ہے۔ انہوں نے اس بات کا اعادہ کیا کہ پہلے شمالی اور جنوبی بلاک طاقت کے مراکز کی علامت تھے، لیکن اب یہ بدل گیا ہے۔ وزیر اعظم نے مزید کہا کہ تاریخ کا احساس ضروری ہے، اورآئی جی این سی اے جیسی ثقافتی تنظیموں نے لوگوں میں تاریخ کے اس احساس کو ابھارنے میں اہم کردار ادا کیا ہے۔ انہوں نے ‘سوا’ کے احساس کے ذریعے ہندوستان کو سمجھنے کی اہمیت پر بھی زور دیا۔

وزیر اعظم نے  ایکس  پر لکھا:‘‘آئی جی این سی اے  کے ٹرسٹیز سے ملاقات کی اور ہندوستان کی متنوع ثقافت کو مزید مقبول بنانے سے متعلق مختلف پہلوؤں پر تبادلہ خیال کیا۔ ہم نے اس سفر میں زیادہ سے زیادہ لوگوں کو لانے، ڈجیٹل اور نچلی سطح پر پہل کے ذریعے رسائی کو مضبوط بنانے اور اپنے امیر و خوشحال  ورثے کے تحفظ اور فروغ میں فنکاروں اور اسکالرز کی مدد کرنے کے طریقے بھی تلاش کیے’’۔

وزیر اعظم سے ملاقات کرنے والے ٹرسٹ ممبران میں ڈاکٹر سونل مان سنگھ، سابق  ایوان بال-راجیہ سبھا ایم پی؛  جناب  ہرش وردھن نیوٹیہ؛ ڈاکٹر پدما سبھرامنیم؛ ڈاکٹر بھرت گپت؛ ڈاکٹر سندھیا پریچا؛  جناب  دیوندر شرما؛ محترمہ راتھی ونے جھا؛ پروفیسر نرملا شرما؛  جناب  براڈیاجنک؛ پروفیسر کلدیپ اگنی ہوتری؛ محترمہ وندنا جین اور  جناب  پرسون جوشی۔

اس موقع پر،  جناب  رام بہادر رائے نے کہا کہ گزشتہ دس  برسوں میں جب سے انہوں نے آئی جی سی این اے کی صدارت سنبھالی ہے، ہندوستان کے ہر اداروں میں یہ ادارہ ایک اعلیٰ ادارے سے میں تبدیل ہوا ہے، جو اس ملک کے لوگوں کے لیے ثقافت کے ایک جمہوری مرکز میں تبدیل ہوا ہے۔ دوسرے ٹرسٹیز نے بھی انہی جذبات کا اظہار کیا، اجتماعی طور پر گزشتہ دہائی کو ثقافتی نشاۃ ثانیہ کے دور کے طور پر دیکھا - جو ہموار، تنازعات سے پاک اور ہر لحاظ سے کامیاب رہا ہے۔

آئی جی این سی اے کے 39ویں یوم تاسیس کا آغاز تین اہم نمائشوں کے شاندار افتتاح کے ساتھ ہوا۔ نمائشوں کا افتتاح چیئرمین  جناب  رام بہادر رائے نے کیا۔ ممبر سکریٹری ڈاکٹر سچیدانند جوشی؛ اور ٹرسٹ کے معزز ممبران  جس میں  نغمہ نگار اور شاعر پرسون جوشی۔ قابل ذکر ہے کہ حکومت ہند کی وزارت ثقافت کے تحت ایک خود مختار ادارہ آئی جی این سی اے 19 سے 21 مارچ 2026 تک اپنا 39 واں یوم تاسیس منا رہا ہے۔

یوم تاسیس کی تقریبات کے ایک حصے کے طور پر، کلاکوش ڈویژن نے اہم کتابی سیریز ‘ کلاتتوکوشا’ کی آٹھویں جلد کے اجراء اور بحث کے لیے ایک اہم پروگرام کا اہتمام کیا۔ اس کتاب کی جلد کا اجراء پروفیسر سدھیر لال، ایچ او ڈی کلاکوش نے کیا۔ پروفیسر آریہ بھوشن شکلا، سربراہ، بھارتیہ ودیا پریوجنا کے ساتھ  پروفیسر ماروتی نندن تواری، پروفیسر رجنیش کمار مشرا، اور پروفیسر اوم ناتھ ویمالی موجود تھے۔

مقررین نے ہندوستانی فن کے بنیادی تصورات کو سمجھنے میں‘ کلاتتوکوشا’ کی اہمیت پر زور دیا اور اسے ہندوستانی علمی روایت کی ایک اہم دستاویز کے طور پر بیان کیا۔ پروفیسر سدھیر لال نے استقبالیہ اور تعارفی خطبہ پیش کیا، جس میں پروجیکٹ اور اس جلد کے پس منظر، مقاصد اور مخصوص خصوصیات پر روشنی ڈالی۔ اس موقع پر موجود اسکالرز اور شرکاء نے اس اشاعت کو ہندوستانی آرٹ اسٹڈیز کے میدان میں ایک اہم کامیابی قرار دیا اور اس سمت میں آئی جی این سی اے کی کوششوں کی تعریف کی۔ اس پروگرام میں اسکالرز، محققین اور آرٹ کے شائقین کی پرجوش شرکت دیکھنے میں آئی۔

اس موقع پر منعقد کی گئی خصوصی نمائشوں میں فوٹو گرافی کی نمائش ‘کلادرشٹی: اے ڈیکیڈ آف ویژن’ ایک خاص توجہ کا مرکز بن کر ابھری۔ یہ نمائش تصویروں کے ذریعے آئی جی این سی اے کے 2016 سے 2026 تک کے ایک دہائی کے بھرپور سفر کی ایک جھلک پیش کرتی ہے۔ دیگر نمائشوں میں‘ بریتھنگ ہائڈز- دی سول آف آندھرا پپیٹری’ ، آندھرا پردیش کی روایتی چمڑے کی کٹھ پتلیوں پر مبنی ایک داستانی نمائش شامل ہیں اور‘ تھیو ا: لیزر ناؤن آف راجستھان پر توجہ مرکوز کرنا-  یہ نمائشیں مہمانوں کو ہندوستان کی نایاب اور زندہ فنی روایات سے متعارف کراتی ہیں۔

یوم تاسیس کی تقریبات ہندوستانی فن، ثقافت اور روایات کا ایک شاندار جشن پیش کرتی ہیں، جو کلاسیکی رقص، لوک فنون، روایتی طریقوں اور تیار کردہ نمائشوں کے ذریعے ہندوستان کے ثقافتی اظہار کی بہت سی جہتوں کو ظاہر کرتی ہے۔ پہلے دن، 19 مارچ کو شام 7:00 بجے، معروف نرتیہ گرو، ثقافتی اسکالر، اور راجیہ سبھا کے سابق رکن، پدم وبھوشن ڈاکٹر سونل مان سنگھ نے اپنی پیشکش ‘نتیا کتھا – دیوی’ سے سامعین کو مسحور کیا۔

دوسرے دن، 20 مارچ کو شام 7:00 بجے، ممتاز ثقافتی مفکر، بھرت ناٹیم کے ماہر اور پدم وبھوشن ڈاکٹر پدما سبھرامنیم بھگود گیتا پر مبنی ایک خصوصی ڈانس تھیٹر پرفارمنس پیش کریں گے، جس میں اس کے فلسفیانہ پیغامات کو تحریک اور اظہار کے ذریعہ زندہ کیا جائے گا۔

تیسرا دن، 21 مارچ، ہندوستان کی متنوع لوک روایات اور مارشل آرٹس کے لیے وقف ہوگا۔ پروگرام شام 4:00 بجے آسام کے باگورمبا رقص کے ساتھ شروع ہوگا، اس کے بعد ہماچل پردیش کا‘نتی’ رقص، گجرات کا تلوار راس، کیرالہ کا قدیم مارشل آرٹ کلاریپائیتو، مدھیہ پردیش کی کبیر گانے کی روایت، اور صوفی اور کبیر کی موسیقی کی پرفارمنس کے ساتھ اختتام پذیر ہوگا۔

یوم تاسیس کا یہ جشن ہندوستان کی ثقافتی روایات کے تحفظ، فروغ اور پھیلانے کے لیے آئی جی این سی اے کی مسلسل وابستگی کی عکاسی کرتا ہے۔ یہ روایت اور عصری اظہار کے سنگم کو اجاگر کرتے ہوئے متنوع آرٹ کی شکلوں میں مکالمے کا ایک پلیٹ فارم بھی فراہم کرتا ہے۔

 

*****

ش ح – ظ الف –ف ر

UR No. 4511

(ریلیز آئی ڈی: 2242841) وزیٹر کاؤنٹر : 8