ফাইনান্সিএল সর্ভিস দিপার্তমেন্তনা পব্লিক সেক্তর বেঙ্ক, ইন্সুরেন্স কম্পেনি অমসুং অতৈ ফাইনান্সিএল ইনসতিত্যুসন পুম্নমক্তা ইন্দিয়ন সাইন লেঙ্গুয়েজ (আই.এস.এল.) শিজিন্নবগী থোংদা তাবা অমসুং ৱা ঙাঙবা ঙমদবা মীওইশিংগা পাও ফাওনবদা লাইথোকহন্নবা পাওতাক পিখ্রে। মসি নাম্মা শোইরবা মীওইশিং (পি.দব্লিয়ু.দি.)শিংগীদমক্তা ইনক্লুসিভ অমসুং এক্সেসিবল ওইবা এনভাইরনমেন্ত অমা শেমগৎনবা অমদি ইন্সতিত্যুসনশিং অসিনা পিরিবা ফাইনান্সিএল সর্ভিশশিং অসি শোয়দনা ফংহন্নবগীদমক্তনি।

মায়কৈ অসিদা, ওর্গনাইজেসনশিংদা আর্তিফিসিএল ইন্তিলিজেন্স য়াওনা তেক্নোলোজিনা পাও ফাওনবগী খুৎলায়শিং শিজিন্ননবা অমসুং মথৌ তাবা মতমদা সাইন লেঙ্গুয়েজ ইন্তর্প্রিতেসন য়াওনা পি.দব্ল্য়ু.দি.শিংগী অখন্নবা মথৌ তাবশিং অদু ফংহল্লিবা সিভিল সোসাইতি ওর্গনাইজেসনশিংগী ভোলুন্তিয়রশিংগী সর্ভিশশিং শিজিন্ননবা হায়খ্রে। সাইন লেঙ্গুয়েজগী খুত্থাংদা পাও ফাওনবা পাম্লিবা কস্তমরশিংদা মতেং পাংনবা ফ্রন্তলাইন স্তাফশিংবু সেন্সিতিব ওইহনবা অমসুং ত্রেনিং পিবদসু দি.এফ.এস. না লুম্না হায়খ্রে।

***