محکمہ مالیاتی خدمات (ڈی ایف ایس) نے تمام سرکاری بینکوں، انشورنس کمپنیوں اور دیگر مالیاتی اداروں کو ہدایت دی ہے کہ وہ سماعت اور گویائی سے محروم افراد کے ساتھ رابطے کو آسان بنانے کے لیے انڈین سائن لینگویج (آئی ایس ایل) کا استعمال کریں۔ اس اقدام کا مقصد معذور افراد کے لیے ایک جامع اور قابل رسائی ماحول فراہم کرنا اور انہیں ان اداروں کی پیش کردہ مالیاتی خدمات تک رسائی یقینی بنانا ہے۔

اس مقصد کے تحت اداروں سے کہا گیا ہے کہ وہ ٹیکنالوجی سے تقویت یافتہ مواصلاتی ذرائع، بشمول مصنوعی ذہانت کا استعمال کریں اور ضرورت کے مطابق سول سوسائٹی تنظیموں کے رضاکاروں کی خدمات حاصل کریں، جو پی ڈبلیو ڈی کی خصوصی ضروریات کو پورا کرتے ہیں، جن میں سائن لینگویج کی ترجمانی بھی شامل ہے۔ ڈی ایف ایس نے اس بات پر بھی زور دیا ہے کہ فرنٹ لائن عملے کی حساسیت اور تربیت کو یقینی بنایا جائے تاکہ وہ ان صارفین کی مؤثر مدد کر سکیں جو سائن لینگویج کے ذریعے بات چیت کرنا چاہتے ہیں۔

                                          **************

ش ح۔ ف ش ع

17-03-2026

                                                                                                                                         U: 4266

(ریلیز آئی ڈی: 2241526) وزیٹر کاؤنٹر : 6