ಭಾರತೀಯ ರೈಲ್ವೆ ಅಭೂತಪೂರ್ವ ವಿಸ್ತರಣೆ ಮತ್ತು ಆಧುನೀಕರಣಕ್ಕೆ ಸಾಕ್ಷಿಯಾಗುತ್ತಿದೆ, ಇದನ್ನು 2026–27ರ ಕೇಂದ್ರ ಬಜೆಟ್‌ನಲ್ಲಿ ಸುಮಾರು ₹2.78 ಲಕ್ಷ ಕೋಟಿಗಳ ದಾಖಲೆಯ ಬಜೆಟ್ ಹಂಚಿಕೆಯಿಂದ ಬೆಂಬಲಿಸಲಾಗಿದೆ.  ರೈಲ್ವೆ ಸಚಿವಾಲಯದ ಅನುದಾನ ಬೇಡಿಕೆಗಳ (2026–27) ಕುರಿತು ಸಂಸತ್ತಿನಲ್ಲಿ ನಡೆದ ಚರ್ಚೆಗೆ ಪ್ರತಿಕ್ರಿಯಿಸಿದ ಕೇಂದ್ರ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಅವರು, ರೈಲ್ವೆಯಲ್ಲಿನ ಪ್ರಮುಖ ರಚನಾತ್ಮಕ ಸುಧಾರಣೆಯೆಂದರೆ ರೈಲ್ವೆ ಬಜೆಟ್ ಅನ್ನು ಸಾಮಾನ್ಯ ಬಜೆಟ್‌ ನೊಂದಿಗೆ ವಿಲೀನಗೊಳಿಸುವುದು, ಇದು ಮೂರು ಪ್ರಮುಖ ಪ್ರಯೋಜನಗಳಿಗೆ ಕಾರಣವಾಗಿದೆ ಎಂದು ವಿಷಯದ ಮಹತ್ವವನ್ನು ಉಲ್ಲೇಖಿಸಿದರು. ಭಾರತೀಯ ರೈಲ್ವೆಯ ನಡೆಯುತ್ತಿರುವ ರೂಪಾಂತರವನ್ನು "ನಿಧಾನ ಬೆಳವಣಿಗೆ" ಯಿಂದ "ಸೂಪರ್-ಫಾಸ್ಟ್ ರೂಪಾಂತರ" ಕ್ಕೆ ಬದಲಾವಣೆ ಎಂದು ಅವರು ವಿವರಿಸಿದರು, ಇದು ರಾಷ್ಟ್ರೀಯ ಸಾರಿಗೆದಾರರಿಗೆ ಹೊಸ ಯುಗದ ಆರಂಭವನ್ನು ಗುರುತಿಸುತ್ತದೆ ಎಂದು ಹೇಳಿದರು.

ಮೊದಲನೆಯದಾಗಿ, ಇದು ಬಜೆಟ್ ಬೆಂಬಲದಲ್ಲಿ ಗಣನೀಯ ಹೆಚ್ಚಳಕ್ಕೆ ಅವಕಾಶ ಮಾಡಿಕೊಟ್ಟಿತು, ಹಿಂದಿನ ಸುಮಾರು ₹25,000–30,000 ಕೋಟಿಗಳಿಂದ ಪ್ರಸ್ತುತ ಹಣಕಾಸು ವರ್ಷದಲ್ಲಿ ಸುಮಾರು ₹2.78 ಲಕ್ಷ ಕೋಟಿಗೆ ಏರಿತು. ಎರಡನೆಯದಾಗಿ, ಇದು ವರ್ಷವಿಡೀ ನಿರಂತರ ನಿರ್ಧಾರ ತೆಗೆದುಕೊಳ್ಳುವಿಕೆ ಮತ್ತು ಅನುಮೋದನೆಗಳನ್ನು ಸುಗಮಗೊಳಿಸಿತು, ಇದರಲ್ಲಿ ಯೋಜನೆಗಳ ಮಂಜೂರಾತಿ, ಹೊಸ ಸೇವೆಗಳ ಪರಿಚಯ ಮತ್ತು ತಂತ್ರಜ್ಞಾನ ಅಳವಡಿಕೆ ಸೇರಿವೆ. ಮೂರನೆಯದಾಗಿ, ಇದು ಹೆಚ್ಚಿನ ಪಾರದರ್ಶಕತೆ ಮತ್ತು ಸಾಂಸ್ಥಿಕ ಮೇಲ್ವಿಚಾರಣೆಯನ್ನು ತಂದಿತು, ಹಣಕಾಸು ಸಚಿವಾಲಯ ಮತ್ತು ನೀತಿ ಆಯೋಗವನ್ನು ಒಳಗೊಂಡ ವ್ಯವಸ್ಥೆಗಳ ಮೂಲಕ ಯೋಜನೆಗಳನ್ನು ಪರಿಶೀಲಿಸಲಾಯಿತು.

ದಾಖಲೆಯ ಬಜೆಟ್ ಹಂಚಿಕೆ ಮತ್ತು ಹಣಕಾಸು ಸ್ಥಿತಿ

ಕೇಂದ್ರ ಬಜೆಟ್ 2026–27 ಭಾರತೀಯ ರೈಲ್ವೆಗೆ ದಾಖಲೆಯ ಹಂಚಿಕೆಯನ್ನು ಒದಗಿಸುತ್ತದೆ. ಇದು ದೇಶಾದ್ಯಂತ ಎಲ್ಲಾ ರಾಜ್ಯಗಳಿಗೆ ಪ್ರಯೋಜನವನ್ನು ನೀಡುತ್ತದೆ ಮತ್ತು ವೇಗವರ್ಧಿತ ಮೂಲಸೌಕರ್ಯ ಅಭಿವೃದ್ಧಿಯನ್ನು ಬೆಂಬಲಿಸುತ್ತದೆ ಎಂದು ಕೇಂದ್ರ ಸಚಿವರು ಹೇಳಿದ್ದಾರೆ.

ರೈಲ್ವೆಯ ಪ್ರಮುಖ ವೆಚ್ಚದ ಅಂಶಗಳಲ್ಲಿ ಸುಮಾರು ₹1.19 ಲಕ್ಷ ಕೋಟಿ ಸಿಬ್ಬಂದಿ ವೆಚ್ಚ, ಸುಮಾರು ₹64,000 ಕೋಟಿ ಪಿಂಚಣಿ ವೆಚ್ಚ, ಸುಮಾರು ₹32,000 ಕೋಟಿ ಇಂಧನ ವೆಚ್ಚ ಮತ್ತು ಸುಮಾರು ₹23,000 ಕೋಟಿ ಹಣಕಾಸು ವೆಚ್ಚಗಳು ಸೇರಿವೆ ಎಂದು ಕೇಂದ್ರ ಸಚಿವರಾದ ಶ್ರೀ ವೈಷ್ಣವ್ ಅವರು ವಿವರಿಸಿದರು. ಈ ಗಣನೀಯ ವೆಚ್ಚಗಳ ಹೊರತಾಗಿಯೂ, ರೈಲ್ವೆಗಳು ಸಾಧಾರಣ ಹೆಚ್ಚುವರಿಯನ್ನು ಕಾಯ್ದುಕೊಳ್ಳುತ್ತಲೇ ಇವೆ.

ವಿದ್ಯುದೀಕರಣವು ಸುಮಾರು ₹6,000 ಕೋಟಿ ಉಳಿತಾಯಕ್ಕೆ ಕಾರಣವಾಗಿದೆ, ಹೆಚ್ಚಿದ ವಿದ್ಯುದೀಕರಣದಿಂದಾಗಿ ಡೀಸೆಲ್ ಬಳಕೆ ಸ್ಥಿರವಾಗಿ ಕಡಿಮೆಯಾಗುತ್ತಿದೆ ಎಂದು ಅವರು ತಿಳಿಸಿದರು.

ಮೂಲಸೌಕರ್ಯ ವಿಸ್ತರಣೆ ಮತ್ತು ಸಾಮರ್ಥ್ಯ ವರ್ಧನೆ

ಕಳೆದ ದಶಕದಲ್ಲಿ ರೈಲ್ವೆ ಮೂಲಸೌಕರ್ಯದಲ್ಲಿನ ಗಮನಾರ್ಹ ವಿಸ್ತರಣೆಯನ್ನು ಸಚಿವರಾದ ಶ್ರೀ ವೈಷ್ಣವ್ ಅವರು ಉಲ್ಲೇಖಿಸಿದರು. ಸರಕು ಸಾಗಣೆ 2013–14ರಲ್ಲಿ ಸುಮಾರು 1,055 ಮಿಲಿಯನ್ ಟನ್‌ ಗಳಿಂದ ಸುಮಾರು 1,650 ಮಿಲಿಯನ್ ಟನ್‌ ಗಳಿಗೆ ಏರಿದೆ, ಇದು ಭಾರತೀಯ ರೈಲ್ವೆಯನ್ನು ಜಾಗತಿಕವಾಗಿ ಎರಡನೇ ಅತಿದೊಡ್ಡ ಸರಕು ಸಾಗಣೆದಾರ ಸಂಸ್ಥೆಯನ್ನಾಗಿ ಮಾಡಿದೆ. 

ಹಳಿ ನಿರ್ಮಾಣವು ಗಣನೀಯವಾಗಿ ವೇಗಗೊಂಡಿದೆ, ಸುಮಾರು 35,000 ಕಿಮೀ ಹೊಸ ಹಳಿಗಳನ್ನು ಹಾಕಲಾಗಿದೆ, ಹಿಂದಿನ ಅವಧಿಯಲ್ಲಿ ಸುಮಾರು 15,000 ಕಿಮೀಗಳಷ್ಟಿತ್ತು. ವಿದ್ಯುದೀಕರಣವು ತ್ವರಿತ ಪ್ರಗತಿಯನ್ನು ಕಂಡಿದೆ, ಸುಮಾರು 5,200 ಕಿಮೀಗಳಿಂದ ಸುಮಾರು 47,000 ಕಿಮೀಗಳಿಗೆ ಏರಿದೆ, ಇದು 99% ಕ್ಕಿಂತ ಹೆಚ್ಚು ನೆಟ್‌ವರ್ಕ್ ವಿದ್ಯುದೀಕರಣವನ್ನು ಸಾಧಿಸಿದೆ.

ಸುರಕ್ಷತಾ ಮೂಲಸೌಕರ್ಯದ ವಿಷಯದಲ್ಲಿ, ರಸ್ತೆ ಓವರ್ ಬ್ರಿಡ್ಜ್‌ಗಳು (ಆರ್.ಒ.ಬಿ.ಗಳು) ಮತ್ತು ರಸ್ತೆ ಕೆಳ ಸೇತುವೆಗಳ (ಆರ್.ಯು.ಬಿ.ಗಳು) ಸಂಖ್ಯೆಯು ಸುಮಾರು 4,000 ರಿಂದ ಸುಮಾರು 14,000 ಕ್ಕೆ ಏರಿದೆ. ಸ್ವಯಂಚಾಲಿತ ಸಿಗ್ನಲಿಂಗ್ ಸುಮಾರು 1,500 ಕಿಮೀಗಳಿಂದ 4,000 ಕಿಮೀಗಳಿಗೆ ವಿಸ್ತರಿಸಿದೆ.

ಇತ್ತೀಚಿನ ವರ್ಷಗಳಲ್ಲಿ ಸುಮಾರು 48,000 ಕೋಚ್‌ಗಳನ್ನು ಸೇರಿಸುವುದರೊಂದಿಗೆ ಸುರಕ್ಷಿತ ಮತ್ತು ಹೆಚ್ಚು ಆಧುನಿಕವಾದ ಎಲ್.ಎಚ್.ಬಿ. ಕೋಚ್‌ ಗಳು ಗಮನಾರ್ಹವಾಗಿ ಹೆಚ್ಚಾಗಿದೆ ಎಂದು ಸಚಿವರು ಹೇಳಿದರು. ಲೋಕೋಮೋಟಿವ್ ಉತ್ಪಾದನೆಯು ಸುಮಾರು 12,000 ಯೂನಿಟ್‌ ಗಳಿಗೆ ಏರಿದೆ, ಹಾಗೂ ವ್ಯಾಗನ್ ಇಂಡಕ್ಷನ್ 2 ಲಕ್ಷ ಯೂನಿಟ್‌ ಗಳನ್ನು ದಾಟಿದೆ.

ಸುರಂಗಗಳು, ಸರಕು ಸಾಗಣೆ ಕಾರಿಡಾರ್‌ ಗಳು ಮತ್ತು ಕಾರ್ಯತಂತ್ರದ ಸಂಪರ್ಕ

ಸುರಂಗ ನಿರ್ಮಾಣದಲ್ಲಿ ಪ್ರಮುಖ ಮೈಲಿಗಲ್ಲು ಸಾಧಿಸಲಾಗಿದೆ ಎಂದು ಕೇಂದ್ರ ಸಚಿವರಾದ ಶ್ರೀ ವೈಷ್ಣವ್ ಅವರು ಒತ್ತಿ ಹೇಳಿದರು. 2014 ರವರೆಗೆ ಸುಮಾರು 125 ಕಿ.ಮೀ ಸುರಂಗಗಳನ್ನು ನಿರ್ಮಿಸಲಾಗಿದ್ದರೆ, ನಂತರ ಹೆಚ್ಚುವರಿಯಾಗಿ 486 ಕಿ.ಮೀ ಸುರಂಗಗಳನ್ನು ನಿರ್ಮಿಸಲಾಗಿದೆ, ಈಶಾನ್ಯ ಮತ್ತು ಜಮ್ಮು ಮತ್ತು ಕಾಶ್ಮೀರದಂತಹ ಕಠಿಣ ಭೂಪ್ರದೇಶಗಳಲ್ಲಿ ಸಂಪರ್ಕವನ್ನು ಗಮನಾರ್ಹವಾಗಿ ಸುಧಾರಿಸಿದೆ.

ಮೀಸಲಾದ ಸರಕು ಸಾಗಣೆ ಕಾರಿಡಾರ್‌ ಗಳು (ಡಿ.ಎಫ್‌.ಸಿ.ಗಳು) ಗಣನೀಯ ಪ್ರಗತಿಯನ್ನು ಕಂಡಿವೆ, ಸುಮಾರು 2,800 ಕಿ.ಮೀ ಪೂರ್ಣಗೊಂಡಿವೆ ಮತ್ತು ಈ ಕಾರಿಡಾರ್‌ ಗಳಲ್ಲಿ ಪ್ರತಿದಿನ ಸುಮಾರು 480 ಸರಕು ಸಾಗಣೆ ರೈಲುಗಳು ಕಾರ್ಯನಿರ್ವಹಿಸುತ್ತಿವೆ ಎಂದು ಅವರು ಗಮನಿಸಿದರು.

ಕಾರ್ಯಾಚರಣೆಯ ಕಾರ್ಯಕ್ಷಮತೆ ಮತ್ತು ನೆಟ್‌ವರ್ಕ್ ಬೆಳವಣಿಗೆ

ಭಾರತೀಯ ರೈಲ್ವೆ ಪ್ರಸ್ತುತ ಪ್ರತಿದಿನ ಸುಮಾರು 25,571 ರೈಲುಗಳನ್ನು ನಿರ್ವಹಿಸುತ್ತಿದೆ, ಇದು ಹೋಳಿ, ದೀಪಾವಳಿ ಮತ್ತು ಛಠ್ ನಂತಹ ಪೀಕ್ ಋತುಗಳಲ್ಲಿ ಸುಗಮ ಪ್ರಯಾಣವನ್ನು ಖಚಿತಪಡಿಸುತ್ತದೆ ಎಂದು ಕೇಂದ್ರ ಸಚಿವರಾದ ಶ್ರೀ ವೈಷ್ಣವ್ ಅವರು ಹೇಳಿದರು.

ಒಟ್ಟು ರೈಲ್ವೆ ಜಾಲವು ಸುಮಾರು 1,37,522 ರೂಟ್ ಕಿಲೋಮೀಟರ್‌ ಗಳಿಗೆ ವಿಸ್ತರಿಸಿದೆ, ಇದು ನಿರಂತರ ವಾರ್ಷಿಕ ಬೆಳವಣಿಗೆಯೊಂದಿಗೆ. ಹೆಚ್ಚುವರಿಯಾಗಿ, ರೈಲ್ವೆ ಈಗ ಸುಮಾರು 3.86 ಲಕ್ಷ ವ್ಯಾಗನ್‌ಗಳು ಮತ್ತು ಸುಮಾರು 98,000 ಬೋಗಿಗಳನ್ನು ಹೊಂದಿದೆ, ಎರಡೂ ದಾಖಲೆಯ ಮಟ್ಟದಲ್ಲಿವೆ.

ಸುರಕ್ಷತಾ ಸುಧಾರಣೆಗಳು

ರೈಲ್ವೆ ಅಪಘಾತಗಳು ಸುಮಾರು 90% ರಷ್ಟು ಕಡಿಮೆಯಾಗಿದೆ, ವ್ಯವಸ್ಥಿತ ಮೂಲ ಕಾರಣ ವಿಶ್ಲೇಷಣೆ ಮತ್ತು ಸರಿಪಡಿಸುವ ಕ್ರಮಗಳಿಂದ ಬೆಂಬಲಿತವಾಗಿದೆ ಎಂದು ಅವರು ಹೇಳಿದರು. ಸುರಕ್ಷತೆಯಲ್ಲಿ ಹೂಡಿಕೆ ಕೂಡ ಗಮನಾರ್ಹವಾಗಿ ಹೆಚ್ಚಾಗಿದೆ, ಸುರಕ್ಷತೆಗೆ ಸಂಬಂಧಿಸಿದ ಕೆಲಸಗಳಿಗೆ ಸುಮಾರು ₹1.2 ಲಕ್ಷ ಕೋಟಿ ಹಂಚಿಕೆ ಮಾಡಲಾಗಿದೆ ಎಂದು ಹೇಳಿದರು. 

ಸುರಕ್ಷತಾ ತಂತ್ರಜ್ಞಾನದ ಕುರಿತು, ಅವರು ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ಸ್ವಯಂಚಾಲಿತ ರೈಲು ರಕ್ಷಣಾ ವ್ಯವಸ್ಥೆಯಾದ ಕವಾಚ್‌ ನ ಪ್ರಗತಿಯ ಮಹತ್ವವನ್ನು ಎತ್ತಿ ತೋರಿಸಿದರು. ಸುಮಾರು 3,000 ಕಿಮೀ ನೆಟ್‌ವರ್ಕ್ ಅನ್ನು ಈಗಾಗಲೇ ಒಳಗೊಂಡಿದೆ, ಸುಮಾರು 20,000 ಕಿಮೀ ಕೆಲಸ ನಡೆಯುತ್ತಿದೆ ಮತ್ತು ಸುಮಾರು 8,000 ಲೋಕೋಮೋಟಿವ್‌ ಗಳಲ್ಲಿ ಸ್ಥಾಪನೆಗೆ ಯೋಜಿಸಲಾಗಿದೆ ಎಂದು ಹೇಳಿದರು 

ಕವಚ್ ಒಂದು ಸಮಗ್ರ ಸುರಕ್ಷತಾ ವ್ಯವಸ್ಥೆಯಾಗಿದ್ದು, ಇದು ಆಪ್ಟಿಕಲ್ ಫೈಬರ್ ನೆಟ್‌ವರ್ಕ್‌ಗಳು, ಟೆಲಿಕಾಂ ಟವರ್‌ ಗಳು, ಡೇಟಾ ಸೆಂಟರ್‌ ಗಳು ಮತ್ತು ಆನ್‌ಬೋರ್ಡ್ ಉಪಕರಣಗಳನ್ನು ಒಳಗೊಂಡಿದ್ದು, ಸಂಕೀರ್ಣತೆಯಲ್ಲಿ ಪೂರ್ಣ ಟೆಲಿಕಾಂ ಮೂಲಸೌಕರ್ಯಕ್ಕೆ ಹೋಲಿಸಬಹುದು ಎಂದು ಅವರು ಒತ್ತಿ ಹೇಳಿದರು.

ಪ್ರಯಾಣಿಕರ ಸೇವೆಗಳು ಮತ್ತು ಕೈಗೆಟುಕುವ ಪ್ರಯಾಣ

ರೈಲ್ವೆ ಸಾಮಾನ್ಯ ನಾಗರಿಕರಿಗೆ ಕೈಗೆಟುಕುವ ಪ್ರಯಾಣಕ್ಕೆ ಆದ್ಯತೆ ನೀಡುತ್ತಲೇ ಇದೆ ಎಂದು ಕೇಂದ್ರ ಸಚಿವ ಶ್ರೀ ವೈಷ್ಣವ್ ಅವರು ಹೇಳಿದ್ದಾರೆ. ಸುಮಾರು 70% ಬೋಗಿಗಳು ಸಾಮಾನ್ಯ ಮತ್ತು ಸ್ಲೀಪರ್ ವರ್ಗದವು, ಇದು ಹೆಚ್ಚಿನ ಪ್ರಯಾಣಿಕರಿಗೆ ಪ್ರವೇಶವನ್ನು ಖಚಿತಪಡಿಸುತ್ತದೆ.

2024–25ರಲ್ಲಿ ಸುಮಾರು 1,250 ಬೋಗಿಗಳು ಮತ್ತು 2025–26ರಲ್ಲಿ ಸುಮಾರು 860 ಬೋಗಿಗಳು ಸೇರಿದಂತೆ ಹೆಚ್ಚುವರಿ ಸಾಮಾನ್ಯ ಬೋಗಿಗಳನ್ನು ಪರಿಚಯಿಸಲಾಗಿದೆ ಎಂದು ಅವರು ಮಾಹಿತಿ ನೀಡಿದರು.

ರೈಲ್ವೆ ಪ್ರಸ್ತುತ ವಾರ್ಷಿಕವಾಗಿ ಸುಮಾರು ₹60,000 ಕೋಟಿ ಪ್ರಯಾಣಿಕರ ಸಬ್ಸಿಡಿಯನ್ನು ಒದಗಿಸುತ್ತಿದೆ, ಇದು ಪ್ರತಿ ಪ್ರಯಾಣಿಕರಿಗೆ ಸರಾಸರಿ 45% ರಿಯಾಯಿತಿಗೆ ಕಾರಣವಾಗುತ್ತದೆ. ಮುಂಬೈನಂತಹ ಉಪನಗರ ವಿಭಾಗಗಳಲ್ಲಿ, ಸುಮಾರು ₹3,000 ಕೋಟಿ ಹೆಚ್ಚುವರಿ ಸಬ್ಸಿಡಿಯನ್ನು ಒದಗಿಸಲಾಗಿದೆ ಎಂದು ಹೇಳಿದರು.

ಹೊಸ ರೈಲು ಸೇವೆಗಳ ಪರಿಚಯ

ಕೇಂದ್ರ ಸಚಿವರು ಆಧುನಿಕ ರೈಲು ಸೇವೆಗಳ ಪರಿಚಯ ಮತ್ತು ವಿಸ್ತರಣೆಯನ್ನು ಉಲ್ಲೇಖಿಸಿದರು.  ಪ್ರಸ್ತುತ, 160 ಕ್ಕೂ ಹೆಚ್ಚು ವಂದೇ ಭಾರತ್ ಸೇವೆಗಳು ಕಾರ್ಯನಿರ್ವಹಿಸುತ್ತಿವೆ, ಜೊತೆಗೆ ಕೈಗೆಟುಕುವ ದೂರದ ಪ್ರಯಾಣವನ್ನು ಪೂರೈಸುವ 60 ಅಮೃತ್ ಭಾರತ್ ರೈಲು ಸೇವೆಗಳು ಕಾರ್ಯನಿರ್ವಹಿಸುತ್ತಿವೆ.

133 ಅಮೃತ್ ಭಾರತ್ ರೈಲುಗಳ ತಯಾರಿಕೆಯೂ ನಡೆಯುತ್ತಿದೆ ಎಂದು ಅವರು ಮಾಹಿತಿ ನೀಡಿದರು. ಇದರ ಜೊತೆಗೆ, ವಂದೇ ಭಾರತ್ ಸ್ಲೀಪರ್ ರೈಲುಗಳನ್ನು ಪರಿಚಯಿಸಲಾಗಿದ್ದು, ಅವುಗಳ ಕಾರ್ಯಕ್ಷಮತೆಗೆ ಸಕಾರಾತ್ಮಕ ಪ್ರತಿಕ್ರಿಯೆ ವ್ಯಕ್ತವಾಗಿದೆ ಎಂದು ಹೇಳಿದರು.

ರೈಲ್ವೆಯು ಮುಂಬೈಗಾಗಿ ಸ್ವಯಂಚಾಲಿತ ಬಾಗಿಲು ಮುಚ್ಚುವ ವ್ಯವಸ್ಥೆಗಳೊಂದಿಗೆ 238 ಹೊಸ ಉಪನಗರ ರೈಲುಗಳನ್ನು ಮತ್ತು ಕಡಿಮೆ-ದೂರ ಪ್ರಯಾಣಕ್ಕಾಗಿ ಸುಮಾರು 200 ಹೊಸ ಮೇಮು (ಇಂಟರ್‌ಸಿಟಿ ಎಂದು ಬ್ರಾಂಡ್ ಮಾಡಲಾಗುವುದು) ರೈಲುಗಳನ್ನು ಉತ್ಪಾದಿಸುತ್ತಿದೆ ಎಂದು ಅವರು ಹೇಳಿದರು 

ವಿಶೇಷ ರೈಲುಗಳು ಮತ್ತು ಪ್ರಯಾಣಿಕರ ಅನುಕೂಲ

ಋತುಮಾನದ ಬೇಡಿಕೆಯನ್ನು ಪೂರೈಸಲು ವಿಶೇಷ ರೈಲು ಕಾರ್ಯಾಚರಣೆಗಳು ಗಮನಾರ್ಹವಾಗಿ ವಿಸ್ತರಿಸಿವೆ. ಈ ಹಿಂದೆ ವಾರ್ಷಿಕವಾಗಿ ಸುಮಾರು 2,000–2,500 ವಿಶೇಷ ರೈಲುಗಳನ್ನು ಓಡಿಸಲಾಗುತ್ತಿತ್ತು, ಈ ಬಾರಿ ಜನರ ಅನುಕೂಲಕ್ಕಾಗಿ ದಾಖಲೆ ಸಂಖ್ಯೆಯ ವಿಶೇಷ ರೈಲುಗಳನ್ನು ಓಡಿಸಲಾಗುತ್ತದೆ ಎಂದು ಅವರು ಹೇಳಿದ್ದಾರೆ.

ದೀಪಾವಳಿ ಮತ್ತು ಛಠ್‌ ನಂತಹ ಪ್ರಮುಖ ಹಬ್ಬಗಳ ಸಮಯದಲ್ಲಿ, ಸುಮಾರು 12,383 ವಿಶೇಷ ರೈಲುಗಳನ್ನು ಓಡಿಸಲಾಯಿತು, ಆದರೆ ಹೋಳಿ ಸಮಯದಲ್ಲಿ ಈಗಾಗಲೇ 1,500 ಕ್ಕೂ ಹೆಚ್ಚು ರೈಲುಗಳನ್ನು ಓಡಿಸಲಾಗಿದೆ.

75 ಪ್ರಮುಖ ನಿಲ್ದಾಣಗಳಲ್ಲಿ ಹೋಲ್ಡಿಂಗ್ ಪ್ರದೇಶಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ ಮತ್ತು ಪ್ರಯಾಣಿಕರ ಅನುಕೂಲವನ್ನು ಸುಧಾರಿಸಲು 1,200 ಕ್ಕೂ ಹೆಚ್ಚು ಹೊಸ ಇಎಂಯು/ಮೇಮ ಸೇವೆಗಳನ್ನು ಪರಿಚಯಿಸಲಾಗಿದೆ ಎಂದು ಅವರು ತಿಳಿಸಿದರು .

ಉದ್ಯೋಗ ಮತ್ತು ನೇಮಕಾತಿ ಸುಧಾರಣೆಗಳು

ಉದ್ಯೋಗದ ಕುರಿತು ಕೇಂದ್ರ ಸಚಿವರಾದ ಶ್ರೀ ವೈಷ್ಣವ್ ಅವರು ಮುಂದುವರಿಸುತ್ತಾ, ಕಳೆದ ದಶಕದಲ್ಲಿ ರೈಲ್ವೆಯಲ್ಲಿ ಸುಮಾರು 5 ಲಕ್ಷ ಉದ್ಯೋಗಗಳನ್ನು ಒದಗಿಸಲಾಗಿದೆ, ಪ್ರಸ್ತುತ 1.43 ಲಕ್ಷ ನೇಮಕಾತಿಗಳು ನಡೆಯುತ್ತಿವೆ ಎಂದು ಹೇಳಿದರು.

ಊಹಾತ್ಮಕತೆ ಮತ್ತು ಪಾರದರ್ಶಕತೆಯನ್ನು ಖಾತ್ರಿಪಡಿಸುವ ರಚನಾತ್ಮಕ ವಾರ್ಷಿಕ ನೇಮಕಾತಿ ವೇಳಾಪಟ್ಟಿಯನ್ನು ಪರಿಚಯಿಸುವ ಬಗ್ಗೆ ಅವರು ಗಮನಸೆಳೆದರು. ರೈಲ್ವೆ ನೇಮಕಾತಿ ಪರೀಕ್ಷೆಗಳನ್ನು 150 ನಗರಗಳಲ್ಲಿ 15 ಭಾಷೆಗಳಲ್ಲಿ ನಡೆಸಲಾಗುತ್ತಿದ್ದು, ಸುಮಾರು 3.6 ಕೋಟಿ ಅಭ್ಯರ್ಥಿಗಳು ಭಾಗವಹಿಸುತ್ತಿದ್ದಾರೆ.

ಕುಂದುಕೊರತೆಗಳನ್ನು ತ್ವರಿತವಾಗಿ ಪರಿಹರಿಸಲು ಮತ್ತು ಪರೀಕ್ಷೆಗಳನ್ನು ಸುಗಮವಾಗಿ ನಡೆಸುವುದನ್ನು ಖಚಿತಪಡಿಸಿಕೊಳ್ಳಲು ಕೇಂದ್ರೀಕೃತ ಮೇಲ್ವಿಚಾರಣಾ ವ್ಯವಸ್ಥೆಯನ್ನು (ವಾರ್ ರೂಮ್) ಸ್ಥಾಪಿಸಲಾಗಿದೆ ಎಂದು ಅವರು ಮಾಹಿತಿ ನೀಡಿದರು.

ರೈಲ್ವೆಯಲ್ಲಿ ತಂತ್ರಜ್ಞಾನ, ನಾವೀನ್ಯತೆ ಮತ್ತು ಮೇಕ್ ಇನ್ ಇಂಡಿಯಾ

ತಮ್ಮ ಪ್ರತಿಕ್ರಿಯೆಯನ್ನು ಮುಂದುವರೆಸುತ್ತಾ, ಕಾರ್ಯಾಚರಣೆ, ನಿರ್ವಹಣೆ, ಮೂಲಸೌಕರ್ಯ ಮತ್ತು ಪ್ರಯಾಣಿಕರ ಸೇವೆಗಳು ಸೇರಿದಂತೆ ಭಾರತೀಯ ರೈಲ್ವೆಯ ಎಲ್ಲಾ ಕ್ಷೇತ್ರಗಳಲ್ಲಿ ತಂತ್ರಜ್ಞಾನ ಮತ್ತು ಮೇಕ್ ಇನ್ ಇಂಡಿಯಾದ ಬೆಳೆಯುತ್ತಿರುವ ಪಾತ್ರವನ್ನು ಕೇಂದ್ರ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಅವರು ಉಲ್ಲೇಖಿಸಿದರು.

ಜುಲೈ 2025 ರಲ್ಲಿ ಪ್ರಾರಂಭಿಸಲಾದ ರೈಲ್‌ ಒನ್ ಅಪ್ಲಿಕೇಶನ್ ಗಮನಾರ್ಹ ಆಕರ್ಷಣೆಯನ್ನು ಗಳಿಸಿದೆ, ಪ್ರತಿದಿನ 2.5 ಕೋಟಿಗೂ ಹೆಚ್ಚು ಡೌನ್‌ಲೋಡ್‌ ಗಳು ಮತ್ತು ಸುಮಾರು 9.5 ಲಕ್ಷ ಟಿಕೆಟ್ ವಹಿವಾಟುಗಳನ್ನು ಸುಗಮಗೊಳಿಸಿದೆ ಎಂದು ಅವರು ಮಾಹಿತಿ ನೀಡಿದರು. ಈ ಅಪ್ಲಿಕೇಶನ್ ಕಾಯ್ದಿರಿಸಿದ ಮತ್ತು ಕಾಯ್ದಿರಿಸದ ಟಿಕೆಟ್‌ಗಳು, ಪ್ಲಾಟ್‌ಫಾರ್ಮ್ ಟಿಕೆಟ್‌ಗಳು, ರೈಲು ವಿಚಾರಣೆಗಳು, ಪಿ.ಎನ್.ಆರ್. ಸ್ಥಿತಿ ಮತ್ತು ಕುಂದುಕೊರತೆ ಪರಿಹಾರ ಸೇರಿದಂತೆ ಬಹು ಪ್ರಯಾಣಿಕರ ಸೇವೆಗಳನ್ನು ಒಂದೇ ವೇದಿಕೆಯಲ್ಲಿ ಸಂಯೋಜಿಸುತ್ತದೆ.

ಹಲವಾರು ದಶಕಗಳ ನಂತರ ಪ್ರಯಾಣಿಕರ ಮೀಸಲಾತಿ ವ್ಯವಸ್ಥೆಯನ್ನು (ಪಿ ಆರ್ ಎಸ್) ಸಮಗ್ರವಾಗಿ ಆಧುನೀಕರಿಸಲಾಗಿದೆ ಎಂದು ಸಚಿವರು ಹೇಳಿದರು. ನವೀಕರಿಸಿದ ವ್ಯವಸ್ಥೆಯನ್ನು ಹಂತಗಳಲ್ಲಿ ಜಾರಿಗೆ ತರಲಾಗುತ್ತಿದೆ ಮತ್ತು ಬುಕಿಂಗ್ ದಕ್ಷತೆ ಮತ್ತು ಪಾರದರ್ಶಕತೆಯನ್ನು ಗಮನಾರ್ಹವಾಗಿ ಸುಧಾರಿಸುವ ನಿರೀಕ್ಷೆಯಿದೆ. ಸ್ವಯಂಚಾಲಿತ ಬಾಟ್‌ಗಳು ಮತ್ತು ಅನಧಿಕೃತ ಸಾಫ್ಟ್‌ವೇರ್ ಮೂಲಕ ದುರುಪಯೋಗವನ್ನು ತಡೆಯಲು ತತ್ಕಾಲ್ ಬುಕಿಂಗ್ ವ್ಯವಸ್ಥೆಯಲ್ಲಿ ಸುಧಾರಣೆಗಳನ್ನು ಸಹ ಜಾರಿಗೆ ತರಲಾಗಿದೆ, ಇದರ ಪರಿಣಾಮವಾಗಿ ನಿಜವಾದ ಬಳಕೆದಾರರಿಗೆ ಉತ್ತಮ ಲಭ್ಯತೆ ದೊರೆಯುತ್ತದೆ.

ವನ್ಯಜೀವಿ ರಕ್ಷಣೆಗಾಗಿ ಕ್ಯಾಮೆರಾಗಳು ಮತ್ತು ನೆಟ್‌ವರ್ಕ್‌ನಾದ್ಯಂತ ಭವಿಷ್ಯಸೂಚಕ ನಿರ್ವಹಣೆಗಾಗಿ ಐಒಟಿ, ಕೃತಕ ಬುದ್ಧಿಮತ್ತೆ ಮತ್ತು ಯಂತ್ರ ಕಲಿಕೆಯಂತಹ ಸುಧಾರಿತ ತಂತ್ರಜ್ಞಾನಗಳು ಸೇರಿದಂತೆ ಎಐ-ಆಧಾರಿತ ವ್ಯವಸ್ಥೆಗಳ ನಿಯೋಜನೆಯನ್ನು ಕೇಂದ್ರ ಸಚಿವರಾದ ಶ್ರೀ ವೈಷ್ಣವ್ ಅವರು ಗಮನಿಸಿದರು.

ಮೇಕ್ ಇನ್ ಇಂಡಿಯಾ ಉಪಕ್ರಮದ ಅಡಿಯಲ್ಲಿ, ಭಾರತೀಯ ರೈಲ್ವೆ ಗಮನಾರ್ಹ ರಫ್ತುದಾರನಾಗಿ ಹೊರಹೊಮ್ಮಿದೆ, ರೈಲ್ವೆ ರಫ್ತು ₹24,000 ಕೋಟಿ ದಾಟಿದ್ದು, ಜರ್ಮನಿ, ಯು.ಎಸ್.ಎ, ಫ್ರಾನ್ಸ್, ಯುಕೆ, ಆಸ್ಟ್ರೇಲಿಯಾ ಮತ್ತು ಇತರ ದೇಶಗಳನ್ನು ತಲುಪಿದೆ.

ನಿಲ್ದಾಣಗಳ ಪುನರಾಭಿವೃದ್ಧಿ ಮತ್ತು ಸಾಮರ್ಥ್ಯ ವೃದ್ಧಿ

ಭಾರತೀಯ ರೈಲ್ವೆ ಜಾಗತಿಕವಾಗಿ ಅತಿದೊಡ್ಡ ನಿಲ್ದಾಣಗಳ ಪುನರಾಭಿವೃದ್ಧಿ ಕಾರ್ಯಕ್ರಮಗಳಲ್ಲಿ ಒಂದನ್ನು ಕೈಗೊಂಡಿದ್ದು, ಸುಮಾರು 1,300 ನಿಲ್ದಾಣಗಳನ್ನು ಒಳಗೊಂಡಿದೆ ಎಂದು ಕೇಂದ್ರ ಸಚಿವರಾದ ಶ್ರೀ ವೈಷ್ಣವ್ ಅವರು ಹೇಳಿದ್ದಾರೆ. ಇವುಗಳಲ್ಲಿ ಸುಮಾರು 180 ನಿಲ್ದಾಣಗಳು ಪೂರ್ಣಗೊಂಡಿವೆ, ಆದರೆ ಸುಮಾರು 500 ನಿಲ್ದಾಣಗಳು ಪೂರ್ಣಗೊಳ್ಳುವ ಹಂತದಲ್ಲಿವೆ.

ಪುನರ್ನಿರ್ಮಾಣದ ಸಮಯದಲ್ಲಿ ನಿಲ್ದಾಣಗಳು ಹೆಚ್ಚಾಗಿ ಸ್ಥಗಿತಗೊಳ್ಳುವ ಜಾಗತಿಕ  ಅಭ್ಯಾಸಗಳಿಗಿಂತ ಭಿನ್ನವಾಗಿ, ಭಾರತೀಯ ರೈಲ್ವೆ ನಿರಂತರ ರೈಲು ಕಾರ್ಯಾಚರಣೆಗಳನ್ನು ನಿರ್ವಹಿಸುತ್ತಾ ಪುನರಾಭಿವೃದ್ಧಿ ಕಾರ್ಯಗಳನ್ನು ನಿರ್ವಹಿಸುತ್ತಿದೆ, ಸುರಕ್ಷತೆ ಮತ್ತು ಪ್ರಯಾಣಿಕರಿಗೆ ಕನಿಷ್ಠ ಅನಾನುಕೂಲತೆಯನ್ನು ಖಚಿತಪಡಿಸುತ್ತದೆ ಎಂದು ಅವರು ಒತ್ತಿ ಹೇಳಿದರು.

ಇದರ ಜೊತೆಗೆ, ಹೆಚ್ಚುವರಿ ಪ್ಲಾಟ್‌ಫಾರ್ಮ್‌ಗಳು, ಸ್ಟೇಬಿಲಿಂಗ್ ಲೈನ್‌ಗಳು, ಪಿಟ್ ಲೈನ್‌ಗಳು ಮತ್ತು ಕೋಚಿಂಗ್ ಟರ್ಮಿನಲ್‌ಗಳ ನಿರ್ಮಾಣ ಸೇರಿದಂತೆ 48 ಹೆಚ್ಚಿನ ಬೇಡಿಕೆಯ ನಗರಗಳಲ್ಲಿ ಸಾಮರ್ಥ್ಯ ವೃದ್ಧಿ ಕಾರ್ಯಗಳನ್ನು ಕೈಗೆತ್ತಿಕೊಳ್ಳಲಾಗಿದೆ, ಇದು ಮುಂಬರುವ ವರ್ಷಗಳಲ್ಲಿ ಕಾರ್ಯಾಚರಣೆಯ ದಕ್ಷತೆಯನ್ನು ಗಮನಾರ್ಹವಾಗಿ ಹೆಚ್ಚಿಸುತ್ತದೆ.

ಪ್ರಧಾನ ಮಂತ್ರಿ ಗತಿ ಶಕ್ತಿಯ ಮೂಲಕ ಸಮಗ್ರ ಯೋಜನೆ

ಸಮಗ್ರ ಮೂಲಸೌಕರ್ಯ ಯೋಜನೆಗಾಗಿ ಜಿಯೋಸ್ಪೇಷಿಯಲ್ ಮ್ಯಾಪಿಂಗ್ ಅನ್ನು ಬಳಸುವ ಪ್ರಧಾನ ಮಂತ್ರಿ ಗತಿ ಶಕ್ತಿ ರಾಷ್ಟ್ರೀಯ ಮಾಸ್ಟರ್ ಪ್ಲಾನ್ ಮೂಲಕ ರೈಲ್ವೆ ವಿಸ್ತರಣೆಯನ್ನು ಈಗ ಯೋಜಿಸಲಾಗುತ್ತಿದೆ ಎಂದು ಕೇಂದ್ರ ಸಚಿವರು ಉಲ್ಲೇಖಿಸಿದರು.

ಕೈಗಾರಿಕೆಗಳು, ನಗರ ಕೇಂದ್ರಗಳು ಮತ್ತು ಲಾಜಿಸ್ಟಿಕ್ಸ್ ನೋಡ್‌ ಗಳಿಂದ ಬೇಡಿಕೆಯ ವೈಜ್ಞಾನಿಕ ಮೌಲ್ಯಮಾಪನದ ಮೂಲಕ, ಹೊಸ ರೈಲ್ವೆ ಯೋಜನೆಗಳನ್ನು ವ್ಯವಸ್ಥಿತವಾಗಿ ಗುರುತಿಸಲಾಗಿದೆ.  2014 ರಿಂದ, ಸುಮಾರು 27,000 ಕಿ.ಮೀ. ಹೊಸ ರೈಲ್ವೆ ಯೋಜನೆಗಳನ್ನು ಮಂಜೂರು ಮಾಡಲಾಗಿದೆ, ಒಟ್ಟು ₹4.27 ಲಕ್ಷ ಕೋಟಿ ಹೂಡಿಕೆ ಮಾಡಲಾಗಿದೆ.

ಈಶಾನ್ಯ ಪ್ರದೇಶದಲ್ಲಿ ವಿಸ್ತರಣೆ

ಈಶಾನ್ಯ ಪ್ರದೇಶದಲ್ಲಿ ರೈಲು ಸಂಪರ್ಕವನ್ನು ಸುಧಾರಿಸುವಲ್ಲಿ ಗಮನಾರ್ಹ ಪ್ರಗತಿ ಸಾಧಿಸಲಾಗಿದೆ ಎಂದು ಕೇಂದ್ರ ಸಚಿವರಾದ ಶ್ರೀ ವೈಷ್ಣವ್ ಅವರು ಗಮನಿಸಿದರು. ಮಿಜೋರಾಂನಂತಹ ರಾಜ್ಯಗಳು ರೈಲ್ವೆ ಜಾಲಕ್ಕೆ ಸಂಪರ್ಕ ಹೊಂದಿವೆ, ಹಾಗೂ ಮಣಿಪುರ, ನಾಗಾಲ್ಯಾಂಡ್ ಮತ್ತು ಸಿಕ್ಕಿಂನಲ್ಲಿನ ಸಂಪರ್ಕ ಯೋಜನೆಗಳು ವೇಗವಾಗಿ ಪ್ರಗತಿಯಲ್ಲಿವೆ.

ಸುಧಾರಿತ ರೈಲು ಸಂಪರ್ಕವು ಸಾರಿಗೆ ವೆಚ್ಚವನ್ನು ಕಡಿಮೆ ಮಾಡಲು, ಸುಧಾರಿತ ಲಾಜಿಸ್ಟಿಕ್ಸ್ ಮತ್ತು ಪ್ರದೇಶದಲ್ಲಿ ಉತ್ತಮ ಪ್ರವೇಶಕ್ಕೆ ಕಾರಣವಾಗಿದೆ ಎಂದು ಕೇಂದ್ರ ಸಚಿವರು ಹೇಳಿದರು.

ರೈಲ್ವೆ ಮತ್ತು ಸಾಂಸ್ಕೃತಿಕ ಸಂಪರ್ಕ

ದೇಶಾದ್ಯಂತದ ಪ್ರಮುಖ ಸಾಂಸ್ಕೃತಿಕ ಮತ್ತು ಧಾರ್ಮಿಕ ಕೇಂದ್ರಗಳಿಗೆ ರೈಲು ಸಂಪರ್ಕವನ್ನು ಬಲಪಡಿಸುವ ಪ್ರಯತ್ನಗಳನ್ನು ಸಚಿವರು ಉಲ್ಲೇಖಿಸಿದರು.

ನಾಸಿಕ್, ಉಜ್ಜಯಿನಿ, ಹರಿದ್ವಾರ, ರಾಜಮಂಡ್ರಿ ಮತ್ತು ಕುಂಭಕೋಣಂನಂತಹ ನಗರಗಳಲ್ಲಿ ಕುಂಭ ಕೂಟಗಳಂತಹ ಪ್ರಮುಖ ಕಾರ್ಯಕ್ರಮಗಳಿಗಾಗಿ ಸಮಗ್ರ ಮೂಲಸೌಕರ್ಯ ಅಭಿವೃದ್ಧಿ ಯೋಜನೆಗಳನ್ನು ಸಿದ್ಧಪಡಿಸಲಾಗಿದೆ. ಇವುಗಳಲ್ಲಿ ನಿಲ್ದಾಣಗಳ ನವೀಕರಣಗಳು, ಹೆಚ್ಚುವರಿ ಸೇತುವೆಗಳು, ಅಂಡರ್‌ಪಾಸ್‌ಗಳು, ಹಳಿ ದ್ವಿಗುಣಗೊಳಿಸುವಿಕೆ ಮತ್ತು ದೊಡ್ಡ ಪ್ರಯಾಣಿಕರ ಪ್ರಮಾಣವನ್ನು ಪರಿಣಾಮಕಾರಿಯಾಗಿ ನಿರ್ವಹಿಸಲು ಸಿಗ್ನಲಿಂಗ್ ಸುಧಾರಣೆಗಳು ಸೇರಿವೆ.

ಯೋಜನಾ ಅನುಷ್ಠಾನ ಮತ್ತು ಭೂಸ್ವಾಧೀನ ಸವಾಲುಗಳು

ರೈಲ್ವೆ ಯೋಜನೆಗಳನ್ನು ಸಕಾಲಿಕವಾಗಿ ಕಾರ್ಯಗತಗೊಳಿಸಲು ರಾಜ್ಯ ಸರ್ಕಾರಗಳಿಂದ, ವಿಶೇಷವಾಗಿ ಭೂಸ್ವಾಧೀನದಲ್ಲಿ ಸಕ್ರಿಯ ಸಹಕಾರದ ಅಗತ್ಯವಿದೆ ಎಂದು ಕೇಂದ್ರ ಸಚಿವ ಶ್ರೀ ವೈಷ್ಣವ್ ಅವರು ಹೇಳಿದ್ದಾರೆ.

ಕೆಲವು ಪ್ರದೇಶಗಳಲ್ಲಿ ಭೂಸ್ವಾಧೀನದಲ್ಲಿನ ವಿಳಂಬವು ಯೋಜನೆಯ ಪ್ರಗತಿಯ ಮೇಲೆ ಪರಿಣಾಮ ಬೀರಿದೆ ಎಂದು ಅವರು ಗಮನಿಸಿದರು. ರೈಲ್ವೆ ಅಭಿವೃದ್ಧಿಯು ಫೆಡರಲ್ ರಚನೆಯ ಅಡಿಯಲ್ಲಿ ಸಹಯೋಗದ ಪ್ರಯತ್ನವಾಗಿದೆ ಮತ್ತು ವೇಗವಾಗಿ ಭೂಸ್ವಾಧೀನವು ರಾಜ್ಯಗಳಲ್ಲಿ ಯೋಜನೆಯ ಅನುಷ್ಠಾನವನ್ನು ವೇಗಗೊಳಿಸಲು ಸಹಾಯ ಮಾಡುತ್ತದೆ ಎಂದು ಅವರು ಒತ್ತಿ ಹೇಳಿದರು.

ಹೈ-ಸ್ಪೀಡ್ ರೈಲು ಮತ್ತು ಬುಲೆಟ್ ರೈಲು ಪ್ರಗತಿ

ಶ್ರೀ ವೈಷ್ಣವ್ ಅವರು ಮುಂಬೈ-ಅಹಮದಾಬಾದ್ ಹೈ-ಸ್ಪೀಡ್ ರೈಲು (ಬುಲೆಟ್ ರೈಲು) ಯೋಜನೆಯ ಕುರಿತು ನವೀಕರಣವನ್ನು ಒದಗಿಸಿದರು, ನಿರ್ಮಾಣ ಕಾರ್ಯವು ವೇಗವಾಗಿ ಪ್ರಗತಿಯಲ್ಲಿದೆ ಎಂದು ಹೇಳಿದರು.

ಪ್ರಮುಖ ಮೈಲಿಗಲ್ಲುಗಳು:

• 300 ಕಿ.ಮೀ.ಗೂ ಹೆಚ್ಚು ವಯಾಡಕ್ಟ್ ನಿರ್ಮಾಣ ಪೂರ್ಣಗೊಂಡಿದೆ
• ಪಿಯರ್ ನಿರ್ಮಾಣ, ಹಳಿ ಹಾಕುವಿಕೆ ಮತ್ತು ನಿಲ್ದಾಣ ಅಭಿವೃದ್ಧಿಯಲ್ಲಿ ಗಮನಾರ್ಹ ಪ್ರಗತಿ
• ಬಹು ನದಿಗಳಿಗೆ ಅಡ್ಡಲಾಗಿ ಸೇತುವೆಗಳು ಪೂರ್ಣಗೊಂಡಿವೆ
• ಭಾರತದ ಮೊದಲ ನೀರೊಳಗಿನ ರೈಲು ಸುರಂಗ ಮಾರ್ಗದ ಕೆಲಸ ನಡೆಯುತ್ತಿದೆ, ಈಗಾಗಲೇ ಪ್ರಗತಿ ಸಾಧಿಸಲಾಗಿದೆ

2027 ರಿಂದ ಈ ಯೋಜನೆಯನ್ನು ಹಂತಹಂತವಾಗಿ ಕಾರ್ಯಾರಂಭ ಮಾಡುವ ಗುರಿಯನ್ನು ಹೊಂದಲಾಗಿದೆ, ರೈಲುಗಳು ಗಂಟೆಗೆ 350 ಕಿ.ಮೀ ವೇಗದಲ್ಲಿ ಚಲಿಸುವ ನಿರೀಕ್ಷೆಯಿದೆ, ಇದು ಮುಂಬೈ ಮತ್ತು ಅಹಮದಾಬಾದ್ ನಡುವಿನ ಪ್ರಯಾಣದ ಸಮಯವನ್ನು 2 ಗಂಟೆಗಳಿಗಿಂತ ಕಡಿಮೆ ಗೊಳಿಸಲಿವೆ ಎಂದು ಅವರು ಹೇಳಿದರು.

ಏಳು ಹೆಚ್ಚುವರಿ ಹೈಸ್ಪೀಡ್ ರೈಲು ಕಾರಿಡಾರ್‌ ಗಳನ್ನು ಘೋಷಿಸಲಾಗಿದೆ, ಇದು ಭವಿಷ್ಯದಲ್ಲಿ ಭಾರತದ ಹೈಸ್ಪೀಡ್ ಜಾಲವನ್ನು ಸುಮಾರು 4,000 ಕಿ.ಮೀ.ಗೆ ವಿಸ್ತರಿಸುತ್ತದೆ ಎಂದು ಸಚಿವರು ಮಾಹಿತಿ ನೀಡಿದರು.

ಪ್ರಯಾಣಿಕರ ಅನುಭವ ಮತ್ತು ಸ್ವಚ್ಛತೆಯಲ್ಲಿ ಸುಧಾರಣೆಗಳು

ಪ್ರಯಾಣಿಕರ ಅನುಭವವನ್ನು, ವಿಶೇಷವಾಗಿ ಸ್ವಚ್ಛತೆಯನ್ನು ಸುಧಾರಿಸುವ ಗುರಿಯನ್ನು ಹೊಂದಿರುವ ನಡೆಯುತ್ತಿರುವ ಸುಧಾರಣೆಗಳನ್ನು ಕೇಂದ್ರ ಸಚಿವರಾದ ಶ್ರೀ ವೈಷ್ಣವ್ ಅವರು ಉಲ್ಲೇಖಿಸಿದರು. ಸಾಮಾನ್ಯ ಬೋಗಿಗಳು ಸೇರಿದಂತೆ ಎಲ್ಲಾ ವರ್ಗಗಳಲ್ಲಿ ಮೂಲದಿಂದ ಗಮ್ಯಸ್ಥಾನದವರೆಗೆ ನಿರಂತರ ಶುಚಿಗೊಳಿಸುವಿಕೆಯನ್ನು ಖಚಿತಪಡಿಸಿಕೊಳ್ಳುವ ದೀರ್ಘ-ದೂರ ರೈಲುಗಳಲ್ಲಿ ಪ್ರಾಯೋಗಿಕ ಆಧಾರದ ಮೇಲೆ ಹೊಸ ಉಪಕ್ರಮವನ್ನು ಪ್ರಾರಂಭಿಸಲಾಗಿದೆ. ವಲಯಗಳಾದ್ಯಂತ ಆಯ್ದ ರೈಲುಗಳಲ್ಲಿ ಈ ಉಪಕ್ರಮವನ್ನು ಜಾರಿಗೆ ತರಲಾಗುತ್ತಿದೆ ಮತ್ತು ಒಟ್ಟಾರೆ ಪ್ರಯಾಣಿಕರ ತೃಪ್ತಿಯನ್ನು ಹೆಚ್ಚಿಸುವ ನಿರೀಕ್ಷೆಯಿದೆ.

ಗಡಿ ಮೂಲಸೌಕರ್ಯ ಮತ್ತು ಕಾರ್ಯತಂತ್ರದ ಸಂಪರ್ಕ

ತಮ್ಮ ಪ್ರತಿಕ್ರಿಯೆಯನ್ನು ಮುಕ್ತಾಯಗೊಳಿಸುತ್ತಾ, ಕೇಂದ್ರ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಅವರು ಗಡಿ ಮತ್ತು ಕಾರ್ಯತಂತ್ರದ ಪ್ರದೇಶಗಳಲ್ಲಿ ರೈಲು ಸಂಪರ್ಕಕ್ಕೆ ಗಮನಾರ್ಹ ಒತ್ತು ನೀಡಲಾಗುತ್ತಿರುವುದನ್ನು ಉಲ್ಲೇಖಿಸಿದರು.

ಗಡಿ ಪ್ರದೇಶಗಳಲ್ಲಿ ಸಂಪರ್ಕವನ್ನು ಬಲಪಡಿಸಲು, ಕಾರ್ಯತಂತ್ರದ ಚಲನಶೀಲತೆ ಮತ್ತು ಪ್ರಾದೇಶಿಕ ಅಭಿವೃದ್ಧಿ ಎರಡನ್ನೂ ಹೆಚ್ಚಿಸಲು ಬಹು ಯೋಜನೆಗಳನ್ನು ಕೈಗೊಳ್ಳಲಾಗಿದೆ ಎಂದು ಅವರು ಹೇಳಿದರು. ಜಮ್ಮು ಮತ್ತು ಕಾಶ್ಮೀರದಲ್ಲಿ, ಬಾರಾಮುಲ್ಲಾ-ಉರಿ ವಿಸ್ತರಣೆ (ಡಿ.ಪಿ.ಆರ್. ಹಂತ), ಖಾಜಿಗುಂಡ್-ಬುಡ್ಗಾಮ್ ದ್ವಿಗುಣಗೊಳಿಸುವಿಕೆ ಮತ್ತು ಜಮ್ಮು-ರಾಜೌರಿ-ಪೂಂಚ್ ಸಂಪರ್ಕಕ್ಕಾಗಿ ಸಮೀಕ್ಷೆಗಳು ಪ್ರಗತಿಯಲ್ಲಿವೆ.

ಈಶಾನ್ಯ ಪ್ರದೇಶದಲ್ಲಿ, ಲಂಕಾ-ಸಿಲ್ಚಾರ್, ದೇಕರ್‌ಗಾಂವ್-ಸಿಲ್ಘಾಟ್ ಮತ್ತು ಇತರ ಕಾರ್ಯತಂತ್ರದ ಮಾರ್ಗಗಳಂತಹ ಹೊಸ ಮಾರ್ಗಗಳಿಗೆ ಡಿಪಿಆರ್‌ಗಳ ತಯಾರಿಕೆ ಮತ್ತು ಪೂರ್ಣಗೊಳಿಸುವಿಕೆ ಸೇರಿದಂತೆ ಹಲವಾರು ಯೋಜನೆಗಳು ಪ್ರಗತಿಯಲ್ಲಿವೆ.  ನ್ಯೂ ಜಲ್ಪೈಗುರಿ ಮತ್ತು ಕಾಮಾಖ್ಯ ನಡುವಿನ ಹೆಚ್ಚುವರಿ ಮಾರ್ಗಗಳು ಸೇರಿದಂತೆ ಸಾಮರ್ಥ್ಯ ವರ್ಧನೆಗಾಗಿ ಸಮೀಕ್ಷೆಗಳು ಮತ್ತು ನಿರ್ಮಾಣ ಚಟುವಟಿಕೆಗಳು ಸಹ ನಡೆಯುತ್ತಿವೆ.

ಭೂತಾನ್‌ ನಂತಹ ನೆರೆಯ ರಾಷ್ಟ್ರಗಳೊಂದಿಗೆ ಸಂಪರ್ಕಗಳನ್ನು ಒಳಗೊಂಡಂತೆ ಅಂತರರಾಷ್ಟ್ರೀಯ ಸಂಪರ್ಕ ಯೋಜನೆಗಳನ್ನು ಸಹ ಕೈಗೆತ್ತಿಕೊಳ್ಳಲಾಗಿದೆ ಎಂದು ಕೇಂದ್ರ ಸಚಿವ ಶ್ರೀ ವೈಷ್ಣವ್ ಅವರು ಹೇಳಿದರು.

ಉತ್ತರ ಮತ್ತು ಪಶ್ಚಿಮ ಗಡಿ ಪ್ರದೇಶಗಳಲ್ಲಿ, ಪ್ರವೇಶ ಮತ್ತು ಲಾಜಿಸ್ಟಿಕ್ಸ್ ಅನ್ನು ಸುಧಾರಿಸಲು ಅನುಪ್‌ಗಢ-ಖಜುವಾಲಾ, ಜೈಸಲ್ಮೇರ್-ಬಾರ್ಮರ್-ಭಿಲ್ಡಿ ಮತ್ತು ಭಾರತ-ಪಾಕಿಸ್ತಾನ ಗಡಿಯುದ್ದಕ್ಕೂ ಇತರ ಮಾರ್ಗಗಳಂತಹ ಯೋಜನೆಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ.

ಹಿಮಾಚಲ ಪ್ರದೇಶ ಮತ್ತು ಪಕ್ಕದ ಪ್ರದೇಶಗಳಲ್ಲಿ, ಬೆರಿ-ಮನಾಲಿ-ಲೇಹ್ (ಡಿ.ಪಿ.ಆರ್. ಹಂತ) ಮತ್ತು ಘನೌಲಿ-ಬಡ್ಡಿ ಮಾರ್ಗದಂತಹ ಕೆಲಸಗಳು ಪ್ರಗತಿಯಲ್ಲಿವೆ. ಅದೇ ರೀತಿ, ಪಂಜಾಬ್ ಮತ್ತು ಇತರ ಉತ್ತರ ರಾಜ್ಯಗಳಲ್ಲಿ, ಹೊಸ ಮಾರ್ಗಗಳು ಮತ್ತು ಸಾಮರ್ಥ್ಯ ವರ್ಧನೆ ಯೋಜನೆಗಳು ನಡೆಯುತ್ತಿವೆ.

ಸಿಲಿಗುರಿ ಕಾರಿಡಾರ್‌ ನಲ್ಲಿ ಕಾರ್ಯತಂತ್ರದ ಪ್ರಮುಖ ಯೋಜನೆಯನ್ನು ಅವರು ಉಲ್ಲೇಖಿಸಿದರು, ಅಲ್ಲಿ ನಿರ್ಣಾಯಕ ಸಂದರ್ಭಗಳಲ್ಲಿ ಅಡೆತಡೆಯಿಲ್ಲದ ಸಂಪರ್ಕವನ್ನು ಖಚಿತಪಡಿಸಿಕೊಳ್ಳಲು 30 ಕಿಮೀ ಭೂಗತ ಡಬಲ್-ಲೈನ್ ಕಾರಿಡಾರ್‌ ಗಾಗಿ ಯೋಜನೆಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ.

ಹೆಚ್ಚುವರಿಯಾಗಿ, ಭಾರತ-ನೇಪಾಳ ಗಡಿಯಲ್ಲಿ, ಗಡಿಯಾಚೆಗಿನ ಸಂಪರ್ಕ ಮತ್ತು ಪ್ರಾದೇಶಿಕ ಅಭಿವೃದ್ಧಿಯನ್ನು ಬಲಪಡಿಸಲು ನರ್ಕಟಿಯಾಗಂಜ್-ರಕ್ಸೌಲ್-ಸೀತಾಮರ್ಹಿ-ದರ್ಭಂಗಾ-ಮುಜಫರ್‌ಪುರದಂತಹ ವಿಭಾಗಗಳನ್ನು ಒಳಗೊಂಡಂತೆ ಬಹು ದ್ವಿಗುಣಗೊಳಿಸುವಿಕೆ ಮತ್ತು ಸಾಮರ್ಥ್ಯ ವರ್ಧನೆ ಯೋಜನೆಗಳನ್ನು ಕೈಗೊಳ್ಳಲಾಗುತ್ತಿದೆ.

ರೈಲ್ವೆ ಕಾರ್ಯಪಡೆಯ ಕೃತಜ್ಞತೆ ಮತ್ತು ತೀರ್ಮಾನ

ದೇಶಾದ್ಯಂತ ಅಡೆತಡೆಯಿಲ್ಲದ ರೈಲ್ವೆ ಕಾರ್ಯಾಚರಣೆಗಳನ್ನು ಖಚಿತಪಡಿಸಿಕೊಳ್ಳುವ ಲೋಕೋ ಪೈಲಟ್‌ಗಳು, ಟ್ರ್ಯಾಕ್ ನಿರ್ವಹಣೆದಾರರು, ನಿಲ್ದಾಣದ ಸಿಬ್ಬಂದಿ ಮತ್ತು ತಾಂತ್ರಿಕ ಸಿಬ್ಬಂದಿ ಸೇರಿದಂತೆ ಸುಮಾರು 12.5 ಲಕ್ಷ ರೈಲ್ವೆ ನೌಕರರ ಕೊಡುಗೆಯನ್ನು ಶ್ರೀ ಅಶ್ವಿನಿ ವೈಷ್ಣವ್ ಅವರು ಶ್ಲಾಘಿಸಿದರು, ಅವರು ವಿಶೇಷವಾಗಿ ಹಬ್ಬಗಳು ಮತ್ತು ಸವಾಲಿನ ಪರಿಸ್ಥಿತಿಗಳಲ್ಲಿ ಕೆಲಸ ಮಾಡುತ್ತಾರೆ.

ಭಾರತೀಯ ರೈಲ್ವೆಯ ರೂಪಾಂತರವು ಅದರ ಕಾರ್ಯಪಡೆಯ ಸಾಮೂಹಿಕ ಪ್ರಯತ್ನಗಳ ಫಲಿತಾಂಶವಾಗಿದೆ, ಇದು ನಿರಂತರ ನೀತಿ ಗಮನ ಮತ್ತು ಹೂಡಿಕೆಯಿಂದ ಬೆಂಬಲಿತವಾಗಿದೆ ಎಂದು ಅವರು ಒತ್ತಿ ಹೇಳಿದರು.

ರೈಲು ಸೇವೆಯಲ್ಲಿ ಸಾಮರ್ಥ್ಯ ವರ್ಧನೆ, ಸುರಕ್ಷತೆ ವರ್ಧನೆ, ನೆಟ್‌ವರ್ಕ್ ದಟ್ಟಣೆ ನಿವಾರಣೆ ಮತ್ತು ಪ್ರಯಾಣಿಕರ ಸೌಲಭ್ಯಗಳಂತಹ ಪ್ರಮುಖ ಆದ್ಯತೆಗಳನ್ನು ಒಳಗೊಂಡಂತೆ, ಗಮನಾರ್ಹ ಕಾರ್ಯಾಚರಣೆಯ ಬದ್ಧತೆಗಳನ್ನು ಸಮತೋಲನಗೊಳಿಸುವ ಮೂಲಕ, ಭಾರತ ಸರ್ಕಾರದ ಏಕೀಕೃತ ನಿಧಿಯಿಂದ ಸಚಿವಾಲಯದ ವಿವರವಾದ ವೆಚ್ಚ ಪ್ರಸ್ತಾವನೆಗಳಿಗೆ ಉತ್ತಮ ರೀತಿಯಲ್ಲಿ ಅನುದಾನಕ್ಕಾಗಿ ಬೇಡಿಕೆಗಳನ್ನು ಮಂಡಿಸುತ್ತಾ, ಈ ಮೂಲಕ ಸಂಸತ್ತಿನ ಅನುಮೋದನೆಯನ್ನು ಕೋರಿದವು.

*****