آیوش کے وزیر مملکت (آزادانہ چارج) جناب پرتاپ راؤ جادھو نے 13 مارچ 2026 کو لوک سبھا میں ایک سوال کے تحریری جواب میں بتایا کہ وزارت آیوش نے آیوش گرڈ کے تحت ڈیجیٹل پلیٹ فارم جیسے آیوش ہاسپیٹل مینجمنٹ انفارمیشن سسٹم (اے ایچ ایم آئی ایس) تیار کیے ہیں تاکہ آیوش مراکز میں ادویات کے ذخیرے کو ڈیجیٹل بنایا جا سکے اور ڈاکٹروں اور دوا سازوں کے ذریعے ادویات کی دستیابی کی نگرانی کی جاسکے ۔

قومی آیوش مشن (این اے ایم) کے تحت ریاست/مرکز کے زیر انتظام علاقوں کی حکومتوں کو آیوش نظام کی طاقت کے بارے میں سماج میں بیداری پیدا کرنے کے لیے رویے میں تبدیلی سے متعلق مواصلات (بی سی سی) اور معلومات،تعلیم اور مواصلات (آئی ای سی) سرگرمیوں کے نفاذ کے لیے مدد فراہم کی جا رہی ہے۔یہ اقدامات آیوش پر مبنی احتیاطی صحت کی دیکھ بھال کے طریقوں کو فروغ دینے اور سماج کو صحت مند طرز زندگی اپنانے کی ترغیب دینے کے لیے ماس میڈیا پلیٹ فارم کا استعمال کرتے ہیں۔اس کے علاوہ منظم آیوش پبلک ہیلتھ پروگراموں کے ذریعے مختلف آؤٹ ریچ سرگرمیوں  کی بھی حمایت کی جارہی ہے تاکہ کیمپوں کا انعقاد کرکے کمیونٹی میں بیداری پیدا کی جا سکے اورعوامی صحت کے مسائل کو حل کرنے کے لیے آیوش نظاموں کی صلاحیت کو بروئے کار لایا جائےاور دیگر آیوش صحت کی سہولیات کے ساتھ مناسب ریفرل روابط قائم کیے جائیں، تاکہ احتیاطی،فروغی ، علاجی اور بحالی  صحت کی خدمات فراہم کی جا سکیں-چاہے یہ خدمات الگ طور پر دی جائیں یا روایتی طبی نظام کے ساتھ بطور اضافی سہولت شامل کی جائیں۔

این اے ایم کے تحت،ملک بھر میں 12,500 آیوشمان آروگیہ مندر اے اے ایم (آیوش) [اے اے ایم (آیوش)] کو فعال کیا گیا ہے۔وزارت آیوش نے عمومی تندرستی کو برقرار رکھنے اور بیماریوں کی روک تھام کے لیے آیوش کے فوائد کے بارے میں آشا اور اے این ایم کارکنوں سمیت صحت کی دیکھ بھال کرنے والے کارکنوں کو تربیت دینے کے لیے تربیت دہندگان کی تربیت (ٹی او ٹی) پروگراموں کا انعقاد کیا ہے۔یہ زمینی سطح کے کارکنان اے ایم (آیوش) سے وابستہ ہیں اور معاشرے میں بیداری پیدا کرنے اور عام بیماریوں کے لیے آیوش کے طریقوں کا استعمال کرتے ہوئے آسان حفاظتی صحت کی دیکھ بھال کے طریقوں پر لوگوں کی رہنمائی کرنے میں شامل ہیں۔اس کے علاوہ سنٹرل ہیلتھ ایجوکیشن بیورو (سی ایچ ای بی) ڈائریکٹوریٹ جنرل آف ہیلتھ سروسز (ڈی جی ایچ ایس) اور وزارت صحت و خاندانی بہبود کے تعاون سے ماسٹر ٹرینر پروگراموں کا انعقاد 2024 اور 2025 میں آیوش نظام طب میں پٹھو ں اور ہڈیوں اور میٹابولک عوارض کے انتظام پر کیا گیا۔یہ تربیت آیوروید،ہومیوپیتھی،یونانی اور سدھا کے طبی افسران کے لیے تمام ریاستوں/مرکز کے زیر انتظام علاقوں کے شرکاء کے ساتھ منعقد کی گئی تھی ۔

اس کے ساتھ ہی  این اے ایم کے لچکدار جزو کے تحت،تعلیمی اداروں اور آیوش اسپتالوں/ڈسپنسریوں میں تدریسی عملے،طبی افسران،اور دیگر نیم طبی عملے کی تربیت اور صلاحیت سازی کے لیے مالی مدد بھی فراہم کی جاتی ہے۔ریاستی/مرکز کے زیر انتظام علاقے کی حکومتیں این اے ایم کے رہنما خطوط کے مطابق ریاستی سالانہ ایکشن پلان (ایس اے اے پی) کے ذریعے مناسب تجاویز جمع کر کے مالی مدد حاصل کر سکتی ہیں ۔

ا س کے ساتھ ہی آیوش کی وزارت آیور گیان نامی ایک مرکزی شعبے کی اسکیم بھی نافذ کر رہی ہے جس میں آیوش اہلکاروں کے لیے تربیتی پروگرام منعقد کرنے کے لیے آیوش میں صلاحیت سازی اور مسلسل طبی تعلیم (سی ایم ای) کے جزو کے تحت مالی امداد کا التزام ہے ۔

حکومت ہند ریاستی/مرکز کے زیر انتظام علاقوں کی حکومتوں کے ساتھ مل کر این اے ایم اسکیم کو نافذ کر رہی ہے اور مختلف آیوش نظاموں کی طاقت کے بارے میں کمیونٹی میں بیداری پیدا کرنے کے لیے بی سی سی/آئی ای سی سمیت مختلف سرگرمیوں کے تحت مالی مدد فراہم کر کے آیوش نظام کی مجموعی ترقی اور فروغ کے لیے ان کی کوششوں کی حمایت کر رہی ہے ۔

***********

) ش ح – م ش-ت ا)

U.No. 4224

(ریلیز آئی ڈی: 2241228) وزیٹر کاؤنٹر : 14