ಒಡಿಶಾದಲ್ಲಿ ರೈಲ್ವೆಯು ಮೂಲಸೌಕರ್ಯ ಮೇಲ್ದರ್ಜೆಗೇರಿಸುವಿಕೆಯನ್ನು ದೊಡ್ಡ ಮಟ್ಟದಲ್ಲಿ ಕೈಗೆತ್ತಿಕೊಂಡಿದೆ.

ರೈಲ್ವೆ ಬಜೆಟ್:

ಇತ್ತೀಚಿನ ವರ್ಷಗಳಲ್ಲಿ ಬಜೆಟ್ ಹಂಚಿಕೆಯು ಗಣನೀಯವಾಗಿ ಹೆಚ್ಚಾಗಿದೆ. ಒಡಿಶಾ ರಾಜ್ಯದಲ್ಲಿ ಪೂರ್ಣವಾಗಿ ಅಥವಾ ಭಾಗಶಃ ಬರುವ ಮೂಲಸೌಕರ್ಯ ಯೋಜನೆಗಳು ಮತ್ತು ಸುರಕ್ಷತಾ ಕಾಮಗಾರಿಗಳ ಬಜೆಟ್ ಹಂಚಿಕೆ ಈ ಕೆಳಗಿನಂತಿದೆ:

ಅವಧಿ	ವೆಚ್ಚ
2009-14	ವರ್ಷಕ್ಕೆ ₹838 ಕೋಟಿ
2025-26	₹10,599 ಕೋಟಿ (ಸುಮಾರು 13 ಪಟ್ಟು)

ಹಳಿ ನಿರ್ಮಾಣ:

2009-14 ಮತ್ತು 2014-25ರ ಅವಧಿಯಲ್ಲಿ ಒಡಿಶಾ ರಾಜ್ಯದಲ್ಲಿ ಪೂರ್ಣವಾಗಿ ಅಥವಾ ಭಾಗಶಃ ಬರುವ ಹೊಸ ಹಳಿಗಳ ಕಾರ್ಯಾರಂಭ/ಅಳವಡಿಕೆಯ ವಿವರಗಳು ಹೀಗಿವೆ:

ಅವಧಿ	ನಿಯೋಜಿಸಲಾದ ಹೊಸ ಹಳಿ	ವರ್ಷಕ್ಕೆ ಹೊಸ ಹಳಿಗಳ ಸರಾಸರಿ ಕಾರ್ಯಾರಂಭ
2009-14	267 ಕಿಮೀ	53 ಕಿಮೀ
2014-25	2,150 ಕಿಮೀ	195 ಕಿಮೀ (3.5 ಪಟ್ಟಿಗಿಂತ ಹೆಚ್ಚು)

ಮಂಜೂರಾದ ಯೋಜನೆಗಳು:

01.04.2025 ರ ಹೊತ್ತಿಗೆ, ಒಡಿಶಾದಲ್ಲಿ ಪೂರ್ಣವಾಗಿ ಅಥವಾ ಭಾಗಶಃ ಬರುವ ಒಟ್ಟು 4,010 ಕಿಮೀ ಉದ್ದದ, ₹67,496 ಕೋಟಿ ವೆಚ್ಚದ 49 ಯೋಜನೆಗಳು (19 ಹೊಸ ಮಾರ್ಗಗಳು ಮತ್ತು 30 ದ್ವಿಪಥಗೊಳಿಸುವಿಕೆ) ಮಂಜೂರಾಗಿವೆ. ಅವುಗಳಲ್ಲಿ 1,429 ಕಿಮೀ ಉದ್ದದ ಹಳಿಯನ್ನು ಕಾರ್ಯಾರಂಭ ಮತ್ತು ಮಾರ್ಚ್ 2025 ರವರೆಗೆ ₹28,043 ಕೋಟಿ ವೆಚ್ಚ ಮಾಡಲಾಗಿದೆ. ಇದರ ಸಾರಾಂಶ ಕೆಳಗಿನಂತಿದೆ:

ವರ್ಗ	ಮಂಜೂರಾದ ಯೋಜನೆಗಳ ಸಂಖ್ಯೆ	ಒಟ್ಟು ಉದ್ದ NL/GC/DL (ಕಿಮೀಗಳಲ್ಲಿ)	ಮಾರ್ಚ್ 2025 ರವರೆಗೆ ನಿಯೋಜಿಸಲಾದ ಉದ್ದ (ಕಿಮೀಗಳಲ್ಲಿ)	ಮಾರ್ಚ್ 2025 ರವರೆಗೆ ಒಟ್ಟು ವೆಚ್ಚ (₹ ಕೋಟಿಗಳಲ್ಲಿ)
ಹೊಸ ಮಾರ್ಗಗಳು	19	1,544	256	6,270
ದ್ವಿಪಥಗೊಳಿಸುವಿಕೆ / ಮಲ್ಟಿ-ಟ್ರ್ಯಾಕಿಂಗ್	30	2,466	1,173	21,773
ಒಟ್ಟು	49	4,010	1,429	28,043

ಇತ್ತೀಚೆಗೆ ಪೂರ್ಣಗೊಂಡ ಯೋಜನೆಗಳು:

ಒಡಿಶಾದಲ್ಲಿ ಪೂರ್ಣವಾಗಿ ಅಥವಾ ಭಾಗಶಃ ಬರುವ ಇತ್ತೀಚೆಗೆ ಪೂರ್ಣಗೊಂಡ ಕೆಲವು ಯೋಜನೆಗಳ ವಿವರಗಳು ಹೀಗಿವೆ:

ಕ್ರಮ ಸಂಖ್ಯೆ	ಯೋಜನೆಯ ಹೆಸರು	ವೆಚ್ಚ (₹ ಕೋಟಿಗಳಲ್ಲಿ)
1	ದೈತರಿ-ಬನ್ಸ್‌ಪಾನಿ ಹೊಸ ಮಾರ್ಗ ಮತ್ತು ಜಾಖಪುರ-ಹರಿದಾಸಪುರ 3ನೇ ಮಾರ್ಗ (179 ಕಿಮೀ)	1,317
2	ಝಾರ್ಸುಗುಡಾ - ಸರ್ದೇಗಾ ಹೊಸ ಮಾರ್ಗ (50 ಕಿಮೀ)	1,598
3	ಹರಿದಾಸ್‌ಪುರ-ಪಾರದೀಪ್ ಹೊಸ ಮಾರ್ಗ (82 ಕಿಮೀ)	2,397
4	ಅಂಗುಲ್-ಸುಕಿಂದಾ ಹೊಸ ಮಾರ್ಗ (104 ಕಿಮೀ)	2,834
5	ಚಂಪಾ-ಝಾರ್ಸುಗುಡಾ 3ನೇ ಮಾರ್ಗ (152 ಕಿಮೀ)	1,227
6	ಸಂಬಲ್ಪುರ-ತಿತ್ಲಾಗಢ್ ದ್ವಿಪಥಗೊಳಿಸುವಿಕೆ (182 ಕಿಮೀ)	2,262
7	ರೂರ್ಕೆಲಾ-ಝಾರ್ಸುಗುಡಾ 3ನೇ ಮಾರ್ಗ (101 ಕಿಮೀ)	1,313
8	ಬನ್ಸ್‌ಪಾನಿ-ದೈತರಿ-ತೊಮ್ಕಾ-ಜಾಖಪುರ ದ್ವಿಪಥಗೊಳಿಸುವಿಕೆ (164 ಕಿಮೀ)	1,827
9	ಸಂಬಲ್ಪುರ-ತಾಲ್ಚರ್ ದ್ವಿಪಥಗೊಳಿಸುವಿಕೆ (174 ಕಿಮೀ)	1,539
10	ರಾಯ್‌ಪುರ - ತಿತ್ಲಾಗಢ್ ದ್ವಿಪಥಗೊಳಿಸುವಿಕೆ (203 ಕಿಮೀ)	1,171
11	ಝಾರ್ಸುಗುಡಾ-ಸರ್ದೇಗಾ ದ್ವಿಪಥಗೊಳಿಸುವಿಕೆ (50 ಕಿಮೀ)	3,200

ನಡೆಯುತ್ತಿರುವ ಯೋಜನೆಗಳು:

ಇದಲ್ಲದೆ, ಒಡಿಶಾದಲ್ಲಿ ಪೂರ್ಣವಾಗಿ ಅಥವಾ ಭಾಗಶಃ ಬರುವ ಕೈಗೆತ್ತಿಕೊಳ್ಳಲಾದ ಕೆಲವು ಪ್ರಮುಖ ಯೋಜನೆಗಳು ಈ ಕೆಳಗಿನಂತಿವೆ:

ಕ್ರಮ ಸಂಖ್ಯೆ	ಯೋಜನೆಯ ಹೆಸರು	ಒಟ್ಟು ವೆಚ್ಚ (₹ ಕೋಟಿಗಳಲ್ಲಿ)
1	ಜುನಾಗಢ್-ನಬರಂಗಪುರ ಹೊಸ ಮಾರ್ಗ (116 ಕಿಮೀ)	2,865
2	ನಬರಂಗಪುರ-ಜೈಪುರ ಹೊಸ ಮಾರ್ಗ (41 ಕಿಮೀ)	748
3	ಜೈಪುರ-ಮಲ್ಕಾನ್‌ಗಿರಿ ಹೊಸ ಮಾರ್ಗ (130 ಕಿಮೀ)	2,344
4	ಮಲ್ಕಾನ್‌ಗಿರಿ - ಪಾಂಡುರಂಗಪುರಂ ಹೊಸ ಮಾರ್ಗ (174 ಕಿಮೀ)	3,592
5	ಬುರಾಮರ-ಚಕುಲಿಯಾ ಹೊಸ ಮಾರ್ಗ (60 ಕಿಮೀ)	1,459
6	ಗುಣುಪುರ-ತೆರುಬಾಲಿ ಹೊಸ ಮಾರ್ಗ (74 ಕಿಮೀ)	1,166
7	ಪುರಿ - ಕೋನಾರ್ಕ್ ಹೊಸ ಮಾರ್ಗ (32 ಕಿಮೀ)	492
8	ಬಾದಾಂಪಹಾರ್-ಕೆಂದುಝಾರ್‌ಗಢ್ ಹೊಸ ಮಾರ್ಗ (82 ಕಿಮೀ)	1,876
9	ಬಂಗ್ರಿಪೋಸಿ-ಗೊರುಮಹಿಸಾನಿ ಹೊಸ ಮಾರ್ಗ (86 ಕಿಮೀ)	2,269
10	ಬರ್ಗಢ್ ರೋಡ್-ನವಾಪಾರಾ ರೋಡ್ ಹೊಸ ಮಾರ್ಗ (138 ಕಿಮೀ)	2,622
11	ವಿಜಯನಗರಂ-ತಿತ್ಲಾಗಢ್ 3ನೇ ಮಾರ್ಗ (265 ಕಿಮೀ)	6,996
12	ಜರಪಾಡಾ- ಬುಧಪಂಕ್ 3ನೇ ಮತ್ತು 4ನೇ ಮಾರ್ಗ, ತಾಲ್ಚರ್‌ನಲ್ಲಿ ಫ್ಲೈ ಓವರ್‌ನೊಂದಿಗೆ (101 ಕಿಮೀ)	810
13	ಬುಧಪಂಕ್- ಸಲೆಗಾಂವ್ ರಾಜತ್‌ಗಢ್ ಮಾರ್ಗವಾಗಿ 3ನೇ ಮತ್ತು 4ನೇ ಮಾರ್ಗ (170 ಕಿಮೀ)	2,023
14	ನೆರ್ಗುಂಡಿ - ವಿಜಯನಗರಂ 3ನೇ ಮಾರ್ಗ (385 ಕಿಮೀ)	4,963
15	ಕೊಟ್ಟವಲಸ-ಕೊರಾಪುಟ್ ದ್ವಿಪಥಗೊಳಿಸುವಿಕೆ (189 ಕಿಮೀ)	2,500
16	ಕೊರಾಪುಟ್-ಸಿಂಗಪುರ ರೋಡ್ ದ್ವಿಪಥಗೊಳಿಸುವಿಕೆ (165 ಕಿಮೀ)	2,362
17	ಜಗದಲ್‌ಪುರ-ಕೊರಾಪುಟ್ ದ್ವಿಪಥಗೊಳಿಸುವಿಕೆ (107 ಕಿಮೀ)	1,547
18	ಝಾರ್ಸುಗುಡಾ-ಬಿಲಾಸ್ಪುರ 4ನೇ ಮಾರ್ಗ (206 ಕಿಮೀ)	2,596
19	ಬೊಂಡಾಮುಂಡಾ-ರಾಂಚಿ ದ್ವಿಪಥಗೊಳಿಸುವಿಕೆ (159 ಕಿಮೀ)	3,029
20	ನಾರಾಯಣಗಢ್-ಭದ್ರಕ್ 3ನೇ ಮಾರ್ಗ (153 ಕಿಮೀ)	2,136
21	ಭದ್ರಕ್-ನೆರ್ಗುಂಡಿ 3ನೇ ಮಾರ್ಗ (92 ಕಿಮೀ)	1,284

ಕೆಲವು ಪ್ರಮುಖ ಯೋಜನೆಗಳ ಪ್ರಗತಿ ಹೀಗಿದೆ:

1. ಖುರ್ದಾ ರೋಡ್-ಬೋಲಾಂಗೀರ್ (301 ಕಿಮೀ) ಹೊಸ ಮಾರ್ಗ: ಯೋಜನೆಯ ಇತ್ತೀಚಿನ ವೆಚ್ಚ ₹ 5,089 ಕೋಟಿ. ಈ ಯೋಜನೆಗೆ ಮಾರ್ಚ್ 2025 ರವರೆಗೆ ₹ 4,311 ಕೋಟಿ ವೆಚ್ಚ ಮಾಡಲಾಗಿದೆ. 2025-26ರ ಆರ್ಥಿಕ ವರ್ಷದಲ್ಲಿ ₹ 1,938 ಕೋಟಿ ಅನುದಾನ ಒದಗಿಸಲಾಗಿದೆ. ಯೋಜನೆಯ ಸ್ಥಿತಿ ಹೀಗಿದೆ:

• ಖುರ್ದಾ ರೋಡ್ – ದಸ್ಪಲ್ಲಾ (106 ಕಿಮೀ) : ಕಾರ್ಯಾರಂಭ
• ದಸ್ಪಲ್ಲಾ – ಪುರುನಾಕಟಕ್ (75 ಕಿಮೀ) : ಕಾಮಗಾರಿ ಕೈಗೆತ್ತಿಕೊಳ್ಳಲಾಗಿದೆ.
• ಪುರುನಾಕಟಕ್ – ಬೋಲಾಂಗೀರ್ (120 ಕಿಮೀ): ಕಾರ್ಯಾರಂಭ

ದಸ್ಪಲ್ಲಾ – ಪುರುನಾಕಟಕ್ (75 ಕಿಮೀ) ಸ್ಥಿತಿ ಹೀಗಿದೆ:

ಕ್ರಮ ಸಂಖ್ಯೆ	ಚಟುವಟಿಕೆ	ವ್ಯಾಪ್ತಿ	ಸ್ಥಿತಿ
1	ಸುರಂಗ	7 ಸಂಖ್ಯೆಗಳು (11.96 ಕಿಮೀ)	6 ಪೂರ್ಣಗೊಂಡಿವೆ (7.7 ಕಿಮೀ). ಉಳಿದ 1 ಸುರಂಗದ ಕಾಮಗಾರಿ ನಡೆಯುತ್ತಿದೆ
2	ಪ್ರಮುಖ ಸೇತುವೆ	5	ಎಲ್ಲಾ ಪೂರ್ಣಗೊಂಡಿವೆ
3	ನಿಲ್ದಾಣದ ಕಟ್ಟಡ	5	ಕಾಮಗಾರಿ ಕೈಗೆತ್ತಿಕೊಳ್ಳಲಾಗಿದೆ

2. ಸಲೆಗಾಂವ್- ಬುಧಪಂಕ್ (85 ಆರ್‌ ಕೆ ಎಂ) ನಡುವೆ 3ನೇ ಮತ್ತು 4ನೇ ಮಾರ್ಗ ನಿರ್ಮಾಣ: ಕಾಮಗಾರಿ ಕೈಗೆತ್ತಿಕೊಳ್ಳಲಾಗಿದೆ. ಸ್ಥಿತಿ ಹೀಗಿದೆ:

• ಸಲೆಗಾಂವ್ – ರಾಜತ್‌ಗಢ್ (23 ಕಿಮೀ) : ಕಾರ್ಯಾರಂಭ
• ರಾಜತ್‌ಗಢ್ – ಧೆಂಕನಲ್ (20 ಕಿಮೀ) : ಭೂಸ್ವಾಧೀನ ಮತ್ತು ಅರಣ್ಯ ಭೂಮಿ ಹಸ್ತಾಂತರ ಪೂರ್ಣಗೊಂಡಿದೆ. 4 ಪ್ರಮುಖ ಸೇತುವೆಗಳು ಪೂರ್ಣಗೊಂಡಿವೆ. ಉಳಿದ ಕಾಮಗಾರಿ ಕೈಗೆತ್ತಿಕೊಳ್ಳಲಾಗಿದೆ.
• ಧೆಂಕನಲ್ – ಮೇರಾಮುಂಡಲಿ (34 ಕಿಮೀ) : ಕಾರ್ಯಾರಂಭ
• ಮೇರಾಮುಂಡಲಿ – ಬುಧಪಂಕ್ (8 ಕಿಮೀ) : ಭೂಸ್ವಾಧೀನ ಮತ್ತು ಅರಣ್ಯ ಭೂಮಿ ಹಸ್ತಾಂತರ ಪೂರ್ಣಗೊಂಡಿದೆ. 2 ಪ್ರಮುಖ ಸೇತುವೆಗಳು ಮತ್ತು 2 ನಿಲ್ದಾಣಗಳು ಪೂರ್ಣಗೊಂಡಿವೆ. ಉಳಿದ ಕಾಮಗಾರಿ ಕೈಗೆತ್ತಿಕೊಳ್ಳಲಾಗಿದೆ.

ರೈಲ್ವೆ ಯೋಜನೆಯ ಮಂಜೂರಾತಿಯು ಹಲವು ನಿಯತಾಂಕಗಳ ಮೇಲೆ ಅವಲಂಬಿತವಾಗಿರುತ್ತದೆ:

• ನಿರೀಕ್ಷಿತ ಸಂಚಾರ ಅಂದಾಜುಗಳು ಮತ್ತು ಉದ್ದೇಶಿತ ಮಾರ್ಗದ ಲಾಭದಾಯಕತೆ
• ಯೋಜನೆಯಿಂದ ಒದಗುವ ಮೊದಲ ಮತ್ತು ಕೊನೆಯ ಮೈಲಿ ಸಂಪರ್ಕ
• ಬಿಟ್ಟುಹೋದ ಕೊಂಡಿಗಳ ಸಂಪರ್ಕ ಮತ್ತು ಹೆಚ್ಚುವರಿ ಮಾರ್ಗ ಒದಗಿಸುವುದು
• ದಟ್ಟಣೆ ಇರುವ ಮಾರ್ಗಗಳ ಸಾಮರ್ಥ್ಯ ಹೆಚ್ಚಳ
• ರಾಜ್ಯ ಸರ್ಕಾರಗಳು/ಕೇಂದ್ರ ಸಚಿವಾಲಯಗಳು/ಸಾರ್ವಜನಿಕ ಪ್ರತಿನಿಧಿಗಳಿಂದ ಬೇಡಿಕೆಗಳು
• ರೈಲ್ವೆಯ ಕಾರ್ಯಾಚರಣೆಯ ಅಗತ್ಯತೆಗಳು
• ಸಾಮಾಜಿಕ-ಆರ್ಥಿಕ ಪರಿಗಣನೆಗಳು
• ನಿಧಿಯ ಒಟ್ಟಾರೆ ಲಭ್ಯತೆ

ರೈಲ್ವೆ ಯೋಜನೆ ಪೂರ್ಣಗೊಳಿಸುವಿಕೆಯು ವಿವಿಧ ಅಂಶಗಳ ಮೇಲೆ ಅವಲಂಬಿತವಾಗಿರುತ್ತದೆ:

ಭೂಸ್ವಾಧೀನ, ಅರಣ್ಯ ಇಲಾಖೆಯ ಅನುಮತಿ, ಅಡ್ಡಿಯುಂಟುಮಾಡುವ ಸೌಕರ್ಯಗಳ ಸ್ಥಳಾಂತರ, ವಿವಿಧ ಅಧಿಕಾರಿಗಳಿಂದ ಶಾಸನಬದ್ಧ ಅನುಮತಿಗಳು, ಪ್ರದೇಶದ ಭೂವೈಜ್ಞಾನಿಕ ಮತ್ತು ಸ್ಥಳಾಕೃತಿಯ ಪರಿಸ್ಥಿತಿಗಳು, ಕಾನೂನು ಮತ್ತು ಸುವ್ಯವಸ್ಥೆ ಪರಿಸ್ಥಿತಿ, ವರ್ಷದಲ್ಲಿ ಕೆಲಸ ಮಾಡಬಹುದಾದ ತಿಂಗಳುಗಳ ಸಂಖ್ಯೆ ಇತ್ಯಾದಿ. ಈ ಎಲ್ಲಾ ಅಂಶಗಳು ಯೋಜನೆಯ ಪೂರ್ಣಗೊಳಿಸುವ ಸಮಯ ಮತ್ತು ವೆಚ್ಚದ ಮೇಲೆ ಪರಿಣಾಮ ಬೀರುತ್ತವೆ.

ಪ್ರಸ್ತುತ, ಭುವನೇಶ್ವರ-ರಾಯಗಡ-ಜೈಪುರ-ಕೊರಾಪುಟ್ ವಲಯಕ್ಕೆ 18447/18448 ಭುವನೇಶ್ವರ-ಜಗದಲ್‌ಪುರ ಹೀರಖಂಡ್ ಎಕ್ಸ್‌ ಪ್ರೆಸ್ ಮೂಲಕ ದೈನಂದಿನ ಸೇವೆ ಒದಗಿಸಲಾಗುತ್ತಿದೆ. ಅಲ್ಲದೆ, ಕೊರಾಪುಟ್ ಕೊಟ್ಟವಲಸಕ್ಕೆ 03 ಜೋಡಿ ರೈಲು ಸೇವೆಗಳ ಮೂಲಕ ಸಂಪರ್ಕ ಹೊಂದಿದೆ, ಮತ್ತು ಕೊಟ್ಟವಲಸವು ಭುವನೇಶ್ವರಕ್ಕೆ 06 ಜೋಡಿ ರೈಲು ಸೇವೆಗಳ ಮೂಲಕ ಸಂಪರ್ಕ ಹೊಂದಿದೆ. ಆ ರೈಲುಗಳು ಹೀಗಿವೆ:

ಕೊರಾಪುಟ್-ಕೊಟ್ಟವಲಸ ವಲಯದ ರೈಲುಗಳು:

ಕ್ರಮ ಸಂಖ್ಯೆ	ರೈಲು ಸಂಖ್ಯೆ ಮತ್ತು ಹೆಸರು
1	18515/18516 ಕಿರಂಡುಲ್ - ವಿಶಾಖಪಟ್ಟಣಂ ಎಕ್ಸ್‌ ಪ್ರೆಸ್
2	58501/58502 ಕಿರಂಡುಲ್ - ವಿಶಾಖಪಟ್ಟಣಂ ಪ್ಯಾಸೆಂಜರ್
3	58537/58538 ಕೊರಾಪುಟ್ - ವಿಶಾಖಪಟ್ಟಣಂ ಪ್ಯಾಸೆಂಜರ್

ಕೊಟ್ಟವಲಸ- ಭುವನೇಶ್ವರ ವಲಯದ ರೈಲುಗಳು:

ಕ್ರಮ ಸಂಖ್ಯೆ	ರೈಲು ಸಂಖ್ಯೆ ಮತ್ತು ಹೆಸರು
1	16107/16108 ತಾಂಬರಂ - ಸಂತ್ರಾಗಾಚಿ ಅಮೃತ್ ಭಾರತ್ ಎಕ್ಸ್‌ ಪ್ರೆಸ್
2	16597/16598 SMVT ಬೆಂಗಳೂರು - ಅಲಿಪುರ್ದುವಾರ್ ಅಮೃತ್ ಭಾರತ್ ಎಕ್ಸ್‌ ಪ್ರೆಸ್
3	16523/16524 SMVT ಬೆಂಗಳೂರು - ಬಾಲೂರ್‌ಘಾಟ್ ಎಕ್ಸ್‌ ಪ್ರೆಸ್
4	16223/16224 SMVT ಬೆಂಗಳೂರು - ರಾಧಿಕಾಪುರ ಎಕ್ಸ್‌ ಪ್ರೆಸ್
5	17015/17016 ಸಿಕಂದರಾಬಾದ್ - ಭುವನೇಶ್ವರ ವಿಶಾಖ ಎಕ್ಸ್‌ ಪ್ರೆಸ್
6	18045/18046 ಚರ್ಲಪಲ್ಲಿ - ಶಾಲಿಮಾರ್ ಈಸ್ಟ್ ಕೋಸ್ಟ್ ಎಕ್ಸ್‌ ಪ್ರೆಸ್

ಕೇಂದ್ರ ರೈಲ್ವೆ, ವಾರ್ತಾ ಮತ್ತು ಪ್ರಸಾರ ಮತ್ತು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಅವರು ಇಂದು ರಾಜ್ಯಸಭೆಯಲ್ಲಿ ಕೇಳಲಾದ ಪ್ರಶ್ನೆಯೊಂದಕ್ಕೆ ಉತ್ತರವಾಗಿ ಈ ಮಾಹಿತಿಯನ್ನು ನೀಡಿದ್ದಾರೆ.

******

 

(ಪ್ರಕಟಣೆ ಐ.ಡಿ.: 2239939) ವಿಸಿಟರ್ ಕೌಂಟರ್ : 8