وزارتِ ریلویز نے آج ریل بھون، نئی دہلی کے وِچار (کانفرنس ہال) میں بین الاقوامی یومِ خواتین کی تقریب کا اہتمام کیا، جس میں خواتین ملازمین کو یکجا کیا گیا تاکہ خواتین کی کامیابیوں کا جشن منایا جا سکے اور صنفی مساوات کے لیے اجتماعی عزم کا اظہار کیا جائے۔ اس موقع پر خواتین کی نمایاں کامیابیوں کو خراجِ تحسین پیش کیا گیا اور صنفی مساوات کے عزم کی تجدید کی گئی۔ اس تقریب میں تقریباً 350 خواتین افسران نے شرکت کی۔

تقریب کی صدارت چیئرمین و چیف ایگزیکٹو آفیسر، ریلوے بورڈ، جناب ستیش کمار نے مہمانِ خصوصی کی حیثیت سے کی جبکہ ممبر (فنانس)، ریلوے بورڈ، محترمہ منجوشا جین نے مہمانِ اعزاز کے طور پر شرکت کی۔

تقریبات کے دوران متعدد دلچسپ سرگرمیوں کا اہتمام کیا گیا، جن میں اسکیٹ (ڈرامچہ)، صحت سے متعلق خطاب، یوگا کا مظاہرہ، رقص اور گیت کی پیشکشیں، کوئز مقابلہ اور تفریحی کھیل وغیرہ شامل تھے۔

مختلف شعبوں میں نمایاں کارکردگی کو سراہتے ہوئے مضمون نویسی اور گملا سجاوٹ کے مقابلوں کے فاتحین کے ساتھ ساتھ بہترین خاتون کھلاڑی اور بہترین ثقافتی فنکاروں کو اسنادِ امتیاز اور نقد انعامات سے نوازا گیا۔ یہ مقابلے 26 فروری 2026 کو منعقد کیے گئے تھے۔ انعام یافتگان کی تفصیل درج ذیل ہے:

مضمون نویسی کے مقابلے کے فاتحین

• پہلا انعام: محترمہ ایلس آر۔ ترکے، ڈائریکٹر
• دوسرا انعام: محترمہ سنیتا سوامی، اسسٹنٹ سیکشن آفیسر
• تیسرا انعام: محترمہ رَشمی سینی، اسٹینوگرافر

گملا سجاوٹ کے مقابلے کے فاتحین

• پہلا انعام: محترمہ خوشبو ورشنی، پرسنل اسسٹنٹ
• دوسرا انعام: محترمہ نیتو ورما، پرسنل اسسٹنٹ
• تیسرا انعام: محترمہ ہرشیتا سنگھ، پرسنل اسسٹنٹ

بہترین خاتون کھلاڑیوں کے انعام یافتگان

• پہلا انعام: محترمہ بِدھیشا بھٹاچارجی، اسٹیٹسٹیکل انسپکٹر
• دوسرا انعام: محترمہ دیپا اروڑا، پرائیویٹ سیکریٹری
• تیسرا انعام: محترمہ چنچل رانی، جونیئر سیکریٹریٹ اسسٹنٹ

بہترین ثقافتی فنکاروں کے انعام یافتگان

• پہلا انعام: محترمہ شِوانگی تومر، اسٹینوگرافر
• دوسرا انعام:
  • محترمہ جے۔ نروپما، پرنسپل اسٹاف آفیسر
  • محترمہ جی۔ وجیا لکشمی، پرنسپل پرائیویٹ سیکریٹری
  • محترمہ ندھی چوہان، پرسنل اسسٹنٹ
• تیسرا انعام: محترمہ نہا مان، سیکشن آفیسر

عالمی یومِ خواتین کی تقریبات کے سلسلے میں 9 مارچ 2026 کو ریلوے بورڈ کے دفتر کی خواتین افسران کے لیے ایک خصوصی طبی معائنہ کیمپ بھی منعقد کیا گیا، جو شمالی ریلوے مرکزی اسپتال کے تعاون سے منعقد ہوا۔ اس طبی معائنہ کی سہولت سے مجموعی طور پر 116 خواتین ملازمین نے استفادہ کیا۔

******

ش ح۔ ش ا ر۔ ول

Uno-4050

(ریلیز آئی ڈی: 2239910) وزیٹر کاؤنٹر : 8