ایتھنول کی خریداری کے شرائط و ضوابط کے مطابق ، تمام ایتھنول سپلائرز کو ادائیگی جاری کی جا رہی ہے ، جس میں سرکاری شعبے کی آئل مارکیٹنگ کمپنیوں کو سپلائی کرنے والی کوآپریٹو شوگر ملیں بھی شامل ہیں جو 21 دن کے مقررہ وقت کے اندر سپلائی کو یقینی بناتی ہیں۔ نجی شوگر مل کے مقابلے میں ادائیگی میں تاخیر/تفریق کی کوئی مثال دستیاب نہیں ہے۔

ڈسٹلری اکائیوں کو چلانے والی کوآپریٹو شوگر ملز اپنے اندرونی وسائل کو استعمال کرنے کے علاوہ بینک قرضوں اور ادارہ جاتی مالیات کے ذریعے اپنی ورکنگ کیپٹل کی ضروریات کو پورا کر سکتی ہیں ۔ اس کے علاوہ  وزارت امداد باہمی کے انتظامی کنٹرول کے تحت ایک قانونی کارپوریشن ، نیشنل کوآپریٹو ڈیولپمنٹ کارپوریشن (این سی ڈی سی) نے کوآپریٹو شوگر ملوں کے لیے آسان ورکنگ کیپٹل کی دستیابی کو یقینی بنانے کے لیے ورکنگ کیپٹل لون کے لیے اپنی فلوٹنگ ریٹ آف انٹرسٹ کو کم کر دیا ہے ۔

یہ معلومات مرکزی وزیر برائے داخلہ اور امداد باہمی جناب امت شاہ نے راجیہ سبھا میں ایک تحریری جواب میں فراہم کیں۔

****

 

(ش ح ۔ع و۔ ع د)

U. No. 3854

 

(ریلیز آئی ڈی: 2238752) وزیٹر کاؤنٹر : 5