بھارتی ریلوے نے نیٹ ورک کے اہم سیکشنوں میں آپریشنز کو مضبوط بنانے، لائن کی صلاحیت بڑھانے اور مواصلاتی نظام (کمیونی کیشن سسٹمز )کو جدید بنانے کے لیے کل 765 کروڑ روپے سے زائدکے اہم انفراسٹرکچر اور ٹیکنالوجی اپ گریڈیشن کاموں کی منظوری دی ہے۔

منظور شدہ پروجیکٹوں میں دو گنجان فریٹ (ہائی ڈینسٹی فریٹ) اور مسافر راہداریوں پر برقی ٹریکشن سسٹم کی اپ گریڈیشن اور مغربی ریلوے کے وڈودرا اور ممبئی سینٹرل ڈویژنوں  میں آپٹیکل فائبر کمیونیکیشن بیک بون کی بڑی توسیع شامل ہے۔

دوواڈا-وشاکھاپٹنم-وزیاناگرم سیکشن میں برقی ٹریکشن سسٹم کی اپ گریڈیشن

بھارتی ریلوے نے ایسٹ کوسٹ ریلوے کے  106 کلومیٹر ڈوواڈا-وشاکھاپٹنم-وزیاناگرم سیکشن میں برقی ٹریکشن سسٹم کو جدید بنانے کے لیے 318.07 کروڑ روپے کی منظوری دی ہے۔

اس سیکشن کو موجودہ 1×25 کے وی سسٹم سے جدید 2×25 کے وی سسٹم میں اپ گریڈ کیا جائے گا، جس سے فریٹ کی زیادہ لوڈنگ، بہتر رفتار کی صلاحیت، اور اس زیادہ گنجان راہداری میں بھروسے مندی میں اضافہ ہوگا۔

یہ سیکشن مصروف ہاوڑہ-چنئی روٹ پر واقع ہے ۔اڈیشہ اور چھتیس گڑھ سے وشاکھاپٹنم بندرگاہ تک معدنیات اور صنعتی سامان کی نقل و حمل میں اہم کردار ادا کرتا ہے۔ اپ گریڈ سے بجلی کی فراہمی کی صلاحیت مضبوط ہوگی، جس سے فریٹ کی نقل و حمل ہموار ہوگی اور مسافر ٹرینوں کی کارکردگی مزید مؤثر ہوگی۔

یہ پروجیکٹ 2024-25 کے ریلوے بجٹ میں شامل ملک گیر پروگرام کا حصہ ہے جس کا مقصد ہندوستانی ریلوے میں الیکٹرک ٹریکشن سسٹم کو جدید بنانا ہے ۔

رائےچور-گنٹاکل میں برقی ٹریکشن سسٹم کی اپ گریڈیشن  سیکشن

ہندوستانی ریلوے نے جنوبی وسطی ریلوے کے گنٹاکل ڈویژن کے تحت کرناٹک اور آندھرا پردیش میں پھیلے 126 کلومیٹر کے رائچور-گنٹاکل سیکشن پر برقی ٹریکشن سسٹم کو اپ گریڈ کرنے کے لیے 259.39 کروڑ روپے منظور کیے ہیں ۔

اس سیکشن کو موجودہ 1×25 کے وی سسٹم سے جدید 2×25 کے وی سسٹم میں اپ گریڈ کیا جائے گا، جس سے اس زیادہ گنجان راہداری پر زیادہ ٹرین لوڈ، بہتر رفتار کی صلاحیت، اور بہتر آپریشنل بھروسے مندی ممکن ہوگی۔

ممبئی-چنئی کے مصروف راستے پر واقع یہ اپ گریڈ بجلی کی فراہمی کی صلاحیت کو مضبوط کرے گا ، مال بردار نقل و حرکت کو آسان بنائے گا اور وندے بھارت ٹرینوں سمیت مسافروں کی خدمات کو تیز کرے گا ۔  یہ پروجیکٹ مجموعی نیٹ ورک کی کارکردگی کو بڑھاتے ہوئے 3,000 میٹرک ٹن مال کی لوڈنگ حاصل کرنے کے ہندوستانی ریلوے کے مشن میں معاون ثابت ہوگا ۔

یہ کام 2024-25 کے ریلوے بجٹ میں شامل ملک گیر پروگرام کا حصہ ہے جس کا مقصد ہندوستانی ریلوے میں الیکٹرک ٹریکشن سسٹم کو جدید بنانا ہے ۔

وڈودرا اور ممبئی ڈویژنوں میں او ایف سی کمیونیکیشن بیک بون کی فراہمی

ہندوستانی ریلوے نے مغربی ریلوے کے وڈودرا اور ممبئی سنٹرل ڈویژنوں میں مواصلاتی ریڑھ کی ہڈی کو مضبوط بنانے کے لیے 187.88 کروڑ روپے منظور کیے ہیں ۔

یہ پروجیکٹ 4×48 کور آپٹیکل فائبر کیبل (او ایف سی) بیکبون آرکیٹیکچر کی تنصیب ، بہتر بینڈوتھ ، نیٹ ورک ریڈنڈنسی (نیٹ ورک میں اضافی بیک اپ کی فراہمی)، اور ایل ٹی ای پر مبنی کاوچ اور دیگر اہم ریلوے مواصلاتی نظاموں کے لیے قابل اعتماد مدد کو یقینی بناتا ہے ۔  یہ اپ گریڈ مقامی ٹرین تصادم سے بچنے کے نظام کَوچ کے نفاذ کے لیے درکار ڈیجیٹل بنیادی ڈھانچے کو مضبوط کرے گا ۔

اس کام کے تحت 1,000 روٹ کلومیٹر پر آپٹیکل فائبر کیبل بچھائی جائے گی، جس میں وڈودرا ڈویژن میں 692 کلومیٹر اور ممبئی ڈویژن میں 308 کلومیٹر شامل ہیں۔

یہ منصوبہ 2024-25 کے ریلوے بجٹ میں شامل ایک بڑے ملک گیر پروگرام کا حصہ ہے جس کا مقصد کَوچ کو بڑھانا اور پورے نیٹ ورک میں ریلوے مواصلاتی نظام کو جدید بنانا ہے ۔

ریل کے بنیادی ڈھانچے اور صلاحیت کو مضبوط بنانا

یہ منظور شدہ کام ٹریکشن پاور سسٹم کو بہتر بنا کر ، مواصلات کے بنیادی ڈھانچے کو مضبوط بنا کر ، اور بڑے ریلوے  راہداریوں (کوریڈورز) کے ساتھ مال برداری کی زیادہ صلاحیت کو فعال بنا کر ریلوے کی کارروائیوں کی کارکردگی اوراعتمادکو بڑھائیں گے ۔

یہ اقدامات جدید ٹرینوں کے آپریشن میں بھی مدد کریں گے ، ڈیجیٹل مواصلاتی نیٹ ورک کو مضبوط کریں گے ، اور اہم مال بردار اور مسافر راستوں پر ہندوستانی ریلوے کی مجموعی کارکردگی کو بہتر بنائیں گے ۔

****

ش ح ۔ش آ ۔ خ م

U. No.3651