ಗೌರವಾನ್ವಿತ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ "ಸಹಕಾರ್ ಸೇ ಸಮೃದ್ಧಿ" ದೃಷ್ಟಿಕೋನದಿಂದ ಪ್ರೇರಿತವಾದ ಪ್ರಯತ್ನಗಳಿಗೆ ಮತ್ತಷ್ಟು ವೇಗ ನೀಡುತ್ತಾ, ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ ಅವರು 2026 ರ ಮಾರ್ಚ್ 6ರಂದು ಒಡಿಶಾಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಇಫ್ಕೊ ಸ್ಥಾಪಿಸಿದ ಸಲ್ಯೂರಿಕ್ ಆಸಿಡ್ ಸ್ಥಾವರವನ್ನು ರಾಷ್ಟ್ರಕ್ಕೆ ಸಮರ್ಪಿಸಲಿದ್ದಾರೆ ಮತ್ತು ಸಹಕಾರಿ ಕ್ಷೇತ್ರ, ಹೈನುಗಾರಿಕೆ ಅಭಿವೃದ್ಧಿ ಮತ್ತು ಗೃಹ ವ್ಯವಹಾರಗಳ ಸಚಿವಾಲಯಕ್ಕೆ ಸಂಬಂಧಿಸಿದ ಹಲವಾರು ಪ್ರಮುಖ ಅಭಿವೃದ್ಧಿ ಯೋಜನೆಗಳ ಉದ್ಘಾಟನೆ ಮತ್ತು ಚಾಲನೆ ನೀಡಲಿದ್ದಾರೆ. 

ಕೇಂದ್ರ ಗೃಹ ಮತ್ತು ಸಹಕಾರ ಸಚಿವ ಶ್ರೀ ಅಮಿತ್ ಶಾ ಅವರು ಇಫ್ಕೊದ ಪಾರಾದೀಪ್ ಸ್ಥಾವರದಲ್ಲಿ ಸ್ಥಾಪಿಸಲಾದ ಸಲ್ಫ್ಯೂರಿಕ್ ಆಸಿಡ್ ಘಟಕವನ್ನು (ಎಸ್ಎಪಿ-III) ರಾಷ್ಟ್ರಕ್ಕೆ ಸಮರ್ಪಿಸಲಿದ್ದಾರೆ.

ಶ್ರೀ ಅಮಿತ್ ಶಾ ಅವರು ನಂತರ ಭುವನೇಶ್ವರದ ಐಡಿಸಿಒ ವಸ್ತುಪ್ರದರ್ಶನ ಮೈದಾನದ ಘಟಕ-III ರಲ್ಲಿ ಸಹಕಾರಿ ಕ್ಷೇತ್ರಕ್ಕೆ ಸಂಬಂಧಿಸಿದ ಹಲವಾರು ಪ್ರಮುಖ ಉಪಕ್ರಮಗಳಿಗೆ ಚಾಲನೆ ನೀಡಲಿದ್ದಾರೆ. ಇವುಗಳಲ್ಲಿ ರಾಜ್ಯ ಸಹಕಾರಿ ನೀತಿಯ ಬಿಡುಗಡೆ, ತ್ರಿಭುವನ್ ಸಹಕಾರಿ ವಿಶ್ವವಿದ್ಯಾಲಯದ ಅಡಿಯಲ್ಲಿ ಶಾಲೆಯನ್ನು ಸ್ಥಾಪಿಸಲು ತಿಳಿವಳಿಕೆ ಒಪ್ಪಂದಕ್ಕೆ ಸಹಿ ಹಾಕುವುದು, ಬಾದಾಂಬಾ ಸಕ್ಕರೆ ಕೈಗಾರಿಕೆಗಳ ಪುನರುಜ್ಜೀವನಕ್ಕಾಗಿ ತಿಳಿವಳಿಕೆ ಒಪ್ಪಂದ ಮತ್ತು ಪಿಎಸಿಎಸ್/ಎಲ್ಎಎಂಪಿಎಸ್ ನಿರ್ವಹಿಸುವ 1,567 ಸಾಮಾನ್ಯ ಸೇವಾ ಕೇಂದ್ರಗಳ ಸಮರ್ಪಣೆ ಸೇರಿವೆ.

ಇದಲ್ಲದೆ, ಕಾರ್ಯಕ್ರಮವು 141 ಪಿಎಸಿಎಸ್ ಗಳಿಗೆ ಅಗತ್ಯ-ಆಧಾರಿತ ಮೂಲಸೌಕರ್ಯಗಳ ವರ್ಚುವಲ್ ಉದ್ಘಾಟನೆ, ಆರ್ ಸಿಎಸ್ ಕಚೇರಿ ಪೋರ್ಟಲ್ ಉದ್ಘಾಟನೆ, ರಾಷ್ಟ್ರೀಯ ಸಹಕಾರಿ ಸಾವಯವ ಲಿಮಿಟೆಡ್ ನ ಡೈರೆಕ್ಟ್-ಟು-ಕನ್ಸ್ಯೂಮರ್ (ಡಿ 2 ಸಿ) ಪೋರ್ಟಲ್ ನ ಡಿಜಿಟಲ್ ಉದ್ಘಾಟನೆ ಮತ್ತು ರಾಷ್ಟ್ರೀಯ ಸಹಕಾರಿ ರಫ್ತು ನಿಯಮಿತ ಅಭಿವೃದ್ಧಿಪಡಿಸಿದ "ಕೋಪ್ ಮಾರ್ಕ್" ಮತ್ತು ಕೃತಕ ಬುದ್ಧಿಮತ್ತೆ ಆಧಾರಿತ ಬಹುಭಾಷಾ ಡಿಜಿಟಲ್ ಕಲಿಕೆಯ ವೇದಿಕೆಯಾದ "ಸವಿದ್ಯಾ" ಅನ್ನು ಪ್ರಾರಂಭಿಸುತ್ತದೆ.

ಹೈನುಗಾರಿಕೆ ಕ್ಷೇತ್ರವನ್ನು ಬಲಪಡಿಸಲು ಒಎಂಎಫ್ಇಡಿಗೆ ಸಂಬಂಧಿಸಿದ ಉಪಕ್ರಮಗಳನ್ನು ಸಹ ಕಾರ್ಯಕ್ರಮದಲ್ಲಿ ಪ್ರಸ್ತುತಪಡಿಸಲಾಗುವುದು ಮತ್ತು ಎರಡು ಹಾಲು ಉತ್ಪಾದಕ ಸಹಕಾರ ಸಂಘಗಳಿಗೆ ನೋಂದಣಿ ಪ್ರಮಾಣಪತ್ರಗಳನ್ನು ವಿತರಿಸಲಾಗುವುದು. ಮುಖ್ಯಮಂತ್ರಿ ಕಾಮಧೇನು ಯೋಜನೆಯಡಿ ಫಲಾನುಭವಿಗಳಿಗೆ ಅನುದಾನವನ್ನು ಬಿಡುಗಡೆ ಮಾಡಲಾಗುವುದು ಮತ್ತು ತರಬೇತಿ ಮತ್ತು ಪ್ರಾತ್ಯಕ್ಷಿಕೆ ಕೇಂದ್ರವನ್ನು ಮೇಲ್ದರ್ಜೆಗೇರಿಸಲು ರಾಷ್ಟ್ರೀಯ ಡೈರಿ ಅಭಿವೃದ್ಧಿ ಮಂಡಳಿ (ಎನ್ ಡಿ ಡಿ ಬಿ) ಯೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಲಾಗುವುದು.

ಈ ಸಂದರ್ಭದಲ್ಲಿ, ವಿವಿಧ ಇಲಾಖೆಗಳಿಗೆ ಸಂಬಂಧಿಸಿದ ಯೋಜನೆಗಳ ಕುರಿತು ವಿಡಿಯೊ ಪ್ರಸ್ತುತಿಯನ್ನು ಮಾಡಲಾಗುವುದು ಮತ್ತು 1,159.03 ಕೋಟಿ ರೂ. ಮೌಲ್ಯದ ಒಟ್ಟು 69 ಯೋಜನೆಗಳನ್ನು ಉದ್ಘಾಟಿಸಲಾಗುವುದು ಮತ್ತು 2,116.06 ಕೋಟಿ ರೂ. ಮೌಲ್ಯದ 130 ಯೋಜನೆಗಳಿಗೆ ಶಂಕುಸ್ಥಾಪನೆ ನೆರವೇರಿಸಲಾಗುವುದು.

*****