ਪ੍ਰਧਾਨ ਮੰਤਰੀ ਦਫਤਰ
ਪ੍ਰਧਾਨ ਮੰਤਰੀ 6 ਮਾਰਚ ਨੂੰ ‘ਖੇਤੀਬਾੜੀ ਅਤੇ ਪੇਂਡੂ ਬਦਲਾਅ’ ਵਿਸ਼ੇ ’ਤੇ ਬਜਟ ਤੋਂ ਬਾਅਦ ਵੈਬੀਨਾਰ ਨੂੰ ਸੰਬੋਧਨ ਕਰਨਗੇ
Posted On:
05 MAR 2026 6:04PM by PIB Chandigarh
ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ 6 ਮਾਰਚ, 2026 ਨੂੰ ਸਵੇਰੇ 11:15 ਵਜੇ ਵੀਡੀਓ ਕਾਨਫਰੰਸਿੰਗ ਰਾਹੀਂ ‘ਖੇਤੀਬਾੜੀ ਅਤੇ ਪੇਂਡੂ ਬਦਲਾਅ’ ਵਿਸ਼ੇ ’ਤੇ ਹੋਣ ਵਾਲੇ ਬਜਟ ਤੋਂ ਬਾਅਦ ਵਾਲੇ ਵੈਬੀਨਾਰ ਨੂੰ ਸੰਬੋਧਨ ਕਰਨਗੇ।
ਇਸ ਵਿਸ਼ੇ ਤਹਿਤ ਚਾਰ ਪ੍ਰਮੁੱਖ ਖੇਤਰਾਂ ਨੂੰ ਸ਼ਾਮਲ ਕਰਦਿਆਂ ਅੱਠ ਵੱਖ-ਵੱਖ ਵੈਬੀਨਾਰ ਸੈਸ਼ਨ ਕਰਵਾਏ ਜਾ ਰਹੇ ਹਨ: (i) ਖੇਤੀਬਾੜੀ (ii) ਪਸ਼ੂ ਪਾਲਣ ਅਤੇ ਡੇਅਰੀ (iii) ਮੱਛੀ ਪਾਲਣ (iv) ਪੇਂਡੂ ਆਜੀਵਿਕਾ।
ਇਹ ਬਜਟ ਤੋਂ ਬਾਅਦ ਵਾਲਾ ਵੈਬੀਨਾਰ ਕਾਜੂ, ਨਾਰੀਅਲ, ਚੰਦਨ, ਅਗਰਵੁੱਡ, ਬਦਾਮ, ਅਖਰੋਟ ਅਤੇ ਚਿਲਗੋਜ਼ਾ ਵਰਗੀਆਂ ਫ਼ਸਲਾਂ ਦੀਆਂ ਸੰਭਾਵਨਾਵਾਂ ਦਾ ਫਾਇਦਾ ਉਠਾ ਕੇ ਉੱਚ-ਮੁੱਲ ਵਾਲੀ ਖੇਤੀ ਨੂੰ ਉਤਸ਼ਾਹਿਤ ਕਰਨ ’ਤੇ ਧਿਆਨ ਕੇਂਦਰਿਤ ਕਰੇਗਾ। ਇਸ ਵਿੱਚ ਖੇਤੀਬਾੜੀ ਲਈ ਆਰਟੀਫਿਸ਼ੀਅਲ ਇੰਟੈਲੀਜੈਂਸ ’ਤੇ ਆਧਾਰਿਤ ਡਿਜੀਟਲ ਬੁਨਿਆਦੀ ਢਾਂਚੇ ਭਾਵ ‘ਭਾਰਤ ਵਿਸਤਾਰ’ ਵੱਲੋਂ ਪੇਸ਼ ਕੀਤੇ ਗਏ ਮੌਕਿਆਂ ਬਾਰੇ ਵੀ ਚਰਚਾ ਕੀਤੀ ਜਾਵੇਗੀ।
ਇਨ੍ਹਾਂ ਸੈਸ਼ਨਾਂ ਵਿੱਚ ਪਸ਼ੂ ਪਾਲਣ ਖੇਤਰ ਵਿੱਚ ਨਿੱਜੀ ਖੇਤਰ ਦੇ ਨਿਵੇਸ਼ ਅਤੇ ਉੱਦਮਤਾ, ਮੱਛੀ ਪਾਲਣ ਲਈ ਜਲ ਭੰਡਾਰਾਂ ਅਤੇ ‘ਅੰਮ੍ਰਿਤ ਸਰੋਵਰਾਂ’ ਦੇ ਏਕੀਕ੍ਰਿਤ ਵਿਕਾਸ, ਤੱਟਵਰਤੀ ਮੱਛੀ ਪਾਲਣ ਢਾਂਚੇ ਨੂੰ ਮਜ਼ਬੂਤ ਕਰਨ ਅਤੇ ‘ਸ਼ੀ-ਮਾਰਟਸ’ ਰਾਹੀਂ ਪੇਂਡੂ ਮਹਿਲਾ ਉੱਦਮੀਆਂ ਵੱਲੋਂ ਬਣਾਏ ਗਏ ਉਤਪਾਦਾਂ ਦੀ ਬਾਜ਼ਾਰ ਤੱਕ ਪਹੁੰਚ ਵਧਾਉਣ ਬਾਰੇ ਵੀ ਵਿਸਥਾਰ ਵਿੱਚ ਚਰਚਾ ਕੀਤੀ ਜਾਵੇਗੀ।
************
ਐੱਮਜੇਪੀਐੱਸ/ਐੱਸਟੀ
(Release ID: 2235806)
ਵਿਜ਼ੀਟਰ ਕਾਊਂਟਰ : 44
Read this release in:
Marathi
,
Bengali
,
Bengali-TR
,
Assamese
,
Odia
,
English
,
Urdu
,
हिन्दी
,
Manipuri
,
Gujarati
,
Tamil
,
Telugu
,
Kannada
,
Malayalam