প্রধান মন্ত্রী শ্রী নরেন্দ্র মোদীনা ঙসি অঙনবদা সেবা তির্থদা এ.আই. অমসুং দিপ তেক স্তার্ত-অপশিংগী সি.ই.ও.শিংগা লোইননা মীফম অমা পাংথোকখ্রে।

মীফম অসিদা শরুক য়ারিবা স্তার্ত-অপশিংনা মরুওইবা সেক্তরশিংদা লৈরিবা মীশিং য়াম্বগা মরী লৈনবা শিংনবশিং থেংনরি। হেল্থকেয়রদা, মখোয়না এ.আই. অসি এদভান্স দাইগ্নোস্তিক্স, জীন থেরাপী, অমসুং মতিক চাবা পেসেন্ত রেকোর্দ মেনেজমেন্তকীদমক্তা শিজিন্নদুনা ক্বালিতী কেয়রবু অরোইবা মাইল ফাওবা পাকথোক চাউথোকহল্লি। লৌউ-শিংউদা, মখোয়না জিওস্পেসিএল অমসুং অন্দরৱাতর ইন্তেলিজেন্সপু প্রদক্তিবিতী হেনগৎহন্নবা অমসুং ক্লাইমেৎ রিস্কশিং মেনেজ তৌবদা মতেং পাংনবা শীজিন্নৈ। কাংলুপ অসিদা সাইবর সেক্যুরিতী, ইথিকেল এ.আই., স্পেস, জষ্টিস অমসুং এজুকেসনদা ভর্নাকুলার এক্সেসকী খুত্থাংদা সোসিএল এম্পাৱরমেন্ত, অমসুং এন্তরপ্রাইজ প্রদক্তিবিতী মপাঙ্গল কনখৎহন্নবা লিগেসী সিস্তেমশিং মোদর্নাইজ তৌবদা মীৎয়েং থম্বা ভেঞ্চরশিংসু য়াওরি। পুন্না, মখোয়না এ.আই. দ্রিভন ইনোভেসনদা গ্লোবেল লিদরশিপ শেমগৎপগা লোয়ননা লোকেলগী মথৌ তাবশিং কোকহন্নবা ইকোসিস্তেম অমা উৎলি।

আর্তিফিসিএল ইন্তেলিজেন্স ইকোসিস্তেম মপাঙ্গল কনখৎহন্নবা ভারতনা লেপ্পা লৈতনা হোৎনরিবা অদু এ.আই. স্তার্ত-অপশিংনা থাগৎখি। মখোয়না সেক্তর অসিগী খোংজেল য়াংনা চাউখৎলকপা অমসুং শীজিন্নদ্রবা পোতেন্সিএল অদু পনখি। মালেমগী ওইনা এ.আই. ইনোবেসন অমসুং দিপ্লোইমেন্তকী খোঙজেল অসি ভারতকী মায়কৈদা হেঙ্গৎলক্লি হায়না মখোয়না পনখি। মখোয়না হায়খি মদুদি লৈবাক অসিনা হৌজিক্তি মালেমগী এ.আই.গী লমদমদা মপাঙ্গল কনখৎহন্দুনা এ.আই.গী খুমাং চাওশিনবগীদমক্তা মতেং পীবা অমসুং থৌনা ফবা এনভাইরোন্মেন্ত  অমা পীরি। মখোয়না ইন্দিয়া এ.আই. ইম্পেক্ত সমিৎ অসিবু থাগৎপা ফোংদোকখি। মখোয়না মসি এ.আই.গী মতাংদা মালেমগী ওইবা ৱারী শানবদা লৈবাক অসিগী চাউখৎলক্লিবা থাক অদুগী মমি অমনি হায়না ফোঙদোকখি।

প্রধান মন্ত্রীনা ইন্নোবেতরশিংবু থৌনা লৈনা রিস্ক লৌবগীদমক অমসুং ইম্পেক্তিব সোলুসনশিং শেমগৎপগীদমক থাগৎপা ফোংদোকখি। মহাক্না লৌউ-শিংউ অমসুং অকোয়বগী ফিভম ঙাক-শেনবগুম্বা তোঙান তোঙানবা সেক্তরশিংদা এ.আই. তেক্নোলোজী শীজিন্নবগী পোতেন্সিএলগী মতাংদা খন্নখি। মসিদা মহৈ-মরোংগী মহৈ-মরোংগী চাং য়েংশিনবা অমসুং লৈহাউগী হকশেল ঙাক-শেনবগীদমক্তা ফর্টিলাইজর শীজিন্নবগী মতাংদা খন্নখি। ভারতকী লোলশিং অমসুং কলচরবু প্রমোৎ তৌবগী মরুওইবা অদু পল্লদুনা মহাক্না ঐখোয়গী এ.আই. তুলশিং অসি অৱাংবা থাক্তা মমালোন্দা মহৈ মশিং তমহনবদা শীজিন্ননবা আপিল তৌখি।

প্রধান মন্ত্রীনা মপাঙ্গল কনবা দেতা গবর্নান্সকী তঙাইফদবা অদু পনখি। মহাক্না অরানবা পাউশিংদগী চেকশিন্না লৈনবা হায়খি অমসুং ভারতকী মথৌ তাবশিংদা চান্নবা সোলুসনশিং পুথোক্নবা তকশিনখি। য়ু.পি.আই.বু সিম্পল অমসুং স্কেলেবল দিজিতেল ইন্নোবেসনগী মোদেল অমা ওইনা পল্লদুনা মহাক্না ভারতকী কম্পেনীশিংদা থাজবা ফোংদোকখি অমসুং দোমেস্তিক প্রদক্তশিংদা থাজবা পীনবা পুক্নিং থৌগৎখি। স্পেস সেক্তরদা প্রাইবেৎ পার্তিসিপেসন পাকথোক চাউথোকহনবগী মতাংদসু মহাক্না ৱা ঙাংখি অমসুং ভারতকী স্তার্ত-অপশিংদা ইনভেস্তরশিংগী পুক্নিং চিংশিনবগী ৱাফম থমখি।

মীফম অদুদা এব্রিজ, এদালত এ.আই., ব্রেইনসাইত এ.আই., ক্রেদো এ.আই., ইকা কেয়র, গ্লীন, ইন্নোগল, ইনভিদিও, মিকো, ওরিজিন, প্রোফেজ, রেসেন, রুবরিক, সেৎসুয়র, সুপরনোভা অমসুং সাইফা এ.আই. মীফম অদুদা প্রিন্সিপাল সেক্রেতরী, শ্রী পি.কে. মিশ্রা, প্রিন্সিপাল সেক্রেতরী-২, শ্রী শক্তিকান্ত দাস অমসুং রাজ্য মন্ত্রী, শ্রী জিতিন প্রসাদসু শরুক য়াখি।   

***