ಜನೌಷಧಿ ಸಪ್ತಾಹ 2026ರ ನಾಲ್ಕನೇ ದಿನದಂದು, ರಾಸಾಯನಿಕ ಮತ್ತು ರಸಗೊಬ್ಬರಗಳ ಸಚಿವಾಲಯದ ಔಷಧೀಯ ಮತ್ತು ವೈದ್ಯಕೀಯ ಸಾಧನಗಳ ಬ್ಯೂರೋ (ಪಿಎಂಬಿಐ) ವಿವಿಧ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿಆರೋಗ್ಯ ತಪಾಸಣಾ ಶಿಬಿರಗಳನ್ನು ಆಯೋಜಿಸಿದ್ದವು. ಮಾರ್ಚ್‌ 7ರಂದು 8ನೇ ಜನೌಷಧ ದಿವಸದ ಪೂರ್ವಭಾವಿಯಾಗಿ 2026ರ ಮಾರ್ಚ್‌ 1ರಿಂದ 5 ರವರೆಗೆ ರಾಷ್ಟ್ರವ್ಯಾಪಿ ಜನಸಂಪರ್ಕ ಉಪಕ್ರಮದ ಭಾಗವಾಗಿ ಈ ಶಿಬಿರಗಳನ್ನು ಆಯೋಜಿಸಲಾಗಿತ್ತು. ದೇಶವು ಹೋಳಿ ಹಬ್ಬವನ್ನು ಆಚರಿಸುತ್ತಿದ್ದರೂ, ಈ ಆರೋಗ್ಯ ಶಿಬಿರಗಳು ನಾಗರಿಕರಿಂದ ಉತ್ಸಾಹಭರಿತ ಭಾಗವಹಿಸುವಿಕೆಗೆ ಸಾಕ್ಷಿಯಾದವು. ಉಚಿತ ವೈದ್ಯಕೀಯ ಸಮಾಲೋಚನೆಗಳು, ರಕ್ತದೊತ್ತಡ, ರಕ್ತದೊತ್ತಡ ಮತ್ತು ಥೈರಾಯ್ಡ್‌ ಪರೀಕ್ಷೆಯಂತಹ ಆನ್‌-ಸೈಟ್‌ ರೋಗ ನಿರ್ಣಯ ಸೇವೆಗಳು, ಮಕ್ಕಳ ಆರೈಕೆ ಮತ್ತು ದೀರ್ಘಕಾಲದ ಕಾಯಿಲೆಗಳಿಗೆ ಸಮಾಲೋಚನೆಗಳನ್ನು ಒದಗಿಸಲಾಯಿತು. ಕೈಗೆಟುಕುವ ಮತ್ತು ಗುಣಮಟ್ಟದ ಜೆನೆರಿಕ್‌ ಔಷಧಗಳ ಪ್ರಯೋಜನಗಳನ್ನು ಬಿಂಬಿಸುವ ಜಾಗೃತಿ ಅಧಿವೇಶನಗಳ ಜತೆಗೆ ಜನೌಷಧಿ ಮತ್ತು ಸುವಿಧ ಸ್ಯಾನಿಟರಿ ಪ್ಯಾಡ್‌ಗಳ ವಿತರಣೆಯನ್ನು ಸಹ ನಡೆಸಲಾಯಿತು.

ಜಮ್ಮು ಮತ್ತು ಕಾಶ್ಮೀರದ ಶ್ರೀನಗರದ ನೌಹಟ್ಟಾದಲ್ಲಿಆರೋಗ್ಯ ತಪಾಸಣಾ ಶಿಬಿರವನ್ನು ಆಯೋಜಿಸಲಾಗಿದೆ

ಕರ್ನಾಟಕದ ಹಾವೇರಿಯಲ್ಲಿಆರೋಗ್ಯ ತಪಾಸಣಾ ಶಿಬಿರ ಆಯೋಜನೆ

ಒಂದು ವಾರದ ಆಚರಣೆಯ ಭಾಗವಾಗಿ ದೇಶಾದ್ಯಂತ ಸುಮಾರು 250 ಸ್ಥಳಗಳು ಉಚಿತ ಆರೋಗ್ಯ ಶಿಬಿರಗಳನ್ನು ಆಯೋಜಿಸುತ್ತಿವೆ, ಉಚಿತ ಸಮಾಲೋಚನೆಗಳು, ಔಷಧಗಳ ವಿತರಣೆ ಮತ್ತು ರಕ್ತದಲ್ಲಿನ ಸಕ್ಕರೆ ಮತ್ತು ರಕ್ತದೊತ್ತಡದ ಮೇಲ್ವಿಚಾರಣೆಯಂತಹ ಮೂಲಭೂತ ರೋಗನಿರ್ಣಯ ಪರೀಕ್ಷೆಗಳು ಸೇರಿದಂತೆ ಅಗತ್ಯ ಆರೋಗ್ಯ ಸೇವೆಗಳನ್ನು ನೀಡುತ್ತಿವೆ.

ಆಂಧ್ರಪ್ರದೇಶದ ಪಲ್ನಾಡಿನಲ್ಲಿಆರೋಗ್ಯ ತಪಾಸಣಾ ಶಿಬಿರ

ದೊಡ್ಡಬಳ್ಳಾಪುರ, ಬೆಂಗಳೂರು ಗ್ರಾಮಾಂತರ (ಕರ್ನಾಟಕ), ಮೊಹೊಲ್‌, ಸೊಲ್ಲಾಪುರ (ಮಹಾರಾಷ್ಟ್ರ), ನೌಹಟ್ಟ, ಡೌನ್‌ ಟೌನ್‌ ಶೀನಗರ (ಜಮ್ಮು ಮತ್ತು ಕಾಶ್ಮೀರ), ಪಲ್ನಾಡು (ಆಂಧ್ರಪ್ರದೇಶ), ಬೆಂಗಳೂರು ನಗರ (ಕರ್ನಾಟಕ), ಹಾವೇರಿ (ಕರ್ನಾಟಕ) ಸೇರಿದಂತೆ ಅನೇಕ ಸ್ಥಳಗಳಲ್ಲಿ 4ನೇ ದಿನದಂದು ಶಿಬಿರಗಳು ನಡೆದವು.

ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ದೊಡ್ಡಬಳ್ಳಾಪುರದಲ್ಲಿಆರೋಗ್ಯ ತಪಾಸಣಾ ಶಿಬಿರ ಆಯೋಜನೆ

ಪ್ರಧಾನ ಮಂತ್ರಿ ಭಾರತೀಯ ಜನೌಷಧ ಪರಿಯೋಜನೆ (ಪಿಎಂಬಿಜೆಪಿ) ಅಡಿಯಲ್ಲಿ, ದೇಶಾದ್ಯಂತ ಕಾರ್ಯನಿರ್ವಹಿಸುತ್ತಿರುವ 18,000ಕ್ಕೂ ಹೆಚ್ಚು ಪ್ರಧಾನ ಮಂತ್ರಿ ಭಾರತೀಯ ಜನೌಷಧ ಕೇಂದ್ರಗಳ (ಪಿಎಂಬಿಜೆಕೆ) ಮೂಲಕ ಗುಣಮಟ್ಟದ ಜೆನೆರಿಕ್‌ ಔಷಧಿಗಳನ್ನು ಕೈಗೆಟುಕುವ ಬೆಲೆಯಲ್ಲಿಸಾರ್ವಜನಿಕರಿಗೆ ಲಭ್ಯವಾಗುವಂತೆ ಮಾಡಲಾಗುತ್ತಿದೆ. ಔಷಧೀಯ ಇಲಾಖೆಯ ಅಧೀನದಲ್ಲಿರುವ ಫಾರ್ಮಾಸ್ಯುಟಿಕಲ್ಸ್‌ ಮತ್ತು ಮೆಡಿಕಲ್‌ ಡಿವೈಸಸ್‌ ಬ್ಯೂರೋ ಆಫ್‌ ಇಂಡಿಯಾ (ಪಿಎಂಬಿಐ) ಗುಣಮಟ್ಟದಲ್ಲಿರಾಜಿ ಮಾಡಿಕೊಳ್ಳದೆ, ಬ್ರಾಂಡೆಡ್‌ ಔಷಧಗಳಿಗೆ ಹೋಲಿಸಿದರೆ ಪ್ರತಿಯೊಬ್ಬ ನಾಗರಿಕರಿಗೂ ಗಮನಾರ್ಹವಾಗಿ ಕಡಿಮೆ ಬೆಲೆಯಲ್ಲಿಅಗತ್ಯ ಔಷಧಿಗಳು ಲಭ್ಯವಾಗುವುದನ್ನು ಖಚಿತಪಡಿಸಿಕೊಳ್ಳಲು ಈ ಪ್ರಮುಖ ಉಪಕ್ರಮವನ್ನು ಜಾರಿಗೆ ತರುತ್ತಿದೆ. ಆರ್ಥಿಕ ನಿರ್ಬಂಧಗಳಿಂದಾಗಿ ಯಾವುದೇ ನಾಗರಿಕರು ಅಗತ್ಯ ಔಷಧಗಳಿಂದ ವಂಚಿತರಾಗದಂತೆ ನೋಡಿಕೊಳ್ಳಲು 2027 ರ ಮಾರ್ಚ್‌ ವೇಳೆಗೆ 25,000 ಕೇಂದ್ರಗಳನ್ನು ಸ್ಥಾಪಿಸುವ ಮಹತ್ವಾಕಾಂಕ್ಷೆಯ ಗುರಿಯನ್ನು ಸರ್ಕಾರ ನಿಗದಿಪಡಿಸಿದೆ.

ಪ್ರಧಾನ ಮಂತ್ರಿ ಭಾರತೀಯ ಜನೌಷಧ ಕೇಂದ್ರವನ್ನು ತೆರೆಯಲು ಆಸಕ್ತಿ ಹೊಂದಿರುವ ಉದ್ಯಮಿಗಳು, ಔಷಧಕಾರರು, ವೈದ್ಯರು ಮತ್ತು ಅರ್ಹ ವ್ಯಕ್ತಿಗಳು ಅಧಿಕೃತ ವೆಬ್‌ಸೈಟ್‌ ಅಂದರೆ www.janaushadhi.gov.in. ಮೂಲಕ ಆನ್‌ಲೈನ್‌ನಲ್ಲಿಅರ್ಜಿ ಸಲ್ಲಿಸಬಹುದು. ವ್ಯಾಪಕ ಭಾಗವಹಿಸುವಿಕೆಯನ್ನು ಉತ್ತೇಜಿಸಲು ಯೋಜನೆಯಡಿ ಆರ್ಥಿಕ ನೆರವು ಮತ್ತು ಪ್ರೋತ್ಸಾಹಕಗಳನ್ನು ಒದಗಿಸಲಾಗುತ್ತದೆ. ಈ ಉಪಕ್ರಮವು ಸುಸ್ಥಿರ ಜೀವನೋಪಾಯವನ್ನು ಸ್ಥಾಪಿಸುವಾಗ ರಾಷ್ಟ್ರದ ಆರೋಗ್ಯ ಮಿಷನ್‌ಗೆ ಕೊಡುಗೆ ನೀಡಲು ಅವಕಾಶವನ್ನು ನೀಡುತ್ತದೆ.

*****