انڈین انسٹی ٹیوٹ آف ماس کمیونیکیشن (آئی آئی ایم سی) ڈیمڈ یونیورسٹی کی 57 ویں جلسہ تقسیم اسناد( کنووکیشن)کی تقریب آج اس کے نئی دہلی کیمپس میں منعقد ہوئی ۔  جنوری 2024 میں آئی آئی ایم سی کے ڈیمڈ ٹو بی یونیورسٹی کا درجہ حاصل کرنے کے بعد گریجویشن کرنے والے بیچ کا یہ پہلا کنووکیشن ہے ۔

ہند وستان کے عزت مآب نائب صدر نے اس موقع پر شرکت کی اور نئے تعلیمی بلاک کا سنگ بنیاد رکھا، جو انسٹی ٹیوٹ میں اہم انفراسٹرکچر کی توسیع کی علامت ہے۔

ہندوستانی انسٹی ٹیوٹ آف ماس کمیونیکیشن کے 57ویں کنووکیشن سے خطاب کرتے ہوئے، نائب صدر جمہوریہ ہند جناب سی پی رادھا کرشنن نے کہا کہ صحافت کے چیلنجوں  کو نظرانداز نہیں کرنا چاہیےبلکہ اسے ترقی اور قوم سازی کی کوششوں کو بھی اجاگر کرنا چاہئے۔انہوں نے صحافت، اشتہارات اور عوامی تعلقات کے فارغ التحصیل طلبہ سے خطاب کرتے ہوئے کہا کہ رابطہ کار لوگوں کی خواہشات کو تشکیل دیتے ہیں، قومی ترجیحات کو اجاگر کرتے ہیں اور ایسے بیانیے تخلیق کرتے ہیں جو ترقی کی ترغیب دیتے ہیں۔نائب صدر نے زور دیا کہ تخلیقی صلاحیت صرف تجارتی آلہ نہیں بلکہ تبدیلی اور سماجی ترقی کا محرک ہے۔ انہوں نے اس بات پر بھی زور دیا کہ جب کہ ٹیکنالوجی، پلیٹ فارمز اور میڈیا کے ذرائع مسلسل ترقی کریں گے، صحافت اور کمیونیکیشن کی بنیادی اقدار درستگی، انصاف، ایمانداری اور جوابدہی غیر متنازع رہنی چاہئے۔انہوں نے فارغ التحصیل طلبہ سے اپیل کی کہ وہ مقصد پر مبنی مواصلات کو فروغ دیں اور ایک پر اعتماد اور جامع بھارت کی تعمیر میں اپنا کردار ادا کریں۔

اجتماع سے خطاب کرتے ہوئے ، اطلاعات و نشریات ، الیکٹرانکس اور آئی ٹی اور ریلوے کے مرکزی وزیر جناب اشونی ویشنو نے کہا کہ آئی آئی ایم سی ہندوستان کے ممتاز اداروں میں سے ایک ہے جس میں پلیسمنٹ کی شرح زیادہ ہے اور میڈیا انڈسٹری میں گریجویٹس (فارغ التحصیل طلبہ)کی بڑے پیمانے پر مانگ ہے ۔

انہوں نے اعلان کیا کہ اگلے تعلیمی سیشن سے، آئی آئی ایم سی صحافیوں کے لیے ایک فیلوشپ پروگرام متعارف کرائے گا تاکہ وہ ٹیکنالوجی، معیشت اور حکمت عملی جیسے شعبوں میں تخصص حاصل کر سکیں اور تحقیق اور مخصوص مہارتوں کو بڑھا سکیں۔ وزیر نے آئی آئی ایم سی میں ایک انکیوبیٹر (ایک ایسا مرکز یا پروگرام جو نئے کاروبار یا اسٹارٹ اپس کو ابتدائی مدد فراہم کرتا ہے)کے قیام کو بھی اجاگر کیا اور اختراعی اسٹارٹ اپ کی تعریف کی، جن میں ایک اسٹارٹ اپ بھارتی لوک کہانیوں کو ٹیکنالوجی پر مبنی کہانی سنانے کے انداز میں تبدیل کر رہا ہے۔ انہوں نے مزید زور دیا کہ جین  بھارت کے مستقبل کی سمت کے تعین میں اہم کردار ادا کر رہا ہے۔

تقریب میں چھ کیمپسوں میں نو پی جی ڈپلومہ پروگراموں کے 509 طلباء کو ڈپلوما سے نوازا گیا ۔  ٹاپ کرنے والوں کو 23 نقد انعامات سمیت کل 35 تمغے پیش کیے گئے ۔  ڈیجی لاکر کے ذریعے گریڈ اور کریڈٹ سسٹم کے تحت مارک شیٹ دستیاب کرائی گئی ہیں ۔

آئی آئی ایم سی فی الحال آٹھ پی جی ڈپلومہ پروگرام اور متعدد ایم اے پروگرام چلاتا ہے ، جس میں تین نئے ایم اے کورسز 2026-27 سے متعارف کرائے جائیں گے ۔

ش ح۔ ش آ ۔ م ا

U. No-3339