ಭಾರತೀಯ ಸಮೂಹ ಸಂವಹನ ಸಂಸ್ಥೆ (ಐಐಎಂಸಿ)ಯ 57ನೇ ಘಟಿಕೋತ್ಸವ ಸಮಾರಂಭವು ಇಂದು ನವದೆಹಲಿಯ ಕ್ಯಾಂಪಸ್‌ನಲ್ಲಿನಡೆಯಿತು. 2024ರ ಜನವರಿಯಲ್ಲಿ ಐಐಎಂಸಿ ಡೀಮ್ಡ್‌-ಟು-ಬಿ-ಯೂನಿವರ್ಸಿಟಿ ಸ್ಥಾನಮಾನವನ್ನು ಪಡೆದ ನಂತರ ಪದವಿ ಪಡೆದ ಬ್ಯಾಚ್‌ನ ಮೊದಲ ಘಟಿಕೋತ್ಸವ ಇದಾಗಿದೆ.

ಭಾರತದ ಗೌರವಾನ್ವಿತ ಉಪರಾಷ್ಟ್ರಪತಿ ಅವರು ಈ ಸಂದರ್ಭದಲ್ಲಿಉಪಸ್ಥಿತರಿದ್ದರು ಮತ್ತು ಸಂಸ್ಥೆಯಲ್ಲಿ ಪ್ರಮುಖ ಮೂಲಸೌಕರ್ಯ ವಿಸ್ತರಣೆಯನ್ನು ಗುರುತಿಸುವ ಹೊಸ ಶೈಕ್ಷಣಿಕ ಬ್ಲಾಕ್‌ಗೆ ಶಂಕುಸ್ಥಾಪನೆ ನೆರವೇರಿಸಿದರು.

ಭಾರತೀಯ ಸಮೂಹ ಸಂವಹನ ಸಂಸ್ಥೆಯ 57ನೇ ಘಟಿಕೋತ್ಸವ ಸಮಾರಂಭವನ್ನುದ್ದೇಶಿಸಿ ಮಾತನಾಡಿದ ಭಾರತದ ಉಪರಾಷ್ಟ್ರಪತಿ ಶ್ರೀ ಸಿ.ಪಿ. ರಾಧಾಕೃಷ್ಣನ್‌, ಪತ್ರಿಕೋದ್ಯಮವು ಸವಾಲುಗಳನ್ನು ನಿರ್ಲಕ್ಷಿಸಬಾರದು. ಆದರೆ ಅದು ಪ್ರಗತಿ ಮತ್ತು ರಾಷ್ಟ್ರ ನಿರ್ಮಾಣದ ಪ್ರಯತ್ನಗಳನ್ನು ಸಮಾನವಾಗಿ ಬಿಂಬಿಸುತ್ತಿರಬೇಕು ಎಂದು ಹೇಳಿದರು. ಪತ್ರಿಕೋದ್ಯಮ, ಜಾಹೀರಾತು ಮತ್ತು ಸಾರ್ವಜನಿಕ ಸಂಪರ್ಕದ ಪದವೀಧರ ವಿದ್ಯಾರ್ಥಿಗಳೊಂದಿಗೆ ಮಾತನಾಡಿದ ಅವರು, ಸಂವಹನಕಾರರು ಆಕಾಂಕ್ಷೆಗಳನ್ನು ರೂಪಿಸುತ್ತಾರೆ. ರಾಷ್ಟ್ರೀಯ ಆದ್ಯತೆಗಳನ್ನು ವರ್ಧಿಸುತ್ತಾರೆ ಮತ್ತು ಪ್ರಗತಿಯನ್ನು ಪ್ರೇರೇಪಿಸುವ ನಿರೂಪಣೆಗಳನ್ನು ರಚಿಸುತ್ತಾರೆ ಎಂದು ಹೇಳಿದರು. ಸೃಜನಶೀಲತೆ ಕೇವಲ ವಾಣಿಜ್ಯ ಸಾಧನವಲ್ಲ, ಆದರೆ ಪರಿವರ್ತನೆ ಮತ್ತು ಸಾಮಾಜಿಕ ಬದಲಾವಣೆಗೆ ವೇಗವರ್ಧಕವಾಗಿದೆ ಎಂದು ಅವರು ಒತ್ತಿ ಹೇಳಿದರು. ತಂತ್ರಜ್ಞಾನ, ವೇದಿಕೆಗಳು ಮತ್ತು ಮಾಧ್ಯಮಗಳು ವಿಕಸನಗೊಳ್ಳುತ್ತಲೇ ಇದ್ದರೂ ಪತ್ರಿಕೋದ್ಯಮ ಮತ್ತು ಸಂವಹನ ನಿಖರತೆ, ನ್ಯಾಯಸಮ್ಮತತೆ, ಸಮಗ್ರತೆ ಮತ್ತು ಉತ್ತರದಾಯಿತ್ವದ ಪ್ರಮುಖ ಮೌಲ್ಯಗಳು ರಾಜಿ ಮಾಡಿಕೊಳ್ಳಲಾಗದಂತೆ ಉಳಿಯಬೇಕು ಎಂದು ಉಪರಾಷ್ಟ್ರಪತಿ ಅವರು ಒತ್ತಿ ಹೇಳಿದರು. ಪದವೀಧರರು ಉದ್ದೇಶ-ಚಾಲಿತ ಸಂವಹನವನ್ನು ಎತ್ತಿಹಿಡಿಯಬೇಕು ಮತ್ತು ಆತ್ಮವಿಶ್ವಾಸದ ಮತ್ತು ಅಂತರ್ಗತ ಭಾರತವನ್ನು ನಿರ್ಮಿಸಲು ಕೊಡುಗೆ ನೀಡಬೇಕು ಎಂದು ಅವರು ಒತ್ತಾಯಿಸಿದರು.

ಸಭಿಕರನ್ನುದ್ದೇಶಿಸಿ ಮಾತನಾಡಿದ ಕೇಂದ್ರ ವಾರ್ತಾ ಮತ್ತು ಪ್ರಸಾರ, ವಿದ್ಯುನ್ಮಾನ ಮತ್ತು ಐಟಿ ಹಾಗೂ ರೈಲ್ವೆ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್‌, ಐಐಎಂಸಿ ಹೆಚ್ಚಿನ ಉದ್ಯೋಗ ದರವನ್ನು ಹೊಂದಿರುವ ಭಾರತದ ಪ್ರಮುಖ ಸಂಸ್ಥೆಗಳಲ್ಲಿಒಂದಾಗಿದೆ ಮತ್ತು ಮಾಧ್ಯಮ ಉದ್ಯಮದಲ್ಲಿ ಪದವೀಧರರಿಗೆ ವ್ಯಾಪಕವಾಗಿ ಬೇಡಿಕೆಯಿದೆ ಎಂದು ಹೇಳಿದರು.

ಮುಂದಿನ ಶೈಕ್ಷಣಿಕ ವರ್ಷದಿಂದ, ತಂತ್ರಜ್ಞಾನ, ಆರ್ಥಿಕತೆ ಮತ್ತು ಕಾರ್ಯತಂತ್ರ, ಸಂಶೋಧನೆ ಮತ್ತು ಡೊಮೇನ್‌ ಪರಿಣತಿಯನ್ನು ಹೆಚ್ಚಿಸುವಂತಹ ಕ್ಷೇತ್ರಗಳಲ್ಲಿಪರಿಣತಿಯನ್ನು ಸಕ್ರಿಯಗೊಳಿಸಲು ಐಐಎಂಸಿ ಪತ್ರಕರ್ತರಿಗೆ ಫೆಲೋಶಿಪ್‌ ಕಾರ್ಯಕ್ರಮವನ್ನು ಪರಿಚಯಿಸಲಿದೆ ಎಂದು ಅವರು ಘೋಷಿಸಿದರು. ಐಐಎಂಸಿಯಲ್ಲಿಇನ್ಕ್ಯುಬೇಟರ್ ಸ್ಥಾಪನೆಯ ಬಗ್ಗೆಯೂ ಸಚಿವರು ಬೆಳಕು ಚೆಲ್ಲಿದರು ಮತ್ತು ಭಾರತೀಯ ಜಾನಪದ ಕಥೆಗಳನ್ನು ತಂತ್ರಜ್ಞಾನ ಚಾಲಿತ ಕಥೆ ಹೇಳುವ ಸ್ವರೂಪಗಳಾಗಿ ಪರಿವರ್ತಿಸುವುದು ಸೇರಿದಂತೆ ನವೀನ ನವೋದ್ಯಮಗಳನ್ನು ಶ್ಲಾಘಿಸಿದರು. ಭಾರತದ ಭವಿಷ್ಯದ ಪಥವನ್ನು ರೂಪಿಸುವಲ್ಲಿ ಜನರಲ್‌ ಭಾರತದ ಮಹತ್ವವನ್ನು ಅವರು ಹೇಳಿದರು.

ಸಮಾರಂಭದಲ್ಲಿ, ಆರು ಕ್ಯಾಂಪಸ್‌ಗಳಲ್ಲಿಒಂಬತ್ತು ಸ್ನಾತಕೋತ್ತರ ಡಿಪ್ಲೊಮಾ ಕಾರ್ಯಕ್ರಮಗಳ 509 ವಿದ್ಯಾರ್ಥಿಗಳಿಗೆ ಡಿಪ್ಲೊಮಾ ಪ್ರಮಾಣಪತ್ರಗಳನ್ನು ನೀಡಲಾಯಿತು. 23 ನಗದು ಬಹುಮಾನ ಸೇರಿದಂತೆ ಒಟ್ಟು 35 ಪದಕಗಳನ್ನು ಟಾಪರ್‌ಗಳಿಗೆ ಪ್ರದಾನ ಮಾಡಲಾಯಿತು. ಗ್ರೇಡ್‌ ಮತ್ತು ಕ್ರೆಡಿಟ್‌ ಸಿಸ್ಟಮ್‌ ಅಡಿಯಲ್ಲಿಅಂಕಪಟ್ಟಿಗಳನ್ನು ಡಿಜಿಲಾಕರ್‌ ಮೂಲಕ ಲಭ್ಯವಾಗುವಂತೆ ಮಾಡಲಾಗಿದೆ.

ಐಐಎಂಸಿ ಪ್ರಸ್ತುತ ಎಂಟು ಸ್ನಾತಕೋತ್ತರ ಡಿಪ್ಲೊಮಾ ಕಾರ್ಯಕ್ರಮಗಳು ಮತ್ತು ಹಲವಾರು ಎಂಎ ಕಾರ್ಯಕ್ರಮಗಳನ್ನು ನಡೆಸುತ್ತಿದೆ. 2026-27 ರಿಂದ ಮೂರು ಹೊಸ ಎಂಎ ಕೋರ್ಸ್‌ಗಳನ್ನು ಪರಿಚಯಿಸಲಾಗುವುದು.

******