প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা নেৎৱার্ক ১৮ রাইজিং ভারত সম্মিৎতা ৱা ঙাংখ্রে
চাউখৎলবা লৈবাকশিংনা ভারতকা লোয়ননা ললোন-ইতিক্কী দীলশিংদা খুৎয়েক পীনবা পাম্মি মরমদি থাজবগা লোয়ননা ভারতনা চীংনবশিং অমসুং থাজদবা কয়াগী ৱাংমা লান্না চৎলি: পি.এম.
হৌখিবা চহি ১১ অসিদা, লৈবাক অসিগী ৱাখলদা অনৌবা ইনর্জী অমা থোরক্লি, ভারতনা মাগী শক্তি অদু অমুক হন্না ফংনবা ফিরেপ চেৎনা লেপ্পী: পি.এম.
ভারতকী দিজিতেল পব্লিক ইনফ্রাস্ত্রকচর অসি ঙসি মালেমগী খন্ন-নৈনবগী হীরম অমা ওইরে: পি.এম.
ঙসি, ভারতনা পায়খৎলিবা খোঙথাং খুদিংমক মালেম শীনবা থুংনা কুপ্না য়েংনরি অমসুং নৈনরি, এ.আই. সম্মিৎনা মসিগী ময়েক শেংলবা খুদম অমনি: পি.এম.
লৈবাক শেমগৎপা অসি অতেনবা মতমগী ৱাখল্লোনগী খুত্থাংদা ওইদে; মসি অশাংবা মতমগী মীৎয়েং, অখাং কনবা অমসুং মতম চানা লৌগদবা ৱারেপশিংনা শেমগৎলি: পি.এম.
থাগৎখিবা:
27 FEB 2026 11:06PM by PIB Imphal
প্রধান মন্ত্রী শ্রী নরেন্দ্র মোদীনা ঙসি রাইসিং ভারত সম্মিৎতা ৱা ঙাংখ্রে, মহাক্কী ৱারোলগী থিমদি "নুংদা লৈরিবা পাঙ্গল"নি। হৌখিবা চহি ১১ অসিদা ভারতনা পায়খৎলিবা থবকশিং অদু পল্লদুনা প্রধান মন্ত্রীনা লৈবাক অসিগী মতিক-ময়াই, শেন্মিৎলোনদা মীপাল তাংদবা অমসুং ২০৪৭ ফাওবগী মনুংদা ভিক্সিৎ ভারত অমগী রোদমেপকী মতাংদা পাক শন্না ৱা ঙাংখি।
মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি, "ঐখোয়গী শাস্ত্রাশিংনা হায়রি, 'তৎ ত্বাম অশি', হায়বদি ঐখোয়না থিরিবা দিভিনিতি অসি ঐখোয়গী নুংদা য়াওরি হায়বনি। ঐখোয়না মনুংগী ওইথোকপা য়াবশিং অদু খঙগদবনি। হৌখিবা চহি ১১ অসিদা ভারতনা মসিগী শক্তি অসিবু মশক খঙলে অমসুং মসিবু মপাঙ্গল কনখৎহন্নবা লেপ্পা লৈতনা হোৎনরি।"
প্রধান মন্ত্রীনা হায়খি মদুদি লৈবাক অমগী মতিক-ময়াই অসি খঙহৌদনা পোক্লকপা নত্তে, মসি চারোন-শুরোন কয়াগী মতুং ইন্না শেমগৎপনি। শ্রী মোদীনা হায়খি মদুদি হৌখিবা চহি ১১ অসিদা, ভারতনা মাংখিবা মতিক-ময়াই অদু অমুক হন্না ফংনবা হোৎনরকপদা, অনৌবা ইনর্জী অমা নেস্নেল কন্সিয়সনেস্তা থোরক্লি। লৈবাক অসিনা মেনুফেকচরিংদা অমুক হন্না মীৎয়েং থম্লি, পোত্থোক্কী মগুন ফগৎহল্লি অমসুং মপাঙ্গল কনবা য়ুম্ফম অমা শেমগৎনবা শেন্মিৎলোনগী পোলিসীবু মপাঙ্গল কনখৎহল্লি হায়না মহাক্না পনখি। “বেঙ্কিং সিস্তেম মপাঙ্গল কনখৎহন্দুনা অমসুং দবল-দিজিৎ ইনফ্লেসন মায় পাক্না লাকশিন্দুনা সরকারনা ভারতপু মালেমগী গ্রোথ ইঞ্জিন অমা ওইহনখ্রে”।
প্রধান মন্ত্রী মোদীনা দিজিতেল পব্লিক ইনফ্রাস্ত্রকচরদা ভারতকী লুচিংবগী মতাংদা খন্নখি। মহাক্না জন ধন, আধার অমসুং মোবাইলগী 'ত্রিনিতি'গী মতাংদা পনখি, মসিগী মতাংদা সরকারগী মকোক থোংবশিংনা তানবা খৌরাংনা ঙাইনরি। মহাক্না দাইরেক্ত বেনেফিৎ ত্রান্সফর (দি.বি.তি.) গী মায় পাকপগী মতাংদা পনখি, মসিগী খুত্থাংদা বেনিফিসরীশিংদা লুপা ত্রিলিয়ন ২৪ লিক তৌদনা থাখি। মহাক্না হায়খি মদুদি লৈবাক অসিনা মমাংগী মতম অদুদা ইমুং মিলিয়ন ৩০দা মৈ ফংমদবা ওইরম্বদগী সোলর পাৱর নেসন অমা ওইরক্লি অমসুং রেলৱেজ সিস্তেম অসি বন্দে ভারত অমসুং নমো ভারতকী মতমদা মালেমগী খ্বাইদগী চাউবা অহুমশুবা মেত্রো নেৎৱার্ক ওইরক্লি।
আর্তিফিসিএল ইন্তেলিজেন্সকী হীরমদা, প্রধান মন্ত্রীনা হায়খি, "হান্নগী ইন্দস্ত্রিএল রিভোলুসনশিংদা, ভারত অমসুং গ্লোবেল সাউথ অসি শুপ্নগী তুংইনবশিং ওইরমখি। অদুবু আর্তিফিসিএল ইন্তেলিজেন্সকী মতম অসিদা, ভারত অসি ৱারেপ লৌবদা পার্তনর অমা ওইরি অমসুং মখোয়শিং অদু শেমগৎলি। ঙসিদি ঐখোয়গী ইশাগী এ.আই. স্তার্তঅপ ইকোসিস্তেম লৈরে অমসুং এ.আই. দেতা প্রোসেস তৌনবগীদমক পাৱর দরকার ওইবগী মতাংদা খোঙজেল য়াংনা থবক তৌরি।" শ্রী মোদীনা মখা তারদুনা হায়খি মদুদি লৈবাক ১০০ হেনবনা শরুক য়াখিবা এ.আই. সম্মিৎ অসি চাউথোকচনীংঙাই ওইবা তাঞ্জা অমনি।
প্রধান মন্ত্রীনা অকনবা ৱাফম থমখি মদুদি ঙসিদি আত্মনির্ভরতা ইনভেস্তমেন্ত তৌবা অসি তুংগী মীরোলগীদমক্তা তঙাইফদবনি। “ঙসিদি, ঐখোয়না সেমিকন্দক্তর ইকোসিস্তেম অমা শেমগৎলি অমসুং গ্রীন হাইদ্রোজেন, সোলর ইনর্জী অমসুং ইথানোল ব্লেন্দিং, দিফেন্স প্রদক্সন, মোবাইল মেন্যুফেকচরিং, দ্রোন তেক্নোলোজী, ক্রিতিকেল মিনরেল ইনফ্রাস্ত্রকচরদা ইনভেস্তমেন্ত তৌদুনা লাক্কদৌরিবা দিকেদশিংদা ইকোনোমিক সেক্যুরিতী ফংহন্নবা মরুওইবা পীরি", হায়না শ্রী মোদীনা ফোংদোকখি। প্রধান মন্ত্রীনা হায়খি, "জাতি শেমগৎপা হায়বসি খুদক্তা খল্লগা হেক্তা ওইথোকপা ঙমদে। মসি অচৌবা মীৎয়েং অমা, অখাং কনবা অমসুং মতম চানা ৱারেপ লৌদুনা ওইথোকপা ঙম্মী।"
প্রধান মন্ত্রীনা হায়খি মদুদি লৌউ-শিংউগী লোন ওইনা লুপা করোর লাখ ২৮ পীখ্রে, মসি মমাংগী মতমদগী শরুক মরি হেন্না ওইরি। শ্রী মোদীনা হায়খি মদুদি “পি.এম. কিসানগী খুত্থাংদা লৌমীশিংগী একাউন্তশিংদা লুপা করোর লাখ ৪গী মথক্তা হকথেংননা দিপোজিৎ তৌখ্রে। অসিগুম্বা রিফোর্মশিং অসিনা মরম ওইদুনা ঐখোয়গী লৈবাক অসি লৌউ-শিংউগী লমদা মপান্দা থাদোকপা লৈবাকশিংগী মরক্তা মকোক থোংবা লৈবাক অমা ওইরক্লি।"
মহাক্কী ৱারোল লোইশিল্লকপদা, প্রধান মন্ত্রীনা নাগরিক অমসুং ইন্সতিত্যুসন পুম্নমক্তা থবক পায়খৎনবা হায়জখি, "ঐহাক্না লাল কিল্লাদগী হায়খি, হৌজিক্কী মতম অসি অচুম্বা মতমনি। ভারতপু অনৌবা অৱাংবা থাক্তা পুখৎকদবা মতমনি। মীওই খুদিংমক্না মগুন লৈনবা হোৎনগদবনি... ঐখোয়না রুতিনগী থবক খক্তা তৌরোইদবনি, ঐখোয়না মালেমগী থাক্কী থবক তৌগদবনি।"
***
(রিলিজ আই.দি.: 2234001)
ভিজিতর কাউন্তর : 4