প্ৰধানমন্ত্ৰী শ্ৰী নৰেন্দ্ৰ মোদীয়ে আজি ৰাইজিং ভাৰত সন্মিলন সম্বোধনেৰে "অভ্যন্তৰীণ শক্তি" বিষয়ক কেন্দ্ৰ কৰি নিজৰ বক্তব্য আগবঢ়ায়। ভাৰতৰ বিগত ১১ বছৰৰ যাত্ৰাত আলোকপাত কৰি প্ৰধানমন্ত্ৰীয়ে ৰাষ্ট্ৰীয় সম্ভাৱনাৰ পুনৰ উদ্ধাৰ, অৰ্থনৈতিক আত্ম-নিৰ্ভৰতা আৰু ২০৪৭-ৰ ভিতৰত এখনি উন্নত ভাৰতৰ বাবে ৰূপৰেখা সন্দৰ্ভত বিস্তৃত ভাষণ প্ৰদান কৰে।

ইয়াত প্ৰধানমন্ত্ৰীয়ে কয়, "আমাৰ শাস্ত্ৰত কোৱা হৈছে, 'ত ত্ৱাম আছি', অৰ্থাৎ আমি বিচৰা ঈশ্বৰত্ব আমাৰ ভিতৰতে আছে। আমি আমাৰ ভিতৰত নিহিত হৈ থকা সম্ভাৱনাক স্বীকাৰ কৰিব লাগিব। যোৱা ১১ বছৰে ভাৰতে সেই শক্তিকে স্বীকাৰ কৰিছে আৰু ইয়াক গভীৰ কৰাৰ বাবে অহৰহ প্ৰচেষ্টা গ্ৰহণ কৰিছে।"

প্ৰধানমন্ত্ৰীয়ে উল্লেখ কৰে যে কোনো দেশত হঠাতে সম্ভাৱনা উদয় নহয়; এয়া প্ৰজন্মৰ পিছত প্ৰজন্ম ধৰি গঢ় লৈ উঠে। শ্ৰী মোদীয়ে কয় যে বিগত ১১ বছৰত ভাৰতে স্বকীয় হেৰুৱা সম্ভাৱনাক সক্ৰিয়ভাৱে পুনৰ উদ্ধাৰ কৰাৰ লগে-লগে ৰাষ্ট্ৰীয় চেতনালৈ এক নতুন শক্তি প্ৰবাহিত হৈছে। তেওঁ উল্লেখ কৰে যে দেশখনে উৎপাদন, পণ্যৰ মান বৃদ্ধি আৰু অৰ্থনৈতিক নীতিক শক্তিশালী কৰি সুদৃঢ় ভেটি গঢ়ি তোলাত পুনৰ মনোনিৱেশ কৰিছে। “বেংকিং ব্যৱস্থাক শক্তিশালী আৰু দুটা অংকৰ মুদ্ৰাস্ফীতিক সফলতাৰে নিয়ন্ত্ৰণ কৰি চৰকাৰে ফলপ্ৰসূভাৱে ভাৰতক বিশ্বৰ বিকাশৰ ইঞ্জিনলৈ ৰূপান্তৰিত কৰিছে।“

প্ৰধানমন্ত্ৰী মোদীয়ে ডিজিটেল ৰাজহুৱা আন্তঃগাঁথনিৰ ক্ষেত্ৰত ভাৰতৰ নেতৃত্ব প্ৰদান কাৰ্য্যৰ বিষয়ে আলোচনা কৰি জন ধন, আধাৰ আৰু ম’বাইলৰ ‘ত্ৰিত্ব’ৰ কথা উল্লেখ কৰে। তেওঁ কয় যে এই বিষয়ে চৰকাৰৰ মুৰব্বীসকল প্ৰায়ে শুনিবলৈ আগ্ৰহী হৈ উঠে। তেওঁ প্ৰত্যক্ষ লাভ হস্তান্তৰৰ (DBT) সফলতাৰ উদাহৰণ দাঙি ধৰে। ইয়াৰ জৰিয়তে ২৪ ট্ৰিলিয়ন টকা হিতাধিকাৰী সকললৈ সুৰুঙা নোহোৱাকৈ প্ৰেৰণ কৰা হৈছে। তেওঁ কয় যে দেশখন আজি শীৰ্ষ সৌৰশক্তিধৰ ৰাষ্ট্ৰত পৰিণত হৈছে। পূৰ্বে ৩০ নিযুত গৃহস্থীত বিদ্যুতৰ অভাৱ আছিল আৰু বন্দে ভাৰত তথা নমো ভাৰতৰ যুগত ৰেল ব্যৱস্থা বিশ্বৰ তৃতীয় সৰ্ববৃহৎ মেট্ৰ’ নেটৱৰ্কত পৰিণত হৈছে।

কৃত্ৰিম বুদ্ধিমত্তা সন্দৰ্ভত প্ৰধানমন্ত্ৰীয়ে কয়, "পূৰ্বৰ ঔদ্যোগিক বিপ্লৱত ভাৰত আৰু গ্ল'বেল চাউথ কেৱল অনুগামী আছিল। কিন্তু কৃত্ৰিম বুদ্ধিমত্তাৰ যুগত ভাৰত সিদ্ধান্ত গ্ৰহণৰ অংশীদাৰ হৈ পৰিছে আৰু ইয়াক গঢ় দিছে। আজি আমাৰ নিজা এআই ষ্টাৰ্টআপ বাতাবৰণ আছে আৰু এআই ডাটা প্ৰক্ৰিয়াকৰণৰ বাবে শক্তিৰ প্ৰয়োজনীয়তাৰ ওপৰত দ্ৰুতগতিত কাম কৰি আছো।" শ্ৰী মোদীয়ে আৰু কয় যে ১০০ খনৰো অধিক দেশে অংশগ্ৰহণ কৰা এআই সন্মিলন গৌৰৱৰ মুহূৰ্ত আছিল।

প্ৰধানমন্ত্ৰীয়ে কয় যে আজিৰ আত্ম-নিৰ্ভৰতাৰ ক্ষেত্ৰত বিনিয়োগ ভৱিষ্যৎ প্ৰজন্মৰ বাবে অপৰিহাৰ্য্য। “আজি আমি এটা অৰ্ধপৰিবাহী বাতাবৰণ গঢ়ি তুলিছো আৰু সেউজ হাইড্ৰ’জেন, সৌৰশক্তি তথা ইথানল মিশ্ৰণ, প্ৰতিৰক্ষা উৎপাদন, ম’বাইল উৎপাদন, ড্ৰোন প্ৰযুক্তি, জটিল খনিজ আন্তঃগাঁথনিত বিনিয়োগক অগ্ৰাধিকাৰ প্ৰদানেৰে আগন্তুক দশকসমূহৰ বাবে অৰ্থনৈতিক সুৰক্ষা নিশ্চিত কৰিছো”, শ্ৰী মোদীয়ে কয়। প্ৰধানমন্ত্ৰীয়ে কয় যে হ্ৰস্ব-ম্যাদী চিন্তাৰে ৰাষ্ট্ৰ-নিৰ্মাণ কেতিয়াও সম্ভৱ নহয়; দীৰ্ঘ-ম্যাদী দৃষ্টিভংগী, ধৈৰ্য্য আৰু সময়োপযোগী সিদ্ধান্তৰেহে এয়া সম্ভৱ।

প্ৰধানমন্ত্ৰীয়ে উল্লেখ কৰে যে কৃষি ঋণত ২৮ লাখ কোটি টকা বিতৰণ কৰা হৈছে, এই পৰিমাণ পূৰ্বৰ সময়ছোৱাৰ তুলনাত চাৰিগুণ বেছি। শ্ৰী মোদীয়ে কয় যে পিএম কিষাণৰ জৰিয়তে ৪ লাখ কোটিৰো অধিক টকা পোনপটীয়াকৈ কৃষক সকলৰ একাউন্টত জমা কৰা হৈছে। “এনে সংস্কাৰ সাধনৰ ফলশ্ৰুতিত আমাৰ দেশখন কৃষি ৰপ্তানিকাৰী দেশসমূহৰ অন্যতম হৈ পৰিছে”, শ্ৰী মোদীয়ে কয়।

ভাষণৰ সামৰণিত প্ৰধানমন্ত্ৰীয়ে সকলো নাগৰিক আৰু প্ৰতিষ্ঠানলৈ আহ্বান জনাই কয়, "মই লালকিল্লাৰ পৰা কৈছিলো— এই সময়, সঠিক সময়। এই সময় ভাৰতক নতুন শিখৰত উপনীত কৰাৰ। প্ৰতিজন ব্যক্তিয়ে উৎকৃষ্টতাৰ প্ৰতি লক্ষ্য ৰাখিব লাগে... আমি কেৱল নিয়মীয়া কাম-কাজতেই ক্ষান্ত থাকিব নালাগে, বৰঞ্চ আমি বিশ্বমানৰ কাম কৰা উচিত।"

Speaking at the News18 #RisingBharatSummit2026.@News18India@CNNnews18 https://t.co/8pcMjFSI89

— Narendra Modi (@narendramodi) February 27, 2026

***

MJPS/Dr. Pavan Khedkar/SB