அதிகரித்து வரும் ஒன்றுடன் ஒன்று இணைக்கப்பட்ட உலகில், உலகளாவிய சவால்களை எதிர்கொள்வதில் இந்திய இளைஞர்கள் முன்னணியில் இருப்பதாக மக்களவைத் தலைவர் திரு ஓம் பிர்லா தெரிவித்துள்ளார். தற்போதைய சகாப்தம் இந்தியாவின் வளர்ந்து வரும் எதிர்காலத்தில் ஒரு மாற்றத்தை ஏற்படுத்தும் கட்டத்தை பிரதிபலிக்கிறது என்றும் அவர் கூறினார். கருத்தாழம் நிறைந்த, புதுமையான சிந்தனை மற்றும் ஆராய்ச்சி திறன்களைக் கொண்ட இந்தக் காலகட்டத்தின் மாணவர்கள், இந்தியாவை புதிய திசைகளை நோக்கி வழிநடத்தத் தயாராக உள்ளனர் என்று அவர் குறிப்பிட்டார்.

மத்தியப் பிரதேச மாநிலம் இந்தூரில் உள்ள ஸ்ரீ வைஷ்ணவ வித்யாபீட விஸ்வவித்யாலயா பட்டமளிப்பு விழாவில் கலந்து கொண்டு பேசிய திரு பிர்லா, இந்தியாவின் மிகப்பெரிய பலம் அதன் இளைஞர்களின் வசம் உள்ளது என்றும், இளைஞர்களின் நம்பிக்கை, புதிய கண்ணோட்டங்கள் மற்றும் புதுமையான மனப்பான்மை ஆகியவை தேசிய முன்னேற்றத்தை இயக்கும் சக்திவாய்ந்த சக்திகள் என்றும் கூறினார்.  பல நாடுகளில் இளைஞர்களின் எண்ணிக்கை குறைந்து வரும் நிலையில், இந்தியாவில்  இளைஞர்களின் மக்கள்தொகை மற்றும் வளர்ந்து வரும் திறன்கள் மகத்தான வாய்ப்புகளை வழங்குவதாக அவர் குறிப்பிட்டார்.

புத்தொழில் நிறுவனங்கள், புதுமை மற்றும் ஆராய்ச்சி மூலம், இந்திய இளைஞர்கள் ஏற்கனவே தேசிய மற்றும் உலகளாவிய சவால்களை எதிர்கொள்ளத் தொடங்கியுள்ளனர் என்று குறிப்பிட்டார். அவர்களின் முயற்சிகள் இந்தியாவின் ஆற்றல் மற்றும் எதிர்காலத் தலைமையின் மீதான வலுவான நம்பிக்கையை பிரதிபலிப்பதாகவும் திரு பிர்லா தெரிவித்தார். 

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்: https://www.pib.gov.in/PressReleasePage.aspx?PRID=2233620&reg=3&lang=1

***

TV/BR/RK