ભારતના આંતરરાષ્ટ્રીય નાણાકીય સેવાઓ (International Financial Services) ઇકોસિસ્ટમને મજબૂત કરવા તરફના એક મહત્વપૂર્ણ પગલામાં, ઇન્ટરનેશનલ ફાઇનાન્શિયલ સર્વિસીસ સેન્ટર્સ ઓથોરિટી (IFSCA) અને ઇન્ડિયન ઇન્સ્ટિટ્યૂટ ઓફ કોર્પોરેટ અફેર્સ (IICA)એ ગુજરાતમાં ગિફ્ટ સિટી (GIFT City) ખાતેના IFSCA કેમ્પસમાં એક ઐતિહાસિક સમજૂતી પત્ર (MoU) પર હસ્તાક્ષર કર્યા. આ MoU પર 20 ફેબ્રુઆરી 2026 ના રોજ શ્રી જ્ઞાનેશ્વર કુમાર સિંહ, ડાયરેક્ટર જનરલ અને ચીફ એક્ઝિક્યુટિવ ઓફિસર, IICA, અને શ્રી કે. રાજારામન, અધ્યક્ષ, IFSCA દ્વારા બંને સંસ્થાઓના વરિષ્ઠ અધિકારીઓ અને પ્રતિષ્ઠિત મહાનુભાવોની હાજરીમાં વિધિવત હસ્તાક્ષર કરવામાં આવ્યા હતા.

ભારતના આંતરરાષ્ટ્રીય નાણાકીય સેવા કેન્દ્રના એકીકૃત નિયામક તરીકે, IFSCA કોર્પોરેટ બાબતોના મંત્રાલય દ્વારા સંચાલિત કંપનીઝ એક્ટ, 2013 ના વ્યાપક કાયદાકીય માળખામાં કાર્યરત નાણાકીય સંસ્થાઓની ઝડપથી વિસ્તરી રહેલી ઇકોસિસ્ટમની દેખરેખ રાખે છે, જેમાં IFSC માં કાર્યરત સંસ્થાઓને લાગુ પડતી ચોક્કસ નિયામક મુક્તિઓ પણ સામેલ છે. કોર્પોરેટ બાબતોના મંત્રાલય હેઠળની અગ્રણી થિંક ટેન્ક તરીકે, ઇન્ડિયન ઇન્સ્ટિટ્યૂટ ઓફ કોર્પોરેટ અફેર્સ (IICA) કોર્પોરેટ ગવર્નન્સ ફ્રેમવર્ક, નિયામક ક્ષમતા નિર્માણ અને નીતિ વિષયક સલાહકાર સેવાઓને આગળ વધારવામાં સંસ્થાગત સમર્થન પૂરો પાડવા માટે વિશિષ્ટ સ્થાન ધરાવે છે.

આ પૃષ્ઠભૂમિમાં, સમજૂતી પત્ર (MoU) ક્ષમતા નિર્માણ, નીતિ સંશોધન અને જ્ઞાન ભાગીદારીના ક્ષેત્રોમાં IFSCA અને IICA વચ્ચે સહયોગ માટે એક સંરચિત માળખું સ્થાપિત કરે છે, જેનો ઉદ્દેશ્ય GIFT-IFSC માં નિયામક અસરકારકતા વધારવા અને કોર્પોરેટ ગવર્નન્સના ધોરણોને મજબૂત કરવાનો છે.

વિકસતા નિયામક ધોરણો અને વૈશ્વિક ગવર્નન્સ પ્રથાઓના પાલનની સુવિધા માટે IICA, IFSCA અને IFSC-નોંધાયેલ સંસ્થાઓને તાલીમ અને નીતિ સહાય પૂરી પાડશે. IICA, IFSCA ના અધિકારીઓ માટે ઓનલાઈન સર્ટિફિકેટ, ઇન્ડક્શન અને સ્પેશિયલાઇઝ્ડ તાલીમ કાર્યક્રમોનું આયોજન કરશે જેમાં કોર્પોરેટ અને સંલગ્ન કાયદાઓ, કોર્પોરેટ ગવર્નન્સ, એન્વાયર્નમેન્ટલ, સોશિયલ એન્ડ ગવર્નન્સ (ESG), અને ક્રોસ-બોર્ડર ટ્રાન્ઝેક્શન્સ અને રિસ્ટ્રક્ચરિંગ જેવા ક્ષેત્રોને આવરી લેવામાં આવશે.

આ પ્રસંગે બોલતા, શ્રી જ્ઞાનેશ્વર કુમાર સિંહે જણાવ્યું હતું કે IICA પ્રમાણભૂત કોર્પોરેટ ગવર્નન્સ ઇકોસિસ્ટમને પ્રોત્સાહન આપવા માટે IFSCA સાથે નજીકના સહયોગની અપેક્ષા રાખે છે. સહકારના મુખ્ય ક્ષેત્રો પર પ્રકાશ પાડતા, તેમણે નોંધ્યું હતું કે તાત્કાલિક ધ્યાન આના પર રહેશે, જેમકે: કસ્ટમાઇઝ્ડ ક્ષમતા-નિર્માણ કાર્યક્રમો શરૂ કરવા; ઇન્ડક્શન અને નેતૃત્વ વિકાસ પહેલ; અને નીતિ સંશોધન અને સલાહકાર સમર્થન.

IICA દ્વારા હાથ ધરવામાં આવેલી પ્રભાવશાળી પહેલોની પ્રશંસા કરતા, શ્રી કે. રાજારામન, અધ્યક્ષ, IFSCA, એ સહયોગને કાર્યરત કરવા માટેની તાત્કાલિક કાર્ય યોજનાની રૂપરેખા આપી હતી. તેમણે ગિફ્ટ સિટી ખાતે વાર્ષિક ધોરણે સંયુક્ત રીતે વિતરિત કોર્પોરેટ ગવર્નન્સ કાર્યક્રમોની જરૂરિયાત પર ભાર મૂક્યો હતો, જેમાં IFSC અધિકારક્ષેત્રમાં સામેલ થઈ રહેલી કંપનીઓ માટેના વિશિષ્ટ અભ્યાસક્રમોનો પણ સમાવેશ થાય છે.

SM/GP/JD

(રીલીઝ આઈડી: 2231230) મુલાકાતી સંખ્યા : 7