زراعت اور کسانوں کی فلاح و بہبود کے مرکزی وزیر جناب شیوراج سنگھ چوہان نے 20 فروری 2026 کو کرشی بھون میں برازیل کے وزیر زراعت  جناب لوئس پاؤلو ٹیکسیرا فریراکے ساتھ  دوطرفہ بات چیت کی، جس میں فریقین نے جاری تعاون کی صورتحال پر تبادلہ خیال کیا اور مستقبل میں تعاون کے ممکنہ شعبوں کی نشاندہی بھی کی۔

 جناب شیوراج سنگھ چوہان نے بھارت اور برازیل کے درمیان گہرے اور دوستانہ تعلقات کا ذکر کیا، جو مشترکہ جمہوری اقدار پر مبنی ہیں اور باقاعدہ اعلیٰ سطح کی ملاقاتوں کے ذریعے مضبوط ہوئے ہیں، جن میں بی آر آئی سی ایس سمٹ 2025 کے دوران جناب نریندر مودی کے حالیہ برازیل کے دورے کو بھی شامل کیا گیا۔ انہوں نے اے آئی امپیکٹ سمٹ میں برازیل کی شرکت کو بھی سراہا اور اسے تکنیکی تعاون کو گہرا کرنے میں ایک قدم آگے قرار دیا۔

 جناب لوئس پاؤلوٹیکسیرا فریرا نے زراعت اور متعلقہ شعبوں میں دو طرفہ تعاون کی اہمیت پر زور دیا اور کہا کہ ایسے بہت سے شعبے ہیں جہاں باہمی تعاون فائدہ مند ہوگا۔

 جناب کارلوس فاوارو نے بھارت کی بایو ان پٹس میں جدت طرازی کی تعریف کی اور اس بات پر زور دیا کہ یہ شعبہ مزید تعاون اور اشتراک کے لیے خاص اہمیت رکھتا ہے۔

دونوں ممالک نے جاری تعاون کے شعبوں پر تبادلہ خیال کیا اور نئے شراکت داری کے ممکنہ شعبوں کا جائزہ لیا اور زراعت اور متعلقہ شعبوں میں تعاون کو گہرا کرنے پر اتفاق کیا۔

 جناب شیوراج سنگھ چوہان نے برازیل کےاپنے ہم منصب کو آئندہ برکس وزرائے زراعت کی میٹنگ میں شرکت کی دعوت بھی دی ۔

وزرائے زراعت کے علاوہ برازیل کے وفد میں کابینہ کے سربراہ جناب  ویلسن گیمبوگی پِنگے ایرو ٹیک، برازیل سفارت خانے کے زرعی اتاشی جناب رابرٹو کارلوس پاپا ، ایم اے پی اے (کامرس اور انٹرنیشنل ریلیشنز کے سکریٹریٹ) کے سکریٹری جناب لوئز ریناٹو ڈی الکینٹرا رووا ، بین الاقوامی مشیر جناب موریسیو پولیڈورو اور وفد کے دیگر ارکان شامل تھے ۔

بھارت کی جانب سے موجود اہم شخصیات میں ڈی اے آر ای کے سکریٹری  ڈاکٹر مانگی لال جاٹ، برازیل میں ہندوستان کے سفیر جناب دنیش بھاٹیہ، ڈی اے اینڈ ایف ڈبلیو کے ایڈیشنل سکریٹری، ڈی اے اینڈ ایف ڈبلیو ، وزارت خارجہ ، آئی سی اے آر اور نابارڈ کے سینئر عہدیدار شامل تھے ۔

***

(ش ح۔ ک ا۔ ش ب ن)

U- 2792