19 فروری 2026 کو رجسٹرڈ مندوبین کے لیے سمٹ کے مقامات پر درج ذیل اوقات اور انتظامات لاگو ہوں گے:

• بھارت منڈپم کنونشن سینٹر: صرف دعوت نامے کے ذریعے داخلہ۔
• بھارت منڈپم ایکسپو ایرینا: رجسٹرڈ مندوبین/ایکسپو مندوبین کے لیے بند۔

بھارت منڈپم کنونشن سینٹر کے لیے:

• افتتاحی تقریب کے لیے درست بیج رکھنے والے مدعوین صبح 6:00 بجے سے گیٹ نمبر 4 یا گیٹ نمبر 10 کے ذریعے داخل ہو سکتے ہیں۔ داخلے کے وقت اپنا بیج دکھانا لازمی ہوگا، جس کے بعد وہ لیول 3 کے پلینری ہال کی جانب جائیں گے۔

• مدعوین کو مشورہ دیا جاتا ہے کہ سیکیورٹی ضوابط کے پیش نظر بروقت پہنچیں اور زیادہ سے زیادہ صبح 7:30 بجے تک گیٹ میں داخل ہو جائیں۔ نشستیں پہلے آئیں، پہلے پائیں کی بنیاد پر فراہم کی جائیں گی۔

• جن مدعوین کے پاس گاڑی کا پاس موجود ہے، وہ گیٹ نمبر 1 کے ذریعے داخل ہوں گے۔

• مدعو میڈیا کے لیے گیٹ نمبر 5A ڈراپ آف کے لیے استعمال کیا جائے گا، جو صبح 7:30 بجے تک اور پھر 11:00 بجے کے بعد دستیاب ہوگا۔

• کمپلیکس کے اندر آمد و رفت کے لیے گولف کارٹ کی سہولت فراہم کی جائے گی۔

• افتتاحی اجلاس کے بعد مدعوین لیول 3 پر منعقد ہونے والے دیگر طے شدہ سیشنز میں شرکت کر سکتے ہیں، یا لیول 3 کے پلینری ہال سے باہر نکل کر فوڈ کورٹ یا اے آئی امپیکٹ ایکسپو ایرینا کا رخ کر سکتے ہیں۔  لیول 3 میں دوبارہ داخلے کی اجازت مقامی انتظامات اور نشستوں کی دستیابی سے مشروط ہوگی۔

• سیلف ڈرائیو گاڑیوں کے لیے: محدود پارکنگ کی سہولت درج ذیل مقامات پر دستیاب ہوگی:

1. پرانا قلعہ پارکنگ – 1.6 کلومیٹر
2. نیشنل زولوجیکل پارک کی پارکنگ – 3 کلومیٹر

• iii. جواہرلال نہرو اسٹیڈیم پارکنگ – 4.8 کلومیٹر

ان مقامات سے بھارت منڈپم گیٹ نمبر 04 تک شٹل سروس فراہم کی جائے گی۔

دن کے دوران آئی ٹی پی او کے علاقے اور اس کے اطراف میں وقفے وقفے سے ٹریفک کی پابندیوں کا سامنا کرنا پڑ سکتا ہے۔

تمام رجسٹرڈ مندوبین، بشمول مدعوین، مقررین، شرکاء اور دیگر متعلقہ افراد سے گزارش ہے کہ اس نظرثانی شدہ داخلہ ضابطے کا نوٹس لیں اور اسی کے مطابق اپنی آمد کا منصوبہ بنائیں۔

تمام متعلقہ افراد کو ہدایت کی جاتی ہے کہ وہ سیکیورٹی اور ٹریفک عملے کے ساتھ مکمل تعاون کریں اور مقام پر جاری کردہ ہدایات پر سختی سے عمل کریں تاکہ تقریب کا انعقاد پُرامن اور منظم انداز میں یقینی بنایا جا سکے۔

**********

ش ح۔ ف ش ع

U: 2676

 

(ریلیز آئی ڈی: 2229850) وزیٹر کاؤنٹر : 8