ఈ రోజు ఢాకాలో జరిగిన బంగ్లాదేశ్ నూతన ప్రభుత్వ ప్రమాణ స్వీకార కార్యక్రమానికి లోక్‌సభ స్పీకర్ శ్రీ ఓం బిర్లా హాజరయ్యారు. ప్రధానమంత్రి శ్రీ తారిఖ్‌ రెహమాన్‌ నేతృత్వంలోని ఈ ప్రభుత్వం కొలువుదీరిన సందర్భంగా శ్రీ ఓం బిర్లా భారత ప్రజల తరపున ఆయనకు హృదయపూర్వక అభినందనలు తెలియజేశారు.

లోక్‌సభ స్పీకర్ ఢాకాలో బంగ్లాదేశ్ ప్రధాని శ్రీ తారిక్ రెహమాన్‌తో సమావేశమయ్యారు. వీలైనంత త్వరగా భారత్‌ను సందర్శించవలసిందిగా శ్రీ తారిక్ రెహమాన్‌ను కోరుతూ ప్రధాని శ్రీ నరేంద్ర మోదీ పంపిన వ్యక్తిగత లేఖను ఆయన అందజేశారు.

ప్రజాస్వామ్య, అభ్యుదయ, సమ్మిళిత దేశంగా ఎదిగేందుకు బంగ్లాదేశ్ చేసే కృషికి భారత్ ఎప్పుడూ అండగా ఉంటుందని శ్రీ ఓం బిర్లా పునరుద్ఘాటించారు. రెండు పొరుగు దేశాల మధ్య ఉన్న చిరకాల భాగస్వామ్యాన్ని మరింత బలోపేతం చేసేందుకు భారత్ కట్టుబడి ఉందని ఆయన ఈ సందర్భంగా స్పష్టం చేశారు.

మాల్దీవుల అధ్యక్షుడు డాక్టర్ మహ్మద్ ముయిజ్జు, భూటాన్ ప్రధానమంత్రి షెరింగ్ తోబ్గేను లోక్‌సభ స్పీకర్ మర్యాదపూర్వకంగా కలిశారు.

https://x.com/ombirlakota/status/2023748571414294657?s=20

https://x.com/ombirlakota/status/2023739736909824424?s=20

https://x.com/ombirlakota/status/2023673654459105631

***