لوک سبھا کے اسپیکر جناب اوم برلا نے آج ڈھاکہ میں وزیر اعظم جناب طارق رحمان کی قیادت میں بنگلہ دیش کی نئی حکومت کی حلف برداری کی تقریب میں شرکت کی۔ اس موقع پر جناب  برلا نے ہندوستانی عوام کی جانب سے جناب طارق رحمان کو دلی مبارکباد پیش کی۔

لوک سبھا کے اسپیکر نے ڈھاکہ میں بنگلہ دیش کے وزیر اعظم جناب طارق رحمٰن سے بھی ملاقات کی اور انھیں وزیر اعظم  جناب نریندر مودی کا ایک ذاتی خط سونپا، جس میں وزیر اعظم شری رحمان کو جلد از جلد ہندوستان کا دورہ کرنے کی دعوت دی گئی۔

جناب برلا نے اس بات کا اعادہ کیا کہ ہندوستان ایک جمہوری، ترقی پسند اور جامع ملک کی تعمیر کی کوششوں میں بنگلہ دیش کی حمایت کے لیے ہمیشہ تیار ہے۔ انہوں نے دونوں پڑوسی ممالک کے درمیان پائیدار اور مضبوط شراکت داری کو مزید گہرا کرنے کے لیے ہندوستان کے عزم کا بھی اظہار کیا۔

تقریب کے موقع پر، جناب  برلا نے مالدیپ کے صدر عزت مآب ڈاکٹر محمد موئزو اور بھوٹان کے وزیر اعظم جناب شیرنگ توبگے کے علاوہ دیگر رہنماؤں سے ملاقات کی۔

https://x.com/ombirlakota/status/2023748571414294657?s=20

https://x.com/ombirlakota/status/2023739736909824424?s=20

https://x.com/ombirlakota/status/2023673654459105631

*****

U.No:2611

ش ح۔ح ن۔س ا

(ریلیز آئی ڈی: 2229314) وزیٹر کاؤنٹر : 9