انڈیا اے آئی امپیکٹ سمٹ 2026 میں ’’بھارت کے خود مختار اے آئی اور ڈیٹا سے اثر کی وسعت‘‘ کے عنوان سے منعقدہ سیشن اس بات پر مرکوز تھا کہ بھارت کس طرح بنیادی طور پر مصنوعی ذہانت اے آئی کا صارف ہونے سے عالمی اہمیت کا حامل اے آئی نظام تیار کرنے والا ملک بننے کی جانب قدم بڑھا سکتا ہے۔

اس بات چیت میں  گہری تحقیقی مہارت اور طویل المدتی اختراعی سرمایہ کاری کے خلاء کو دور کرنے کی ضرورت کو اجاگر کیا گیا۔ پینل نے اس بات پر زور دیا کہ حقیقی اے آئی صلاحیت  مختصر مدتی اقدامات سے نہیں بلکہ مستقل تحقیقی ماحولیاتی نظام اور مضبوط رہنمائی کے ذریعے ہی تشکیل دی جاسکتی ہے ۔ مقررین نے اے آئی خود مختاری کے تین اہم ستون اجاگر کیے: بھارتی زبانوں اور سماجی سیاق و سباق کے مطابق مقامی ماڈلز کی تیاری؛ مضبوط گھریلو بنیادی ڈھانچے کی تعمیر ؛ اور بنیادی تحقیق کو مضبوط کرنا۔

اس سیشن نے مالی شمولیت، زراعت، صحت کی دیکھ بھال، اور تعلیم جیسی جدید اے آئی تحقیق کو قومی ترجیحات سے مربوط کیا ۔ مقررین نے کہا کہ اے آئی کو بھارت کے ترقیاتی اہداف کے مطابق ہونا چاہیے تاکہ نتیجہ خیز اور سب کی شمولیت والے نتائج فراہم کیے جا سکیں۔

ابھیشیک سنگھ ، ڈائریکٹر جنرل، نیشنل انفارمیٹکس سینٹر اور اضافی سیکرٹری، الیکٹرانکس اور انفارمیشن ٹیکنالوجی کی وزارت نے کہا کہ خود مختار اے آئی کا مطلب الگ تھلگ ہوکر کام کرنا نہیں ہے۔ انہوں نے کہا کہ اے آئی میں خود مختاری سے مراد یہ ہے کہ اے آئی سسٹمز کو کس طرح ڈیزائن، نافذ اور گورن کیا جائے اس پر کنٹرول حاصل ہو۔ انہوں نے زور دیا کہ اے آئی کو صحت، تعلیم، زراعت، اور مالی شمولیت کے حقیقی چیلنجز حل کرنے کے لیے استعمال کیا جانا چاہیے تاکہ شہری اپنی زبانوں میں خدمات تک رسائی حاصل کر سکیں اور معیارِ زندگی بہتر ہو سکے۔

رشی بال ، چیف ایگزیکٹو آفیسر،بھارت جین نے کہا کہ اے آئی کو مختلف شعبوں میں اپنایا جائے گا، لیکن ابتدا میں ترجیحی اور حساس شعبوں جیسے حکمرانی، شہری خدمات، اور مالیات سے یہ مرحلہ وار اور احتیاط سے نافذ کیا جانا چاہیے۔ انہوں نے اے آئی کی ترقی کو صرف شعبہ وار نفاذ کی مشق نہیں بلکہ ایک مسلسل سفر قرار دیا۔ انہوں نے مشترکہ ڈیجیٹل بنیادی ڈھانچے کی اہمیت پر زور دیا، جس میں مشترکہ ماڈلز، انفرنس آرکیٹیکچرز، اور وہ اجزاء شامل ہیں جو اختراعی افراد کو تیز اور محفوظ حل تیار کرنے کے قابل بناتے ہیں۔ انہوں نے مزید کہا کہ اے آئی خود مختاری کے لیے ایک قومی ماڈلز اور بنیادی ڈھانچے کا ایکو سسٹم قائم کرنا ضروری ہے جو وسیع پیمانے پر استعمال ہو سکے، اور اسٹارٹ اپس کو اختراع کرنے کی آزادی بھی دے۔ انہوں نے اس بات کی نشاندہی کی کہ ایسا ایکو سسٹم پورے ملک میں مشترکہ کوششوں کا متقاضی ہے۔

راجیو رتن چیتوانی ، ڈائریکٹر، ڈائریکٹوریٹ آف انفارمیشن سسٹمز اینڈ مینجمنٹ ، نے اے آئی کی اسٹریٹجک اہمیت کو اجاگر کیا۔ انہوں نے کہا کہ اسروکے لیے خود مختار اے آئی ایک اسٹریٹجک ضرورت اور خلائی مشاہدے اور قومی خودمختاری کے لیے ایک اہم بنیادی ڈھانچہ ہے۔ انہوں نے زور دیا کہ کلیدی  شعبوں میں استعمال ہونے والے اے آئی سسٹمز کو آف لائن کام کرنا چاہیے، بغیر براہِ راست انٹرنیٹ انحصار کے، اور یہ شفاف اور قابلِ جانچ ہونے چاہئیں۔ انہوں نے وضاحت شدہ ماڈلز، واضح ڈیٹا لائنج، اور قومی قانونی فریم ورک سے ہم آہنگ تربیتی پائپ لائنز کی ضرورت پر بھی زور دیا۔ مزید برآں، انہوں نے کہا کہ بھارت کے وسیع جیو اسپیشل ڈیٹا وسائل کو اے آئی کے ذریعے زراعت، آفات کے انتظام، موسمی پیش گوئی، اور شہری منصوبہ بندی کے لیے استعمال کیا جا سکتا ہے، جس سے قومی سلامتی اور سماجی فوائد دونوں حاصل ہوں گے۔

یہ سیشن انڈیا اے آئی امپیکٹ سمٹ 2026 کے مجموعی مقصد میں اہم کردار ادا کرتا ہے  جس کا فوکس ، مستقل تحقیق، بنیادی ڈھانچے کے فروغ  اور ادارہ جاتی تعاون کے ذریعے بھارت کے اے آئی ایکو سسٹم کو مضبوط بنانے پر ہے ۔ ان مباحثوں میں اختراع کو فروغ دینے اور قومی ترجیحات کو آگے بڑھانے کے لیے طویل المدتی صلاحیت بنانے کے مشترکہ عزم کی عکاسی کی گئی۔

**********

ش ح۔ا ع خ۔ت ا

U-2587