نیشنل ہیومن رائٹس کمیشن (این ایچ آر سی) انڈیا کا پہلا دو ہفتوں کا آن لائن شارٹ ٹرم انٹرنشپ پروگرام (او ایس ٹی آئی) 2026 اختتام پذیر ہوا ہے ، جو 2 فروری 2026 کو شروع ہوا تھا ۔  دور دراز علاقوں سمیت 18 ریاستوں اور مرکز کے زیر انتظام علاقوں کے 71 یونیورسٹی سطح کے طلباء نے اسے کامیابی کے ساتھ مکمل کیا ۔

اپنے اختتامی خطاب میں این ایچ آر سی ، انڈیا کے سکریٹری جنرل  جناب بھرت لال نے انٹرن شپ مکمل کرنے پر انٹرنز کو مبارکباد دی ۔  انہوں نے انٹرنز پر زور دیا کہ وہ انٹرن شپ کے دوران  حاصل کئے گئے  علم کو اپنے اندر اتاریں،  تاکہ احساس اور ردعمل پیدا ہو اور اپنے حقوق اور فرائض سے واقف مثالی شہریوں کے طور پر تیار ہوں ۔  انہوں نے تبدیلی کا محرک بننے کے لیے خود کاجائزہ لینے اور اپنے افعال پر غور و فکر کرنے کی اہمیت پر زور دیا ۔  انہوں نے کہا کہ انسانی حقوق کے تحفظ اور فروغ کی ذمہ داری صرف حکومت کی نہیں بلکہ شہریوں کی بھی ہے ۔

انہوں نے کہا کہ انصاف ، آزادی ، مساوات اور بھائی چارے آئینی ڈھانچے کے ستون ہیں جو اس بات کو یقینی بناتے ہیں کہ ہر ایک کے ساتھ احترام ، وقار اور مساوات کا سلوک کیا جائے ۔  اکثر ، کمزور لوگ وہ ہوتے ہیں،  جو اپنے حالات کا شکار ہوتے ہیں ۔  بھکاری ، ٹرانسجینڈر افراد ، معذور افراد سمیت دیگر افراد کو اکثر اپنے حقوق اور وقار کی سنگین خلاف ورزیوں کا سامنا کرنا پڑتا ہے اور انہیں ان کے جائز واجبات حاصل کرنے میں مدد کی ضرورت ہوتی ہے ۔  انہوں نے انٹرنز کو اسکولوں کا دورہ کرنے اور طلباء میں حفظان صحت ، صفائی ستھرائی ، جنسی جرائم اور ایسے دیگر مسائل کے بارے میں بیداری پیدا کرنے کا بھی مشورہ دیا،  جو لوگوں کے انسانی حقوق کو متاثر کر سکتے ہیں ۔  انہوں نے کہا کہ اس طرح کی چھوٹی چھوٹی کوششیں معاشرے میں بامعنی تعاون کر سکتی ہیں ۔

اس سے پہلے ، این ایچ آر سی کے جوائنٹ سکریٹری محترمہ  سایڈنگ پوئی چھکھواک نے انٹرن شپ رپورٹ پیش کی ۔  انہوں نے کہا کہ طلباء کو چیئرپرسن ، ممبران ، سکریٹری جنرل ، این ایچ آر سی ، حکومت ہند کے سینئر افسران کے ساتھ ساتھ سول سوسائٹی کے ماہرین سمیت ممتاز مقررین کے ساتھ بات چیت کے سیشن کے دوران انسانی حقوق کے مختلف پہلوؤں سے آگاہ کیا گیا ۔  انہوں نے انٹرن شپ پروگرام کے دوران منعقد ہونے والے مختلف مقابلوں کے فاتحین کا بھی اعلان کیا ۔  ان میں کتابی جائزہ لینے کا مقابلہ ، گروپ ریسرچ پروجیکٹ پریزنٹیشن اور ڈیکلیمیشن مقابلے شامل تھے ۔

این ایچ آر سی کے ڈائریکٹر لیفٹیننٹ کرنل ویریندرسنگھ نے شکریہ  کے کلمات ادا کئے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ض ر۔ ق ر)

U. No.2574

(ریلیز آئی ڈی: 2229120) وزیٹر کاؤنٹر : 10