યાર્ડ 18003 (કૃષ્ણ), મેસર્સ એલ એન્ડ ટી, કટ્ટુપલ્લી (ચેન્નાઈ) ખાતે બનાવવામાં આવી રહેલા ત્રણ કેડેટ તાલીમ જહાજો (સીટીએસ)માંથી પ્રથમ, 16 ફેબ્રુઆરી 2026ના રોજ લોન્ચ કરવામાં આવ્યું હતું. નૌકાદળની પરંપરાઓને ધ્યાનમાં રાખીને શ્રીમતી અનુપમા ચૌહાણ દ્વારા ચીફ ઓફ ડિફેન્સ સ્ટાફ જનરલ અનિલ ચૌહાણની હાજરીમાં આ જહાજનું લોન્ચિંગ કરવામાં આવ્યું હતું. ભારતીય સશસ્ત્ર દળો અને મેસર્સ એલ એન્ડ ટી શિપબિલ્ડીંગ, ચેન્નાઈના વરિષ્ઠ અધિકારીઓએ આ કાર્યક્રમમાં હાજરી આપી હતી.

આ જહાજ મેસર્સ એલ એન્ડ ટી દ્વારા સ્વદેશી રીતે ડિઝાઇન અને નિર્માણ કરવામાં આવ્યું છે. ભારતીય નૌકાદળને આ જહાજની ઔપચારિક ડિલિવરી 2026ના અંતમાં કરવાનું આયોજન છે. આ કેડેટ તાલીમ જહાજોનો ઉપયોગ મહિલાઓ સહિત ઓફિસર કેડેટ્સને તેમની મૂળભૂત તાલીમ પછી સમુદ્રમાં તાલીમ આપવા અને મિત્ર વિદેશી દેશોના કેડેટ્સને તાલીમ આપવા માટે કરવામાં આવશે.

આ સ્વદેશી જહાજ નિર્માણ તરફ ભારતીય નૌકાદળના પ્રયાસોમાં વધુ એક મહત્વપૂર્ણ સીમાચિહ્નરૂપ છે અને ભારત સરકારના આત્મનિર્ભર ભારત અને મેક ઇન ઇન્ડિયા પહેલના વિઝન સાથે સુસંગત છે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com