2026ರ ಫೆಬ್ರವರಿ 13ರಂದು ಉನ್ನತ ಮಟ್ಟದ ಉದ್ಘಾಟನಾ ಮತ್ತು ಸಮಗ್ರ ಕಾರ್ಯಕ್ರಮದೊಂದಿಗೆ ಆರಂಭವಾದ ಎರಡು ದಿನಗಳ ಅಣೆಕಟ್ಟು ಸುರಕ್ಷತೆ ಕುರಿತ ಅಂತಾರಾಷ್ಟ್ರೀಯ ಸಮ್ಮೇಳನ (ಐಸಿಡಿಎಸ್) 2026, ನಂತರ ಸಮ್ಮೇಳನದ ಚರ್ಚೆಗಳಿಗೆ ಕಾರ್ಯತಂತ್ರದ ಸನ್ನಿವೇಶವನ್ನು ನಿಗದಿಪಡಿಸುವ ತಾಂತ್ರಿಕ ಮತ್ತು ಕೈಗಾರಿಕಾ ಗೋಷ್ಠಿಗಳು, ವ್ಯಾಪಕ ಚರ್ಚೆಗಳು ಮತ್ತು ಜ್ಞಾನ ವಿನಿಮಯದ ನಂತರ ಯಶಸ್ವಿಯಾಗಿ ಸಮಾಪನಗೊಂಡಿತು.  

2021ರ ಅಣೆಕಟ್ಟು ಸುರಕ್ಷತಾ ಕಾಯ್ದೆ ಮತ್ತು ಅಣೆಕಟ್ಟು ಪುನರ್ವಸತಿ ಮತ್ತು ಸುಧಾರಣಾ ಯೋಜನೆಯ (ಡಿಆರ್ ಐಪಿ) ಅಡಿಯಲ್ಲಿ ಭಾರತದ ಮುಂದುವರಿದ ಅಣೆಕಟ್ಟು ಸುರಕ್ಷತಾ ಚೌಕಟ್ಟನ್ನು ಒತ್ತಿಹೇಳಲು ಸಮ್ಮೇಳನದ ಮೊದಲ ದಿನವು ಹಿರಿಯ ಸರ್ಕಾರಿ ನಾಯಕರು, ನಿಯಂತ್ರಕರು, ಅಂತಾರಾಷ್ಟ್ರೀಯ ತಜ್ಞರು ಮತ್ತು ವೃತ್ತಿಪರರನ್ನು ಒಗೂಡಿಸಿತು. ದೇಶದಲ್ಲಿ ಅಣೆಕಟ್ಟು ಸುರಕ್ಷತಾ ಆಡಳಿತವನ್ನು ಬಲಪಡಿಸಲು ಹವಾಮಾನ ಸ್ಥಿತಿಸ್ಥಾಪಕತ್ವ, ಸಂಘಟಿತ ಜಲಾಶಯ ಕಾರ್ಯಾಚರಣೆಗಳು ಮತ್ತು ಸಾಂಸ್ಥಿಕ ಸಾಮರ್ಥ್ಯ ನಿರ್ಮಾಣವನ್ನು ಚರ್ಚೆಗಳು ನಿರ್ಣಾಯಕ ಆದ್ಯತೆಗಳನ್ನಾಗಿ ಬಿಂಬಿಸಲಾಯಿತು.

ಸಮ್ಮೇಳನದ ಎರಡನೇ ದಿನವು ಅಣೆಕಟ್ಟು ಪುನರ್ವಸತಿ, ಹೂಳಿನ ನಿರ್ವಹಣೆ, ಅಪಾಯ-ಮಾಹಿತಿ ಮೌಲ್ಯಮಾಪನ ಮತ್ತು ಹವಾಮಾನ ಸ್ಥಿತಿಸ್ಥಾಪಕತ್ವದಲ್ಲಿ ಜಾಗತಿಕ ಮತ್ತು ರಾಷ್ಟ್ರೀಯ ಅತ್ಯುತ್ತಮ ಪದ್ಧತಿಗಳನ್ನು ಉಲ್ಲೇಖಿಸುವ ಗಂಭೀರವಾದ ತಾಂತ್ರಿಕ ಮತ್ತು ಕೈಗಾರಿಕಾ ಗೋಷ್ಠಿಗಳ ಸರಣಿಯನ್ನು ಒಳಗೊಂಡಿತ್ತು. ಸರ್ಕಾರಿ ಸಂಸ್ಥೆಗಳು, ಅಂತಾರಾಷ್ಟ್ರೀಯ ಸಂಸ್ಥೆಗಳು, ಶೈಕ್ಷಣಿಕ ಮತ್ತು ಉದ್ಯಮದ ತಜ್ಞರು ಹಳೆಯ ನೀರಿನ ಮೂಲಸೌಕರ್ಯದ ಸುರಕ್ಷತೆ ಮತ್ತು ಸುಸ್ಥಿರತೆಯನ್ನು ಬಲಪಡಿಸುವ ಗುರಿಯನ್ನು ಹೊಂದಿರುವ ಸಾಕ್ಷ್ಯಾಧಾರಿತ ವಿಧಾನಗಳು ಮತ್ತು ಕ್ಷೇತ್ರ-ಪರೀಕ್ಷಿತ ಪರಿಹಾರಗಳನ್ನು ಹಂಚಿಕೊಂಡರು.

1.  ಹಳೆಯದಾದ ಅಣೆಕಟ್ಟುಗಳ ತಾಂತ್ರಿಕ ಗೋಷ್ಠಿ: ಅತ್ಯಾಧುನಿಕ ಪುನರ್ವಸತಿ

ಅನೇಕ ಅಣೆಕಟ್ಟುಗಳು ಅವುಗಳ ವಿನ್ಯಾಸ ಜೀವಿತಾವಧಿಯನ್ನು ಸಮೀಪಿಸುತ್ತಿದ್ದಂತೆ ಅಥವಾ ಮೀರುತ್ತಿದ್ದಂತೆಯೇ  ಕಟ್ಟುನಿಟ್ಟಾದ ಗುಣಮಟ್ಟದ ಭರವಸೆ ಮತ್ತು ಉತ್ತಮ ಆಡಳಿತದಿಂದ ಬೆಂಬಲಿತವಾದ ವೈಜ್ಞಾನಿಕ ಮತ್ತು ಅಪಾಯ-ಮಾಹಿತಿಯುಕ್ತ ಪುನರ್ವಸತಿ ನಿರ್ಣಾಯಕ ಆದ್ಯತೆಯಾಗಿದೆ ಎಂದು ಪದ್ದತಿಗಳು ಉಲ್ಲೇಖಿಸಿದವು.

2. ಜಲಾಶಯಗಳಲ್ಲಿನ ಕೆಸರು ನಿರ್ವಹಣೆಯ ತಾಂತ್ರಿಕ ಗೋಷ್ಠಿಯು ಜಲಾಶಯದ ಸೆಡಿಮೆಂಟೇಶನ್ ಅನ್ನು ಅಣೆಕಟ್ಟು ಸುರಕ್ಷತೆ ಮತ್ತು ಜಲ ಭದ್ರತೆಗೆ ದೀರ್ಘಕಾಲೀನ ಅಪಾಯವಾಗಿ ಉಲ್ಲೇಖಿಸಿತು. ಜಲಾನಯನ ಪ್ರದೇಶ ನಿರ್ವಹಣೆ, ದೂರಸ್ಥ ಸಂವೇದನೆ (ರಿಮೋಟ್ ಸೆನ್ಸಿಂಗ್) ಮತ್ತು ನೀತಿ-ಬೆಂಬಲಿತ ಅನುಷ್ಠಾನದಿಂದ ಬೆಂಬಲಿತವಾದ ಸಮಗ್ರ, ತಡೆಗಟ್ಟುವ ಹೂಳು ನಿರ್ವಹಣೆಗೆ ಪ್ರತಿಕ್ರಿಯಾತ್ಮಕ ಮಧ್ಯಸ್ಥಿಕೆಗಳ ಪರಿಹಾರದ ಅಗತ್ಯತೆಯನ್ನು ಗೋಷ್ಠಿಯು ಬಲಪಡಿಸಿತು.

3. ಸುರಕ್ಷಿತ ಅಣೆಕಟ್ಟುಗಳಿಗಾಗಿ ಅಪಾಯ-ಮಾಹಿತಿಯುಕ್ತ ನಿರ್ಧಾರ-ತೆಗೆದುಕೊಳ್ಳುವಿಕೆಯ ತಾಂತ್ರಿಕ ಅಧಿವೇಶನವು ರಚನಾತ್ಮಕ ಅಪಾಯದ ಚೌಕಟ್ಟುಗಳ ಮೂಲಕ ಅಣೆಕಟ್ಟು ಸುರಕ್ಷತಾ ನಿಯಂತ್ರಣ ಮತ್ತು ತುರ್ತು ಸಿದ್ಧತೆಯನ್ನು ಬಲಪಡಿಸುವತ್ತ ಗಮನಹರಿಸಿತು. ದೊಡ್ಡ ಅಣೆಕಟ್ಟು ಪೋರ್ಟ್‌ಫೋಲಿಯೊಗಳಲ್ಲಿ ಆದ್ಯತೆ ಮತ್ತು ಸಾಕ್ಷ್ಯಾಧಾರಿತ ನಿರ್ಧಾರ ತೆಗೆದುಕೊಳ್ಳುವಿಕೆಗೆ ಸರಳೀಕೃತ ಅಪಾಯ ತಪಾಸಣೆ, ಅಣೆಕಟ್ಟಗಳು ಒಡೆಯಬಹುದಾದ ಮೌಲ್ಯಮಾಪನ ಪರಿಕರಗಳು ಮತ್ತು ಹವಾಮಾನ-ಅರಿವುಳ್ಳ ವಿಧಾನಗಳು ಅತ್ಯಗತ್ಯ ಎಂದು ಗೋಷ್ಠಿಯು ತಿಳಿಸಿತು.

4. ಪ್ರವಾಹ ನಿರ್ವಹಣೆಗಾಗಿ ಅಣೆಕಟ್ಟುಗಳ ಜಲವಿಜ್ಞಾನ ಸುರಕ್ಷತೆ ಮತ್ತು ಸಂಘಟಿತ ಜಲಾಶಯ ಕಾರ್ಯಾಚರಣೆಗಳ ಕುರಿತಾದ ತಾಂತ್ರಿಕ ಗೋಷ್ಠಿಯು ಹವಾಮಾನ ಮುನ್ಸೂಚನೆ ಮಾಹಿತಿ ಮತ್ತು ಜಲಾನಯನ ಮಟ್ಟದ ಸಂಯೋಜಿತ ಜಲಾಶಯ ಕಾರ್ಯಾಚರಣೆಗಳ ಮಹತ್ವವನ್ನು ಒತ್ತಿಹೇಳಿತು. ಹೆಚ್ಚುತ್ತಿರುವ ಹವಾಮಾನ ವೈಪರೀತ್ಯದಡಿಯಲ್ಲಿ ಪ್ರವಾಹ ಮತ್ತು ಬರಗಳನ್ನು ನಿರ್ವಹಿಸಲು ಕ್ರಿಯಾತ್ಮಕ ನಿಯಮ ವಕ್ರರೇಖೆಗಳು, ನೈಜ-ಸಮಯದ ದತ್ತಾಂಶ ಹಂಚಿಕೆ ಮತ್ತು ನಿರ್ಧಾರ-ಬೆಂಬಲ ವ್ಯವಸ್ಥೆಗಳು ಅನಿವಾರ್ಯವಾಗಿವೆ ಎಂಬುದು ಚರ್ಚೆಗಳಲ್ಲಿ  ಪ್ರಮುಖವಾಗಿ ಚರ್ಚೆಗೆ ಬಂದಿತು.

5. ಅಣೆಕಟ್ಟು ಸಂಕಷ್ಟ ಮತ್ತು ವೈಫಲ್ಯಗಳಿಂದ ಪಾಠಗಳ ಕುರಿತಾದ ತಾಂತ್ರಿಕ ಗೋಷ್ಠಿಯು ಅಣೆಕಟ್ಟು ಸಂಕಷ್ಟ ಮತ್ತು ವೈಫಲ್ಯ ಘಟನೆಗಳು ಎಂಜಿನಿಯರಿಂಗ್ ಶ್ರದ್ಧೆ, ವಿನ್ಯಾಸ ಮತ್ತು ನಿರ್ಮಾಣ ಮಾನದಂಡಗಳಿಗೆ ಕಟ್ಟುನಿಟ್ಟಾದ ಅನುಸರಣೆ, ಪರಿಣಾಮಕಾರಿ ತುರ್ತು ಕ್ರಿಯಾ ಯೋಜನೆಗಳು ಮತ್ತು ಬಲವಾದ ಸಾಂಸ್ಥಿಕ ಹೊಣೆಗಾರಿಕೆಯ ಅಗತ್ಯವನ್ನು ನಿರಂತರವಾಗಿ ಸೂಚಿಸುತ್ತವೆ ಎಂದು ಪುನರುಚ್ಚರಿಸಿತು.

6. ಅಣೆಕಟ್ಟು ಸುರಕ್ಷತಾ ಮೇಲ್ವಿಚಾರಣಾ ವ್ಯವಸ್ಥೆಗಳಲ್ಲಿನ ಪ್ರಗತಿಗಳ ಕುರಿತಾದ ಕೈಗಾರಿಕಾ ಗೋಷ್ಠಿಯು ಮೌಲ್ಯೀಕರಿಸಿದ ನೈಜ-ಸಮಯದ ದತ್ತಾಂಶ, ಡಿಜಿಟಲ್ ವೇದಿಕೆಗಳು ಮತ್ತು ಸುಧಾರಿತ ಸಂವೇದನಾ ತಂತ್ರಜ್ಞಾನಗಳು ಅಣೆಕಟ್ಟು ಸುರಕ್ಷತಾ ಮೇಲ್ವಿಚಾರಣೆಯನ್ನು ಹೇಗೆ ಪರಿವರ್ತಿಸುತ್ತಿವೆ ಮತ್ತು ಹೆಚ್ಚು ವಿಶ್ವಾಸಾರ್ಹ, ಅಪಾಯ-ಮಾಹಿತಿ ಹೊಂದಿರುವ ಕಾರ್ಯಾಚರಣೆಯ ನಿರ್ಧಾರಗಳನ್ನು ಸಕ್ರಿಯಗೊಳಿಸುತ್ತಿವೆ ಎಂಬುದನ್ನು ಪ್ರಮುಖವಾಗಿ ಪ್ರಸ್ತಾಪಿಸಲಾಯಿತು.

 

ಸಮಾರೋಪ ಸಮಾರಂಭದಲ್ಲಿ ಜಲಶಕ್ತಿ ಸಚಿವಾಲಯದ ರಾಜ್ಯ ಖಾತೆ ಸಚಿವರಾದ ಶ್ರೀ ವಿ. ಸೋಮಣ್ಣ, ಆಸ್ಟ್ರೇಲಿಯಾದ ಅಣೆಕಟ್ಟು ಸುರಕ್ಷತಾ ನ್ಯೂ ಸೌತ್‌ವೇಲ್ಸ್‌ನ ಅಧ್ಯಕ್ಷರಾದ ಶ್ರೀ ಪಾಲ್ ಒ'ಕಾನರ್; ವಿಶ್ವಬ್ಯಾಂಕ್‌ನ ಜಲಸಂಪನ್ಮೂಲ ನಿರ್ವಹಣಾ ತಜ್ಞ ಶ್ರೀ ಥಾಮಸ್ ಎಡ್ವರ್ಡ್ ಬ್ರ್ಯಾಂಟ್; ಜಲಶಕ್ತಿ ಸಚಿವಾಲಯದ ಜಲಸಂಪನ್ಮೂಲ ಇಲಾಖೆಯ ಹೆಚ್ಚುವರಿ ಕಾರ್ಯದರ್ಶಿ ಶ್ರೀ ಸುಬೋಧ್ ಯಾದವ್, ಐಎಎಸ್; ಕೇಂದ್ರ ಜಲ ಆಯೋಗದ ಅಧ್ಯಕ್ಷ ಶ್ರೀ ಅನುಪಮ್ ಪ್ರಸಾದ್; ಜಲಶಕ್ತಿ ಸಚಿವಾಲಯದ ಜಲಸಂಪನ್ಮೂಲ, ನದಿ ಅಭಿವೃದ್ಧಿ ಮತ್ತು ಗಂಗಾ ಪುನರುಜ್ಜೀವನ ಇಲಾಖೆಯ ಜಂಟಿ ಕಾರ್ಯದರ್ಶಿ ಶ್ರೀ ಪ್ರದೀಪ್ ಕುಮಾರ್ ಅಗರ್ವಾಲ್, ಐಎಎಸ್; ಮತ್ತು ಬೆಂಗಳೂರಿನ ಭಾರತೀಯ ವಿಜ್ಞಾನ ಸಂಸ್ಥೆಯ ಮೆಟೀರಿಯಲ್ಸ್ ಎಂಜಿನಿಯರಿಂಗ್ ವಿಭಾಗದ ಅಧ್ಯಕ್ಷ ಶ್ರೀ ಸತ್ಯಂ ಸುವಾಸ್, ಕರ್ನಾಟಕ ಸರ್ಕಾರದ ಜಲ ಸಂಪನ್ಮೂಲಕ ಕಾರ್ಯದರ್ಶಿ ಬಿ.ಕುಲರ್ಣಿ (ಹೆಚ್ಚುವರಿ ಹೊಣೆಗಾರಿಕೆ) ಅವರು ಉಪಸ್ಥಿತರಿದ್ದರು.

ಕರ್ನಾಟಕ ಸರ್ಕಾರದ ಜಲ ಸಂಪನ್ಮೂಲ ಇಲಾಖೆ;

ಸ್ವಾಗತ ಭಾಷಣ ಮಾಡಿದ ಶ್ರೀ ಶ್ರೀ ಕುಲಕರ್ಣಿ, ಅಣೆಕಟ್ಟು ಸುರಕ್ಷತೆಯು ದಿನನಿತ್ಯದ ತಪಾಸಣೆಗಳನ್ನು ಮೀರಿ ಹವಾಮಾನ ಸ್ಥಿತಿಸ್ಥಾಪಕತ್ವ, ಉದಯೋನ್ಮುಖ ತಂತ್ರಜ್ಞಾನಗಳು, ನಿಯಂತ್ರಕ ಚೌಕಟ್ಟುಗಳು, ದತ್ತಾಂಶ ಆಧಾರಿತ ನಿರ್ಧಾರ ತೆಗೆದುಕೊಳ್ಳುವಿಕೆ, ತುರ್ತು ಸಿದ್ಧತೆ ಮತ್ತು ಸಾಂಸ್ಥಿಕ ಬಲವರ್ಧನೆಯನ್ನು ಒಳಗೊಂಡ ಬಹು ಆಯಾಮದ ಸವಾಲಾಗಿ ಮಾರ್ಪಟ್ಟಿದೆ ಎಂದು ಹೇಳಿದರು. ಸಮ್ಮೇಳನದ ತಾಂತ್ರಿಕಗೋಷ್ಠಿಗಳು, ಕೇಸ್ ಸ್ಟಡಿಗಳು ಮತ್ತು ನೀತಿ ಚರ್ಚೆಗಳ ಮೂಲಕ ಈ ನಿರ್ಣಾಯಕ ವಿಷಯಗಳನ್ನು ಪರಿಣಾಮಕಾರಿಯಾಗಿ ಪರಿಹರಿಸಲಾಗಿದೆ ಎಂದು ಅವರು ಪ್ರಮುಖವಾಗಿ ಉಲ್ಲೇಖಿಸಿದರು.

ಸಮ್ಮೇಳನದ ಶಿಫಾರಸುಗಳನ್ನು ಮಂಡಿಸಿದ ಶ್ರೀ ಸುಬೋಧ್ ಯಾದವ್, ಭಾರತದ ಅಣೆಕಟ್ಟುಗಳಲ್ಲಿ ಶೇ. 85 ಕ್ಕಿಂತ ಅಧಿಕ ಮಣ್ಣಿನದ್ದಾಗಿರುವುದರಿಂದ ಮಿತಿಮೀರಿದ ಪ್ರಮಾಣದಿಂದಾಗಿ ದುರಂತ ವೈಫಲ್ಯಗಳನ್ನು ತಡೆಗಟ್ಟಲು ನವೀನ ಮತ್ತು ಕಡಿಮೆ ವೆಚ್ಚದ ಪರಿಣಾಮಕಾರಿ ಶಸ್ತ್ರಸಜ್ಜಿತ ಪರಿಹಾರಗಳ ತುರ್ತು ಅವಶ್ಯಕತೆಯಿದೆ ಎಂದು ಒತ್ತಿ ಹೇಳಿದರು. ಭಾರತದ ದೊಡ್ಡ ಅಣೆಕಟ್ಟುಗಳ ಸಂಬಂಧ, ತ್ವರಿತ, ಮೊದಲ ಹಂತದ ಯೋಜನೆಯನ್ನು ಬೆಂಬಲಿಸಲು ಸರಳೀಕೃತ ಅಣೆಕಟ್ಟು ವಿರಾಮ ವಿಶ್ಲೇಷಣೆ ಮತ್ತು ಅಪಾಯದ ಮೌಲ್ಯಮಾಪನ ಸಾಧನಗಳ ಪ್ರಾಮುಖ್ಯತೆಯನ್ನು ಅವರು ಪ್ರಮುಖವಾಗಿ ಪ್ರಸ್ತಾಪಿಸಿದರು.

ಜಾರಿಗೊಳಿಸಬಹುದಾದ ತುರ್ತು ಕ್ರಿಯಾ ಯೋಜನೆಗಳು, ಸಾರ್ವಜನಿಕ ಜಾಗೃತಿ ಮತ್ತು ವಿಪತ್ತು ನಿರ್ವಹಣಾ ಅಧಿಕಾರಿಗಳೊಂದಿಗೆ ಸಮನ್ವಯದ ಮೂಲಕ ತುರ್ತು ಸಿದ್ಧತೆಯನ್ನು ಬಲವರ್ಧನೆಗೊಳಿಸುವ ಅಗತ್ಯತೆಯನ್ನು ಅವರು ಒತ್ತಿ ಹೇಳಿದರು. ನವೀಕರಿಸಿದ ಇಎಪಿಗಳು, ಕಾರ್ಯಾಚರಣೆ ಮತ್ತು ನಿರ್ವಹಣೆ ಕೈಪಿಡಿಗಳು, ಪ್ರವಾಹ ಪ್ರದೇಶ ವಲಯ, ಒಳಹರಿವಿನ ಮುನ್ಸೂಚನೆ ವ್ಯವಸ್ಥೆಗಳು ಮತ್ತು ಪ್ರವಾಹ ಮುನ್ನೆಚ್ಚರಿಕೆ ವ್ಯವಸ್ಥೆಗಳಂತಹ ರಚನಾತ್ಮಕವಲ್ಲದ ಕ್ರಮಗಳ ಪಾತ್ರವನ್ನು ಅವರು ಒತ್ತಿ ಹೇಳಿದರು. ಅಣೆಕಟ್ಟು ಪುನರ್ವಸತಿಗೆ ಹಂತ ಹಂತದ, ದತ್ತಾಂಶ ಆಧಾರಿತ ವಿಧಾನ, ದೂರ ಸಂವೇದಿ, (ರಿಮೋಟ್ ಸೆನ್ಸಿಂಗ್ ) ಬಳಸಿಕೊಂಡು ಸುಸ್ಥಿರ ಜಲಾಶಯದ ಹೂಳು ನಿರ್ವಹಣೆ, ಆದಾಯ-ತಟಸ್ಥ ಮಾದರಿಗಳ ಮೂಲಕ ಹೂಳೆತ್ತುವುದು ಮತ್ತು ಹೂಳೆತ್ತುವ ವಸ್ತುಗಳ ವಾಣಿಜ್ಯ ಬಳಕೆಗಾಗಿ ಉದ್ಯಮವನ್ನು ಒಳಗೊಂಡ ಅನ್ವಯಿಕ ಸಂಶೋಧನೆಯ ಅಗತ್ಯವನ್ನು ಅವರು ಹೇಳಿದರು.

ತಮ್ಮ ಸಮಾರೋಪ ಭಾಷಣದಲ್ಲಿ ಜಲಶಕ್ತಿ ಸಚಿವಾಲಯದ ರಾಜ್ಯ ಖಾತೆ ಸಚಿವರಾದ ಶ್ರೀ ವಿ. ಸೋಮಣ್ಣ, ಭಾರತದ ಅಣೆಕಟ್ಟು ಸುರಕ್ಷತಾ ಚೌಕಟ್ಟನ್ನು ಬಲಪಡಿಸುವಲ್ಲಿ ಎಂಜಿನಿಯರ್‌ಗಳು, ನೀತಿ ನಿರೂಪಕರು, ತಜ್ಞರು ಮತ್ತು ಪಾಲುದಾರರ ಪಾತ್ರಕ್ಕಾಗಿ ಕೃತಜ್ಞತೆಯನ್ನು ವ್ಯಕ್ತಪಡಿಸಿದರು. ಸರ್ ಎಂ. ವಿಶ್ವೇಶ್ವರಯ್ಯ ಅವರನ್ನು ಸ್ಮರಿಸಿಕೊಂಡು, ದೂರದೃಷ್ಟಿ ಮತ್ತು ಸಮಗ್ರತೆಯಿಂದ ಮಾರ್ಗದರ್ಶಿಸಲ್ಪಟ್ಟ ಎಂಜಿನಿಯರಿಂಗ್ ಸುರಕ್ಷಿತ ಮತ್ತು ಸುಸ್ಥಿರ ರಾಷ್ಟ್ರೀಯ ಅಭಿವೃದ್ಧಿಗೆ ಕೇಂದ್ರವಾಗಿದೆ ಎಂದು ಉಲ್ಲೇಖಿಸಿದರು.  

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ ನೇತೃತ್ವದಲ್ಲಿ, ಭಾರತವು ತನ್ನ ಅಣೆಕಟ್ಟು ಸುರಕ್ಷತಾ ವಿನ್ಯಾಸವನ್ನು ಸ್ಥಿರವಾಗಿ ಬಲಪಡಿಸಿದೆ, ಅಣೆಕಟ್ಟು ಸುರಕ್ಷತಾ ಕಾಯ್ದೆಯು ಹೊಣೆಗಾರಿಕೆ ಮತ್ತು ಆಡಳಿತಕ್ಕೆ ಒಂದು ಹೆಗ್ಗುರುತು ಸುಧಾರಣೆಯಾಗಿ ಎದ್ದು ಕಾಣುತ್ತದೆ ಎಂದು ಅವರು ತಿಳಿಸಿದರು. ಅಣೆಕಟ್ಟು ಪುನರ್ವಸತಿ ಮತ್ತು ಸುಧಾರಣಾ ಯೋಜನೆಯನ್ನು ಪ್ರಮುಖವಾಗಿ ಉಲ್ಲೇಖಿಸಿದ ಅವರು, ನೂರಾರು ಅಣೆಕಟ್ಟುಗಳನ್ನು ಪಾರದರ್ಶಕ ವರದಿ, ನೈಜ-ಸಮಯದ ಮೇಲ್ವಿಚಾರಣೆ ಮತ್ತು ಸ್ಥಿತಿಸ್ಥಾಪಕತ್ವವನ್ನು ಹೆಚ್ಚಿಸಲು ಸುಧಾರಿತ ತಾಂತ್ರಿಕ ಮಧ್ಯಸ್ಥಿಕೆಗಳ ಮೂಲಕ ಬಲಪಡಿಸಲಾಗಿದೆ ಎಂದು ಹೇಳಿದರು.

ಎರಡು ದಿನಗಳ ಸಮ್ಮೇಳನದ ಕುರಿತು ಬೆಳಕು ಚೆಲ್ಲಿದ ಅವರು, ಅಣೆಕಟ್ಟು ಸುರಕ್ಷತೆ, ಅಪಾಯ ತಗ್ಗಿಸುವುದು,  ಹವಾಮಾನ ಸ್ಥಿತಿಸ್ಥಾಪಕತ್ವ ಮತ್ತು ಕಾರ್ಯಾಚರಣೆಯ ಶ್ರೇಷ್ಠತೆಯ ಕುರಿತು ಚರ್ಚೆಗಳನ್ನು ಸಚಿವರು ಎತ್ತಿ ತೋರಿಸಿದರು. “ಅಣೆಕಟ್ಟು ಸಾರ್ವಜನಿಕ ನಂಬಿಕೆಯ ಸ್ಮಾರಕ’’ ಮತ್ತು ಸುರಕ್ಷತೆಯು ಅತ್ಯುನ್ನತವಾಗಿರಬೇಕು ಎಂದು ಪುನರುಚ್ಚರಿಸಿದರು. ಕಾರ್ಯತಂತ್ರದ ಮಧ್ಯಸ್ಥಿಕೆಗಳ ಮೂಲಕ ಜಲಾಶಯಗಳ ಹೂಳು ನಿರ್ವಹಣೆಗೆ ಆದ್ಯತೆಯ ಮೇಲೆ ಅವರು ಮತ್ತಷ್ಟು ಒತ್ತು ನೀಡಿದರು. ಧನ್ಯವಾದಗಳನ್ನು ಮಂಡಿಸುತ್ತಾ, ಶ್ರೀ ಪ್ರದೀಪ್ ಕುಮಾರ್ ಅಗರ್ವಾಲ್ ಅವರು ಐಸಿಡಿಎಸ್ 2026 ಅನ್ನು ಮೌಲ್ಯಯುತ ಮತ್ತು ಉತ್ಕೃಷ್ಟ ವೇದಿಕೆ ಎಂದು ಬಣ್ಣಿಸಿದರು ಮತ್ತು ಕರ್ನಾಟಕ ಸರ್ಕಾಕ, ವಿಶ್ವ ಬ್ಯಾಂಕ್, ಭಾರತೀಯ ವಿಜ್ಞಾನ ಸಂಸ್ಥೆ ಮತ್ತು ಸಮ್ಮೇಳನದ ಯಶಸ್ವಿ ಮುಕ್ತಾಯಕ್ಕೆ ಕೊಡುಗೆ ನೀಡಿದ ಎಲ್ಲಾ ಸಂಘಟಕರು, ತಜ್ಞರು ಮತ್ತು ಪ್ರತಿನಿಧಿಗಳಿಗೆ ಕೃತಜ್ಞತೆಗಳನ್ನು ವ್ಯಕ್ತಪಡಿಸಿದರು.

ಐಸಿಡಿಎಸ್ 2026 ರಲ್ಲಿ ಹಂಚಿಕೊಂಡ ಜ್ಞಾನ, ಪಾಲುದಾರಿಕೆಗಳು ಮತ್ತು ಬಲಪಡಿಸಲಾದ ಬದ್ಧತೆಗಳು ಭಾರತವನ್ನು ಸುರಕ್ಷಿತ ಅಣೆಕಟ್ಟುಗಳು ಮತ್ತು ಹೆಚ್ಚು ಸ್ಥಿತಿಸ್ಥಾಪಕ ಜಲ ಭವಿಷ್ಯದತ್ತ ಮಾರ್ಗದರ್ಶನ ಮಾಡುತ್ತದೆ ಎಂಬ ಬಲವಾದ ಪುನರುಚ್ಚರಿಕೆಯೊಂದಿಗೆ ಸಮಾರೋಪ ಸಮಾರಂಭವು ಮುಕ್ತಾಯವಾಯಿತು.

ಎರಡು ದಿನಗಳ ಚರ್ಚೆಗಳ ಮುಕ್ತಾಯದೊಂದಿಗೆ ಐಸಿಡಿಎಸ್ 2026 ಭಾರತದ ಅಣೆಕಟ್ಟು ಸುರಕ್ಷತಾ ಪೂರಕ ವ್ಯವಸ್ಥೆಯನ್ನು ಬಲಪಡಿಸುವಲ್ಲಿ ಮಹತ್ವದ ಹೆಜ್ಜೆಯನ್ನು ಗುರುತಿಸಿತು. ಆಡಳಿತ ಸುಧಾರಣೆಗಳು, ಹವಾಮಾನ ಸ್ಥಿತಿಸ್ಥಾಪಕತ್ವ, ತಾಂತ್ರಿಕ ನಾವೀನ್ಯತೆ, ಅಪಾಯ-ಮಾಹಿತಿ ನಿರ್ಧಾರ ತೆಗೆದುಕೊಳ್ಳುವಿಕೆ ಮತ್ತು ಸಮುದಾಯ ಸನ್ನದ್ಧತೆಯನ್ನು ಒಳಗೊಳ್ಳಲು ಅಣೆಕಟ್ಟು ಸುರಕ್ಷತೆಯು ಎಂಜಿನಿಯರಿಂಗ್ ಪರಿಗಣನೆಗಳನ್ನು ಮೀರಿ ವಿಸ್ತರಿಸುತ್ತದೆ ಎಂದು ಚರ್ಚೆಗಳು ಪುನರುಚ್ಚರಿಸಿದವು.

ಸಮ್ಮೇಳನದ ಅವಧಿಯಲ್ಲಿ ಪ್ರಾಯೋಗಿಕ ಒಳನೋಟಗಳು, ಜಾಗತಿಕ ಅನುಭವಗಳು ಮತ್ತು ನೀತಿ ದೂರದೃಷ್ಟಿಗಳ ವಿನಿಮಯವು ಸುರಕ್ಷಿತ ಮತ್ತು ಹೆಚ್ಚು ಸ್ಥಿತಿಸ್ಥಾಪಕ ನೀರಿನ ಮೂಲಸೌಕರ್ಯವನ್ನು ಮುನ್ನಡೆಸಲು ಸ್ಪಷ್ಟ ನಿರ್ದೇಶನಗಳನ್ನು ಒದಗಿಸಿತು. ಹೀಗೆ ವಿಕಸನಗೊಳ್ಳುತ್ತಿರುವ ಹವಾಮಾನ ಮತ್ತು ಅಭಿವೃದ್ಧಿ ಸವಾಲುಗಳ ಹಿನ್ನೆಲೆಯಲ್ಲಿ ದೃಢವಾದ ಅಣೆಕಟ್ಟು ಸುರಕ್ಷತಾ ಪದ್ಧತಿಗಳು ಮತ್ತು ಸುಸ್ಥಿರ ಜಲಾಶಯ ನಿರ್ವಹಣೆಯನ್ನು ಖಾತ್ರಿಪಡಿಸಿಕೊಳ್ಳಲು ಐಸಿಡಿಎಸ್ 2026 ಪಾಲುದಾರರಲ್ಲಿ ಹಂಚಿಕೆಯ ಬದ್ಧತೆಯನ್ನು ಬಲಪಡಿಸಿತು.

******

(ಪ್ರಕಟಣೆ ಐ.ಡಿ.: 2228778) ವಿಸಿಟರ್ ಕೌಂಟರ್ : 8