انڈین جرنل آف میڈیکل ریسرچ میں شائع ہونے والے ایک معاشی جائزے سے یہ بات سامنے آئی ہے کہ ملٹی ڈرگ مزاحم اور ریفامپیسن مزاحم تپ دق (ایم ڈی آر/آر آر-ٹی بی)کے لیے مختصر ، چھ ماہ کے تمام گولیوں  سے علاج کے نظام لاگت سے موثر ہیں اور اس کے مقابلے میں صحت کے بہتر نتائج پیش کرتے ہیں ۔

یہ مطالعہ آئی سی ایم آر-نیشنل انسٹی ٹیوٹ فار ریسرچ ان ٹیوبرکلوسس(آئی سی ایم آر-این آئی آر ٹی)نے کیا تھا ۔  اس نے نیشنل ٹی بی ایلیمینیشن پروگرام (این ٹی ای پی)کے تحت استعمال ہونے والے موجودہ بیڈاکویلین پر مشتمل چھوٹے (9-11 ماہ) اور طویل(18-20 ماہ)علاج کےطریقوں کے مقابلے میں بیڈاکویلین پر مبنی طرز عمل-بی پی اے ایل (بیڈاکویلین ، پریٹومینیڈ اور لائنزولیڈ) اور بی پی اے ایل ایم(موکسفلوکساسن کے ساتھ)کی لاگت کی صورتحال کا جائزہ لیا ۔

تجزیے سے معلوم ہوا کہ بی پی اے ایل طریقۂ علاج نہ صرف زیادہ مؤثر ہے بلکہ اخراجات میں بچت کا باعث بھی بنتا ہے۔ معیارِ زندگی کے مطابق ایڈجسٹ کیے گئے ہر اضافی سالِ حیات(کیو اے ایل وائی)کے حصول پر معیاری طریقۂ علاج کے مقابلے میں صحت کے نظام کو فی مریض379 روپے کم خرچ کرنا پڑتا ہے جو کم لاگت میں بہتر صحت کے نتائج کی نشاندہی کرتا ہے۔

بی پی اے ایل ایم طریقۂ علاج بھی انتہائی لاگت مؤثر پایا گیا۔ جس میں معیاری طریقۂ علاج کے مقابلے میں ہر اضافی کیو اے ایل وائی کے حصول پر فی مریض صرف 37 روپے کا اضافی خرچ آتا ہے۔ دونوں طریقۂ علاج میں مجموعی صحت کی دیکھ بھال کے اخراجات، بشمول ادویات، اسپتال کے دورے اور بعد از علاج نگہداشت، کم یا تقریباً برابر پائے گئے۔

ملٹی ڈرگ ریزسٹنٹ/رفیمپیسن ریزسٹنٹ ٹی بی(ایم ڈی آر/آر آر-ٹی بی)طویل علاج، مضر اثرات اور زیادہ اخراجات کی وجہ سے علاج میں بڑے چیلنجز پیش کرتی ہے۔ مختصر اور مکمل طور پر زبانی علاجی نسخے علاج پر عمل درآمد کو بہتر بنا سکتے ہیں، مریضوں کی تکالیف کم کر سکتے ہیں اور انہیں جلد معمول کی زندگی کی طرف لوٹنے میں مدد دیتے ہیں، ساتھ ہی صحت کے نظام پر بوجھ بھی کم کرتے ہیں۔ یہ نتائج  ہندوستان میں ایم ڈی آر/آر آر-ٹی بی کے انتظام کے لیے مختصر، مکمل طور پر زبانی طریقہ علاج کے استعمال کی حمایت میں اہم معاشی شواہد فراہم کرتے ہیں۔

علاج کی مدت کو 9 سے 18 ماہ یا اس سے زیادہ کے بجائے صرف چھ ماہ تک محدود کر کےیہ طریقے وسائل کے بہتر استعمال اور ٹی بی کے خاتمے کی جانب پیش رفت کو تیز کرنے سے متعلق قومی ترجیحات سے ہم آہنگ ہیں۔

اس مطالعہ سے یہ نتیجہ اخذ ہوتا ہے کہ بی پی اے ایل پر مبنی علاجی طریقےیا تو اخراجات میں بچت کرنے والے ہیں یا بہت زیادہ لاگت والے ہو سکتے ہیں اور  ہندوستان میں دوا سے مزاحم تپِ دق کے خلاف اقدامات کو مضبوط بنانے کے لیے نیشنل ٹی بی ایلیمینیشن پروگرام (این ٹی ای پی)کے تحت ان کو عملی طور پر اپنانے پر غور کیا جا سکتا ہے۔

مکمل تحقیق درج ذیل لنک پر دستیاب ہے:

[https://ijmr.org.in/cost-effectiveness.pdf](https://ijmr.org.in/cost-effectiveness.pdf)

***

ش ح۔ م ح ۔ ج ا

U. No-2235