યુનિયન પબ્લિક સર્વિસ કમિશન (UPSC) સિવિલ સર્વિસીસ એક્ઝામિનેશન (CSE), 2026 અને ઇન્ડિયન ફોરેસ્ટ સર્વિસ (IFoS) એક્ઝામિનેશન, 2026 માટે સબમિટ કરેલા એપ્લિકેશન ફોર્મમાં ભૂલો સુધારવા માટે ઉમેદવારો માટે એક વખતની તક (one-time measure) તરીકે ત્રણ દિવસીય “કરેક્શન વિન્ડો” (Correction Window) ખોલવાનું આયોજન કરી રહ્યું છે. કરેક્શન વિન્ડો ઉમેદવારોને તેમની વિગતો સંપાદિત કરવાની અને કોમન એપ્લિકેશન ફોર્મ અને એક્ઝામિનેશન એપ્લિકેશન ફોર્મમાં, જ્યાં લાગુ પડતું હોય ત્યાં, જરૂરી સુધારા કરવાની તક પૂરી પાડશે. આવી જ સુધારાની સુવિધા ગયા વર્ષે NDA અને NA પરીક્ષા (II), 2025 અને CDS પરીક્ષા (II), 2025 ના ઉમેદવારો માટે પણ પૂરી પાડવામાં આવી હતી.

UPSC ઓનલાઇન એપ્લિકેશન પોર્ટલમાં ચાર ભાગોનો સમાવેશ થાય છે, જે હોમ પેજ પર અલગ કાર્ડ્સમાં ગોઠવાયેલા છે. આમાંથી ત્રણ - એકાઉન્ટ ક્રિએશન (Account Creation), યુનિવર્સલ રજીસ્ટ્રેશન (Universal Registration) અને કોમન એપ્લિકેશન ફોર્મ (Common Application Form) - તમામ પરીક્ષાઓ માટે સામાન્ય માહિતી ધરાવે છે અને ઉમેદવારો દ્વારા કોઈપણ સમયે ભરી શકાય છે. ચોથો ભાગ, એટલે કે પરીક્ષાઓ (Examinations), એ પરીક્ષા લક્ષી મોડ્યુલ છે અને તેમાં પરીક્ષાની સૂચનાઓ, પરીક્ષાનું ફોર્મ અને અરજીની સ્થિતિ (status) હોય છે.

“કરેક્શન વિન્ડો” વિશે વાત કરતા, UPSC ના અધ્યક્ષ ડૉ. અજય કુમારે જણાવ્યું હતું કે, “કમિશન અરજી પ્રક્રિયાને વધુ સુલભ, પારદર્શક અને ઉમેદવાર-મૈત્રીપૂર્ણ બનાવવા માટે પ્રતિબદ્ધ છે. પોર્ટલ અંતિમ સબમિશન પહેલાં બહુવિધ તપાસનો સમાવેશ કરે છે, તેમ છતાં અરજી પ્રક્રિયાની અખંડિતતા સુનિશ્ચિત કરવા અને અરજદારોની વાસ્તવિક ચિંતાઓને દૂર કરવા માટે એક વખતની તક તરીકે મર્યાદિત સુધારાની સુવિધા પૂરી પાડવામાં આવી રહી છે.”

ઓનલાઇન અરજી પ્રક્રિયા બંધ થયા પછી ત્રણ દિવસીય કરેક્શન વિન્ડો ખુલશે. ચોક્કસ તારીખો અને માન્ય સુધારાઓના વ્યાપ અંગેની વિગતવાર સૂચનાઓ યોગ્ય સમયે કમિશનની વેબસાઇટ પર સૂચિત કરવામાં આવશે.

નવું ઓનલાઇન એપ્લિકેશન પોર્ટલ 28 મે 2025 ના રોજ લોન્ચ કરવામાં આવ્યું હતું, જેણે અગાઉના વન ટાઈમ રજીસ્ટ્રેશન (OTR) મોડ્યુલનું સ્થાન લીધું હતું. સિવિલ સર્વિસીસ પરીક્ષા, 2026 અને ભારતીય વન સેવા પરીક્ષા, 2026 માટેની અરજીઓ આ પોર્ટલ દ્વારા સ્વીકારવામાં આવી રહી છે.

SM/DK/GP/JD

(રીલીઝ આઈડી: 2226723) મુલાકાતી સંખ્યા : 10