(a): کوآپریٹو سیکٹر (ڈبلیو ایل جی ایس پی) میں دنیا کے سب سے بڑے اناج ذخیرہ کرنے کے منصوبے کے تحت مدھیہ پردیش کے بالاگھاٹ ضلع کو پائلٹ ضلع کے طور پر منتخب کیا گیا تھا۔ پائلٹ پروجیکٹ کے تحت بالاگھاٹ ضلع میں بہو ادیشی پراتھمک کرشی سکھ سہکاری سوسائٹی مریادت پرسواڈا میں ایک 500 ایم ٹی گودام تعمیر کیا گیا تھا۔ یہ پروجیکٹ پوری طرح مکمل ہو چکا ہے اور 24 فروری 2024 کو وزیر اعظم نے اس کا افتتاح کیا تھا۔ گودام مدھیہ پردیش ویئر ہاؤسنگ اینڈ لاجسٹک کارپوریشن (ایم پی ڈبلیو ایل سی) نے کرایہ پر لیا ہے۔

(b): یہ منصوبہ حکومت ہند (جی او آئی) کی مختلف موجودہ اسکیموں جیسے کہ زرعی انفراسٹرکچر فنڈ، زرعی مارکیٹنگ انفراسٹرکچر اسکیم، زرعی میکانائزیشن پر ذیلی مشن، پردھان منتری فارملائزیشن آف مائیکرو فوڈ پروسیسنگ انٹرپرائز اسکیم کی مختلف موجودہ اسکیموں کو ملا کر پی اے سی ایس/ دیگر کوآپریٹو سوسائٹیوں کی سطح پر لاگو کیا جا رہا ہے۔ اے آئی ایف اسکیم کے تحت سود کی رعایت کا فائدہ پی اے سی ایس کو گوداموں کی تعمیر کے لیے لیے گئے قرض کے بدلے دیا جاتا ہے اور اے ایم آئی اسکیم کے تحت اناج کے ذخیرہ کی تعمیر کے لیے سبسڈی دی جاتی ہے۔ زراعت اور کسانوں کی بہبود کے محکمے نے اے آئی ایف اسکیم کے تحت قرض کی ادائیگی کی مدت پی اے سی ایس کے لیے 2+5 سے بڑھا کر 2+8 سال کی ہے اور اے ایم آئی اسکیم کے تحت درج ذیل ترامیم بھی کی ہیں:

• مارجن منی کی ضرورت کو 20 فیصد سے کم کر کے 10 فیصد کر دیا گیا ہے۔
• تعمیراتی لاگت کو میدانی علاقوں کے لیے 3000–3500/ایم ٹی سے بڑھا کر 7000/ایم ٹی اور شمال مشرقی ریاستوں کے لیے 4000/ایم ٹی سے 8000/ایم ٹی کر دیا گیا ہے۔
• پی اے سی ایس کے لیے سبسڈی کو 25 فیصد سے بڑھا کر 33.33 فیصد کر دیا گیا ہے (میدانی علاقوں کے لیے 875/ایم ٹی سے 2333/ایم ٹی اور شمال مشرقی ریاستوں کے لیے 1333.33/ایم ٹی سے 2666/ایم ٹی تک)۔
• پی اے سی ایس کے لیے، ذیلی بنیادی ڈھانچے جیسے اندرونی سڑکیں، وزنی پل، باؤنڈری وال وغیرہ کے لیے کل قابل قبول سبسڈی کا ایک تہائی اضافی سبسڈی فراہم کرنے کا انتظام کیا گیا ہے۔

(c): گاؤں/پی اے سی ایس کی سطح پر ڈی سینٹرلائزڈ اسٹوریج سے فارموں کے قریب سائنسی ذخیرہ کرنے اور کم سے کم ہینڈلنگ کو قابل بنا کر فصل کے بعد کے نقصانات کو نمایاں طور پر کم کرنے کی امید ہے۔ مقامی ذخیرہ بھی دور دراز گوداموں یا منڈیوں تک بار بار طویل فاصلے کی نقل و حرکت کو کم کر کے نقل و حمل کے فاصلے اور متعلقہ اخراجات کو کم کرتا ہے۔ اجتماعی طور پر، یہ اقدامات کسانوں کے لیے قیمتوں کی وصولی کو بہتر بناتے ہیں، سپلائی چین کی کارکردگی کو بڑھاتے ہیں اور غذائی تحفظ کے نتائج کو مضبوط بناتے ہیں۔

مرکزی وزیر داخلہ اور وزیر تعاون جناب امت شاہ نے راجیہ سبھا میں ایک تحریری جواب میں یہ معلومات فراہم کی۔

***

ش ح۔ ف ش ع

                                                                                                                                       U: 2178