بھارتی بحریہ کے سیل ٹریننگ جہاز آئی این ایس سُدرشنی نے 5 فروری 2026 کو عمان کے شہر صلالہ میں اپنے پہلے بندرگاہی دورے کا کامیابی کے ساتھ اختتام کیا۔ یہ دورہ جہاز کے دس ماہ کے بین الاقوامی سمندری سفر، لوکایان 26، میں ایک اہم سنگِ میل کی حیثیت رکھتا ہے، جس کا مقصد بھارت کی بھرپور بحری وراثت اور ’’وسودھائیوا کُتُمبکم‘‘ (دنیا ایک خاندان ہے) کے جذبے کو دنیا بھر میں اجاگر کرنا ہے۔

دورے کے دوران آئی این ایس سُدرشنی کے کمانڈنگ آفیسر نے عمان کی شاہی بحریہ کے جنوبی علاقے کے کمانڈر کپٹن محمد الغیلانی اور شاہی بحریہ کے جہاز ال معاذر کے کمانڈنگ آفیسر کپٹن محمد المہاری سے ملاقات کی۔ ان ملاقاتوں میں بھارت اور عمان کے تاریخی بحری تعلقات کو اجاگر کیا گیا اور دونوں بحری افواج کے درمیان دوستی کے رشتے مضبوط ہوئے۔ پیشہ ورانہ تعلقات کو جاری رکھتے ہوئے جہاز نے عمان کی شاہی بحریہ کے افسروں کو بھی جہاز کی رہنمائی شدہ سیر کی دعوت دی۔

لوگوں کے درمیان تعلقات کو فروغ دینے کے لیے یہ سیل ٹریننگ جہاز وزیٹرز کے لیے کھلا رکھا گیا۔ 600 سے زائد وزیٹرز، بشمول اسکول کے طلبہ، نے 3 مستری والے بارک جہاز کا قریب سے مشاہدہ کیا اور سمندر میں سیلنگ کے باریک پہلوؤں سے آگاہ ہوئے۔

آئی این ایس سدرشنی اب لوکایان 26 کے اگلے مرحلے کے لیے روانہ ہو رہی ہے، بھارت کی لازوال بحری وراثت کو سمندروں کے پار لے جانے کے لیے۔ مکمل سیل اور بلند حوصلوں کے ساتھ، یہ جہاز بحری مہارت، دوستی، اور حسنِ سلوک کی علامت کے طور پر اپنی خدمات جاری رکھے گا۔

******

ش ح۔ ش ا ر۔ ول

Uno-1910

(ریلیز آئی ڈی: 2225094) وزیٹر کاؤنٹر : 9