حکومت نے10جولائی 2025 کو‘ کھیلو بھارت نیتی-2025 ’کا آغاز کیا ہے ۔ اس پالیسی کا مقصد ہندوستان میں ایک مضبوط ، جامع اور کارکردگی پر مبنی کھیلوں کا ماحولیاتی نظام بنانا ہے ۔‘ نیتی کا ویژن ملک  کی تعمیر کے لیے کھیل ،  ملک  کی مجموعی ترقی کے لیے کھیلوں کی طاقت کا استعمال ہے’ ۔ اس ویژن کو حاصل کرنے کیلئے نیتی کئی اہم مقاصد پر توجہ مرکوز کرتی ہے ، جن کی تفصیلات https://yas.nic.in/sites/default/files/Khelo-Bharat-Niti2025_0.pdf پر پبلک ڈومین میں دستیاب ہیں ۔

کھیلو بھارت نیتی-2025 میں وہ اقدامات شامل ہیں جو نچلی سطح پر کھیلوں کے بنیادی ڈھانچے کو مضبوط بنانے اور شہری و دیہی علاقوں میں ابتدائی صلاحیتوں کی شناخت کی حمایت کرنے کے لیے ہیں اور اس کا مقصد کھیلوں کے مواقع کو وسیع تر بنانا ہے۔یہ پالیسی دیہی و شہری فرق کو دور کرنے کے لیے بنیادی تربیتی سہولیات، مخصوص کھیلوں کے انفراسٹرکچر اور مختلف سماجی طبقات کے کھلاڑیوں کے لیے مقابلوں کے پلیٹ فارمز تک بہتر رسائی کی تجویز پیش کرتی ہے جن میں خواتین، معذور افراد اور اقتصادی طور پر کمزور گروپس شامل ہیں۔یہ اسکول کی تعلیم کے ساتھ کھیلوں کے انضمام پر زور دیتی ہے، کمیونٹی کی شرکت کی حوصلہ افزائی کرتی ہے اور متعدد شراکت داروں کے درمیان تعاون کو فروغ دیتی ہے تاکہ کھیلوں تک رسائی بڑھائی جا سکے اور شمولیت میں رکاوٹوں کو کم کیا جا سکے۔ اس کے علاوہ یہ پالیسی جدید کھیلوں کے بنیادی ڈھانچے اور منظم تربیتی نظام میں سرمایہ کاری کے ساتھ ساتھ اعلیٰ سطحی تربیتی مراکز کی ترقی کا خاکہ پیش کرتی ہے، جس کا مقصد کھلاڑیوں کی تیاری کے مجموعی معیار کو بہتر بنانا ہے۔

چونکہ‘کھیل’ ایک ریاستی موضوع ہونے کے ناطے  کھیلوں کے فروغ اور ترقی کی بنیادی ذمہ داری بنیادی طور پر متعلقہ ریاستی/مرکز کے زیر انتظام علاقوں کی حکومتوں پر عائد ہوتی ہے ۔  مرکزی حکومت قومی کھیلوں کی پالیسی کے مطابق اپنی جاری اسکیموں اور پروگراموں کے ذریعے ان کوششوں کی تکمیل کرتی ہے  جو متعین رہنما خطوط اور رپورٹنگ فریم ورک کے اندر کام کرتے ہیں ۔  ان کی کارکردگی  جس میں  اثرات کا اندازہ محکمہ اخراجات کی طرف سے جاری کردہ تشخیصی رہنما خطوط کے مطابق تیسرے فریق کے جائزوں کے ذریعے کیا جاتا ہے، شامل ہیں ۔

یہ معلومات نوجوانوں کے امور اور کھیل کود کے وزیر ڈاکٹر من سکھ منڈاویہ نے جمعرات کو ایوان بالا-  راجیہ سبھا میں ایک سوال کے تحریری جواب میں دی ۔

************

ش ح۔ ظ ا۔ص ج  

 1795UR No: