حکومت نے سن 2047 تک 100 گیگا واٹ جوہری توانائی کی صلاحیت حاصل کرنے کے مقصد سے جوہری توانائی مشن کا اعلان کیا ہے۔ اس مشن کے اہداف کے حصول کے لیے حکومت نے جوہری توانائی کے شعبے میں نجی شعبے کی وسیع تر شرکت کو ممکن بنانے کی غرض سے شانتی ایکٹ بھی نافذ کیا ہے۔

حکومت نے سن 2033 تک پانچ مقامی چھوٹے ماڈیولر ری ایکٹرز (ایس ایم آر) کے ڈیزائن تیار کرنے کا اعلان کیا ہے۔ بی اے آر سی نے ایس ایم آرز کے ڈیزائن، ترقی اور قیام کا کام انجام دیا ہے، جن میں 220 میگا واٹ کا بھارت اسمال ماڈیولر ری ایکٹر، 55 میگا واٹ کا اسمال ماڈیولر ری ایکٹر، اور 5 میگا واٹ تک کا ہائی ٹمپریچر گیس کولڈ ری ایکٹر شامل ہیں۔ یہ ری ایکٹرز توانائی کے زیادہ استعمال والے شعبوں کے لیے کیپٹو پاور پلانٹس کے طور پر تعیناتی کے لیے موزوں ہیں۔ نیوکلیئر انرجی مشن کے تحت سن 2033 تک مقامی ایس ایم آرز کی تحقیق و ترقی کے لیے بھی فنڈز مختص کیے گئے ہیں۔

اس وقت سترہ جوہری ری ایکٹرز (بشمول پی ایف بی آر) مجموعی طور پر 13600 میگا واٹ کی صلاحیت کے ساتھ عمل درآمد کے مختلف مراحل میں ہیں، جن کے سن 2031-32 تک بتدریج مکمل ہونے کی توقع ہے۔ حکومت نے سن 2047 تک تقریباً 100 گیگا واٹ کی صلاحیت حاصل کرنے کے لیے ایک جامع روڈ میپ تیار کیا ہے۔ زیرِ نفاذ منصوبوں کی مرحلہ وار تکمیل کے نتیجے میں سن 2031-32 تک موجودہ جوہری توانائی کی صلاحیت کو تقریباً 22 گیگا واٹ تک بڑھانے کا منصوبہ ہے۔

یہ معلومات وزیر مملکت برائے امورِ عملہ، عوامی شکایات و پنشن اور وزیر اعظم کے دفتر، ڈاکٹر جتیندر سنگھ نے آج راجیہ سبھا میں ایک تحریری جواب کے ذریعے فراہم کیں۔

***

UR-1758

(ش ح۔اس ک  )

(ریلیز آئی ڈی: 2224117) وزیٹر کاؤنٹر : 9