INAS ਦੇ ਸ਼੍ਰੀ ਦਿਵਾਕਰ ਜਯੰਤ ਨੇ 2 ਫਰਵਰੀ 2026 ਨੂੰ ਰੱਖਿਆ ਮੰਤਰਾਲੇ ਦੇ ਨੇਵਲ ਹੈੱਡਕੁਆਰਟਰ ਵਿਖੇ ਨੇਵਲ ਅਰਮਾਮੈਂਟ (DGoNA) ਦੇ ਡਾਇਰੈਕਟਰ ਜਨਰਲ ਵਜੋਂ ਅਹੁਦਾ ਸੰਭਾਲਿਆ ਹੈ। ਉਹ ਸ਼੍ਰੀ ਪੀ. ਉਪਾਧਿਆਏ ਦੀ ਥਾਂ ਲੈਣਗੇ, ਜੋ 31 ਜਨਵਰੀ 2026 ਨੂੰ ਸੇਵਾਮੁਕਤ ਹੋਏ ਹਨ।

ਸ਼੍ਰੀ ਦਿਵਾਕਰ ਜਯੰਤ ਭਾਰਤੀ ਨੇਵਲ ਅਰਮਾਮੈਂਟ ਸੇਵਾ ਦੇ 1991 ਬੈਚ ਦੇ ਹਨ। ਉਨ੍ਹਾਂ ਨੇ 28 ਦਸੰਬਰ 1992 ਨੂੰ ਭਾਰਤੀ ਨੇਵੀ ਦੇ ਨੇਵਲ ਅਰਮਾਮੈਂਟ ਸੰਗਠਨ ਵਿੱਚ ਕਾਰਜਭਾਰ ਸੰਭਾਲਿਆ ਅਤੇ 33 ਵਰ੍ਹਿਆਂ ਦੀ ਸੇਵਾ ਮਿਆਦ ਦੌਰਾਨ ਮੁੰਬਈ, ਵਿਸ਼ਾਖਾਪਟਨਮ ਅਤੇ ਅਲਵਾਏ ਸਥਿਤ ਨੇਵਲ ਅਰਮਾਮੈਂਟ ਡਿਪੂਆਂ ਅਤੇ ਰਾਸ਼ਟਰੀ ਨੇਵਲ ਦਫ਼ਤਰ/ਰੱਖਿਆ ਮੰਤਰਾਲੇ ਵਿੱਚ ਚੀਫ਼ ਜਨਰਲ ਮੈਨੇਜਰ ਅਤੇ ਜਨਰਲ ਮੈਨੇਜਰ/ਪ੍ਰਿੰਸੀਪਲ ਡਾਇਰੈਕਟਰ ਸਮੇਤ ਕਈ ਸੀਨੀਅਰ ਅਹੁਦਿਆਂ 'ਤੇ ਕੰਮ ਕੀਤਾ ਹੈ। 

ਸ਼੍ਰੀ ਜਯੰਤ IIT ਦਿੱਲੀ ਤੋਂ ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਵਿੱਚ ਗ੍ਰੈਜੂਏਟ ਹਨ ਅਤੇ ਟੌਰਪੀਡੋ ਲਾਈਫਸਾਈਕਲ ਪ੍ਰਬੰਧਨ ਵਿੱਚ ਮਾਹਿਰ ਹਨ। ਉਹ ਵਿਸਫੋਟਕ ਬੁਨਿਆਦੀ ਢਾਂਚੇ ਦੇ ਪ੍ਰੋਜੈਕਟਾਂ ਦੀ ਯੋਜਨਾ ਬਣਾਉਣ ਵਿੱਚ ਮਾਹਿਰ ਹਨ। ਇਸ ਤੋਂ ਇਲਾਵਾ, ਉਨ੍ਹਾਂ ਨੂੰ ਮਨੁੱਖੀ ਸਰੋਤਾਂ ਅਤੇ ਪ੍ਰਸ਼ਾਸਨ ਦਾ ਵੀ ਵਿਆਪਕ ਗਿਆਨ ਹੈ। ਉਨ੍ਹਾਂ ਨੇ ਵੱਕਾਰੀ APPPA ਕੋਰਸ (2017-18) ਵੀ ਪੂਰਾ ਕੀਤਾ ਹੈ।

*************

ਵੀਐੱਮ/ਐੱਸਪੀਐੱਸ/ਏਕੇ