হৌদোকপা

ভারত অসি মালেমগী খ্বাইদগী চাউবা কেমিকেল পুথোকপা লৈবাকশিংগী মনুংদা তরুকশুবনি। মসিনা মালেমগী কেমিকেল ভেল্যু চেনশিংদা, মরুওইনা ভেল্যু হেন্না ৱাংবা অমসুং অখন্নবা সেগমেন্তশিংদা, মসিগী মফম অসি মখা তানা মপাঙ্গল কনখৎহন্নবা অচৌবা পোতেন্সিএল অমা লৈ। কেমিকেল সেক্তর অসি গুজরাত, ওদিশা, অন্ধ্র প্রদেশ অমসুং তামিল নাদুদা ইনভেস্তমেন্ত চিংশিন্নবা অমসুং থবক পীবা য়াবা মফম কয়া অমা লৈহন্দুনা ইন্দস্ত্রীএল গ্রোথ অমসুং এক্সপোর্তকী মরুওইবা দ্রাইভর অমা ওইরি। মসিগী ফাউন্দেসন অসিদা য়ুম্ফম ওইদুনা, ইনফ্রাস্ত্রকচর ইন্তিগ্রেসন, রেগ্যুলেতরী প্রোসেসশিং স্ত্রাইমলাইজ তৌবা, অমসুং ইনভাইরনমেন্ত কমপ্লাইএন্স ফ্রেমৱার্কশিং মপাঙ্গল কনখৎহন্দুনা কম্পিতিতিবনেস হেনগৎহন্নবগী খুদোংচাবা হেনগৎলক্লি।

মসিগী মতাংদা, কেন্দ্রগী বজেৎ ২০২৬-২৭দা দিদিকেতেদ কেমিকেল পার্কশিং লিংখৎনবা সরকারনা পুখৎলক্লিবা ৱাফম অসি তুংলমচৎকী ওইবা, ইনফ্রাস্ত্রকচরনা লুচিংবা, অমসুং সপ্লাই সাইদকী খোংথাং অমনি। বি.ই.এফ.ৱাই. ২০২৬-২৭দা লুপা করোর ৬০০গী বজেৎ এলোকেৎ তৌগনি। ইন্তিগ্রেতেদ, প্লগ-এন্দ-প্লে (শীজিন্ননিংবা মতমদা শীজিন্নবা য়ারবা) ফেসিলিতীশিং অমসুং কোওর্দিনেতেদ গবর্নান্স পীদুনা, হায়রিবা পার্কশিং অসিনা প্রোজেক্তকী তাইমলাইন অমসুং কোস্তশিং হন্থহল্লগনি, ক্লস্তরদা য়ুম্ফম ওইবা সিনর্জিশিং ফগৎহল্লগনি, অমসুং মালেমগী থাক্তা চাংদম্নবা ঙম্বা অমসুং ইনক্লুসিব গ্রোথ শৌগৎপা কেমিকেল মেন্যুফেকচরিং ইকোসিস্তেমশিং শেমগনি হায়না পানরি।

২০২৬-২৭গী য়ুনিয়ন বজেৎ: দোমেস্তিক কেমিকেল মেন্যুফেকচরিংবু ফগৎগৎহনবা

২০২৬-২৭গী য়ুনিয়ন বজেৎনা রাজ্যশিংদা চেলেঞ্জদা য়ুম্ফম ওইবা সেলেক্সন মেকানিজম অমগী খুত্থাংদা দেদিকেতেদ কেমিকেল পার্ক অহুম শেমগৎপদা মতেং পাংনবা অনৌবা স্কিম অমা হৌদোক্লে। বি.ই.এফ.ৱাই. ২০২৬-২৭দা লুপা কোতি ৬০০গী বজেৎ এলোকেসন পীগনি। হায়রিবা পার্কশিং অসি ক্লেস্তরদা য়ুম্ফম ওইবা, প্লগ-এন্দ-প্লে মেন্যুফেকচরিং ইকোসিস্তেমশিংনি, অমসুং কম্মন ইনফ্রাস্ত্রকচর অমসুং শেয়র তৌরবা ফেসিলিতীশিংনা সপোর্ত তৌরি। ইনিসিএতিব অসিনা কেমিকেল পার্ক ইনফ্রাস্ত্রকচরগীদমক্তা অখন্নবা বজেৎ সপোর্তকী অহানবা ইন্সতেন্সন অদু উৎলি। মসিগী পান্দমদি লৈবাক অসিগী পোৎ পুথোকপগী তৌবা ঙম্বশিং মপাঙ্গল কনখৎহনবা, সপ্লাই চেন পুন্সিন্নবা হেনগৎহনবা অমসুং কেমিকেল সেক্তরদা ইম্পোর্তকী মখা পোনবা হন্থহনবনি।

কেমিকেল ইন্দস্ত্রী: মীৎয়েং অমা

ভারতকী কেমিকেল ইন্দস্ত্রী অসি মেন্যুফেকচরিং ইকোসিস্তেমগী য়ুম্ফম অমনি। মসিনা নেস্নেল জি.দি.পি.দা চাদা ৭গী চাংদা কন্ত্রিব্যুৎ তৌবগা লোয়ননা লৌউ-শিংউ, ফার্মাসিউতিক্স, তেক্সতাইল, ওতোমোবাইল অমসুং কন্সত্রক্সনগুম্বা মরুওইবা সেক্তরশিংদা মরুওইবা ইনপুতশিং সপ্লাই তৌরি। মালেমগী ওইনা তরুকশুবা অমসুং এসিয়াদা অহুমশুবা খ্বাইদগী চাউবা কেমিকেল পুথোকপা লৈবাক অমা ওইনা, ভারতনা পোৎথোক ৮০,০০০ হেন্না পুথোক্লি। মসিদা ব্রোদ স্তেক্ত্রম অমসুং স্পেসিএল কেমিকেলশিং, এগ্রো কেমিকেলশিং, পেত্রোকেমিকেলশিং, পোলিমরশিং অমসুং ফর্তিলাইজরশিং য়াওরি। মসিগী পাক চাউবা স্পেক্ত্রম অসিগী মনুংদা, অখন্নবা কেমিকেলশিং অসি ভারতকী প্রোসেস কেপাবিলিতীশিং, মমলগী চাংদম্নবা ঙম্বা অমসুং ইনোবেসন কেপাবিতী হেনগৎলক্লিবা অসিনা শৌগৎলদুনা তুংকোইনা মপাঙ্গল লৈগদবা সেগমেন্ত অমা ওইনা থোরক্লি। মসিগী স্ত্রকচরেল ওইবা মরুওইবা অদু উৎলদুনা, ইকোনোমিক সর্ভে ২০২৫-২৬না হায়রি মদুদি কেমিকেল সেক্তরনা হৌখিবা চহী তরা অসিদা পুথোকপগী চাং লেপ্তনা হেনগৎলকপগা লোয়ননা ফেনতেকচরিংগী গ্রোস ভেল্যু এদেদকী চাদা ৮.১ ওইরি। মরুওইবা কেমিকেলশিং অমসুং পেত্রোকেমিকেলশিংগী পুথোকপা অসি এফ.ৱাই.১৬দা মেত্রিক তন লিশিং ৪৫,৬৩৮দগী এফ.ৱাই.২৫দা মেত্রিক তন ৫৮,৬১৭দা হেনগৎখি। মসিনা সি.এ.জি.আর.দা চাদা ২.৮ য়ৌহল্লে।

কেমিকেল পার্কশিংগী স্ত্রেতেজিক ফোকস

কেমিকেল পার্কশিং অসি কেমিকেল সেক্তরগী য়ুম্ফমশিং মপাঙ্গল কনখৎহন্নবগীদমক মপুং ফাবা, ইনফ্রাস্ত্রকচরনা লমজিংবা সপ্লাই সাইদ ইনিসিএতিব অমা ওইনা খল্লবনি।

কেমিকেল পার্কশিংগী হৌজিক্কী লেন্দস্কেপ অমসুং মরম চাবা ৱাফম

ভারতকী কেমিকেল ইন্দস্ত্রীনা প্লাস্তিক পার্কশিং, বাল্ক দ্রগ পার্কশিং, অমসুং পেত্রোলিয়ম, কেমিকেলশিং অমসুং পেত্রোকেমিকেলশিং ইনভেস্তমেন্ত রিজনশিং (পি.সি.পি.আই.আর.এস.) গুম্বা ক্লস্তর-বেজ দিবেলপমেন্ত মোদেলশিংদগী কান্নবা ফংখ্রে। মখোয়না শরুক য়ামিন্নবা ইনফ্রাস্ত্রকচর, এঙ্কর ইনভেস্তমেন্তশিং অমসুং কোওর্দিনেতেদ প্লান্নিংগী কান্নবশিং উৎলি। মায় পাক্লবা এক্সপরিয়েন্সশিং অসিদা য়ুম্ফম ওইদুনা, প্রপোজ কেমিকেল পার্কশিং অসি বল্ক, স্পেসিএলিটি অমসুং দাউস্ত্রিম সেগমেন্তশিং য়াওনা হেন্না পাক-চাউবা কেমিকেল ভেল্যু চেনগী ইন্তিগ্রেতেদ এপ্রোচ অমা ওইনা পান্দম থম্লি।

প্লগ-অন্দ-প্লে ইন্দস্ত্রীএল ইনফ্রাস্ত্রকচর, কমন য়ুতিলিতীশিং, লোজিতিক্স সপোর্ত, অমসুং সিমুলেত তৌরবা রেগুলেতরী ফেসিলিতেসন অমখক্তদা ফংহন্দুনা, ইনিসিয়েতিব অসিনা ইন্দস্ত্রীগী ইনফ্রাস্ত্রকচর, কমন য়ুতিলিতীশিং, লোজিতিক্স সপোর্ত, অমসুং সিমুলেত তৌরবা রেগুলেতরী ফেসিলিতেসনশিং,

• প্রোজেক্ত শেমগৎপগী মতম অমসুং কেপিতেল কোস্ত হন্থহনবা,
• অচৌবা ইকোনোমিশিং হেন্না মপাঙ্গল কনখৎহনবা অমসুং তুংগী অমসুং মাংলোমদা পুন্সিনবা ঙমহনবা,
• শেয়র তৌরবা ফেসিলিতীশিংগী খুত্থাংদা এনভাইরনমেন্ত মেনেজমেন্ত অমসুং ইন্দস্ত্রিএল সেফতী ফগৎহনবা, অমসুং
• দোমেস্তিক অমসুং গ্লোবেল কেমিকেল মার্কেত অনিমক্তা ভারতকী কম্পিতিতিবনেস হেনগৎহনবা।

পলস্তিক পার্কশিং, বল্ক দ্রগ পার্কশিং অমসুং পি.সি.পি.আই.আর.গুম্বা প্রোপোজ কেমিকেল পার্কশিং অমসুং হৌজিক লৈরিবা ক্লস্তরদা য়ুম্ফম ওইবা ইনিসিয়েতিবশিং অসিনা পুন্না কেমিকেল সেক্তরদা ক্লস্তরনা লুচিংবা ইন্দস্ত্রীএল দিবেলপমেন্তকীদমক ইন্তিগ্রেতেদ পোলিসী আর্কিতেকচর অমা শেমগৎলি। তেক্নোলোজী শিজিন্নবা, ইন্নোবেসন অমসুং সস্তেনেবিলিতী পুক্নিং থৌগৎনবা পান্দম থম্লবা পোলিসী সপোর্ত অমসুং থৌরাংশিং অসিনা মতেং পাংদুনা, অপুনবা থৌওং অসিনা লাক্কদৌরিবা দিকেদ অসিদা দোমেস্তিক মেন্যুফেকচরিং কেপাসিতীশিং হেন্না চেৎশিলহল্লগনি অমসুং মালেমগী কেমিকেল ভেল্যু চেনশিংদা ভারতকী ইন্তিগ্রেসন হেঙ্গৎহল্লগনি হায়না পানরি।

প্লাস্তিক পার্কশিং লিংখৎনবা স্কিম

প্লাস্তিক পার্কশিং অসি প্লাস্তিক ৱেস্ত মেনেজমেন্ত, রিসাইকলিং প্রমোৎ তৌবা অমসুং কেমিকেল ইন্দস্ত্রীদা মতেং পাংনবা ভারতকী স্ত্রেতেজিগী ইন্তিগ্রেন্ত ওইবা শরুক অমা ওইনা থোক্লক্লি। প্লাস্তিক পার্ক অমা হায়বসি প্লাস্তিককা মরী লৈনবা ব্যুজিনেসশিং অমসুং ইন্দস্ত্রীশিংগীদমক্তা অখন্ননা শেম্বা ইন্দস্ত্রীএল জোন অমনি। কেমিকেল্স অমসুং পেত্রোকেমিকেল্স দিপার্তমেন্তনা প্লাস্তিক প্রোসেসিং ইন্দস্ত্রীগী কেপাসিতী কনসোলিদেৎ তৌনবা অমসুং সিনর্জিজ তৌনবা, থবক ফংহন্দুনা ইনবেস্তমেন্ত, প্রদক্সন অমসুং এক্সপোর্ত প্রমোৎ তৌনবা পান্দমদা স্কিম অসি (2013-2014) শেমখি। পোলিমর অমসুং প্লাস্তিকশিংদা রিসর্স অমসুং দিবেলপমেন্ত পুক্নিং থৌগৎনবা, দিপার্তমেন্ত অসিনা তোঙান তোঙানবা নেস্নেল লেবেল ইন্সতিত্যুৎশিংদা সেন্তর ওফ এক্সিলেন্স ১৩ লিংখৎলে। স্কিম অসিনা পার্ক অমমমগী লুপা করোর ৪০ ফাওবগী মনুংদা প্রোজেক্ত কোস্তকী চাদা ৫০ ফাওবগী সেন্ত্রেল গ্রান্ত সপোর্ত পীরি। অসাম, মধ্য প্রদেশ, ওদিশা, ঝারখন্দ, তামিল নাদু, উত্তরাখন্দ, ছত্তিসগর, কর্নাতকা অমসুং উত্তর প্রদেশ য়াওনা তোঙান তোঙানবা রাজ্যশিংদা হৌজিক ফাওবদা প্লাস্তিক পার্ক ১০গী অয়াবা পীখ্রে।

বল্ক দ্রগ পার্কশিং প্রমোৎ তৌনবা স্কিম

লৈবাক অসিদা হেল্থকেয়র পীনবদা হিদাক-লাংথকশিং অসি মরু ওই। অমসুং মখোয়বু লেপ্পা লৈতনা ফংহনবা অসি নাগরিকশিংদা মমল হোংবা, মগুন লৈবা কেয়র পীনবগীদমক তঙাইফদবা অমনি। ফার্মা সেক্তর অসি মখা তানা চাউখৎলকপগা লোয়ননা, মসিগী তুং কোইনা চাউখৎলকপা অসি অৱাংবা থাক্কী বল্ক দ্রগশিংগী থাজবা য়াবা সপ্লাই অমা লৈহনবা অমসুং এমর্জেন্সীগী মতমদা মেনুফেকচরিং কেপাসিতী য়াম্না থুনা হেনগৎহনবা ঙম্বগী মতিক অদুদগী হেন্না মখা পোল্লি।

মসিগী মতাংদা, দোমেস্তিক কেপাসিতী মপাঙ্গল কনখৎহনবা অমসুং য়াম্লবা হিদাক পুথোকপদা মশা মথন্তা থাজবা ফংহনবা অসি স্ত্রেতেজিক ওইবা মরুওইবা অমা ওইরে। মেনুফেকচরিং কোস্ত হন্থহন্নবা, কম্পিতিতিবনেস হেনগৎহন্নবা অমসুং বল্ক দ্রগ সেগমেন্তদা ইনফ্রাস্ত্রকচরগী অৱাৎপশিং কোকহন্নবা সরকারনা ২০২০দা প্রোমোসন ওফ বল্ক দ্রগ পার্ক স্কিম হৌদোকখি।স্কিম অসিনা ফার্মাসিউটিকল রেসিলিয়েন্সকী মরুওইবা থৌদাং অমা ওইরক্লি। মসিনা কম্মন ইনফ্রাস্ত্রকচর, স্তেন্দর্দ তেস্তিং ফেসিলিতীশিং অমসুং শেয়র তৌরবা য়ুতিলিতীশিংদা এক্সেস লৈহনবদা মতেং পাংলি। মসিনা মমল হোংবা, স্কেল তৌবা য়াবা অমসুং সেক্যুর ওইবা দোমেস্তিক বল্ক দ্রগ পুথোকপদা মতেং পাংলি। মসিনা ইন্দস্ত্রীবু রিসোর্স ওপ্তিমাইজেসন অমসুং স্কেল ইকোনোমিশিং লাইথোকহন্দুনা ইনোভেতিব ওইবা কমন ৱেস্ত মেনেজমেন্ত সিস্তেমশিংগী খুত্থাংদা হেন্না হন্থবা মমলদা অকোইবগী ফিভমগা মরি লৈনবা স্তেন্দর্দশিং মপুং ফাহনবা ঙমহল্লি।

মালেমগী থাক্তা লৈবা কমন ইনফ্রাস্ত্রকচরগী খুদোংচাবশিং শেমদুনা বল্ক দ্রগ মেনুফেকচরিংগী মমল হন্থহন্নবা প্রমোসন ওফ বল্ক দ্রগ পার্ক স্কিমনা গুজরাত, হিমাচল প্রদেশ, অমসুং অন্ধ্র প্রদেশতা বল্ক দ্রগ পার্ক অহুম লিংখৎনবা পুন্না লুপা করোর ৩,০০০ থাদদুনা মতেং পাংলি।

স্কিম অসিগী মখাদা, কম্মন ইনফ্রাস্ত্রকচর ফেসিলিতীশিং (সি.আই.এফ.) শেমগৎপদা শেলগী তেংবাং পীরি।

• সেন্ত্রেল ইফ্ল্যুএন্ত ত্রিৎমেন্ত প্লান্তশিং (CETP)
• সলিদ ৱেস্ত মেনেজমেন্ত
• নোংগী ঈশিং দ্রেনেজ নেৎৱার্ক
• কম্মন সোলভেন্ত স্তোরেজ সিস্তেম, সোলভেন্ত রিকভরী অমসুং দিস্তিলেশন প্লান্ত
• কম্মন ৱেয়রহাউস
• ফেক্তরীগী থোংদা মথৌ তাবা ত্রান্সফোর্মরশিংগা লোয়ননা দেদিকেতেদ পৱার সব-ষ্টেসন অমসুং দিস্ত্রিব্যুসন সিস্তেম
• কাঁচা, থক্নবা অমসুং দেমিনরেলাইজ তৌরবা ঈশিং
• স্তীম জেনেরেসন অমসুং দিস্ত্রিব্যুসন সিস্তেম
• কমন কুলিং সিস্তেম অমসুং দিস্ত্রিব্যুসন নেৎৱার্ক
• কমন লোজিস্তিক্স
• এ.পি.আই.শিংগী অরুবা তেস্তিং/রিসর্চকী মথৌ তাবশিং ফাওবদা চানবা, মাইক্রোবাইওলোজী লেবোরেতরী অমসুং স্তেবিলিতী চেম্বরশিং য়াওনা এদভান্স লেবোরেতরী তেস্তিং সেন্তর
• ইমর্জেন্সী রেস্পোন্স সেন্তর
• সেক্যুরিতী/কেয়রলেজ ওপরেসন ওদিৎ সেন্তর, অমসুং
• সেন্তর ওফ এক্সিলেন্স, অসিনচিংবা রাজ্য সরকার/ রাজ্য কোর্পোরেসননা প্রমোৎ তৌবা লাক্কদৌরিবা বল্ক দ্রগ পার্ক অমদা।

পেত্রোলিয়ম, কেমিকেলস অমসুং পেত্রোকেমিকেল ইনভেস্তমেন্ত রিজনশিং (পি.সি.পি.আই.আর.শিং)

পেট্রোলিয়ম, কেমিকেলস অমসুং পেট্রোকেমিকেল ইনভেষ্টমেন্ট রিজন (পি.সি.পি.আই.আর.) হায়বসি দোমেষ্টিক অমসুং এক্সপোর্ত-লিদ কেমিকেল অমসুং পেট্রোকেমিকেল মেন্যুফেকচরিংগীদমক্তা শেম্বা অখন্ননা শেমদোক্লবা ইনভেষ্টমেন্ট রিজন অমনি। লমদম অসিদা পুথোক পুশিন তৌবা য়ুনিৎশিং, য়ুতিলিতীশিং, লোজিস্তিক্স, অকোইবগী ফিভম ঙাক শেনবগী পথাপশিং, অমসুং এদমিনিস্ত্রেতিব সর্ভিসশিং পুনশিন্দুনা অপুনবা অমসুং কোওর্দিনেৎ ইন্দস্ত্রিএল দিবেলপমেন্ত তৌবা ঙমহল্লি। থৌওং অসিনা কো-লোকেসন, শেয়র তৌরবা ইনফ্রাস্ত্রকচর, অমসুং ইন্তিগ্রেতেদ প্লান্নিংবু রিজনেল দিবেলপমেন্তদা মতেং পাংদুনা মেন্যুফেকচরিং, এক্সপোর্ত, অমসুং এমপ্লোইমেন্ত হেনগৎহন্নবগীদমক শিজিন্নৈ। হৌজিক্কী ওইনা, পি.সি.পি.আই.আর. অহুম অসি অন্ধ্র প্রদেশ (বিশাখাপত্নম), গুজরাত (দহেজ), অমসুং ওদিশা (পরদীপ) রাজ্যশিংদা দিজাইন তৌখ্রে।

প্লাস্তিক পার্কশিং, বল্ক দ্রগ পার্কশিং, পি.সি.পি.আই.আর.শিং অমসুং কেমিকেল পার্কশিং অসিনা ভারতকী স্ত্রেতেজিক্কী ওইবা স্কেল, ইফিসেন্সী অমসুং সস্তেনেবিলিতীদা য়ুম্ফম ওইবা ক্লস্তর-বেজ ইন্দস্ত্রীএল দিবেলপমেন্তকী মায়কৈদা অহোংবা পুরকপগী মমি তারি। প্লাস্তিক পার্কশিং অমসুং বাল্ক দ্রগ পার্কশিংনা শেয়র তৌরবা ইনফ্রাস্ত্রকচরগী কান্নবশিং, মমল হন্থবগী চাং অমসুং অকোয়বগী ফিভম ফগৎহনবগী মওংদা অকক্নবা সেগমেন্তশিংদা কান্নবা উৎলবসু, কেমিকেল পার্কশিংনা ইন্তিগ্রেতেদ, প্লগ-এন্দ-প্লে মোদেল অসিবু হেন্না পাক শন্না কেমিকেল ভেল্যু চেনগী মনুংদা পাকথোক চাউথোকহন্দুনা হেন্না মরুওইবা লৌই।

ভারতনা কেমিকেল মেন্যুফেকচরিং কেপাসিতী হেনগৎলকপগা লোয়ননা, অকোইবগী ফিবম অমসুং ইন্দস্ত্রীএল সেফতী রিস্কশিং অসি হেন্না মরু ওইরক্লি। অশাংবা মতমগী ওইবা গ্রোথপু সপোর্ত তৌনবগীদমক্তা, অকোয়বগী ফিভম মেনেজমেন্তকী মপাঙ্গল কনবা সিস্তেমশিং লৈহনবা অমসুং অচৌবা ইন্দস্ত্রীএল ক্লস্তরশিংদা অৱাংবা সেফতী স্তেন্দর্দশিং লৈহনবা অসি তঙাই ফদে।

ইনভাইরনমেন্ত মেনেজমেন্ত অমসুং ইন্দস্ত্রিএল সেফতী মপাঙ্গল কনখৎহনবা

২০২৫গী দিসেম্বরদা হৌদোকখিবা কার্বন কেপচর, য়ুতিলাইজেসন, অমসুং স্তোরেজ (সি.সি.য়ু.এস.) গুম্বা গ্রীন ইনিসিএতিবশিংনা কার্বন দাইওক্সাইদ অসি এত্মোস্ফিয়রদা চংদ্রিঙৈদা কেপচর তৌদুনা, অমুক হন্না শিজিন্নদুনা, নৎত্রগা সেক্যুর ওইনা স্তোরেজ তৌদুনা ইন্দস্ত্রীএল কার্বন ইমিসন হন্থহন্দুনা মরুওইবা থৌদাং অমা লৌরি। ২০২৬-২৭গী য়ুনিয়ন বজেৎনা ইমিসন ইন্তেন্সিব ওইবা সেক্তরশিংদা কার্বন হন্থবা তেক্নোলোজী শিজিন্ননবা অচৌবা থৌরাং অমা পায়খৎলি। লাক্কদৌরিবা চহি মঙা অসিদা কেমিকেল সেক্তর য়াওনা মরুওইবা ইন্দস্ত্রীশিংদা কার্বন কেপচর, য়ুতিলাইজেসন অমসুং স্তোরেজ (সি.সি.য়ু.এস.) তেক্নোলোজীশিং শেমগৎনবা অমসুং শিজিন্ননবা লুপা করোর ২০,০০০গী এলোকেসন অমা লাউথোকখ্রে।

মসিগী মতাংদা, ইন্তিগ্রেতেদ কেমিকেল পার্কশিংনা ক্লাইমেৎ এম্বিসন অসি থবক ওইনা পাংথোক্নবগীদমক্তা মপুং ফানা অমসুং মপাঙ্গল কনখৎহল্লিবা প্লেৎফোর্ম অমা পীরি। কেমিকেল পার্কশিং অসিনা সি.সি.য়ু.এস. অমসুং অতোপ্পা ক্লিন তেক্নোলোজীশিং শেন-থুমগী মতুং ইন্না শীজিন্নবদা য়াম্না মরু ওইরিবা কম্মন এনভাইরনমেন্ত ইনফ্রাস্ত্রকচর, শেয়র তৌরবা য়ুতিলিতীশিং অমসুং কোওর্দিনেৎ তৌরবা গবর্নান্স ফ্রেমৱার্কশিং ফংহন্নবা পান্দম থম্লি। য়ুনিৎ অমখক্তদা য়ুনিৎশিংবু কাংলুপ খায়দোকপা অসিনা ইমিসন মেনেজমেন্ত, ৱেস্ত ত্রিৎমেন্ত, অমসুং ইনর্জী-ইফিসিএন্সীগী খোঙথাংশিং স্কেলদা ইমপ্লিমেন্ত তৌবা, য়ুনিৎ অমগী মমল হন্থহনবা অমসুং কমপ্লাইএন্স ফগৎহনবা ঙমহল্লি।

অরোইবা ৱারোইশিন

দেদিকেতেদ কেমিকেল পার্ক অহুম লিংখৎপা অসিনা ভারতকী দোমেস্তিক কেমিকেল মেন্যুফেকচরিং ইকোসিস্তেমবু পান্দম থমদুনা ইনফ্রাস্ত্রকচরনা লুচিংবা এপ্রোচ অমগী খুত্থাংদা মপাঙ্গল কনখৎহনবদা চাউনা খুমাং চাউশিল্লগনি। কাংলুপতা য়ুম্ফম ওইবা, প্লাগ-এন্দ-প্লে ফেসিলিতীশিং শেয়র তৌরবা য়ুটিলিতিশিং অমসুং কম্মন ইনফ্রাস্ত্রকচরনা মতেং পাংদুনা ইনিসিয়েতিব অসিনা সেক্তর অসিদা স্কেল, ভেল্যু চেন ইন্তিগ্রেসন অমসুং কম্পিতিতিবিতীদা অৱাবা ওইহল্লিবা মতম শাংনা লৈরক্লবা স্ত্রকচরেল ওইবা অথিংবশিং কোকহল্লগনি।

২০২৬-২৭ ফাওবগী য়ুনিয়ন বজেৎতা ফোংদোকখিবা মরুওইবশিং অদুগা মান্ননা, কেমিকেল পার্ককী খোংথাং অসিনা ইনভেস্তমেন্ত কেতালাইজ তৌগনি, ইম্পোর্ত সস্তেপ্তেসন লায়থোকহল্লগনি, এম.এস.এম.ই.শিংবু ওর্গানাইজ তৌরবা অমসুং ইফিসিএন্ত ভেল্যু চেনশিংদা পুন্সিনহল্লগনি, থবক পীবা ফংহল্লগনি অমসুং অকোইবগী ফিবম ফগৎহনগদবা মেন্যুফেকচরিংগী থবকশিং প্রমোৎ তৌগনি হায়না পানরি। মসিগা মান্ননা, কার্বন কেপচর, য়ুতিলাইজেসন অমসুং স্তোরেজ (সি.সি.য়ু.এস.) গীদমক বজেৎকী মতেং অসি কেমিকেল পার্কশিংবু মপুং ফাহল্লি। অমরোমদা, সি.সি.ই.এস.কী ফন্দিংনা কার্বন য়াম্না হন্থবা ইনোবেসনবু মতেং পাংই, কেমিকেল পার্কশিংনা শেল চঙনা শীজিন্নবদা মথৌ তাবা ইনফ্রাস্ত্রকচর অমসুং মতেং পী। মরম অসিনা, কেমিকেল পার্ককী খোংথাং অসি সপ্লাই চেনগী রেসিলিয়েন্স হেনগৎহন্নবা অমসুং কেমিকেল মেন্যুফেকচরিংগী মালেমগী থাক্তা কম্পিতিতিব অমসুং থাজবা য়াবা হব অমা ওইনা ভারতকী মওং-মতৌ অসিবু মপাঙ্গল কনখৎহন্নবা থম্লি।

রিফরেন্সশিং

২০২৬-২৭কী বজেৎ

https://www.indiabudget.gov.in/doc/Budget_at_Glance/budget_at_a_glance.pdf

আই.বি.এফ.

https://www.ibef.org/blogs/how-the-chemical-industry-is-preparing-for-a-sustainable-future

https://www.ibef.org/industry/chemical-industry-india

লোক সভা অমসুং রাজ্য সভা

https://sansad.in/getFile/annex/269/AU245_FPMAK0.pdf?source=pqars

কেমিকেল অমসুং ফর্তিলাইজরগী মন্ত্রালয়

https://chemicals.gov.in/pcpir

https://chemicals.gov.in/sites/default/files/Policies/PCPIRPolicy.pdfhttps://pharmadept.gov.in/sites/default/files/Gazettee%20notification%20of%20bulk%20drug%20schemes_0_2.pdf

https://www.pib.gov.in/Pressreleaseshare.aspx? PRID=1845023&reg=3&lang=2

https://www.pib.gov.in/PressReleasePage.aspx? PRID=2221676&reg=3&lang=2

সাইন্স অমসুং তেক্নোলোজী মন্ত্রালয়

কার্বন কেপচর, য়ুতিলাইজেসন অমসুং স্তোরেজ (সি.সি.য়ু.এস.)

নীতি আয়োগ

https://niti.gov.in/sites/default/files/2025-07/NITI-Aayog-Chemical-industry-report.pdf

পি আই বি

https://www.pib.gov.in/PressReleasePage.aspx? PRID=2120876&reg=3&lang=2

pdf য়েংনবগীদমক মফমসিদা নম্বীয়ু

***