এগ্রো-ফোরেস্ত্রী অমসুং বেম্বু সেক্তরশিং প্রমোসন তৌবা অসি মরুওইনা রাজ্য সরকারশিংনা পায়খৎলি। অদুম ওইনমক, ভারত সরকারনা লৌউ-শিংউ অমসুং লৌমীশিংগী য়াইফ-থৌরাং মন্ত্রালয়, এনভাইর্নমেন্ত, ফোরেস্ত অমসুং ক্লাইমেৎ চেঞ্জ মন্ত্রালয় অমসুং অৱাং-নোংপোক লমদমগী চাউখৎ-থৌরাং মন্ত্রালয় (দি.ও.এন.ই.আর.)নসু সেক্তরশিং অসিদা অখন্নবা প্রোজেক্তশিংদা সপ্পোর্ত পীদুনা রাজ্যশিংগী খোঙথাংশিংদা মতেং পাংশিল্লি।

লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী মতুং ইন্না, এগ্রোফোরেস্ত্রী প্রমোৎ তৌনবা সরকারনা ২০২৩-২৪দগী প্রধান মন্ত্রী রাস্ত্রিয় কৃশি বিকাস য়োজনা (পি.এম.আর.কে.ভি.ৱাই.) গী মখাদা সেন্ত্রেল্লী স্পোন্সর তৌরবা স্কিম অমা চৎনহল্লে। স্কিম অসিনা নর্সরীশিং লিংখৎপা অমসুং মপাঙ্গল কনখৎহনবা অমসুং ফার্মলেন্দশিংদা উ থাবা মফমগী কভর হেনগৎহন্নবা লৌমীশিংদা মরু, পাম্বী চারা, ক্লোন, হাইব্রিদ অমসুং ফগৎহল্লবা মখলশিং য়াওনা ক্বালিতী প্লান্টিং মেতরিএল সপ্লাই তৌবদা মীৎয়েং থম্লি। লৈবাক অসিগী অৱাং-নোংপোক লমদম য়াওনা রাজ্য/য়ু.তি.শিংনা মসি ইমপ্লিমেন্ত তৌরি। অসামদা, কার্বি অংলং অমসুং দিমা হাসাও জিলাশিং য়াওনা নর্সরীশিং শেমগৎপা, ত্রেনিং পীবা, অমসুং উ চারা লেম্না য়েন্থোকপদা মতেং পাংলি।

স্কিম অসিনা রাজ্যশিং/য়ু.তি.শিংনা পীশিনবা চহিগী এক্সন প্লানশিংগী খুত্থাংদা থবক পায়খৎলি অমসুং নর্সরীশিং অমসুং এগ্রোফোরেস্ত্রী দেমোন্সত্রেসন প্লোৎশিংগুম্বা থবক থৌরমশিংদা মতেং পাংলি। অসামদা লুপা করোং ১,০০০গী শেনফম পীখি। ২০২৩-২৪দগী ২০২৪-২৫ ফাওবগী মনুংদা লুপা করোর ৪.৫০গী শেনফম পুথোক্কনি। অনৌবা নর্সরী ৩৫ লিংখৎনবা লুপা করোর ৪.০৯ থাদোকখি। ২০২৫-২৬কী শেনবা চহিদা হৌজিক ফাওবদা লুপা করোর ৫.২০ রোম থাদোকখ্রে, অমসুং অনৌবা নর্সরী ৫১ লিংখৎখ্রে।

২০২৩-২৪দা পি.এম.আর.কে.ভি.ৱাই.-অগ্রোফোরেস্ত্রী অসি হৌদোকখিবদগী অসামদা হৌজিক অহুমশুবা চহিদা লৈরি। প্রি-মিনরেল ফাইন্দিংশিংনা বেম্বু এগ্রোফোরেস্ত্রী য়াওনা ত্রীদা য়ুম্ফম ওইবা ফার্মিং সিস্তেমশিংগী খুত্থাংদা ইনকম দাইভর্সিফিকেসন অমসুং লাইবলিহুদ সপ্পোর্ত্তা কন্ত্রিব্যুসন উৎলি। ত্রী প্লান্তেসনগা লোইননা ইন্তর্ক্রোপশিং প্রমোৎ তৌবদা মীৎয়েং থম্লি, মসিনা লৌমীশিংদা ত্রী ক্রোপশিং থারিঙৈ মতমদা অতেনবা মতমগী ওইবা রিতর্নশিং ফংহনবদা মতেং পাংই, মসিনা শেন্মিৎলোনগী ওইথোকপা হেনগৎহল্লি অমসুং রিস্ক হন্থহল্লি।

মখা তানা, অসাম স্তেৎ বেম্বু মিসন (এ.এস.বি.এম.) না মরু ওইনা কার্বি আংলং অমসুং দিমা হাসাও দিস্ত্রিক্তশিংদা চাউরাক্না হেক্তর ১৫৮৫ কভর তৌদুনা ২০১৯দগী ২০২৬ ফাওবদা পাক-শন্না বেম্বু প্লান্তেসন ইনিসিয়েতিবশিং পায়খৎলি। মখোয়না নর্সরীশিং লিংখৎখ্রে, এৱারনেস প্রোগ্রামশিং পাংথোকখ্রে, অমসুং সাইন্তিফিক ওইবা বেম্বু কল্তিভেসনদা লৌমী ৩০০ রোমদা ত্রেনিং পীখ্রে। স্তদী অমনা জিলা অনিমক্তা বেম্বু রিসোর্স য়াম্না লৈ হায়বা উৎখি, মসিনা ক্লস্তর দিবেলপমেন্ত প্লান্নিংবু লাইথোকহল্লি। মিসন অসিনা আসাম বেম্বু কনক্লেবগুম্বা থৌরমশিংগী খুত্থাংদা এন্তর্প্রাইজ দিবেলপমেন্ততা শরুক য়াখ্রে অমসুং বেম্বু ইন্সেন্স স্তিক মেকিং ক্লস্তরদা শেলগী মতেং কয়া পীদুনা মতেং পাংখ্রে। শেন্মিৎলোনগী ওইবা ইম্পেক্তশিং অদুদা বেম্বুগী পোত্থোক লৈবা মখলশিং য়েন্থোকপা, পুন্সি মহিংগী খুদোংচাবশিং শেমগৎপা, অমসুং মহৈ-মরোং লাখ ৬ থাবগী থবক য়াওরি। স্কিল দিভেলপমেন্ত ত্রেনিংনা শরুক য়ারিবা মীওই ৪০০ হেনবদা কান্নবা পীখ্রে। মসিগী মথক্তা, খুৎলাই কিৎ ১,০২২ য়েন্থোকখি অমসুং প্রোসেস তৌরবা বেম্বুগী পোত্থোকশিং অসি অসাম পি.দবল্যু.দি. সেদ্যুলশিংগী রেৎশিংদা ইনকোর্পোরেৎ তৌদুনা মার্কেৎ এক্সেসসিবিলিতী হেনগৎহল্লি অমসুং বেম্বু আর্তিসানশিংদা থবক পীরি।

এন.ই.আর.দা বেম্বুদা য়ুম্ফম ওইবা ইকোনোমিক ক্লস্তরশিং শীজিন্নবা ঙম্নবা, দোনর মিনিস্ত্রীনা হৌখিবা মতমদা কার্বি আংলং (অসাম) অমসুং মোকোকচোং (নাগালেন্দ) কোনশিনবা, মার্কেত এক্সেস, প্রদক্ত মোদর্নাইজেসন, অমসুং দিজিতেল/রিতেল ইকোসিস্তেমশিংগা পুনশিন্নদুনা ত্রেদিস্নেল বেম্বু আর্তিসান ক্লস্তরশিং মপাঙ্গল কনখৎহন্নবা প্রোজেক্ত অনি অয়াবা পীখ্রে। মসিদা খ্বাইদগী ফবা প্রোসেসিং য়ুনিৎশিং, সর্টিফাইদ বেম্বু প্লান্তেসনশিং, অমসুং নহাশিং অমসুং আর্তিসানশিংদা অৱাংবা থাক্কী তেক্নোলোজীশিংদা ত্রেনিং পীবা য়াওরি।

এন.ই.সি.বি.দি.সি.না অৱাং নোংপোক্কী বেম্বুগী পোত্থোকশিং অসি মালেমগী থাক্তা লৈহন্নবা অৱাং নোংপোক্কী বেম্বুগী পোত্থোকশিং অসি নেস্নেল অমসুং ইন্তরনেস্নেল মার্কেৎশিংদা য়ৌহন্নবা ই-কমর্সকী মকোক থোংবা পার্তনরশিংগা লোয়ননা এম.ও.য়ু. খুৎয়েক পীনখ্রে।

হৌখিবা চহি ১০দা, এন.ই.সি.গী স্কিমশিংগী মখাদা এগ্রোফোরেস্ত্রী অমসুং বেম্বু সেক্তরগা মরী লৈনবা প্রোজেক্ত ৪২, লুপা করোর ২৩০.৩১গী তেংবাং পীখ্রে।

মসিগী পাউ অসি অৱাং নোংপোক লমদমগী চাউখৎ-থৌরাং মন্ত্রালয়গী রাজ্য মন্ত্রী দা. সুকান্তা মজুমদারনা ঙসি লোক সভাদা হংলকপা ৱাহং অমগী অইবা পাউখুম ওইনা পীখিবনি।

***