اپریل 2025 میں سری لنکا کے دورے کے دوران بھارتی وزیراعظم کے بیان کردہ وژن کے تسلسل کے طور پر، بھارت، سری لنکا میں  مہاتما بدھ کی مقدس دیونیموری باقیات کی نمائش کے ذریعے روحانی رابطے اور ثقافتی سفارت کاری کا ایک اہم اقدام کرنے جا رہا ہے۔ یہ مقدس باقیات، جو فی الحال مہاراجہ سیاجیراؤ یونیورسٹی، بارودا، ودوودرا میں نصب ہیں، 4 تا 10 فروری 2026 تک عوامی نمائش کے لیے کولمبو جائیں گے اور ان کی واپسی 11 فروری 2026 کو متوقع ہے۔ یہ مقدس سفر بھارت کی اس طویل مدتی تہذیبی ذمہ داری کو اجاگر کرتا ہے کہ وہ بدھ مت کی سرزمین کے طور پر اہم کردار ادا کرتا رہا ہے، اور بھارت و سری لنکا کے درمیان روحانی، ثقافتی اور عوامی تعلقات کو مزید مضبوط کرتا ہے۔

مقدس باقیات کے ہمراہ ایک اعلیٰ سطحی بھارتی وفد بھی ہوگا، جس کی قیادت گجرات کے گورنر  جناب آچاریا دیوورَت اور گجرات کےنائب وزیراعلیٰ  جناب ہرش سنگھوی کریں گے اور اس میں سینئر راہب اور حکام بھی شامل ہوں گے۔ قائم شدہ پروٹوکول اور باقیات کی حرمت کے مطابق، یہ سفر بھارتی فضائیہ کے ایک خصوصی طیارے کے ذریعے مکمل ریاستی اعزاز کے ساتھ کیا جائے گا، جو اس احترام کی عکاسی کرتا ہے جس کے ساتھ بھارت اپنی مقدس وراثت کو برقرار رکھتا ہے۔ وفد کولمبو میں رسمی، مذہبی اور سرکاری پروگراموں میں حصہ لے گا، جس میں نمائش کا باضابطہ افتتاح اور بھارت کی بدھ مت وراثت اور معاصر ثقافتی تعلقات کو اجاگر کرنے والی متعلقہ نمائشیں شامل ہیں۔

مقدس باقیات عوامی زیارت کے لیے کولمبو کے مقدس گنگارامایا مندر میں نصب کی جائیں گی، جو ملک کے سب سے مشہور اور روحانی طور پر اہم بدھ مت اداروں میں سے ایک ہے۔ اس مندر کی بنیاد انیسویں صدی کے اواخر میں محترم ہکّادووے سری سُمنگلا نائیکا تھیرہ نے رکھی تھی اور تب سے یہ عبادت، تعلیم اور ثقافتی تبادلے کا ایک اہم مرکز بن گیا ہے، جو اس نمائش کے لیے ایک موزوں اور باضابطہ ماحول فراہم کرتا ہے۔ ایک ایسے ملک میں جہاں بدھ مت ثقافتی اقدار، تاریخ اور روزمرہ زندگی کو تشکیل دیتا ہے، اس نمائش سے توقع کی جاتی ہے کہ یہ سری لنکا کے عقیدت مندوں کے دلوں میں گہرا اثر چھوڑے گا اور دونوں ممالک کی مشترکہ بدھ مت وراثت کو مزید مضبوط کرے گا۔

دیونیموری باقیات دیونیموری آثار قدیمہ کے مقام سے تعلق رکھتی ہیں، جو گجرات کے ارولی ضلع میں شملاجی کے قریب واقع ہے اور تاریخی و روحانی اعتبار سے بے حد اہمیت رکھتا ہے۔ پہلی بار اس کی کھدائی 1957 میں ممتاز آثار قدیمہ کے ماہر پروفیسر ایس۔ این۔ چودھری نے کی تھی، جس میں اہم بدھ مت عمارتیں اور باقیات دریافت ہوئیں، جو عیسوی صدیوں کے ابتدائی دور میں مغربی بھارت میں بدھ مت کے فروغ کی گواہی دیتی ہیں۔ یہ باقیات نہ صرف ایک انمول آثار قدیمہ کا خزانہ ہیں بلکہ  مہاتما بدھ  کی لازوال تعلیمات،امن، ہمدردی اور ہم آہنگی کی زندہ علامت بھی ہیں۔

دیونیموری استوپ کے اندر پائی جانے والی باقیات کی تابوت زمین کی سطح سے 24 فٹ کی بلندی پر واقع ہے اور یہ سبز شِسٹ سے بنی ہے۔ اس پر براہمی رسم الخط اور سنسکرت زبان میں نقش ہے، جس میں لکھا ہے:

’’دشابالا شریرا نیلے‘‘ یعنی بدھ کے جسمانی باقیات کا مقام

اس تابوت میں ایک تانبے کا ڈبہ موجود ہے جس میں مقدس راکھ کے ساتھ حیاتیاتی مواد، ریشمی کپڑا اور موتیوں کے دانے رکھے گئے ہیں۔ تابوت تین حصوں پر مشتمل ہے:جسم: بنیاد 6.8 انچ، اونچائی 2.9 انچ، کنارے کا قطر 4 انچ،ڈھکن: قطر 6.7 انچ، موٹائی 1.05 انچ، اونچائی 0.7 انچ،نوک/کوب: گول اوپر کے ساتھ، اونچائی 0.66 انچ، قطر 1.1 انچ،یہ تابوت نہ صرف تاریخی اور مذہبی اہمیت کا حامل ہے بلکہ بدھ مت کی مقدس تعلیمات اور روحانی وراثت کی نمائندگی بھی کرتا ہے۔

تانبے کے ڈبے کا اوپر اور نیچے سطح ہموار تھی اور اس پر ایک سلیپان ڈھکن تھا جو کنارے کی چوٹی پر فٹ ہوتا تھا۔ اس میں ریشمی کپڑا، سونے کی کوٹنگ والا چاندی،تانبے کی بوتل، مقدس راکھ کے ساتھ حیاتیاتی مواد، اور ڈھانپنے کے لیے کالی مٹی استعمال کیا گیا تھا۔

یہ چھوٹی، امفورا نما سونے کی کوٹنگ والی بوتل ایک ساگر بنیاد، سلنڈر نما جسم، اور تنگ گردن کے ساتھ اسکرو ٹائپ ڈھکن رکھتی تھی۔

اب یہ خشک کن مقدس باقیات کی میزبانی کر رہا ہے۔ اس کے اندر موجود اشیاء کی مزید خرابی کو روکنے کے لیے ہوا بند شیشے میں محفوظ کیا گیا ہے۔ باقیات، سونے کی کوٹنگ والی چاندی،تانبے کی بوتل اور ریشمی کپڑا، روئی کی بنیاد پر رکھے گئے ہیں تاکہ انہیں طویل مدت تک محفوظ رکھا جا سکے۔

روحانی اہمیت کے علاوہ، سری لنکا میں مقدس دیونیموری باقیات کی نمائش ایک اہم سفارتی مقصد بھی پورا کرتی ہے۔ یہ بھارت کی ثقافتی سفارت کاری کو آگے بڑھانے اور اس کی عوامی مرکزیت پر مبنی خارجہ پالیسی کو مستحکم کرنے کا ذریعہ ہے۔ بھارت اپنی سب سے مقدس بدھ مت وراثت سری لنکا کے ساتھ شیئر کر کے دو طرفہ تعلقات کی تہذیبی بنیادوں کو اجاگر کرتا ہے، جو مشترکہ عقیدے، تاریخ اور اقدار پر قائم ہیں۔ یہ نمائش سافٹ پاور کا ایک مؤثر آلہ ہے، جو عوامی تعلقات کو گہرا کرتی ہے، باہمی اعتماد بڑھاتی ہے اور رسمی سفارتی روابط کے ساتھ ایک گہری ثقافتی اور جذباتی گونج پیدا کرتی ہے۔ یہ بھارت کے عالمی بدھ مت ورثے کے ذمہ دار رکھوالے کے طور پر کردار کو بھی مضبوط کرتی ہے اور بھارتی بحرالکاہل کے پڑوسی خطے میں علاقائی ہم آہنگی کو فروغ دیتی ہے، جبکہ سری لنکا کو بھارت کے امن، استحکام اور باہمی تعاون کی بنیاد پر جنوب ایشیا میں مشترکہ رہنمائی کے قیمتی شراکت دار کے طور پر مستحکم کرتی ہے۔

سری لنکا میں آئندہ ہونے والی نمائش بھارت کی طویل روایت پر مبنی ہے جس میں اپنی بدھ مت وراثت کو دنیا کے ساتھ  مشترک کیا جاتا رہا ہے۔ حالیہ برسوں میں  مہاتما بدھ کی مقدس باقیات کو تھائی لینڈ، منگولیا، ویتنام، روسی فیڈریشن اور بھوٹان جیسے ممالک میں کامیابی کے ساتھ نمائش کے لیے پیش کیا گیا، جس نے لاکھوں عقیدت مندوں کو اپنی طرف متوجہ کیا اور عوامی تعلقات کو مضبوط بنایا۔ سری لنکا کی نمائش اس حالیہ اور خوب پذیرائی حاصل کرنے والی مقدس پِپراوہ زیول باقیات کی بھارت واپسی کے بعد بھی ہو رہی ہے، جسے وزیراعظم نے ایک انمول قومی خزانے کی واپسی کے طور پر سراہا تھا۔

اس نمائش کے ذریعے بھارت ایک بار پھر بدھ  مذہب  کا عالمی پیغام پہنچاتا ہے۔عدم تشدد، ہمدردی اور ہم آہنگی اور ثقافتی سفارت کاری اور عالمی ہم آہنگی کے لیے اپنی وابستگی کو مضبوط کرتا ہے۔ دیونیموری باقیات کا سری لنکا کے سفر  کوامن کی ایک طاقتور علامت کے طور پر پیش کرتا ہے، مشترکہ روحانی وراثت کا جشن مناتا ہے اور بھارت و سری لنکا کے درمیان صدیوں پر محیط تہذیبی تعلقات اور باہمی احترام پر مبنی خاص اور پائیدار دوستی کو دوبارہ مستحکم کرتا ہے۔

*****

(ش ح ۔ ش ت۔ م ذ)

U.No: 1462