آپریشن سندور کے بعد پیش ہونے والے پہلے مرکزی بجٹ میں ، دفاعی خدمات کومالی سال 2026-27 کے لیے تک کا اب تک کا سب سےبڑا 7.85 لاکھ کروڑ روپے کا بجٹ مختص کیا گیا ہے ۔  یہ مختص رقم اگلے مالی سال کے تخمینہ شدہ جی ڈی پی کا 2فیصد ہے اور مالی سال 26-2025 کے بجٹ تخمینے(بی ای) کے مقابلے میں 15.19 فیصد کا نمایاں اضافہ ظاہر کرتا ہے ۔ دفاعی بجٹ مرکزی حکومت کے  کل اخراجات کا 14.67 فیصد ہے اور وزارتوں میں سب سے زیادہ ہے ۔

مسلح افواج کی جدید کاری اور ان کی باقاعدہ ضروریات کی مالی فراہمی کے علاوہ ، نمایاں طور پر بڑھا ہوا مختص بجٹ ان مالی ضروریات کو بھی پورا کرے گا جو آپریشن سندور کے بعدسرمایہ اور آمدنی دونوں زمروں کے تحت اسلحہ اور گولہ بارود کی ہنگامی خریداری کی وجہ سے پیدا ہوئی ہیں۔  دفاعی بجٹ کا 2.19 لاکھ کروڑ روپے کا ایک بڑا حصہ سرمایہ جاتی اخراجات کے لیے مختص کیا گیا ہے جبکہ 1.80 لاکھ کروڑ روپے مالی سال 26-2025 کے بجٹ تخمینے کے طور پر مختص کیے گئے تھے ۔  اس بڑے بجٹ کی فراہمی کے ذریعے حکومت نے آتم نربھر بھارت کے ہدف کی سمت میں اسٹریٹجک  پیش قدمی  کےساتھ مسلح افواج اور ان کی صلاحیتوں کو دنیا کے اعلی ترین معیار میں تبدیل کرنے کے تئیں اپنے عزم کا اعادہ کیا ہے ۔

وزارت دفاع کے لیے مختص کل رقم میں سے 27.95 فیصد سرمایہ جاتی اخراجات کے لیے ، 20.17 فیصدرقم یومیہ ضروریات اور آپریشنل تیاریوں پر محصولاتی اخراجات کے لیے ، 26.40 فیصد تنخواہ اور الاؤنس پر محصولاتی اخراجات کے لیے ، 21.84 فیصد دفاعی پنشن کے لیے اور 3.64 فیصد سول تنظیموں کے لیے مختص ہے ۔

مسلح افواج کی جدید کاری- اسٹریٹجک مقصد

مالی سال 2026-27 کے لیے دفاعی افواج کے کیپٹل ہیڈ کے تحت مختص بجٹ 2,19,306.47 لاکھ کروڑ روپے ہے ، جو مالی سال 2025-26 کے بجٹ تخمینوں سے 21.84 فیصد زیادہ ہے ۔اس میں سے 1.85 لاکھ کروڑ روپے کیپٹل ایکویزیشن کے لیے مختص کیے گئے ہیں ، جو مالی سال 26-2025 کے کیپٹل ایکویزیشن بجٹ سے تقریبا 24فیصد زیادہ ہے ۔موجودہ جغرافیائی و سیاسی منظر نامے میں ، جدید کاری کے بجٹ میں بڑی چھلانگ ایک اسٹریٹجک ضرورت ہے ۔مالی سال 2025-26 کے دوران ، تیسری سہ ماہی یعنی دسمبر 2025 تک ، وزارت دفاع نے 2.10 لاکھ کروڑ روپے کے معاہدے مکمل کیے ہیں اور اب تک 3.50 لاکھ کروڑ روپے سے زیادہ کی ضرورت کی منظوری دی ہے ۔ کیپٹل ایکویزیشن کے تحت آنے والے منصوبوں سے مسلح افواج کو اگلی نسل کے جنگی طیاروں ، اسمارٹ اور مہلک ہتھیاروں ، بحری جہازوں/آبدوزوں ، بغیر پائلٹ کی فضائی گاڑیوں ، ڈرونز ، خصوصی گاڑیوں وغیرہ سےلیس کیا جائے گا۔

آتم نربھرتا پر زور

عالمی سپلائی چین میں رکاوٹ اور غیر ملکی فروخت کنندگان پر گھریلو مصنوعات کو ترجیح دینے سے درآمدی متبادل اور نہ صرف معاش بلکہ مستقبل کی جدید کاری کے لیے مقامی ساخت کی ضرورت پر از سر نو زور دیا گیاہے ۔  اس کے مطابق ، بجٹ پالیسی کے ذریعے گھریلو صنعتوں کو فروغ دینے کے واسطے فنڈ مختص کرنے کی وزارت دفاع کی پالیسی کو 1.39 لاکھ کروڑ روپے یعنی مالی سال 27-2026 کے دوران گھریلو صنعتوں کے ذریعے خریداری کے لیے کیپٹل ایکویزیشن بجٹ کا 75 فیصدمختص کرنے سے مزید تقویت ملی ہے ۔  فنڈ کے اس طرح کے تعین کے ذریعے ، گھریلوکمپنیوں کو اپنی سرمایہ کاری اور مسلح افواج کی صلاحیت  سازی میں ان کے بڑھتے ہوئے بڑے کردار کے بارے میں یقین دلایا گیا ہے ۔ کیپٹل ایکویزیشن کے لیے مختص رقم میں اضافہ ، خاص طور پر گھریلو صنعتوں کے لیےقومی معیشت پر طویل مدتی مثبت اثرات مرتب کرے گا اور بہت ساری ذیلی صنعتوں کی ترقی کا باعث بنے گا ، جس سے ملک میں روزگار کے مواقع پیدا ہوں گے۔

دفاعی بجٹ میں ریونیو زمرے کے تحت اخراجات کے لیے 365,478.98 کروڑ روپے کا بندوبست کیا گیا ہے ۔  یہ مختص رقم بجٹ تخمینہ 26-2025 میں مختص رقم سے 17.24 فیصد زیادہ ہے ۔  اس میں سے 1,58,296.98 کروڑ روپے آپریشن اوریومیہ ضروریات سے متعلق اخراجات کے لیے اور بقیہ تنخواہ اور الاؤنس کے لیے مختص کیے گئے ہیں ۔  آئندہ مالی سال کے لیے اس ضمن میں بجٹ کی فراہمی آپریشنل طور پر اہم اسٹورز ، اسپیئر پارٹس وغیرہ کی خریداری میں سہولت فراہم کرے گی اور ان کی روزمرہ کی ضروریات کو پورا کرنے کے علاوہ اہم پلیٹ فارموں کی دیکھ بھال کو یقینی بنائے گا ۔

سرحدی علاقوں کی ترقی پر بڑا زور

حکومت نے بارڈر روڈز آرگنائزیشن (بی آر او) کو زیادہ رقم مختص کرکے سرحدی علاقوں میں بہتر بنیادی ڈھانچہ فراہم کرنے کے تئیں اپنے عزم کا اعادہ کیا ہے۔  اس کے مطابق ، بجٹ تخمینہ2026-27 کے لیے سرمایہ کے تحت بی آر او کے لیے مختص بجٹ مالی سال 26-2025 کے 7,146.50 کروڑ روپے سے بڑھا کر 7394 کروڑ روپے کر دیا گیا ہے ۔  مذکورہ مختص رقم اسٹریٹجک لحاظ سے اہم شمار ہونے والے بہت سےمنصوبوں جیسے سرنگوں ، پلوں ، ہوائی اڈوں وغیرہ کی ضروریات کو پورا کرے گی  اور سرحدی علاقوں میں آخری میل تک رابطہ فراہم کرنے کے ساتھ ساتھ علاقائی ترقی اور سیاحت کو فروغ دے گا۔

سابق فوجیوں کے لیے صحت کی نگہداشت

حکومت  نےسابق فوجیوں کی شراکتی صحت اسکیم (ای سی ایچ ایس) کے  تحت مختص رقم میں اضافہ کرکے سابق فوجیوں اور ان کے زیر کفالت افراد کو بہترین صحت کی سہولیات فراہم کرنے کے لیے عہدبندی ظاہر کی ہے ۔  مالی سال 27-2026 کے سالانہ بجٹ میں ای سی ایچ ایس کو 12,100 کروڑ روپے کی رقم مختص کی گئی ہے جو کہ بجٹ  تخمینہ کے  مرحلے پر رواں سال کی مختص رقم سے 45.49 فیصد زیادہ ہے ۔  مذکورہ مختص رقم سے سابق فوجیوں کے طبی علاج سے متعلق اخراجات (ایم ٹی آر ای) کے لیے فنڈ فراہم ہوگا ۔  ای سی ایچ ایس کے لئے مختص رقم میں مالی سال 22-2021 کے بجٹ  تخمینہ کے مقابلے میں پچھلے پانچ سالوں میں300فیصد سے زیادہ کا اضافہ کیا گیا ہے ۔

دفاعی شعبہ میں تحقیق و ترقی کا فروغ

دفاعی تحقیق و ترقی کی تنظیم (ڈی آر ڈی او) کے لئے مختص بجٹ کو مالی سال 27-2026 میں بڑھا کر 29,100.25 کروڑ روپے کردیا گیا ہے جو مالی سال 26-2025 میں 26,816.82 کروڑ روپے تھا ۔  اس مختص رقم میں سے 17,250.25 کروڑ روپے کا بڑا حصہ سرمایہ جاتی اخراجات کے لیے مختص کیا گیا ہے ۔

دفاعی پنشن کے بجٹ میں اضافہ

دفاعی پنشن کے سلسلے میں کل مختص بجٹ 1,71,338.22 کروڑ روپے ہے ، جو بجٹ تخمینہ2025-26 کے دوران مختص رقم سے 6.56 فیصد زیادہ ہے ۔  یہ بجٹ ایس پی اے آر ایس ایچ اور پنشن تقسیم کرنے والے دیگر حکام کے ذریعے 34 لاکھ سے زیادہ پنشن یافتگان کو ماہانہ پنشن کی فراہمی پر صرف کیا جائے گا ۔

سوشل میڈیا پلیٹ فارم ایکس پر ایک پوسٹ کے ذریعے ، وزیر دفاع جناب راج ناتھ سنگھ نے وزیر اعظم جناب نریندر مودی کا شکریہ ادا کرتے ہوئے کہا کہ ان کی دور اندیش قیادت میں وکست بھارت کی طرف ہندوستان کا سفر مسلسل رفتار پکڑ رہا ہے ۔  انہوں نے وزیر خزانہ محترمہ نرملا سیتا رمن کو ایسا بجٹ پیش کرنے کے لیے بھی مبارکباد دی جس کا مقصد ’’امنگوں کوحصولیابی میں تبدیل کرنا‘‘ اور ‘‘صلاحیت کو کارکردگی میں تبدیل کرنا‘‘ ہے ۔  انہوں نے کہا کہ یہ ’’یووا شکتی پر مبنی بجٹ‘‘ وزیر اعظم مودی کے آتم نربھر اور وکست بھارت کے وژن کو مزید تقویت بخشے گا ۔

وزیر دفاع نے مزید کہا کہ تینوں کرتویوں سے  تحریک پاکر اس بجٹ کا مقصد اقتصادی ترقی کو تیز کرنا اور اس کی رفتار برقرار رکھنا ، لوگوں کی امنگوں کو پورا کرنا اور سب لوگوں کی بامعنی شرکت کو یقینی بنانا ہے ۔  انہوں نے کہا کہ یہ ترجیحات مل کر جامع ترقی کو آگے بڑھائیں گی ، مینوفیکچرنگ کے شعبے کو فروغ دیں گی اور پائیدار بنیادی ڈھانچہ تشکیل دیں گی ۔  انہوں نے کہا کہ یہ بجٹ اس بات کو یقینی بنانے کے لیے  ترتیب دیا گیا ہے کہ ترقی کے فوائد معاشرے کے ہر طبقے تک پہنچیں ، جس میں غریبوں ، پسماندہ برادریوں اور پسماندہ لوگوں پر خصوصی توجہ دی جائے ۔

555555555555555555555

جناب راج ناتھ سنگھ نے مرکزی بجٹ 2026-27 میں دفاعی شعبے کے لیے 7.85 لاکھ کروڑ روپے مختص کرنے پر وزیر اعظم مودی کا شکریہ ادا کرتے ہوئے کہا کہ یہ بجٹ سلامتی-ترقی-خود انحصاری کے توازن کو مضبوط کرتا ہے اور یہ ملک کے بہترین مفاد میں ہے ۔  انہوں نے زور دے کر کہا کہ یہ بجٹ ، جو آپریشن سندور کی تاریخی کامیابی کے بعد آیا ہے ، ملک کے سلامتی  کےنظام کو تقویت دینے اور فوجی صلاحیتوں کو بڑھانے کے تئیں حکومت کے عزم کو مزید تقویت دینے والا ہے ۔

ای سی ایچ ایس کے تحت مختص رقم میں اضافے پر  وزیر دفاع نے اسے سابق فوجیوں کی فلاح و بہبود کے تئیں حکومت کی عہدبندی کا ثبوت قرار دیا ۔

प्रधानमंत्री श्री @narendramodi के मार्गदर्शन में तैयार एवं वित्त मंत्री @nsitharaman जी द्वारा प्रस्तुत, इस शानदार बजट के लिए मैं उन्हें हार्दिक बधाई देता हूँ। यह जनभावनाओं और जन-अपेक्षाओं पर खरा उतरने वाला बजट है। साथ ही, यह बजट प्रधानमंत्रीजी के आत्मनिर्भर भारत और विकसित भारत…

— Rajnath Singh (@rajnathsingh) February 1, 2026

****

 

(ش ح –م ش ع۔اش ق)

U. No. 1378

 

(रिलीज़ आईडी: 2221751) आगंतुक पटल : 13